至Chill 的Pivo Czech Bar 辛苦左幾個月今晚諗住同老公食餐好嘅 終於收樓順便好好慶祝一番 我哋揀咗圓方上面一間餐廳 餐廳分開兩部份，有一部份係酒吧， 另一邊可以坐低慢慢嘆 睇餐牌樣樣都好吸引 叫咗兩個頭盤 「辣蟹肉蕃茄牛油果沙律」 $138 牛油果痴嘅我梗係會叫呢個沙律 初初仲擔心佢會好辣，點知一啲辣味都冇 仲好清新好好味😋食完好開胃 「鮮無花果羊奶芝士煙燻火腿多士」 $108 呢個一樣係一道令人開胃嘅前菜 甜甜地嘅無花果夾着羊奶芝士， 加埋焗到好脆口嘅多士一齊食， 就好似食緊開胃小食一樣，記得要趁熱食 「即煮海鮮鍋」 龍蝦汁 鮮鮑魚 x 3 $138 北海道帶子 x 5 $168 皇帝蟹腳 300g $428 話明慶祝梗係食好啲，叫咗個即煮海鮮鍋， 自選三款海鮮，我哋揀咗配龍蝦汁🦞 海鮮袋即場有職員幫你搖勻 佢本身入邊嘅汁已經好好味😋 而且幾鍾意佢唔係真係太多汁 試過去另一間食，因為太多汁， 每一次拎嘢食嘅時候都彈到成身都係 呢間餐廳嘅汁就啱啱好 鮑魚同帶子都好新鮮，鮮味無窮。 皇帝蟹腳反而麻麻地，唔算太入味 「捷克特色烤豬手」 $268 豬手絕對係必點菜式，估唔到咁大份， 豬手焗到皮脆肉嫩，相當香口 帶鹹香嘅豬手配酒一流 因為太大份最後我哋食唔晒 拎左返屋企第二日再焗返嚟食一樣咁好味😋 即開生蠔 $48-$68 隻 試咗兩隻都好新鮮，好肥美鮮甜 豆腐清酒雪糕、黑糖蜜、黃豆粉 $58 呢份甜品好有驚喜，估唔到酒味都幾濃 但係又越食越停唔到口 味道好夾會食上癮😂 你間餐廳真係坐得好舒服😌 下次帶埋父母嚟試下先🥰 Pivo Czech Bar (尖沙咀) 尖沙咀柯士甸道西1號圓方(Elements)頂層R004號舖

高質意大利菜。啖啖香濃黑松露薄餅 有品味嘅叔叔請媽咪食生日飯 選擇咗呢間意大利菜 果然唔錯喎🥰 一眼睇中個黑松露薄餅，一定要試吓😍 黑松露雙重芝士薄餅 $198 勁大個😍勁多黑松露，啖啖黑松露，勁香勁有口感，薄餅邊薄而脆，好正😍 龍蝦蟹肉牛油果🥑沙律🥗 $268 賣相唔錯，點知食落仲掂，龍蝦🦞肉超新鮮 肉質鮮甜，沙律菜下面仲有蟹肉。 每啖都是我至愛😍正到暈 香烤精選海鮮滙 $368 咁大盤海鮮呢個價錢算抵 有青口、帶子、魷魚🦑、魚、車厘茄、蝦🦐、菜、洋蔥🧅、蜆 魷魚🦑最好味😋彈牙鮮甜，個醬汁調得岩岩好，幾好味。整道菜，只有蝦感覺是雪藏的，肉質比較實，其他都相當不錯。 加拿大豬鞍 $228 叔叔指定要吃的，本身乾身的豬鞍伴著碟上的清甜蘋果蓉一起吃，互相平衡下味道相當夾。🥰 護肌天使 $52 飲品我們點了這杯甘荀、蘋果、梨汁 沒加冰，原汁原味 最後點都要叫個甜品 寫返句生日快樂😆 盛上甜品時還有一班職員即時送上的生日歌 估唔到個 Tiramisu 咁大個 好幼滑 三個人大概食咗$1500左右 份量看似大大份，但其實不算太飽肚 餐廳以英語為主的職員大部分都親切友善 好好笑容🥰 VA BENE Italiano (九龍塘) 九龍塘達之路80號又一城1樓L1-34號舖

