西環的高雅格調英式餐館Shoreditch 近年多了到西環覓食，發現有好多好值得去嘅餐廳 發現呢間喺轉角位的英式餐廳 Shoreditch 幾有情調！ 入到餐廳先發現，原來Shoreditch獲得 「The Loop 30 Best Eats Awards」 評為「香港最佳英國餐廳」，真的令人未食先期待😍 Homemade Tomato Soup $68 自製蕃茄湯 超級香濃嘅蕃茄湯，加入橄欖油，陣陣香氣撲鼻。 Cullen Skink $78 蘇格蘭燻濃湯 以煙燻鹽漬黑線鱈魚為主食材，加入了薯仔和洋蔥，香氣濃郁、和麵包一齊吃，很有飽腹感。 Crab, Prawn & Broccolini Salad $158 蝦蟹肉配西蘭花沙律 呢個沙律相當清新健康，加入了藜麥和葵花籽，還有葡萄乾和紅洋蔥。每一啖除了蝦蟹肉的海鮮味之外，伴隨葡萄乾和紅洋蔥的甜，及卜卜脆的藜麥。 大廚特別推介Beef Shin & Bone Marrow Pie「牛腱肉牛骨髓批」（港幣$238 ）， 餡批中間放置一大塊牛骨髓筒，黃金外層的肉批伴以香脆酥皮，餡料有牛腱肉、蘑菇和香濃肉汁，配搭濃厚脂香的牛骨髓大大提升肉批的味道。 未食之前先要小匙羹試吓牛骨髓筒，滿滿的骨膠原，個人覺得油咗少少。切開香脆嘅酥皮，將酥皮沾少少香濃肉汁一齊食，特別滋味。入面嘅牛腱肉相當嫩，牛筋用紅酒浸過夜，軟腍又入味。旁邊伴隨香滑薯蓉。 Chicken Wings $88 香脆嘅雞翼，外脆內嫩，好Juicy。 另一必試菜式是Suffolk Lamb Ribs with Thyme & Parsley Crust 「酥脆百里香番荽焗薩福克羊扒」 （港幣$298）。 鋪上香草焗成脆皮外層，羊肉味香濃，口感鬆化，一啲都唔羶，仲覺得好香添。伴上珍珠大麥及烤時蔬。珍珠大麥吸晒肉汁，都是不可錯過的。 大廚另一推薦菜式，愛爾蘭莫納亨的得獎鴨肉 Silver Hill Duck Leg $268 鮮嫩多汁的鴨腿配鴨肝，滿滿鴨香非常惹味。吸了濃郁鴨汁的鴨肝極之美味，縱使知道肥都忍不住一啖又一啖吃下去。伴隨大蔥煙肉薯蓉、酸酸甜甜的橘子醬，醒胃又滋味。 Strawberry & Cucumber Smash $69 Strawberry, Cucumber, elderflower, pineapple, soda Heart Guardian $68 Pineapple, orange, asian pear & beetroot 兩杯飲品都好清新，不會太甜。 本來仲想試吓佢哋嘅甜品，但係實在太飽啦！ 留返下次再食。今餐飯相當滿意，坐喺餐廳入面感覺自己好似去咗英國，靜靜地同蝦子餅享受一頓獨特的英倫滋味。 Shoreditch 地址：西環堅尼地城吉席街18號 電話：2242 3777

