細味品嘗地道日式料理 黃雨下經過呢間「嵐山日本料理」 餐廳播放著日本歌，覺得氣氛幾好 就入去試吓🥰 先嚟「魴鮄魚」刺身 $248 半條 清淡的白身魚肉切至透薄 爽口鮮甜，肉質富彈性 壽司🍣認真唔錯，好新鮮 火灸金目鯛 $58～肉質細緻肥美 赤身$42～含脂量少的赤身，肉質厚實，有咬口 深海池魚腩 $48～肉質鮮嫩肥美，入口魚油甘香細膩，擁有令人齒頰留香的油分 真鯛 $22～甘爽鮮甜，帶著細膩的油脂，肉質彈性十足 烤鱈魚干 $38 呢個好送酒 粟米天婦羅 $48 之後叫咗四款串燒🥰 最好味喺鵪鶉髀，好香好似食緊乳鴿咁 薩摩赤雞心 $32 燒無激素鵪鶉髀 $48 鹿兒島黑豚五花腩 $38 安格斯牛柳粒 $68 蘆筍海膽炒飯 $148 好重海膽味，好香！ 不過有啲濃味 總括嚟講，刺身同壽司都唔錯 好有日本🇯🇵風味🥰 嵐山日本料理 🇯🇵 地址: 尖沙咀棉登徑11號地舖

就是偏偏喜歡你💕夢幻森系Cafe 終於嚟到呢間好夢幻嘅夢幻森系Cafe🥰 360度都有打卡位💕 店主好有心思，每個位置都花盡心思佈置 閨蜜一早預訂咗個下午茶 「花花英式下午茶」$438（星期六、日） 仲預訂埋個超仙氣鳥籠打卡位 不過個位有啲窄，坐咗入去都唔能夠郁動太多 個「花花英式下午茶」真喺同個鳥籠好襯 成件事都好仙氣好靚 幾鍾意個下午茶鹹點多個甜點 得最頂果層喺甜點 其他都係鹹點🥰 4款甜點，5款鹹點 共9款食物 🌟甜點🌟 🔸馬卡龍x2 🔸朱古力蛋糕 🔸小甜蛋糕仔 🌟鹹點🌟 🔹菠菜酥 🔹黃金魷魚撻 🔹彩虹米子卷 🔹煙三文魚多士 🔹紅莓鬆餅 飲品我哋加錢叫咗「蜜糖杞子四菊花茶」 套茶具好靚，好襯🥰 仲可以無限加熱水慢慢坐慢慢傾 由於餐廳成日會轉餐單保持新鮮感 所以大家去之前記得問吓新餐單🥰 食物質素唔錯，唔喺只打卡嘅餐廳 除咗影相📸️仲可以好好品嘗美食 食食吓突然調暗燈光 原來閨蜜安排咗好浮誇嘅節目🤣 竟然有幾個人拎住生日燈牌 唱住生日歌出場🤣🤣實在太浮誇 仲有心型wafffle 加雲尼拿雪糕 成件事都好開心嘅，閨蜜自己最開心🤣🤣 餐廳360度都有打卡位，我哋都盡量影晒🥰 鍾意影相打卡嘅朋友，呢度真喺唔錯！ 職員超有耐性同你介紹每個打卡位 仲會不時出來幫手影合照🥰 有興趣嘅朋友記得 Bookmark 同訂位啊！ 鳥籠打卡位得兩個㗎咋🥰 就是偏偏喜歡你 (銅鑼灣) 銅鑼灣耀華街3號百樂中心16樓1602-1603號舖