被超治愈貓貓包圍😍 見到貓貓同見到小朋友一樣會會生微笑 見到呢間「貓島」唔係開咗好耐，環境又好似幾靚，就決定試吓呢間貓貓Cafe。 上去嘅過程感覺麻麻地，要去到8樓再行一條好陰暗嘅樓梯上10樓。不過可能少去舊樓，有啲唔習慣驚驚地。 入到「貓島」就忘記咗之前嘅「麻麻地」了😆 入場前要消毒雙手，全身噴消毒噴霧，除鞋先可以入場。 我哋去嗰日真係超多人，每一張枱都有人，有一張枱甚至有六至八人，感覺貓貓唔夠分，有啲貓貓已經訓咗係佢地枱無再離開過。 我地大概坐咗30-40分鐘，都無貓貓行過，因為其他枱玩緊🥰我仲擔心係咪要就咁坐兩個鐘😅 有啲訓緊又唔想整醒佢🥰 之後職員突然抱咗一隻貓貓過嚟，我哋先開始有貓貓陪玩，係我哋陪佢玩🤣 貓貓都有唔同性格，有啲只係企喺度觀察，有啲就好八卦，有啲就好活躍跳來跳去。開始用貓貓玩之後，就越引越多貓貓過嚟😆 蝦子餅非常吸引貓咪，周圍都有貓圍住我哋想同蝦子餅～～手上條玩具玩😆 其中一隻啲貓毛勁靚，勁軟勁滑任摸唔嬲，最鍾意呢隻所以同佢影咗好多相。 大部分貓貓都唔想俾人抱，但可以摸。嚟玩嘅朋友都要記得尊重貓貓意願，唔好強行抱佢捉佢啊！🥰 初時我以為會有好多好多貓，可以抱住影下合照，不過感覺佢地唔想俾人抱就無抱到，或者係唔想俾我抱Only😆(無養貓經驗） $68 一小時 $48 第二個小時 每小時包一杯飲品 記得預約，Walk in 未必有位 見佢地一枱接一枱無停過入客🥰 兩個人兩小時二百幾蚊 貓島 (旺角) 旺角西洋菜南街5號好望角大廈10樓02室

親戚返嚟香港話想食家常便飯 但請佢食飯又點可以失禮 嚟咗呢間環境中式帶點時尚嘅「顏府」 等佢可以坐得舒服啲又可以品嘗美味佳餚 桌上準備好的XO醬同炒過嘅合桃也不要錯過 都是餐廳自家調製的味道，好香口 第一道嚟碟涼拌「青瓜海蜇頭」開開個胃口先 超級爽口海蜇頭，加埋醃製過嘅青瓜， 清爽可口的涼拌令人胃口大開。 第二道「金沙脆豆腐」，以為會帶點鹹香，但略為淡咗啲，加埋桌上嘅XO醬一起吃份外滋味。 再嚟碗「冬瓜清補涼荷葉煲唐排」湯 清潤不錯 「野菌燒汁牛柳粒」上桌時勁香噴噴 牛柳肉質柔嫩Juicy，味道有少少甜好惹味 再嚟多個「砂鍋XO醬蝦乾肉碎芥蘭」，XO醬蝦乾香味撲鼻，芥蘭嫩而爽口，送飯一流。 最後仲叫左碗「嫩雞煨麵」，平時其他餐廳食都係非常清淡，呢碗個湯底直情可以飲埋佢，好鮮嘅雞湯味。有驚喜🥰 顏府御膳 (銅鑼灣) 銅鑼灣開平道1號Cubus 5樓