沙田滿滿少女心粉紅打卡Cafe 正門已經見到整間餐廳都是粉紅色 滿滿的少女心，可以盡情打卡 先嚟個「軟殼蟹沙律配蟹籽蛋黃醬」HK$88 原隻軟殼蟹，份量足又大隻，仲有蟹膏添！ 西班牙橡果黑毛豬柳龍蝦汁海鮮燉麵 $268 勁大盤，唔喺碟，喺盤😂 黑毛豬柳超級嫩，好Juicy， 口感鬆化而不肥膩，肉質純香而濃厚多汁。 充滿橡果香氣，勁好味！ 吸盡龍蝦汁嘅海鮮燉麵，帶脆口。 令人勁期待嘅甜品時間終於到啦！ 百利甜酒提拉米蘇窩夫(配棉花糖及雪糕)HK$135 餐廳說是新口味！棉花糖可以選粉紅色或粉藍色 雪糕也可以選擇，我哋選擇咗核桃味！ 食完面層嘅棉花糖，裡面仲有雪糕同Waffle 旁邊仲有不少新鮮生果，及朱古力醬 擺盤非常有心思 另一個甜品「鯛魚邂逅」HK$88 也是可愛之選，非常可愛的鯛魚燒 伴隨自選雪糕，賣相可愛味道也很高水準。 飲品點了我最喜愛的熱水果茶， 濃濃的水果茶香，令人心曠神怡。 另一杯非常特別的是「青花瓷奶蓋」 味道相當獨特，味道多種層次，很不錯👍🏻 難以用筆墨形容，喜歡奶蓋的朋友推薦一試！ 餐廳環境四邊都是粉紅色 職員也非常貼心，不時幫大家拍照留念！ Cafe Library by Espuma（沙田沙田正街18號新城市廣場1期7樓703A號舖）

尖沙咀和風餐廳+可愛熊仔下午茶
十月初時帶咗個驚喜俾閨蜜
就喺係呢間餐廳，真係要俾十個讚

環境最入面位置以和風榻榻米設計
出面位置比較小清新
本身睇中佢哋嘅和風榻榻米

再睇中埋佢地嘅熊仔下午茶
估唔到咁有驚喜，食物質素又靚又好味😋
每一小件都好可愛

餐廳提供兩款下午茶
要選「野餐小木盒」PICNIC BOX 先有熊仔
一上枱就見到吸睛可愛的小熊仔
入面原來喺鵝肝慕絲

仲有碗熱辣辣嘅精選餐湯
全部都好好味😋 四百幾蚊好抵食
無論環境、食物定服務都好好

「野餐小木盒」PICNIC BOX
🔸英式鬆餅 Scone
🔹抹茶鮮奶油 Green Tea Cream
🔸每日精選餐湯 Daily Soup
🔹鵝肝慕絲最中餅 Foie Gras Mousse Monaka
🔸吞拿魚 •三文魚籽最中餅 Tuna • Salmon Roe Monaka
🔹蟹肉柚子啫哩 Crab Meat with Yuzu Jelly
🔸精選甜小點 Assorted Canapes
🔹鮮果汁或茶或咖啡 Fresh Juice or Tea or Coffee

$468 for 2

MUTA Restaurant (尖沙咀) 2pm 早啲到
尖沙咀彌敦道132號美麗華廣場1期地庫B131號舖

超驚喜GREEN X GODIVA 可愛熊仔旋轉下午茶

點解我話超驚喜？睇落去你就知🥰

「GREEN X GODIVA 華麗三重奏」
三重驚喜讓你驚喜滿分🤩

今次嘅下午茶以「三道菜」形式上桌
有精緻前菜、豐富的自選主菜及滋味續紛的 GODIVA 甜點，讓你味蕾感受前所未有嘅滿足！

第一幕：
首先獻上鮮蠔周打湯配吉列炸蠔，以忌廉、牛油及蠔肉教製而成，鮮甜濃滑，暖胃又暖心。金黃色的吉列炸蠔外層沾上麵包糠，鬆脆可口，内層蠔肉味道鮮美。

第二幕：
新鮮炮製的自選主菜，三款主菜均用上優質食材入饌。
🔸煙燻火雞腿配燒烤醬及蜜糖松露蛋黄醬
🔹草飼牛柳配黑松露薯蓉及法邊豆
🔸烤焗盲鰽魚配非洲小米、柚子及蜜糖芥末醬

