八點去到無book位話要等30分鐘，20分鐘後返黎就話有位。見門口話憑賽車票尾有贈飲，原來係sangria，果味濃郁，唔錯。葡式檸檬白酒煮蜆：都幾大蝶，蜆都幾新鮮，個汁點麵包仲正焗鴨飯：夠熱辣辣，鴨絲都幾多，加埋個臘腸幾好。但個人覺得唔夠海灣餐廳香同入味。蒜蓉炒椰菜：椰菜有菜味、蒜蓉香，好快食晒成碟

銀河卡有九折，成餐飯只需$260（二人），我覺得幾抵食

有好一段時間無去誠昌，突然掛住水蟹粥，即去。

搭酒店專車到官也街，可能時間尚早（12nn) 唔係好多人，即去誠昌，免得要排隊。

去到門口，姐姐話正店滿咗，帶我地去另一邊，幾步路就到。水蟹粥：細$150 有4碗，大$180有6碗，大抵D，所以揀大。粥底依舊綿綿，蟹膏好似無以前咁多，但味道都幾好。蟹肉就小D，同埋食到尾好多殼碎。炸墨魚丸＋鯪魚球：兩樣都好好食，熱辣辣又彈牙，不過鯪魚球就咸左少少

之前試過幾次都訂唔到，今次早個半月終於成功！原來要填form留credit card information ，到時唔出現要扣deposit。因要睇賽車，所以都幾急，一完賽事即飛奔去新葡京。首先到39/F reception, 然後用專lift 上43/F. 服務員好有禮貌咁帶我地到張枱，由於好多玻璃，光線充足，枱唔枱又有適當距離，modern decoration，感覺好好。

之前上網已經睇左menu（其實已經識背）揀好晒，點知服務員比我份menu有一半唔一樣，又要由頭睇過...落order 之後，服務員送上麵包籃，然後有架牛油餐車，可選有鹽或無鹽，貪心的我就兩樣都要。
比較之下無鹽仲正，香D滑D。

麵包微暖，種類唔多，芝士包最好味。Welcome dish: 粟米湯伴檸檬jelly，粟米湯in foam form, 好有粟米味，檸檬jelly好fresh炸蛋：賣相好靚，炸蛋加埋sauce好夾，口感有層次，正！海鮮湯：湯好濃海鮮味，配上脆炸魚，超正！烤雞伴鵝肝：雞肉外面香脆，雞肉味濃但又嫩，好好食。鵝肝同平時鐵板燒有D唔同，雖然都係外脆，但無咁dry，而內面就好軟，入口即溶，勁正！和牛鵝肝迷你漢堡：另+$90，都好食不過就無乜surprise，有D後悔甜品：可選兩款，最後揀咗拿破倫（服務員推）＆朱古力tart. 拿破倫皮由多塊好薄脆脆組成，vanilla cream 好香又唔heavy，超正！朱古力tart有焦糖，焦糖好香，我至愛！

最後上埋coffee tea，perfect ending. 但由於趕時間，我request 服務員幫我打包petit four，佢地幫我地pack得靚靚，超好service.

成個lunch都非常滿意，不過希望佢地記得update 網上menu！

去大三巴經過見好多人，所以過去睇下。

原來係咖喱魚蛋同串串，見咁多人買，我地又要食...

見牆身寫住「不設排隊...」，下？要自己執串串放落個盤到，然後比佢計數同煮熟，加秘製醬汁同咖喱。我知點解咁多人... 因為亂到爆。第一，D串串無價錢，一盤餸比姐姐佢就會好快咁講價錢，無得問。第二，D客又迫不得意要行開因為太多人啦，姐姐煮好D串串，會周圍問邊個架邊個架，D客也聽唔到，勁亂。第三，D客會加單，但好多時又加落唔知邊個道，超亂...經過一輪大混戰，終於都有得食啦。様様都幾好食，個汁好香。但由於太混亂，下次會等少D人先再食。

每次去澳門，「食」可以話係重點，今次去三日兩夜多D時間試下其他餐廳。

第一餐就揀間近酒店嘅意大利餐廳（本人超鍾意食意大利菜，之前食開Don Alfonso，不過怕麻煩要出澳門半島，所以都係近近地兼試下新野啦）。Set lunch 只係$140 起包湯／salad bar，主菜，甜品加$40.
最後我地二人叫左一個2 course + 一個3 course。

