evelynic 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2021-11-08
鋪頭雖然唔大但有好野揀形形色色既韓國小菜,擺放整齊睇落乾淨衞生,當然少不了泡菜仲有芽菜、辣炒魚糕、韓式豬腳、醬汁牛肋骨等等,除左小菜之外有便當、拌飯、炸雞、紫菜包飯⋯ 懶得諗咁多就order 便當,有6款選擇,揀左照燒雞肉配菜就按照店當天隨機而定的,今次有炸紫菜粉絲卷、餃子、黑豆、泡菜,飯用左紅米飯但飯有少少乾身(明既高纖食物)而照燒雞肉薄片醃得很入味配飯一流~ 一餐有齊各種謍養,好有家嘅感覺,有時候一個人食唔多咁多款式既菜式,份量其實好岩上班一族,女士就有多無少,男士都夠飽肚 評分: 味道 3 環境 3 服務 3 衛生 3 抵食 3
2021-09-23
INN - I’m Not Nothing 好快手咁係荔枝角、元朗、九龍灣都開左分店,風格走歐洲簡約路線,以白為主調,放置羅馬柱,又擺放唔少植物,掛上細細盞嘅水晶吊燈,黑白藤編椅配白色雲石檯,環境好打卡able 午餐嘅選擇都唔少,有意粉又有肉類仲配埋餐湯埋嘢飲,所以其實都幾飽肚 是日餐湯係黑松露蘑菇湯,黑松露香味突出係個質地有啲稀, ,但整體確喺唔錯嘅 香燒焗豬肉眼,件肉眼勁大件,成吋厚,最緊要喺煎得香脆,而肉質軟腍鬆化,配菜係幼滑嘅薯蓉同翠玉瓜,呢個真係覺得好值得推介 派對白桃烏龍茶,白桃味好香,但茶味唔太出味,不過有杯熱飲都幾好嘅 炸魚薯條好新鮮熱辣辣咁,炸粉脆口、魚肉夠嫩滑而且多汁,薯條就正常 熱情果梳打見到有成半粒嘅熱情果,酸酸甜甜有幾開胃 評分: 味道 4 環境 3 服務 3 衛生 3 抵食 3
2021-09-15
荃灣新開Cafe「HIKARI」有兩層,樓底夠高,空間感十足。咖啡店裝潢大走日式簡約路線 . 酸種吐司、醬料和配料都可以自由配搭。麵包有蕎麥同五穀2款可供選擇。醬料方面分別有蛋黃醬和鮮茄蓉,配料選擇非常多,包括有煙三文魚、慢煮雞胸、牛油果、黑松露炒蛋等。 . 今次我揀黑松露炒滑蛋、牛油果、雜菌同蟹肉,廚師配搭得好好👍🏻黑松露炒蛋好香松露味又唔會太油,菇菌配上蕃茄蓉超級清新~ . 甜品方面就是試咗芒果mousse蛋糕,細細件配上食用花,用黎打卡一流,食超香芒果味但又唔會太甜 . 飲品方面,竟然有得加CBD油!不過好少飲咖啡就叫咗杯抹茶拿鐵,用咗丸久小山園抹茶沖出嚟一定唔會差,飲落去一啲都唔會苦澀,仲可以選擇用豆奶或者燕麥奶,好啱唔飲奶類嘅我😌 整體感覺良好可以再次幫襯 評分: 味道 3 環境 4 服務 4 衛生 4 抵食 3
2021-07-23
D2 Place 不停有新店進駐,Rustico可以話係是其中一間老店。餐廳設計好有傳統西班牙風味,充滿懷舊感再襯埋荔枝角街景,好有feel~ . Menu 都係紅色ga! 落單之後會送上蕃茄香蒜多士同橄欖油。 Order 左傳統西班牙辣肉腸醬汁鷹咀豆燴牛肚,牛肚好夠淋又嫩再用麵包點醬汁一齊食,好正 . 脆炸鱈魚忌廉球 外香脆內軟滑的質感,輕而易舉已經獲得了歡心 . 西班牙燴飯中的海鮮種類尚算可以,飯食到有「骨」係正宗口味, 湯汁收得剛好 . 炭燒黑毛豬加時令蔬菜,生熟程度恰當,肉質嫩而不老,香兼juicy,係豬頸肉油脂太高其他都好食 . 甜品時間,有我大愛既炸西班牙Churro (即係油炸鬼)伴香草雪糕巧克力慕斯, 外酥脆、內柔軟,趁熱食最美味,一冷一熱,味覺層次感更加豐富 一杯紅/白Sangria,酸酸甜甜,果香頗豐富,清香易飲可以消去初夏的悶熱感覺 評分: 味道 3 環境 4 服務 4 衛生 3 抵食 3
2021-07-20
佐敦開咗間北海道牛乳蛋糕店,門面好光鮮,仲見到員工喺度整蛋糕,睇落好新鮮~ 除咗一個咁嘅蛋糕之外仲有唔同既撻類同埋泡芙,仲可以有座位即場品嘗 . 北海道原味泡芙超巨型,大大裡面很多奶油,直接吃,可以當雪糕而忌廉餡香濃幼滑 . 酸乳酪芝士批,幼滑嘅酸乳酪同芝士比例岩岩好,唔會太黏口而牛油曲奇皮夠香酥 . 冰鎮檸檬吉士撻,牛油曲奇皮配上酸甜清新又細膩的檸檬饀,好岩炎夏,冰凉酸甜,食多多都不會膩 . 流心芝士古早味蛋糕上層有D芝士粉,雖然其貌不揚但帶有濃濃蛋香而口感係軟熟得黎有D扎實、奶香味濃郁、咬落啖啖咸香芝士拉絲,好邪惡 評分: 味道 4 環境 4 服務 4 衛生 4 抵食 4
|