文華The Aubrey ～華麗復古風日式菜 好喜歡呢間餐廳嘅裝潢 華麗復古又不失氣派 今次被安排在餐廳最美的打卡位 相信日光會更美 但晚上🌃也份外有情調 正好浪漫🌹一吓 我哋點咗個亦月份套餐 Sustainable Seafood Special (6 June to 10 June) ⋯Snack⋯ Ebisu Oyster 🦪 Sustainable Farming from Fukuoka City Hall Government 好鮮好甜，一定要加埋佢嘅醬汁 突顯生蠔🦪鮮味 ⋯Starter⋯ Sashimi of Chef's Selection Hamachi, Scallops, Madai, Shimaaji, Hirame Sustainable Farming from Toyko and Fukuoka Market 刺生好新鮮，帶子份外鮮甜 Main Course • • Seafood Udon Farmed Japanese Squid, Scallop, Asari Clam, White Fish, Prawn 海鮮烏冬鮮味無窮，啖啖濃郁海鮮味 每條烏冬都吸滿精華，好滋味！ ⋯Dessert⋯ Warabi Mochi Chocolate 朱古力麻糬，比較似日本嘅餡蜜 $768 Per Person Plus 10% service charge 另外叫咗呢度嘅特式菜 A+ Kagoshima Wagyu Sandc $678 和牛三文治（叫咗 Medium 五成熟） 烤至半脆的三文治包著濃厚脂香的和牛 極富層次感，齒頰留香，啖啖油香 滋味無窮！ 另外叫咗壽司🍣 Chef's Sclection 12 pieces $688 壽司就感覺普普通通，而且好細件 絕對啱女士們一啖一件🥰 甜品一早決定試吓呢個 White Miso Souffle $128 抹茶疏乎厘 熱辣辣嘅抹茶疏乎厘上枱 點知第一啖就覺得好鹹，又有少少甜 唔知係咪佢嘅特色，有啲鹹有啲甜咁 點知越食就越鹹，食一啖要飲一次水 食咗一半已經頂唔順，真係好鹹好鹹 我極度懷疑佢將鹽當左糖咁用😅😅😅😅 飲品叫咗 Archer's Rokh Gemmaicha Gin, Awamori, Honey, Citrus, Lavender 聞落有少少花香味，飲落微甜配Gin，好夾 餐廳服務當然是好，每次食完一道菜 都會幫你清潔張枱，再換晒啲餐具 令到你食得好舒適🥰 The Aubrey (中環) 中環干諾道中5號香港文華東方酒店25樓

💯任添、任食、任飲下午茶🤩仲要好好味😍 有咁好嘅High Tea 即刻約埋閨蜜去品嘗吓🥰 本來都唔喺好相信，以為我睇錯「任添」 再問清楚原來真㗎！😍😍 不過「任添」都要好食先得嘅！ 即刻試吓先🥰 呢個The Grand Feast High Tea Set 有90分鐘俾你任添， 喺Lassana 全新推出嘅下午茶盛宴 未食之前先打卡先，呢個窗邊位影相幾靚 不過要注意早啲到，如果中間坐滿晒客人 就唔方便影㗎啦！🥰 飲品方面都好多選擇，啱晒我😍 唔同其他餐廳得Coffee or Tea😛 我就點咗「芒果菠蘿伯爵茶」🥭🍍 其實喺沙冰嚟嘅，味道好清新，好fresh！ 閨蜜點咗杯咖啡☕️ Lassana 喺出名飲咖啡☕️閨蜜話點都要試吓 確實好香好好味😋 The Grand Feast High Tea Set 幾鍾意佢咸點多過甜點🥰 🌟甜點🌟 🔸Caramel Cake 焦糖蛋糕 🔸Mango Tart 鮮芒果撻 🔸Mixed Berry Cake 雜莓蛋糕 🔸Truffle Chocolate Cake 松露朱古力蛋糕 焦糖蛋糕～遠睇我以為喺香腸🤣 點知原來喺焦糖蛋糕🤣 呢件喺成個Tea Set 唯一唔會添食嘅😛 甜咗少少啫，但已經唔算好甜。 鮮芒果撻～好Fresh 好甜，撻仲脆口 雜莓蛋糕～不算甜 松露朱古力蛋糕～好食😋添咗兩次 🌟咸點🌟 🔹Mushroom Abalone Pastry 雜菌鮑魚酥 🔹Black Truffle Crab Meat Pastry 黑松露蟹肉酥 🔹Avocado Shrimp Tart 牛油果鮮蝦撻 🔹Smoked Salmon Toast 煙三文魚多士 🔹Parma Ham Tart 巴馬火腿撻 🔹English Scone 英式鬆餅 雜菌鮑魚酥～超可愛的鮑魚仔，入口滿滿鮑魚味 黑松露蟹肉酥～黑松露+蟹肉，無敵組合👍🏻 牛油果鮮蝦撻～清新牛油果🥑加鮮蝦好夾👍🏻 煙三文魚多士～好味，多士脆口要襯早食 巴馬火腿撻～好味😋 英式鬆餅～掛住食其他都食飽晒🤣 所有撻、多士、酥都好香脆 唔喺預先整好，擺好耐漏晒氣個種 真喺會食完想再食🥰 我哋一共添咗3️⃣Round😍 其實仲想食🤣不過都真喺飽了！ 睇我添食邊幾款，你就知邊款好味啦！🥳 飲品都可以任添㗎！ 閨蜜👭之後就叫咗杯有機英式早餐茶 我都喺叫返同一杯沙冰🥰 睇咗咁耐，唔好似為價錢會好貴。 佢個價錢仲可以任添真喺超級抵食！ 只喺$398 for 2😍喺咪好抵呢😍 The Grand Feast High Tea Set 90mins Free Flow Daily : 14:30-17:30 $398 for two Lassana 中環荷李活道52號高層地下 星期一休息 星期二至日 #lassanacoffee #lassanahk #lassana #hongkong #coffee #hkcoffeeshop #coffeeshop #hkcoffee #hklocal #hkbrand #hkshop #hkcafe #hkfood #hkfoodie #hkfoodpic #hkdessert #本地品牌 #咖啡店 #香港咖啡店 #hightea #high #tea #grand #feast #下午茶 #知己 #二人 #中環 #90

