Seoulmate (銅鑼灣)

一路都知Seoulmate 係韓國餐廳, 最出名既菜式係一舊雲下泡菜炒飯, 上到去見到有室內室外座位, 室內仲有好很得意既呈雲狀吊燈, 好明顯Seoulmate café 係一間黃店啦

1️⃣
叫左魚糕泡菜年糕係「泡菜國」既美食精髓, 年糕Q彈有嚼勁, 但就一D都唔夠spicy
2️⃣
焗蕃茄泡菜芝士豆腐, 酸酸甜甜嘅茄蓉配上辣泡菜非常開胃, 如果多D芝士同再熱D仲正 , 不過都值得推介俾大家
3️⃣
韓燒豬仔脾 鐵板芝士配蕃薯條,豬仔脾同黑胡椒醃製，再放入焗爐烤以鎖緊肉汁 肉質結實彈牙，完全唔韌, 芝士充滿鹹香之餘仲可以拉絲，捲落豬仔脾到一齊食更加香口惹味!所以韓國唔一定要食炸雞, 呢個芝士豬仔脾都好可以 , 甜薯條唔會好似一般炸薯條咁油，但佢又好脆,感覺又健康嘅左

Espresso Alchemy (尖沙咀)

第一次食Espresso Alchemy 係荃灣，當時覺得性價比高，尖沙咀應該有2間，今日就去左海港城。Café 係cheesecake factory 隔離 我記得之前係八天堂（賣忌廉包）
Café 用左開放式設計，酒紅色佈局加雲石枱 少少懷舊得黎又帶點高貴，當日去到都要排一陣隊 證明係食肆林立既商場，人氣都唔低! 靠門口的位置有一大片對著外面既落地玻璃可以見到街道既人同車，係café 既重點~
 
青醬烤雞意大利三文治
意想不到青醬其實唔難食，意大利包烤至鬆脆，表面的網紋烤印令賣相加分不少
烤雞再加上中間夾層有蕃茄，餡料充足，雞肉算嫩但如果半溶車打芝士再多D， 層次感就會豐富D 更吸引
 
Cappuccino
有普通和大杯裝之分，自己加左HK$2 轉左oat milk，味道濃醇帶麥香，口感幼滑
 
烤雞菠蘿漢堡配檸檬乳酪醬
識食一定食呢個Burger! 叠得高高的漢堡 Size 比我想像中大 ，仲夾住2塊雞扒
雞扒煎得香脆，皮脆肉嫩加埋菠蘿，蕃茄同生菜，咬落勁Juicy 而且味道酸酸甜甜好開胃~伴碟係Roasted Potato 香口得黎口感軟綿。美中不足係成個漢堡比較容易分離，難免要分開食～

NUTTEA (旺角)

當初由台灣首次引進香港時，第一間分店係新蒲崗萬迪廣場，地點唔太方便所以一路都想試，宜家連旺角都有分店，好方便新界既朋友~

NUTTEA顧名思義以堅果茶為招牌所以好岩純素人士或者唔太飲幼既朋友(其實我好少飲奶類因為好容易會有胃酸問題)，見到Menu大部分飲品都配合唔同茶底或者生果變成各種純素飲品

堅果奶具有抗衰老、減少壞膽固醇、預防高血壓仲有膳食纖維，營養價值相當高，追求健康既人超岩啦

天氣好凍，所以好想飲熱嘅~ order 左
- 黑芝芝堅果奶(無糖版) 用左黑芝麻醬黎沖 飲落好順口 唔係用粉沖果種 沙沙口感又淡味 最驚有種油耗味

- 黑糖薑薑堅果奶仲好飲雖然甜度固定但唔會好甜，薑的味道同黑糖配合得岩岩好，唔太嗆口。

下次應該飲下奶蓋茶，可以用枝會鏟黎食～ 好鬼得意，近排仲出埋nut butter 其實都好吸引，希望再出多D 其他味道

Lucy Coffee N Food (長沙灣)

間Cafe已經黎好多次，好鍾意食佢地既抹茶蛋糕
店舖嘅設計好有vintage嘅感覺，店內懷舊點播機同唱碟加上木椅令整體風格較似美國復古風，果日食過以下既食物

車打芝士炒蛋酸種包
這比較普通但麵包口感我個人覺得還是偏硬

咖啡半熟芝士蛋糕
店芝士蛋糕很香很軟很滑，咖啡味濃郁，整件甜度完美恰好

抹茶提拉米蘇
這款甜品只限堂食，面頭嘅抹茶粉好多，下一層嘅抹茶芝士忌廉好creamy 好重抹茶味，用匙羹拔到底，會見到浸左咖啡酒既蛋糕，水準真心高，唔會剛烈到變左主角，同甘澀茶味平分秋色超好食！

一禪 (九龍城)

1月1號終於下決心去九龍城廣場既的一禪食野 明顯係專程過去果頭，因為唔會有其他目的要到九龍城XD，最裡面有一個日式用餐空間(榻榻米座位)係要除鞋進入。當時無人係入面即刻心心眼扮自己去左日本都好啊~
收銀櫃位有一個蛋糕點心盤見到海鹽朱古力曲奇，預左食唔哂所以外帶返家做第2日既早餐，海鹽朱古力曲奇表面脆，內裡軟但同平時食既有D 唔同 (唔知係5係vegan version 呢?)
-
英式早餐($80)
食材豐盛，有車厘茄、蘑菇、雜菜沙律、炒蛋、薯餅、鷹咀豆、牛油果同酸種麵包，味道好好，而且分量都唔算少不過酸種麵包就有D 乾硬，要比個like岩岩炸起既薯餅熱辣辣又香脆
-
豆腐焙茶用一磚磚果種豆腐打，口感幾幼滑同稠密，亦很香焙茶味，兩者味道都幾夾，非常有驚喜，雖然唔記得走甜但都唔太甜