聖誕節🎄就快到啦！餐桌上總少不了火
雞，煙煉火雞腿配燒烤醬及蜜糖松露蛋黄醬，來自波蘭的火雞腿（拳頭那麼大😍）以蘋果木煙燻煮熟，散發啖啖煙燻獨特風味，肉質鮮嫩多汁，滋味無窮！

愛好牛肉的朋友，必試GREEN 的招牌菜式草飼牛柳配黑松露薯蓉及法邊豆，牛柳肉質軟嫩且肉味濃郁，加上細軟的黑松露薯蓉更添香氣，色香味俱全非它莫屬！

烤焗盲鰽魚配非洲小米、柚子及蜜糖芥末醬是海鮮迷首選，口感外脆內嫩，與底層的非洲小米同吃健康又營養，酸甜的柚子及蜜糖芥末醬更能提升魚肉鮮味。

第三幕：
最令人引頸以待的甜點環節，下午茶以金光閃閃的旋轉唱盤壓軸登場，盡顯華麗氣派！猶如一幕又一幕的精彩表演！大人小朋友見到都滿心歡喜！真喺識得轉㗎！

🔸GODIVA 士多啤梨巧克力
🔹軟心巧克力小熊
🔸伯爵茶法式蛋糕馬卡龍
🔹榛子芝麻巧克力
🔸黑森林忌廉泡芙配酒漬櫻桃
🔹巧克力聖誕球
🔸英式傳統鬆餅配奶油忌康及自家製士多啤梨荔枝玫瑰果醬
🔹任添GODIVA 黑白巧克力軟雪糕

每款都無比吸引，一坐下來就先來杯GODIVA黑巧克力軟雪糕，好滿足！

幾款甜點都別具特色，入口即融的軟心巧克力小熊非常精緻可愛，香滑口感配上香脆的脆米，合人難以抗拒。

伯爵茶法式蛋糕馬卡龍竟然以創新設計，以半邊粉紅色馬卡龍結合濕潤鬆軟的法式費南雪伯爵茶蛋糕結合而成，鬆軟又鬆脆，口感豐富。

最驚喜是巧克力聖誕球，打開一看竟然是不同的聖誕場景，充滿節日氣氛！

您更可利用精美的巧克力聖誕球及其他甜點拍下連續短片(Reels)，參加酒店於官方 Instagram @hoteliconhk 舉行的有獎活動，便有機會贏取精美禮品。

GREEN X GODIVA 華麗三重奏下午茶（堂食）
日期：2022年11月1日至另行通知（需提前一天訂座）
時間：每日下午3時至6時
地點：大堂餐廳 GREEN
價錢：
星期一至五：每位港幣$418；每兩位港幣$728
星期六、日及公眾假期：每位港幣$448；每兩位港幣$788
每位惠顧賓客可額外獲贈法國氣泡酒乙杯。

紅磡絕美奶油風打卡 Cafe 終於有時間去到呢間奶油風 Cafe 初初以為好難搵到間餐廳 原來都好易搵 因為約咗朋友驚遲到 所以好早就出咗門口 好早到咗餐廳 仲好好彩坐到個打卡位 Menu 上好多款都好吸引🤩 樣樣都想試😍 燒北海道帶子藜麥香橙沙律 $88 沙律好大份，燒過嘅北海道帶子特別香口 鮮味又彈牙，加埋健康嘅藜麥， 同清新嘅香橙沙律，勁 Fresh 勁開胃！ 蒜香蟹肉牛油果粒意粉 $120 有少少辣嘅蒜香蟹肉意粉， 上面加咗少少清新嘅牛油果粒， 味道唔錯，幾好味 香煎三文魚柳伴帶子 $128 知道個帶子好味，我哋兩個都爭住食😂 講笑啫，我哋好禮讓嘅🥰 香煎三文魚略嫌乾咗少少，味道都唔錯 焦糖香蕉配朱古力雪糕窩夫 $118 最最最期待就係個甜品 估唔到又係咁大份，勁抵食 個窩夫勁香脆，絕對食得出係即叫即整 就算我哋影完相打完卡都係好香脆 呢間餐廳又靚，嘢食又好味，職員都好親切 下次一定會再嚟食過🥰 Laffee Coffee 紅磡蕪湖街111號蕪湖居地下