生日月之食好啲。堅尼地城品嘗威尼斯佳餚 自從港鐵開通堅尼地城站，方便咗好多，為食嘅我都因為方便咗而嚟多咗堅尼地城站覓食。😎 餐廳Trattoria Piccolo 門面已經是個別樹一格打卡位，以鮮明黃色襯托威尼斯的湖水藍綠色，盡顯時尚格調。 前菜 Octopus Carpaccio, Sea Asparagus $85 八爪魚片配海蘆笋 切到紙咁薄的八爪魚片好考功夫，每片八爪魚都滲透了鯷魚醬、煙燻橄欖油，好滋味。越食越開胃，海蘆笋更吸滿煙燻橄欖油，令口腔充滿橄欖油香。 Vongole in White Wine $70 白酒煮蜆 呢道菜喺見到隔離枱上呢道菜，覺得好吸引！😍所以我哋都試吓。白酒煮過嘅蜆份外鮮甜，我倆九秒九食晒。🤣 Spaghetti Aglio olio, Razor Clams $185 橄欖油辣椒蒜片意粉，加新鮮蟶子 每條意粉都滲滿蒜香味，加埋新鮮彈牙蟶子，啖啖香口。 Chorizo, Bellpeppers, Onions and Arugula $130 西班牙辣肉腸Pizza 以紅磚爐烤出獨有炭火香的薄餅，一定要試吓！蝦子餅最喜歡批邊烤至薄而脆口。Pizza 面佈滿火箭菜，剛好和濃味芝士中和一吓。 當我哋已經食到七成飽，諗緊應該食唔落之際，就上了呢道菜😆 Italian Osso Buco $170 意大利牛仔膝 香味撲鼻嘅牛仔膝，一邊影相一邊覺得好香好香。好想快啲食😆炆至嫩滑的牛仔膝，加埋醬汁一起吃，滋味無窮！滿滿的骨膠原啊！😍我地連啲配菜都唔放過🤣食晒！（頭先又話好飽嘅？😏）🤣 最後重頭戲，喺兩日前預訂㗎！ Baked Yellow Chicken in Terra Cotta Pot (1 Day Pre-order required) $650 赤陶鍋烤焗黃油雞 我哋見等咗陣都未上就同職員傾吓偈，原來隻黃油雞要先醃製 16 小時，唔怪得要前一日訂先有得食啦！到我哋坐低就要開始製作，將黃油雞放入陶鍋加入葱、香草料、栗子、薯仔和羊肚菌，烤焗70分鐘至雞肉變得柔軟多汁，烤焗好再擺放焗25分鐘，讓黃油雞吸收所有配料的味道！ 剩喺聽都覺得製作過程好花心機！滿心期待等待呢道菜。唔知點解呢度嘅菜式好似有魔力咁，吸引我哋去食，食完一啖永遠都想繼續食落去，縱使我哋已經好飽好飽！🤣 再等咗陣就見到大大個赤陶鍋上枱，色香味俱全！又喺勁香噴噴！佢哋用嘅香草醃料都好似迷惑緊我去食佢🤣🤣 影完相職員收入去切件，又等咗陣！再上枱時又驚歎不已。原來切開後又再擺盤，擺到好靚咁先上枱！真喺每一個步驟都盡善盡美！ 又嫩又Juicy 嘅黃油雞，好吸引嘅雞油香味，香氣四溢。吸滿香草汁料嘅羊肚菌，滋味無窮！別忘了吃配菜，每件配菜都吸滿精華！ 完美嘅一餐點少得甜品！多謝餐廳知我生日將至，特別寫上生日快樂！🥰 Tiramisu $50 賣相不是很特別，但味道卻很不錯！ 也是停不下來的吃完它！😆 Coke & Coke Zero $35 each 餐廳嘅職員超親切，笑容非常燦爛咁同你介紹菜式。感覺有啲似去咗外地旅遊咁！ Trattoria Piccolo 地址：堅尼地城加多近街41號地下B舖