服務員問我地要有汽水或蒸溜水，我問有無普通水，她答蒸溜水？咁我話sparkling water 啦。事後見格離枱有免費水，唔通我問得唔好？

見格離枱食客著suit，有D似酒店職員，路住見好多人過黎say hi，成間餐廳好似員工返堂咁。Salad bar: 選擇唔多，有自己溝嘅salad、多種蕃茄（dried, roast, fresh, salad & with mozzarella cheese)、油浸茄子、南瓜、露筍等，味道就普通啦麵包：好大個，暖暖地，幾好味（當然同Don Alfonso無得比）Main course: 意粉幾好，有口感又有海鮮味。海鮮都幾豐富。另一個魚就唔得，有D似中式蒸魚，但無䜴油仲要腥腥地...梨tart配雪榚：梨tart超多梨，唔太甜，配埋雪榚幾好

其實整體食物普通，不過以酒店餐廳來講，算ok

要試好野，又要食得精明，最好就係食lunch。通常高級餐廳(尤其日本菜) lunch set 比dinner 平30%以上，澳門有咁多靚靚高級酒店，高級餐廳就更多啦，所以今次每次去澳門一定會周圍試。
聽人話天政係香港同澳門最好食ge天婦羅，之前上網睇過lunch set 都係$288起，出去行下之後見食得落 (酒店自助早餐好飽) 就打去試下訂枱 (心諗星期六應該好full)，竟然有位，於是立即出發。
1:30pm到，入去要除鞋，然後可選擇坐table 或tempura 枱，環顧四周 table 得幾枱客，而tempura 枱坐假tatami更無人，於是坐tempura 枱 (一來靜d，二來除左鞋坐table 怪怪的)。落地玻璃海景，環境優雅舒適，仲要無其人，感覺超正。跟住著住和服waitress 好好禮貌送上熱茶同menu，我同老公立即夾下食邊個餐。
原本打算食個$288海鮮雜菜餅天婦羅飯餐及$388天don餐 (多蝦兩隻、魚一件及野菜三款)。但Waitress行過黎話推介下時，提到前兩個set是師傅於煮ge，要$538竹套餐(蝦兩隻、魚兩件、野菜五款及天婦羅飯) 先有師傅於席前炸，所有推介我地食$538再加一個牛根豆腐鍋，太好主意啦，於是即刻落order。跟住好快有個日本師傅入黎，用半咸淡廣東話+國語介紹食材，然後立即開始。師傅先試油溫，首先炸蝦 – 個脆漿超薄又鬆化，蝦肉新鮮彈牙。魚 - 脆漿一樣正再加上魚肉超嫩滑，真係第一次食咁好味ge天婦羅魚。魚餅 – 好香蝦味。野菜五款 – 舞茸最得，其他都好食。最後天婦羅飯特別幫我地分成兩份，服務好細心。最後上埋個牛根豆腐鍋，雖說唔太特別，但好大份，足夠二人食有餘

今次同老公去澳門其中一個重點就是潮拜這間以whisky為主題的bar。
晚上8時，去到galaxy 二樓reception，看見左邊是意大利餐廳，右邊是Macallan bar。表明想去bar後，reception 姐姐帶我地入去，環境好英式，好似英國豪宅屋企，有好多sofa、玻璃whisky櫃(放左好多珍藏whisky，包括50yrs) 、有個火爐同背後放左好多whisky bar枱。但未坐低已經聞到好厲害cigar 味，原來有一枱外國朋友食緊，好彩坐下坐下都接受到。
一場黎到，梗係要試whisky啦。Waitress放低一本menu (我覺得似bible多d)，老公一邊研究一邊話好多款whisky，而
且仲有珍藏介紹tim。我點了cocktail，而老公仲心大心細要邊個set好 (有macallan set, worldwide set, Scottish whisky set 等等)，最後梗係要macallan set啦，再加個pizza 當晚餐。
Waitress 立即送上nuts，surprising d nuts係熱ge，超好味﹗好快已KO左一半。
Cocktail - macallan classic MOP$60 – big ice ball 好靚呀… 入口即有whisky味同有少少橙味，好易入口，以我平時唔係好飲酒ge都覺得好飲，值得一試Macallan set – ‘THE FINE OAKS THROUGH TIME’ MOP$588 – 個名好得，set 包括macallan 12yrs, 15yrs, 17yrs, 21yrs & 25yrs 共5小杯。我地先逐一聞下，再由12年開，一杯一杯與上一個年份品嘗同比較。個set會跟一份menu有每隻酒特性及味道。唔同年份會有唔同ge味道，例如nuts, oak, honey, caramel … so interesting…Four cheeses pizza MOP$145 – cheese 超香，意式薄脆餅底，每種cheese都有唔同味道，好好食。 Cheese lover must try!!