全海景粉紅 igable 餐廳 同閨蜜去High Tea ❤️當然要搵一間打卡able! 海港城Lady Nara 就係唔錯嘅選擇！ 休閒嘅粉紅色風格，泰式餐廳有度假風嘅感覺。 Afternoon Tea Set $318 for two 性價比都不錯。 咸點最鍾意：香脆雞肉棒 配香辣蛋黃醬 外層香脆，雞肉香口，配香辣蛋黃醬幾惹味！ 青咖哩雞酥盒，香辣又鬆脆，青咖哩有泰式風味。 仲有：冬蔭鮮蝦碎蛋卷巴馬火腿芝士三文治 甜點方面，最鍾意： 咖啡啫喱泰式奶茶慕絲杯 泰式奶茶好出色！好似飲緊一杯泰式奶茶咁，分子料理嘅感覺，咖啡啫喱嘅甘味又中和咗奶茶嘅甜味，慕絲又好柔滑，好味！ 紐約芝士餅： 喺平時食嘅感覺軟綿一啲，芝士味都好出。 特濃抹茶卷蛋：清新抹茶味～ 白朱古力覆盆子馬卡龍，鍾意甜嘅應該會鍾意～ 英式鬆餅好有驚喜，分別有原味同班蘭味， 配菠蘿青檸果醬及奶油忌廉。 鬆餅本身好鬆脆，帶有牛油香味，而菠蘿青檸果醬，酸酸甜甜，食得好開胃。比起平時嘅鬆餅，食得更加舒服。 飲品方面都好多選擇，我哋揀咗玫瑰普洱綠茶和桂圓紅棗茶，用一個大茶壺裝住，飲晒都可以加水。 食完個Tea set都好飽肚!一邊傾吓計，影吓相，食吓美食，好寫意嘅下午！ My Fair Lady Afternoon Tea Tom Yum Shrimps & Egg Roll 冬蔭鮮蝦碎蛋卷 Crispy Chicken Skewer with Spicy-Mayonnaise 香脆雞肉棒 配香辣蛋黃醬 Parma Ham & Cheese Sandwich 巴馬火腿芝士三文治 Green Curry Chicken Vol-au-Vent 青咖哩雞酥盒 Coffee lelly & Thai Tea Mousse Cup 咖啡啫喱泰式奶茶慕絲杯 New York Cheesecake 紐約芝士餅 Matcha Roll Cake 特濃抹茶卷蛋 White Chocolate & Raspberry Macaron 白朱古力覆盆子馬卡龍 Plain Crumbly Scone wih Pincapple & Lime lam & Cloued Cream 原味英式鬆餅 配 菠蘿青檸果醬 及 奶油忌廉 Panda Crumbly Scone with Pineapple & Lime Jam & Clotted Cream 班蘭英式鬆餅配 菠蘿青檸果醬 及奶油忌廉 For 2 $378 (Includes Coffee or Tea) 3pm to 5:30pm Lady Nara 地址：尖沙咀廣東道3-27號海港城港威商場3樓3303號舖