辣！🌶辣！🌶辣！🌶愛辣者必試！ 今日嚟到門口有啲似Salon嘅韓式餐廳😂 餐廳細細地，只坐到三四枱， 見有位就入去試吓。 期間見到好多人嚟拎外賣， 相信味道一定不錯。 其實本身我哋唔係好食得辣，但係又鍾意食少少辣😂 如果你都鍾意食辣食到成頭大汗， 面紅耳熱個份刺激， 就記得嚟呢間餐廳試吓啦， 因為我見到我對面嘅蝦子餅食到成頭大汗， 辣到飛起🤣🤣 呢度啲職員好親切咁介紹每一道菜 全部即叫即整，夠晒新鮮！ 「迷你泡菜煎餅」+「瑪格利米酒」$148 見到有隻酒幾得意就叫咗嚟飲 「瑪格利米酒」奶白色嘅米酒，甜甜地好易入口 男仔女仔都啱飲，酒精濃度唔係好高。 個套餐包咗「迷你泡菜煎餅」， 嘩！咁大個都叫迷你😂 泡菜煎餅煎到外層脆脆地，好香口。 初初入口少少辣，點知隔咗一陣有後勁🌶🌶 但都忍唔住食晒😂好味！ 「泡菜辣炒五花腩蓋飯」$88 望落去唔辣咁嘅樣，但食落都幾辣。 味道亦唔錯，唔會重味到好口喝，只會辣到想飲水😂 「辣海鮮豆腐湯配飯」$88 好彩我叫呢個唔喺好辣🤣好好味，只有少辣。 個海鮮湯都唔錯，有豆腐、蜆肉、鮮蝦， 全部新鮮爽口。一啖飯浸落湯，yummy😍 唯一可惜喺個湯好快凍晒，相信熱辣辣會更好味！ 「韓式辣炒年糕」$68 呢個喺小食，但又喺好大碟😂 小小試咗個汁嚇親我，咁辣嘅🌶🌶🌶🌶 後嚟蝦子餅再試話年糕無咁辣 我先敢食🤣🤣 但由於個口已充滿辣味，食唔到分別了😛 總括嚟講喺好味嘅，我地唔食得辣， 都因為佢好味😋差不多食晒九成。 食辣就是刺激😍 沛 (深水埗) 深水埗福華街178A號地舖

食肉獸不要錯過「本場」 開返晚市梗係出去食餐好 突然好想食燒肉就揀咗呢一間餐廳 通常去食燒肉放題，環境都唔會太靚 但係呢間裝修唔錯喎，真係好有日本風味 裝修環境以日系木色為主調 環境衛生又寬躺 座位與座位之間都有足夠嘅距離 我哋選擇左「頂級澳洲和牛海鮮放題」$428 一開始先準備一盤和牛俾你邊食邊點菜。 我覺得咁樣幾好，唔會拖延時間， 因為食放題都有限時。 Menu種類選擇都幾多，醬料都可以喺度選擇 唔使自己出去溝醬汁，乾淨衛生。 有冷盤、野菜、小食、主食、甜品、湯、飲品 好多選擇，有一點值得讚，上菜好快， 而且完全唔會漏單，絕對有足夠時間俾你食飽飽。 我地都叫咗好多嘢，款款都好味，除咗個湯唔夠熱之外，其他都夠新鮮，好好味。 醬油記得選胡麻醬同蘿蔔蓉醬油，好夾 海鮮叫咗車海老（蝦）、原隻魷魚筒、北海道帆立貝、半殼生蠔、香草牛油帶子、多春魚、墨魚片。 食食吓發現，原來有啲牛肉係醃咗嘅，即刻再order加咗燒肉汁醃製嘅牛小排、牛版腱、封門柳，醃咗嘅似肉仲好味😍 另外仲食咗鰹魚豆腐湯、味噌湯、粟米、杏鮑菇、鮮冬菇、牛油金菇、秋葵、菠蘿、蜜糖牛油蕃薯、蒜香牛油露荀、胡麻醬豆腐、蟹籽沙律、日本南瓜。 最鍾意食蒜香牛油露荀，勁香，又爽又甜。 教大家一個食法，當嗰啲用錫紙兜煮嘅野菜剩返嘅牛油，用嚟煮冬菇或者其他配料放返落個錫紙兜度煮，吸埋剩返嘅牛油，份外滋味。 飲品叫咗薑味汽水、蜂蜜綠茶 記得唔好漏咗雪糕，有Movenpick核桃味，勁正。 本場 旺角彌敦道628號瓊華中心16樓