少女心爆發粉紅主題餐廳 少女心爆發，去沙田必食粉紅主題餐廳：Cafe Library by Espuma 門口雲層打卡位已好吸睛，食物都幾有驚喜！首先前菜叫咗： 「菠菜芝士意大利雲吞」$88 雲吞的菠菜芝士汁好香濃，然後每件包著醬汁的雲吞都食得好開心。 「慢煮加利西亞風味八爪魚伴泡菜薯蓉」$98 八爪魚彈牙新鮮，配埋泡菜香味的薯蓉出奇地夾。第一次食到泡菜味的薯蓉，酸酸辣辣甜甜好過癮。 「西班牙式海鮮燉飯」$158 足料海鮮，燉飯係煙韌的口感，飯吸收了海鮮湯精華，三文魚厚肉又大件。而伴碟的沙律菜上有芒果汁，有注意細節，不馬虎。 飲品方面： 欣賞餐廳自助落單時飲品有小冰、小糖等選項，可以飲到自己鍾意嘅口味。 「招牌水果茶」$42 新鮮水果加埋茶是清新化學作用的組合，明白招牌的原因 「菠蘿芒果爆珠氣泡茉莉茶」$48 味道淡淡的菠蘿芒果，適合鍾意熱帶水果味道的人。 「招牌鮮雜果麻糬窩夫 （配雪糕及棉花糖）」$88 必叫甜品！打卡一流！超大的棉花糖下面是招牌鮮雜果麻薯窩夫，窩夫香脆，配搭埋雪糕一齊食，實在太好味！水果令窩夫冇咁飽滯。這甜品令視覺和味覺上都十分滿足！ Cafe Library by Espuma (沙田) 沙田沙田正街18號新城市廣場1期7樓703A號舖

以法式龍蝦湯做湯底打便爐你試過未？😍 以法式龍蝦湯做湯底打便爐你試過未？😍 你冇睇錯，真係龍蝦湯底，勁正😍😍😍😍 勁鍾意打邊爐嘅我，會周圍試下唔同特色嘅打邊爐，呢日嚟到尖沙咀呢間叫做「令和鍋物酒場」試吓。 餐廳環境比較暗，好有日本居酒屋嘅味道，有分開唔同嘅卡箱，每一枱都好有私隱度，卡箱就好光猛啦🥰 睇睇餐牌，見到有好多唔同嘅湯底，最特別係有芫荽湯底，鍾意芫荽嘅一定會試。而我最鍾意食海鮮，梗係食龍蝦湯底啦，仲要寫住店長推薦喎。😍 「龍蝦濃湯」係用鮮活龍蝦整㗎，第一啖已經鮮到不得了，連續飲咗幾碗湯，味道勁似法式龍蝦湯，又濃郁又鮮甜，超級正😍😍 本身個餐「龍蝦濃湯」$358，包咗自選牛肉同埋野菜豆腐盤。我哋揀咗A4和牛，肉質細緻嫩滑，油脂分佈均勻。 不過浸左落個龍蝦湯底之後，就被勁濃郁嘅龍蝦湯底掩蓋左和牛嘅味道，但我仍然很喜歡😍😍 野菜豆腐盤正常份量 當你擁有一個咁濃郁嘅龍蝦湯底，我哋二話不說都決定加單，叫多客稻庭烏冬，龍蝦湯稻庭烏冬，條條都吸晒龍蝦湯味，超級正😍😍😍 食完嗰陣其實勁想打包埋個湯底🤣🤣🤣🤣 「香蔥吞拿魚腩蓉丼」$168 滿滿的吞拿魚腩蓉，十分澎湃，每一口都是魚脂濃香的滿足感。 「清酒煮蜆」$68 清酒經過煮熱後味道更香濃，加埋新鮮大蜆實在無得輸，味道鮮甜。 「金鑽鳳梨冰」$48 呢杯一定要叫，味道特別清新清甜，而不是死甜嘅糖水溝菠蘿汁。 令和鍋物酒場 (尖沙咀) 尖沙咀厚福街9號豪華閣1樓