期間限定「韓國香印提子下午茶」超級正 今日下午茶嘅主題係「韓國香印提子下午茶」 Korean Shine Muscat Afternoon Tea Set 以當造韓國香印提子為主題，鹹甜茶點都相當精緻。下午茶採用韓國「姬香®公主」香印提子入饌，每款鹹甜美點都加入咗香印提子元素。 甜點包括 🔸韓國香印提子撻 🔸質感幼滑的韓國香印提子奶凍 🔸韓國香印提子杏仁果仁牛角包 🔸焦糖朱古力香梨蛋糕 🔸栗子蓉榛子瑞士蛋糕卷 🔸提子乾英式鬆餅，另配香印提子士多啤梨果醬及英式奶油。 鹹點包括 🔹鴨肝醬韓國香印提子檸檬醬配烤酸種包 🔹香茜腩肉刈包 🔹珍寶啡菇撻配嫩菜苗 🔹柑橘醃製三文魚配法式酸忌廉檸檬百里香軟包。 個人覺得甜點比鹹點出色，特別是焦糖朱古力香梨蛋糕，勁香滑，縱使已好飽都要整個吃掉😍。成個下午茶都好好食，全部食晒！😍 另外更獨立一碟冰凍韓國香印提子，原粒放入口中，咬下去卟一聲爆出清新鮮甜果味。 「韓國香印提子下午茶」另可每人享用一杯特飲，可選韓國香印提子梳打或韓國香印提子蜜桃汁。 期間限定「韓國香印提子下午茶」 即日起至2022年10月31日，逢星期一至六下午3時至5時於咖啡廳限量供應，公眾假期除外 餐廳地址：香港尖沙咀凱悅酒店大堂樓層咖啡廳

中環獨有鯊魚酒吧！食飽先暢飲！ 平時去酒吧都黑麻麻， 今次呢間酒吧好特別，有鯊魚BB陪你一齊飲 唔喺剩喺 #IKEA 先有鯊魚㗎🤣 中環Bloop Shisha Lounge 都有鯊魚BB 細細條好得意，睇住佢哋游嚟游去好寫意 呢間酒吧除咗有鯊魚之外 食物水準絕對有驚喜 平時飲酒最多食吓小食薯條、雞翼咁 好少正式食餐飯 估唔到質素咁好 黑毛豬火腿片，水牛芝士，扒沙律蜜桃，羽衣甘藍 $148 Jamon Iberico, Grill peaches, kale salad 沙律🥗勁大碟，充滿咸香嘅黑毛豬火腿片 夾埋清甜嘅蜜桃🍑同健康羽衣甘藍， 清新配搭越食越開胃 香草焗西班牙走地黄油春雞 $228 Herb roasted Spanish Free Range Poussin 好香口嘅走地黄油春雞，雞肉嫩滑多汁 肉質柔軟細膩，滋味無窮 配菜都不能錯過，都是精心烹煮而成 絕對值得一試 慢煮和牛面頰肉配焦糖洋蔥 $288 Wagyu beef cheek slow braised in tempranillo with caramelized onion 賣相雖然平凡，但味道絕不平凡 經慢煮後肉質卻變得非常軟腍， 超級嫩的和牛面頰肉，真喺無牙都食到🤣 含豐富骨膠原的和牛面頰肉，牛味濃 口感豐富多層次 和牛面頰肉下面嘅配菜薯蓉都勁入味 勁飽都忍不住食晒佢 成碟食到乾乾淨淨😍 雜果沙律配蜜糖乳酪泡沫 $68 Mixed Fruit Salad with Honey Yogurt Foam 輕甜嘅乳酪泡沫入口像雲朵般化開 食完一杯都無罪惡感😝 白朱古力咖啡奶凍配焦糖拖肥泡沫 $68 White chocolate expresso panna cotta, Caramel Toffee Foam 呢杯相對甜度多過之前個杯，味道更多層次 白朱古力+咖啡奶凍+焦糖拖肥泡沫 多層次口感，更啱我心水 有點意想不到，酒吧竟也費盡心思擺盤 廚藝絕對見得大場面 下次 Happy Hour 前絕對推薦大家嚟呢間醫肚先 食飽啲無咁易醉㗎🥰