新派中菜。勁掂酸菜魚👍🏻👍🏻 行過呢間「姚姚酸菜魚」覺得個門面好得意😎 有隻魚身熊仔頭嘅公仔，好過癮 全店更用上年輕人喜歡的 Tiffany Blue🥰 不過好多人等位，想食記得訂枱啊！🥰 一於試吓佢個酸菜魚先，原來呢度嘅酸菜魚可以選兩隻味，呢個設計幾好喎，咁大盤，可以試吓唔同味。不過我哋都喺選擇咗原味「姚姚酸菜魚」二人份 $278。🥰 呢度有機械人幫手送餐，仲有火熱住個酸菜魚，一邊食可以Keep住個溫度。不過建議大家先吃魚，煮太耐嘅魚會無咁滑㗎。 啱啱上桌嘅時候，魚嘅口感最滑最香。個湯偏酸，都忍唔住飲咗少少湯😂酸菜好爽口。 留意吓個餐牌，原來可以加送，可以加巴掌肥牛、鱸魚片、金針菇、萵筍片、嫩牛肉、午餐肉、龍口粉絲、脆魔芋絲、千葉豆腐。 我地另外點咗「宮爆蝦球」$188 個味ok喎，好惹味！加埋入晒味嘅大蔥同茄士，好送飯。 所以我地又點咗個飯😂 「酸菜雞蛋炒飯」$88 炒飯色香味俱全，飯炒至金黃色，軟硬適中。 口痕想試埋「黃金脆炸小酥肉」$78 有啲似送酒香口小食，都唔錯。 蝦子餅難得樣樣都讚好味😋 飲品我地都叫咗「低糖紫米熱豆漿」$19 好特別，少少甜好好味😋 下次再嚟食過🥰 姚姚酸菜魚 (尖沙咀) 尖沙咀廣東道3-27號海港城港威商場二樓2307號舖

激讚嫩滑海南雞 終於有晚市，可以坐低慢慢食 呢間餐廳長期門口好多人等 今晚終於有機會試吓🥰 餐廳內環境比較細小 但算坐得舒服😌 我地點咗半隻海南雞 $108 估唔到咁嫩滑，忍不住食完再食 點埋海南雞嘅兩款醬汁更惹味 泰式蝦餅 $75 大大件蝦餅勁彈牙 外層薄脆香口，內層鮮味彈牙 豆醬炒通菜 $86 通菜好嫩，不過有啲太Spicy 我哋唔喺好食到，但都覺得好好味😋 好彩叫咗杯沙冰解一解 椰汁雞湯 $108 好正👍🏻少少酸少少Spicy又少少椰汁清香 用料好足，大量嫩滑雞肉及草菇，好惹味 西瓜沙冰 $48 抵飲，特別喺食泰菜時飲，好消暑 已經決定下星期再食🥰 Ann Mamma Thai kitchen by 張秀玲 (荃灣) 荃灣曹公坊11號地舖

仙氣滿滿🥰最啱打卡花花Cafe 想嚟呢間餐廳好耐 終於等到疫情緩和 即刻同蝦子餅去試吓 餐廳唔算好大，但每邊都有唔同嘅花花佈置 當日另一邊有客人就無特別影 夏沫特別喜歡我坐的位置 粉色+紫色是最愛組合的色調 講吓食物，賣相一樣出色出眾 「紫醉金迷」$208 真喺勁靚勁迷人 紫色嘅意大利飯😍 喺用紫色椰菜花攬碎與幼滑忌廉一起煮 又香又滑好好味 頂層有香草蒜蓉烤大蝦 並灑上不少金箔 令整碟飯添上更動人的金調 底層還有清酒煮的藍青口 個人覺得整碟飯都好滿意 味道偏濃，但我喜歡💕 另一道菜，唔叫都唔知賣相咁鬼靚 竟然成個雀籠盛載著，好鬼靚🥰 「白房子生日漢堡」$168 心形蠟燭俘虜各位少女嘅心 一層層嘅pancake、蕃茄、滑蛋、煙肉 就好似立體嘅All Day Breakfast 😆 Pancake就口感硬咗啲，唔夠鬆軟 滑蛋好香滑可口 靜喺個賣相都夠我影好耐相😆 好耐無去過靚靚Cafe食嘢 啱啱放監咁嘅感覺特別興奮😂 另外叫咗小食「香草蜜糖雞中翼」$72 味道偏鹹 飲品「蝶豆花綠茶」$45 偏清淡，賣相紫色好吸睛 另一杯賣相相當可愛 「Easter Cookie Cup」$86 契女一定好鍾意❤️ 畫咗隻兔仔嘅杯仔 留意吓，隻兔仔都有戴口罩㗎😆好可愛 White Hse. (銅鑼灣) 銅鑼灣謝斐道508號聯成商業中心15樓1501室