以前常常會到聰嫂吃甜品，
最愛這裡的龍眼椰果冰及榴槤水晶珠。
隔了半年再來，甜品質素好像是不如前。
首先兩碗甜品的水晶珠，
之前是彈牙及QQ的，
現在的只是大菜糕做成的，口感大不如前。
龍眼椰果冰的份量及果肉也像以前一樣香甜，
相反榴槤水昌珠很少榴槤肉，而且榴槤也沒有之前那麼香。
如果下次再來，只會點龍眼椰果冰

這天慕名到茶木，等候的人比銅鑼灣店少，
約20分鐘已經安排入座。
有別於台灣CAFE，這裡桌子與桌子間的距離很少，
沒有台灣CAFE那種悠閒感覺。

點了香辣牛肉麵，炸豬排肉燥飯，胡椒豆腐及珍珠奶茶。
香辣牛肉麵: 麵質很好，彈牙，牛肉很入味，可是湯不夠香濃
炸豬排肉燥飯: 頗油膩，豬排不夠鬆軟，而且不夠香，有點怪怪的味道
胡椒豆腐: 豆腐很滑，頭兩件覺得不錯，但其實沒有胡椒味，只有麻辣味，
               很多花椒夾雜在肉粒裡面，而且用麻辣油浸著豆腐，底層的豆腐已經給油浸到變淋了
珍珠奶茶: 用OPENRICE COUPON贈送的，但只可以選擇冷，不可選擇熱，令人不解

侍應雖然態度不錯，
但有些地方應改善，好像送牛肉麵來，又不給客人筷子湯匙，
用鐵叉及鐵匙很不方便....

柴灣的酒樓選擇不多，所以該區的質素也很一般。
比較好的是權發，但慢慢開始已經差到唔想想嚟。

在這裡試過下午茶及晚飯，
首先講下午茶，明明有好多檯，
伙記及部長都要求你搭檯
點心選擇頗多，但味道同賣相則一般。

至於晚飯，第一次就覺得唔錯，
但越來越不濟，好似即燒BB豬，只係得個油字，無香味....
餸菜沒有鑊氣，而且偏鹹，價錢也不便宜....
送的糖水更加可以不吃，只有杰杰的芡....

服務就更加唔駛講，
張檯喺冷氣機下，滴晒D水落嚟，
伙記只係幫你吸水，又唔肯換檯，唉....

以往一直都有在味皇下午茶，
最近發覺呢度一次比一次退步。

下午茶通常會點下列兩樣食物:
(1)鹽焗雞或貴妃雞米線
     由最初香濃嘅胡椒味湯底，已經漸漸變成普通湯底。
     在一個月前幫襯果次，可能忘記落鹽，淡淡的。
      雞的份量也一次比一次少

(2) 麻辣或酸辣米線
      試過一次酸辣，就沒有再食，
      因為酸辣米線的酸味太強烈，遮蓋了其他配料的香味。
      所以之後一直都係食麻辣，麻辣的香味近期的湯底都變了淡淡的，
      而且米線份量跟配料也越來越少...
      昨天點了肥牛，牛丸麻辣米線，
      之前的牛丸是帶有少許牛筋及有口感的，但昨天來的牛丸只有彈牙，不是太香，
      肥牛就少得可憐，從之前的5~6片，減到昨天碎碎的3片
      食完都唔係好飽。

至於飲品方面，一般，不要有期望。

今次已經係第二次喺宮用餐，
第一次係8月14號，賺左日打風假，
本來打算去牛角TEA，點知5點先開，
之後打算去意粉屋，去到又要4點半開，
所以無選擇之下，就去左宮試一試...
本來無咩期望，叫左2個TEA SET(鐵板牛肉飯 & 鐵板炸雞飯)
但意料之外好食 而且份量足夠...
兩款都是鐵板上，但不會太乾而且JUICY，
餐飲的咖啡是用淡奶，所以味道一般，相反凍檸茶好好飲!!

而今次就嚟試DINNER，
叫了一個鐵板什錦同黑酢雞....
DINNER跟了飯, 麵豉湯, 冷麵同蒸蛋，
蒸蛋好滑，好夠味，主菜味道剛剛好，
個人認為這裡的黑酢雞做得比大戶屋還好，
什錦有雞翼, 腸, 牛肉, 薯菜，YUMMY....