古典優雅。復古風格。中式佳餚 食物質素有要求，餐廳都經過精挑細選 希望食得又睇得，餐廳仲可以打卡影靚相 一舉兩得🥰 今晚再同蝦子餅撐枱腳 鍾意食中菜嘅蝦子餅大讚今晚呢餐飯 食到舔舔脷 餐廳環境充滿古典味，復古風格盡顯氣派 隨便一個位置都充滿古典味 在這裡拍婚紗照一定超級美😍 好想在這裡拍一輯😏 花雕醉鮑魚、和昌炭燒叉燒、荔茸帶子 第一道菜已經好吸引，充滿酒香的醉鮑魚， 爽彈有口感。和昌炭燒叉燒有啲肥， 比較喜歡瘦一點的。 酥炸荔茸帶子絕對值得一讚 鬆脆外層包著軟滑芋蓉，配埋鮮味帶子 多重口感，令人回味無窮😍 一件邊夠喉啊😍😍 日本鮮響螺燉花膠，湯頭鮮甜無比 25 年新會陳皮蒸豉汁鷹䱽 魚肉嫩滑嘅鷹䱽加上25 年新會陳皮 再配合蔥花豉汁，將鮮味帶出，更顯特色 不知年陳皮意大利黑醋骨 加上日本黑糖嘅脆口黑醋骨好醒胃 雞縱菌炒時蔬，我就幾鍾意雞縱菌嘅味 蝦子餅就麻麻地 鳥語茶香喺一道好有茶香仙氣嘅菜式 一打開蓋就聞到陣陣茶香 充斥著玫瑰、香片、桂花茶香薰雞 又香又滑，不過雞件就細咗少少 賣相有驚喜的紅寶玉石 其實是日本蕃茄飯😂都幾好味 公利庶汁卷，好清好Q彈嘅甜品 為今餐畫上完美嘅句號 環境幾靚，服務都唔錯 價錢算是中上偏貴，見客絕不失禮 和昌飯店 (灣仔) 灣仔莊士敦道62號和昌大押1-2樓

法式 Tiffany Blue 打卡餐廳 好Sharp嘅餐廳門口，引起咗我哋注意 望吓入面，餐廳仲幾靚添，好啱打卡影靚相 我哋就決定入去坐吓🥰 平日嘅下午，人比較少，可以慢慢打卡影相 呢度真係好好影呀🥰 好鍾意呢度嘅顏色配搭，同佈置 窗邊仲有好特別嘅法國景點磨砂玻璃貼紙 不過有一點好奇怪，餐廳以法國為主題 但係播緊印度歌😅😅😅好唔夾😅😅 講返啲食物先 食物質素都好有水準，仲好抵食添 我哋一人叫咗個午市套餐 可以揀餐湯或者沙律 今日嘅餐湯係蘑菇湯，好濃郁嘅蘑菇湯， 仲有少少蘑菇碎，好味又有口感 沙律喺煙燻鯖魚羅文菜沙拉配芒果醬 味道配搭得宜，份量都算多 主菜香煎海鱸魚，厚身海鱸魚肉嫩鮮味 魚皮煎至香脆可口 雖然冇特別影啲配菜，我記得配菜都好好味 我哋都鍾意嘅法式油封鴨髀，香口不膩 肉嫩多汁，啖啖鴨香，讚不絕口 最驚喜係個甜品，自家製法式可麗餅 我哋揀咗雜莓同榛子醬 煙煙韌韌熱呼呼嘅可麗餅上 放着冰凍嘅雪糕，冷熱交替口感相當豐富 實在好想食多碟 百幾蚊嘅午餐真係好抵食 為食嘅我哋仲叫咗少少小食 烤鵝肝吐司，好肥美嘅烤鵝肝夾着香脆嘅吐司 一口咬下，鬆脆吐司加軟滑鵝肝， 味道令人一試難忘 另一道小食蟹餅配甜玉米蛋黃醬 就咸咗少少，重味咗少少 總括嚟講，今餐都相當好味，大部份都好滿意 而且仲影咗好多靚相添🥰 Boire et Manger (灣仔) 地址：灣仔軒尼詩道68號新禧大樓地下A號舖