芝士控絕不能錯過的 PIZZA MARU

之前同朋友食生日飯經過呢間餐廳，見到好多人排隊，諗住去試吓，今日終於帶咗媽咪嚟試下，因為媽咪係一個🧀芝士控🥰

睇Menu已經覺得好吸引，好多嘢都想試吓，但得兩個人又唔敢嗌咁多。下次一定要多啲人嚟食先得。🥰

「群蟹派對」番茄醬底 $148 Regular 9‘
見到個名已經好吸引，仲要有好多餡，款款都咁吸引。包括有蟹肉、鮮蝦、紫洋蔥、燈籠椒、粟米、木魚花、BBQ醬、酸忌廉醬、香芹片、蘑菇、馬蘇里拉芝士。

芝士拉絲相當吸引，芝士控絕對抵擋不住誘惑。😍啖啖蟹肉同鮮蝦，鮮味無窮。

「南瓜忌廉軟殼蟹」韓式意大利飯 $163
呢個價錢貴咗啲，但係味道相當唔錯，少少甜嘅意大利粉配合香脆嘅軟殼蟹，味道恰到好處。

「芝士秘製炸雞」🍗 $118 六件
勁香噴噴嘅芝士味，聞到都想食。叉起件炸雞已經感覺到外層非常鬆脆，入面非常嫩。急不及待放入口細味一番。果然皮脆肉嫩，相當可口，食到停唔到口。

呢間絕對要encore，真喺排隊等都值得試下。🥰

Pizza Maru (荃灣)
荃灣楊屋道1號荃新天地1期UG樓28及30號舖

櫻之下午茶 快樂其實好簡單，去一間靚靚哋嘅餐廳，同閨蜜一齊品嘗下午茶，傾吓偈談下心，就已經好開心。🥰 上次去過呢間餐廳食晚餐，覺得味道唔錯，見到佢推出下午茶，仲以櫻花為主題，即刻約埋閨蜜一齊去試吓。🥰 職員安排我哋坐最入面嘅位置，原來入面有棵好雪白嘅樹，隨便坐喺下面影相，已經好有美意☺️室外仲有櫻花佈置，可以俾你打打卡。個人就比較鍾意呢棵白色嘅樹，好有凄美嘅感覺。☺️ Saruka Tea Set for 2 Wagyu Beef with Salt Picked Sakura Parma Ham Melon King Crab Meat & Mentaiko Tart Sakura Chocolate Fois Gras Terrine Croissant Smoked Salmon Avocado Sakura Panna Cotta Sakura Raindrop Cake Sakura Swiss Roll Cake Sakura Daifuku Scone Coffee or Tea $498 + 10% service charge for 2 persons 鹹點相當唔錯，特別係個牛角包加咗煙三文魚同牛油果🥑，鹹鹹地嘅三文魚加埋好清新嘅牛油果，味道相當之夾。 皇帝蟹肉撻都唔錯，一口一件，略嫌唔夠喉，如果大件少少就好啦🥰 朱古力鵝肝醬，呢個口感層次好豐富。 甜點我覺得就甜咗啲，但賣相相當精緻，主要以櫻花為主題，粉紅色為主色，見到個咁靚嘅下午茶都即刻心花怒放🥰 你仲可以加$78叫杯櫻花雞尾酒🍹 粉紅色嘅櫻花雞尾酒好靚，酒精濃度都唔少，鍾意飲酒嘅你可以試吓 Signature Sakura Cocktail $78 (Japanese ume whisky, Sakura Liqueur, Peach, Yu-zu, Egg White) 或者加$58叫杯櫻花綠茶芭菲 一樣係粉紅色，好少女🥰 Signature Sakura & Matcha Parfait $58 如果有興趣食水煙，可以加$298試吓櫻花荔枝味水煙🥰不過我就唔食煙嘅，見到隔離枱食緊，聞到淡淡的櫻花味。 Signature Sakura & Lychee Shisha $298 Zeng (銅鑼灣) 銅鑼灣登龍街18號V Point 30樓

