自從係尖東食過半板海膽手卷之後就念念不忘
但奈何唔係成日去尖東所以再無機會可以食到

但係社交網站見到旺角區竟然開左一間手卷專門店，而且仲有我最愛海膽做招牌手卷
當然要專程去試下喇

呢度既手卷定價比尖東店高，唔係走平價路線
黎到當然order最愛半板馬糞海膽手卷

盛為60蚊一望之下就即刻失望，眼見落去一定冇半板既份量，而且淨係放係面，食完上面就淨係得白飯，並不貨真價實味道就可以接受

下次想食海膽手卷我會選擇去番尖東

第一次來丼丼屋係食親子丼，已經非常失望！淡茂茂

今次唔信邪再來到試第二種丼，點知又有失望

首先，見到新出的十勝帶廣名物豚丼，賣相不錯，於是order了四件豚肉的份量。

這個豚丼都唔錯！賣相吸引，又香噴噴！
豚肉幾有咬口，肉質幾軟。
但隔離白色那個小食就非常難食，塑膠味


另外叫左滑蛋豬扒飯

唉，又係個蛋令人失望！
其實個蛋都幾滑，但真係冇味架！要加調味先好d
豬扒都幾大件，厚肉。但肉質"鞋"左小小！


整體黎講，對蛋類的丼頗失望
但新出的豚肉不錯，可以一試！

聽聞這裡的咸肉餅和口水雞不錯，便來一試！
都頗多人排隊，等了大概15分鐘就有位。
排隊時可以諗定食咩：


我地一坐低就叫了咸旦蒸肉餅、口水雞、馬拉盞抄通菜、兩碗白飯、兩支可樂。

上菜速度超快！仲快過澳牛！


咸旦蒸肉餅 賣相幾特別！食落去都幾鬆軟，幾香。但千其唔好沾太多豉油，好咸！


口水雞得個樣，完全唔入味
雞肉同汁完全分開，味道太流於表面


最後還有通菜（忘記拍照 ）
這個通菜都幾好味！可能一開始冇期望，所以冇失望


整體而言，只要不抱太高期望來吃，其實食物質素都不錯的，很有家常便飯的感覺

兩人係旺角睇完戲後去左搵食
本身都諗好食咩嫁喇，但經過呢間餐廳被佢個茄牛通所吸引，所以我地就轉移陣地去左呢度開餐喇！

我地諗左一陣大家都叫左個常餐，當中有茄牛通、炒蛋、厚多士同埋一杯野飲

蕃茄牛通首先黎到，個湯比想像中濃郁，而且牛肉亦都冇俾鬆肉粉過量洗禮，依然仲有牛肉味，總括來講，好味！


炒蛋厚多士之後都跟住黎，炒蛋不油夠滑有蛋香，但厚多士就不夠熱而且偏淋



但係呢度環境就一般，冷氣機滴水四圍都見到，雖然係少事但都幾影嚮食慾

如果改善下用餐環境，呢度係一個十分不錯既選擇

今日是紀念日二人入左去愉景灣去散下心，二人世界一下
黎之前已經係開飯做定research ，呢間餐廳既評價都不錯，而且仲有靚景tim,所以就決定一試。

由於我地午餐太遲食所以我地大既8：30左右先入坐，我想由於係平日既關係所以都唔係好full,就算冇訂位都即時入坐

第一道係Half BBQ rib,一上檯就俾佢份量嚇到，比想像中的大份，味道方面，呢個rib焗得好淋，雖然有香濃既肉汁但唔夠咬口，但都有75分


另外一道就係Margherita tomato pizza,呢個pizza芝士味香濃但蕃茄味就略有不足，令整體失色不少（65分）



我地仲叫左個 linguine vongole
意粉既軟硬度十分適中，有咬口不會過淋
蜆肉肥味沒有沙，但白酒份量下得重手令意粉味道偏苦，一大敗筆（80分）

最後再order多一杯冰凍既Hoegaarden降下溫


總括來講，食物味道中上，夜景優美，情調一流，值得再來

今日黎到葵芳呢個少去既地方食午餐
本來諗住去打個邊爐，但時間得六十分鐘實在太趕，所以揀左佢旁邊既牛角一試！
其實係俾佢價錢所吸引，相比起晚餐，中午既價錢只須大既一半左右！

我們兩人叫左兩個set share 分別係牛肋肉套餐及牛胸腹併牛舌套餐，套餐包左一個前菜、飯、湯、同一杯飲品，而且飯仲係unlimite refill
岩哂我地兩個大胃王


兩者比較之下牛肋肉比較香口及多汁，牛舌雖然彈牙但可以厚一點

牛角飯有特別既醬汁，十分美味，我一個人都ko了三大碗
這間日式燒肉店絕對有下次

聽聞元氣下午茶幾抵食！今次終於有機會試下！兩個人去食，一人叫左一個餐，分別係A餐同D餐！

A餐：

中意食三文魚既你可以揀A餐！口感尚算不錯😁

D餐：

D餐都不錯！炸蝦幾香口！但個生蝦可以再新鮮D!


套餐包埋烏冬，都算彈牙。


仲有蟹子沙律，正常的沙律🙈
如果大碟少少會爽d!haha

細食的人應該都夠食架喇！
但我倆都不是細食之人，可以加多$9就有手卷食，更飽肚！


軟殼蟹手卷還不錯吧！都幾脆！
但三文魚手卷有點失望，三文魚不夠肥美，不夠新鮮。

總括而言，兩個人$118下午茶，有壽司、烏冬、沙律、手卷食，算係唔錯，幾豐富😁👍