18 Grams (銅鑼灣)

走到銅鑼灣，正值TEA TIME! 夜少少會食個BIG DINNER~ 所以食個SMALL LUNCH先~

未來過18GRAM，一直都係睇見OPENRICE既食家話呢度既咖啡好好飲！呢排我都迷上咖啡(除左espresso)，好鐘意放假就去搵cafe hea坐hea食tea!! 終於走到這裏了！

18gram舖面不大，甚至可以叫很細小！廚房比舖面好像大一點兒....

我對香蕉無乜好感，就叫個是日蛋糕SET $48，揀左個"杏仁醬餡原粒松子仁撻"，同埋叫杯LATTE。原來有奶類的只會計半價，好吧，無所謂，咁即係幾錢？$14！TOTAL $62. 揀好坐低等食。

撻先上，食第一啖已經想放棄，個皮實在係太濕同埋唔鬆脆，同埋都幾厚皮。唉，呢度出名咖啡，不過希望CAKE都唔係咁差。

LATTE其實我覺得可以再好D，D泡打得好細，入口都好幼滑，味道不錯。不過我覺得CREMA好似滑D好味D~

其實，我食食下周圍望，見到個CAKE原來係$32，我再諗下杯咖啡$28，加埋先$60，佢咁樣計法收我$62。不過收左就算，但係我認為應該要倒塞呢個問題。如果老闆見到呢篇野可以諗下，其他食家都可以作個參考喇~ 第一次食野跟SET係貴過散叫。。。

丼丼屋 (旺角)

閒日九點三到都要等一陣先有位，座位環境都好舒服，不過係同隔離枱近左少少啫~
來得呢度，梗係要叫招牌喇！滑蛋雞肉丼、芝士薯餅！叫多左個溫泉蛋冷烏冬添~唔知佢係咪整定呢，其實落單到上枱10-15分鐘都幾合理，不過主打既雞肉丼實在唔係熱辣辣，亦都唔係大家所講咁好味、咁值得食。無錯，滑蛋真係好好好滑，不過雞肉實在係唔好食，雞肉連皮連脂肪，整件沒有味道，不鹹不辣不甜。店員上枱時跟我們說加七味粉會更加好食，唔加真係唔好食。好，所以我加左D七味粉再食，不過七味粉同滑蛋實在唔係太夾，伴飯就一流，同滑蛋雞就不太配合了！總言而之，這個丼，不好吃，無味。芝士薯餅就好得多，上枱熱辣辣，而且比想像中大好多！好似旺旺雪餅咁大件！又厚身！夾開中間，芝士雖然未係話流出來咁，不過賣相一流！食第一啖就已經覺得好好食！吉列面既麵包糠炸得好脆，而且唔油，薯蓉既份量剛好，唔會話厚皮少料，芝士同薯蓉夾得亦好好，呢兩樣野基本上係好安全，唔會話唔好食~ 個皮同吉列專門店個D有得比！而溫泉蛋冷烏冬呢，溫泉蛋唔知點解係雪凍左，唔知食緊咩... 冷烏冬不錯，口感好好，唔會太焾太硬！

下次會寧願食下佢D吉列野，例如吉列豬排滑蛋飯咁~

大班麵包西餅 (沙田)

行過大班見到一盤新鮮出爐蛋撻！牛油皮金黃色，蛋汁飽滿的樣子，買一個過口癮。食落只有表面的牛油皮是脆的，其他的都不鬆化，皮都頗厚，而且沒有什麼突出的味道，不甜不鹹沒有牛油味；蛋還可以，不會太老，但不是嫩的。不過沒有表面看那麼飽滿。$4一個算中價。但質素一般般。屋村面包店做的比較好吃。不會再吃這裏的蛋撻。

HABITŪ caffè (金鐘)

睇完單身男女！即刻好想去高圓圓講既呢間CAFE~~ 搵左幾間HABITU~ 睇返外型就應該係呢間分店~~入到去環境一流，好舒服，每個人都可以有自己既空間，而且客人非常有質素，唔會高談闊論，令人有放鬆既感覺。

COUNTER分左兩邊，一邊係食物，CAKE/BREAD，一邊係飲品，COFFEE/BEER!!!! 竟然佢會有得HAPPY HOUR咁有BEER!! HAHA ~估唔到！喺外面見到佢有新產品 - BAILEYS COFFEE HABICCINO 即試~ 本人極度喜歡BAILEY ))))原來HABICCINO即刻類似沙冰，應該係SMOOTHE既同類，所以好幼滑，好易入口，BAILEY味唔重，即使唔飲酒既都可以一試~

坐左十五分鐘，太舒服~ 好想訓覺! HAHA~

NEXT TIME一定要拎本書來一路睇一路坐~~

Deli and Wine (尖沙咀)

新店開業，朋友推介即試！

地點在文化中心，位置還很易找，外觀很有高級西餐廳的樣子！心想價錢應該不便宜吧！但看見裏面的人都是自助點餐，再隋便自己找位置，便知道也不過太貴的。裏面的人大多都是看書、傾計、消磨時間，廚房是半開放式，可以看見食物的準備過程，衛生更是有保証！

點了幾個餐，幾個人一齊SHARE，自己走去CASHIER買完比錢，佢會比個牌我就可以返位坐等人拎過來，非常方便。食物非常多元化，中西合壁。

1) 磨菇露筍煙肉扁意粉($6X/SET)今餐最好食，亦係最搶手既主菜。加入左黑掓，完全提升整個意粉既味道，白汁可以輕易附於扁意粉上，食落每一啖都係意粉同埋白汁加芝士，口感好豐富，我講既係以呢個價錢來講，非常超值！

2) 多士火腿炒蛋/叉燒意粉呢個環境食呢個餐確實怪怪的，不過味道就跟平日在大家樂大快活吃的早餐差不多，沒有特別，叉燒就比較好吃的，軟硬剛好，意粉比較腍，這個比較平凡一點。

3) 咖喱蝦飯呢個其實唔錯既~ 至少蝦都有約5隻，脆口，手指尾大細的蝦，去過蝦腸，已經是不錯了。薯仔好腍又入味，咖喱亦頗濃郁，伴飯很好。

4)牛肉漢堡伴炸薯條薯條很粗，比較有口感，外脆內軟，熱辣辣，一流！
漢堡的牛肉比較細件，味道不是很JUICY那種，面包比較厚身，搶過牛肉做主角，基本上牛肉好似只係點綴一下咁。跟SET叫左LATTE~ 厚泡，但不幼滑，不是吸引再度光臨既重點。

環境一流，行過攰想食少少野，呢度啱晒！