浪漫夜景下品嘗精緻日本菜 好耐無出去拍拖，今晚蝦子餅帶咗我去銅鑼灣食 fusion 菜，一入餐廳就見到好靚嘅夜景，不過唔想太熱選擇坐室內。 我地點咗兩Set Chef's 5 Course Menu ZENG Umami Trio 刺身超級新鮮，極之鮮味，特別是帶子刺身，鮮味十足，好鮮甜。 Hiroshima Oyster Soup 蠔湯又鮮又濃，擺盤精緻 Pasta 睇返Menu 先發覺原來漏咗出呢碟 無食到😅唔怪得食完好似唔夠飽 Main Course Miso Black Cod Carta Fata 超鮮甜的黑鱈魚，伴汁味道清甜，原來味道被魚吸晒，魚肉嫩滑，非常入味，好掂👍🏻 Sliced M5 Wagyu Sirloin Steak 伴著紅酒醬汁的M5和牛，入口幼嫩，可惜有啲肥膏、有啲筋，而且份量有點少。伴碟薯蓉也很好味。 Dessert 甜品是芝士蛋糕+ Tiramisu 雪糕，Tiramisu雪糕好好味啊😍忍不住全部吃掉😝 $498 / per person Zeng (銅鑼灣) 銅鑼灣登龍街18號V Point 30樓

必吃養生火鍋🤩👍🏻

平時去打便爐，加湯都是加水或上湯，但呢間就唔同啦，係加返我哋原本選擇嘅湯底，保持原汁原味，唔會越加越淡味。

位於旺角的「尚膳養顏滋補鍋」，餐廳環境幾寬敞舒適，無限時，想同朋友傾幾耐都得。

讚好餐廳社交平台仲送咗杯「杞子圓肉菊花露」，幾大杯幾好飲，清甜滋潤。👍🏻

點餐用QR code 掃一掃就可以落單，好多款湯底都好吸引，但係得一款湯底可以鴛鴦鍋，所以我哋選咗「尚膳養顏美人鍋」同「滋潤魚雲靜心鍋」，雙併湯底仲要不用額外收費，讚👍🏻。

「尚膳養顏美人鍋」用料十足
藥材：淮山、北耆、黨參、杞子、圓肉、龍眼干、紅及黑棗
湯料：竹絲雞、桃膠
湯底淡淡清甜滋補，飲完一碗又一碗😍
太好飲了🥰🥰🥰🥰
用來灼肉和菜就最適合

「滋潤魚雲靜心鍋」
藥材：天麻、川芎、白芷、淮山、圓肉、當歸、
鍋料：魚頭、竹絲雞、白胡椒粒、玫瑰露
湯底藥材味甚濃，我們都超鍾意藥膳，覺得超正，又飲咗幾碗🥰🥰🥰🥰
用來灼丸類、麵條會更入味

靜係湯底已經令到我地好滿意😍

「手切牛肉」細 $188
雪花紋均勻，入口嫩滑肉味濃

「蟹籽墨魚丸」$78
濃郁墨魚味，手打彈牙有口感

「海鮮拼盤」$288
有聖子、大蝦、鯇魚、象拔蚌、蜆
象拔蚌尤其新鮮，鮮味鮮甜
鯇魚又大又厚肉，相當新鮮彈牙

「蟹棒響鈴」$58
見個名幾得意，貪得意試吓，加咗蟹棒一齊食又幾好味喎

「冰菜」$48
唔係間間都有得食冰菜，梗係要叫你食
有水珠在菜面上真係好得意，好爽口

「寬粉條」$48
呢個都好好食，估唔到咁大碟

埋單$1030值👍🏻
我地飲湯飲到好滿足😆

尚膳養顏滋補鍋 (旺角)
旺角彌敦道607號新興大廈1樓106-112號舖