那天去久違了的大自然素食，
好彩有訂位，唔係唔知等幾耐。
訂了3點，大概2點50分到達，
門口已經有好多客人等侯，但RECEPTION竟然無人，
問野又無人理，淨係得個亂字，你推我撞。

3點正店員才出來，所有人又再次一窩蜂擁到RECEPTION，
問店員野又十問九唔應，感覺已經不太良好。
後來終於安排入座，
點了蟹子木瓜沙律，椒盬蠔仔，咖哩豬扒飯同埋海鮮PIZZA。
D食物比以前明顯差咗。

蟹子木瓜沙律: 雖然只係12.8，但都唔係咁求其。
                    沙律只有少量青瓜絲及數粒紅蘿蔔，味道也一般。

椒盬蠔仔: 份量不算少，但越食越咸。

咖哩豬扒飯: 味道OK，但汁太少，而且太多薑。

海鮮PIZZA: 千島汁好味，但餅底好油，又燶。

其實素食係崇尚健康，但又油又咸的話，真的沒有吃素食的意思。

食完了最後一件PIZZA，店長馬上走過來問夠唔夠食，如果唔加野就埋單，
真係好嬲
既然又沒有限幾時還檯，你都俾人飲埋杯茶吖，
收$12一杯茶，仲有$10小食，仲衰過茶餐廳，咁樣逼D客走，真係唔會再幫襯

已經唔係第一次嚟韓舍朗，
有食上癮嘅感覺。
每次都係LUNCH時候嚟，
最好佢係唔同其他地方LAST ORDER係2點-2點半，
所以唔駛趕。

D野食好好味
今次試左辣牛肉粉絲湯，個湯好正，飲晒，
但比較我喜歡泡菜湯多D。
佢個辣炒豬肉，石頭飯都好正。
雖然份量比以前少，但味道仍然保持水準。

店裡冷氣不太夠，有點熱的感覺。
店員態度友善，就算很忙，都仍有笑容及主動幫助，LIKE

第一次幫襯, 晚上同媽咪兩個人就試下....
店員的態度非常友善, 又唔會好煩企喺側面, 我地可以慢慢揀食咩....
最後揀了咖哩雞+奶茶SET, 再加$10配咖哋多士...
奶茶可選煉奶或花奶, 我地揀左煉奶, 媽咪話好好飲, 好滑....
咖哩雞唔會太辣, 很香, 食完唔會口渴....
咖哋多士都好正, 好香蛋味, 唔會太油膩...

店員的態度非常值得讚賞,
好似咖哋多士, 會提客人要趁熱食,
見客人食晒後, 又會主動執檯,
最令我印象深刻, 就係隔離檯的客人有皮膚敏感,
但她點了LASA, 店員聽到後, 馬上幫佢更換另一碗沒有蝦及蝦湯的,
在香港的食店, 很少有呢份熱誠, 好多食店只會扮聽唔到不了了之....
所以咁有熱誠的食店, 我一定會再來啊....

放大假, 就同媽咪兩個人去荔枝角吉之島,
順便嘆下午茶,
大概兩點半到, 諗住平日唔駛等位, 點知見都full, 等左10分鐘到先有位...

兩個人叫了六個食物:
1, 燒鵝瀨粉: 賣晒瀨粉, 轉左米線, 係最好的一樣食物, 個湯好味, 燒鵝皮脆, $12.8, 讚!!
2, 叉燒飽: 唔會太多芡, 皮薄, 多叉燒, 不錯!!
3, 京川餃子: 只係豉油加生蒜同指天椒, 個汁唔掂!!
4, 九菜煎鍋貼: 偏油, 好咸!!
5, 炸兩: 油條脆, 但都幾油!!
6, 潮州粉果: d餡太大粒, 味道一般!!

因為係下午茶時段, 除左鍋貼之外, 其他都係優惠點心,
點心紙寫明正價有八折,
因為鍋貼係正價(中點: $17.8), 埋單發覺無八折,
同部長講返, 態度好差話已經優惠左, 唔肯改單,
服務完全唔ok, 個個侍應同部長都黑口黑面,
就算d食物ok, 但唔係嚟受氣, 錯又唔肯改單,
真係唔會再幫襯!!

今日LUNCH叫了兩個SET，
喇沙同咖哩牛肉，
呢度D質數一次比一次差.....

餐飲的咖啡，淡而無味，仲要係加花奶，不合格

喇沙，好腥，分量又少左，
以前係俾兩隻春蛋，而家就俾半邊雞蛋代替，
之前有魷魚，而家俾兩粒好腥，類似螺的東西，魚片都好腥，唔好食

至於咖哩，好大陣香茅味，好辣，
牛肉又乸到無牛肉味，
成個LUNCH，最好飲係碗雞湯....

價錢過得去，
但分量同味道就每況愈下...
所以唔會再幫襯!!!