Portal-Work & Play (旺角)

來到旺角想靜靜地飲杯啤酒或者cocktail，除左sky platform，可以行過隔離既朗豪酒店L層再走樓梯上一層的Portal。環境頗有情調，背景播放著純音樂，每個座位都是大大的沙發椅，十分舒適。侍應拿來drink menu，竟然是一部ipad！這裡供應枝裝啤酒(~$50)、紅酒、白酒、香檳、mocktail、cocktail(~$90)，還有佐酒的芝士、雞翼、薯條等，價格$100-250不等，另外仲有生蠔bar($2x/隻 起)。呢度既cocktail除左classic既都有唔少signature drinks，今次叫左apple pie，由vodka、蘋果汁加肉桂混合而成，底層放一粒車厘子做飾。入口比想像中溫和，ＶＯＤＫＡ一般都係好烈，今次加埋肉桂令到有少許偏甜既味道，聞落去有少少真係蘋果批咁既香氣，酒味比較少！想飲少少酒既呢杯唔錯！

呢度環境舒適，三五知己傾下計幾舒服，價錢喺呢區偏貴。

星期六的晚上有minimum charge $100+10% charge，平時9pm前有happy hour買一送一既優惠。

呢度飲野仲有免費花生同埋蝦片做ＮＵＴＳ，仲可以refill，不過要叫佢拎佢先會比你，亦唔會自動refill。

點點心 (旺角)

朋友介紹，晚飯過後來到點點心！地方其實唔係太好搵，真係唔講唔知有間咁既舖頭，喺先逹外圍行，觀塘小巴站附近，門面細細間，唔係太起眼，一推入去，見到入面大約有二三十個坐位，d枱唔係好大張，所以d點心要叠住咁食！二話不說，買籠"真係菠蘿包"($16/3個)先！等左五分鐘，熱辣辣出爐，辣到拎唔上手；顏色焗得又幾均勻，正！細細個，男仔大啖d真係可以一啖一個！ 趁熱食，d菠蘿皮都未脆，仲係軟身既，不過底下既包都係好香軟，聞落d味有d似鳳梨酥，味道甜道適中，皮薄(正！)，亦無乜油，入面既奶油唔會好膩，而且有d菠蘿喺度，幾多汁！食一個都唔夠，好快手又ko第二個！美中不足係，個皮放左一陣都未脆，未真係外脆內軟！但係味道真係唔錯！

要再encore!!

陳根記 (沙田)

喺沙田，想搵大排檔飲返兩杯，一班人輕輕鬆鬆咁食飯，陳根記最有風味。

都唔係第一次來，一坐低就叫例牌既滷水拼盤、蒜蒸開邊蝦、豆腐火腩煲同埋粟米魚肚"更"。其實呢度好食既，除左滷水，基本上熱炒小菜都唔錯，而且份量都唔少。一大盤滷水拼盤，牛展、鴨肉、尤魚、蛋、豆腐、紅腸、豬腸，即使唔點汁都已經好夠味，少少鹹味，帶點花椒八角既味道，豆腐尤其入味，飲啤酒一流！不過牛展就"un"左少少，其他都好好味。大量蒜蓉及香葱，落足料，隻蝦唔係好大隻，開左邊蒸幾分鐘就熟個d，所以都好嫰口，唔會係又老又柴，新鮮蝦先有既鮮味。熱辣辣，全部都入晒味，火腩半肥瘦既，豆腐尤其入味，鹹鹹地，少許蠔油味，伴飯一流。魚肚"更"都落足料，好多魚肚，蛋花均勻，唔會太濃太稀，而且無落味精，伴飯都好正，來親都要飲兩碗！

五個人食埋叫埋人頭飯同啤酒，一百蚊都唔使！

18 Grams (旺角)

走在旺角街頭，人多車多實在令人很想走到寧靜的地方休息一下！不禁就想起在家樂商場地庫的美食坊，除了日本菜以外，就只有這間18 Grams。這個時刻，有那裏還更就腳又合適！？

剛過午餐時間，人不多，二十多個坐位只坐了一半。這個時間除提供TEA SET以外，還有All-day breakfast、Pasta的套餐，跟往銅鑼灣主店一樣，飲用奶類意式咖啡的要加上原價的一半，所以呢，為什麼不散叫呢？散叫還比“套餐”便宜 XDDD 看一看蛋糕櫃，只有一件甘筍蛋糕及香蕉蛋糕，但原來TEA SET中的Tiramisu、Cheesecake都是有的，只是沒有放出來。這個時候剛吃了午餐，所以只簡單點了一杯cappuccino（＄28, regular)好了。拉花一流，最喜歡這個樣子的拉花，朱古力粉加入奶泡拉開成一層又一層的顏色，但仍然有很深色的輪廓，外觀美極了！
習慣都不再加任何的糖，直接飲啖先！奶泡算是細滑，不過奶滑比較少，只是薄薄的一層，而且亦唔厚實，如果喜歡少奶滑的一定會喜歡這個！下面的咖啡比一般cappuccino更多奶味，咖啡的味道都失去了不少，尤其那層原本熟於crema的味道都不見了，只留下像三合一咖啡的奶味。。。 突然很掛念中上環的Barista JAM同咖啡會館！！！那兩間都是有比較厚實奶滑及帶點苦甘crema的味道，那才是我暫時最愛XD

閒坐在咖啡店，店員不會來打擾，可以慢慢坐個夠！讚：）

嘉樂冰廳 (荃灣)

咁啱來荃灣，就預早到嘉樂冰廳食個靚早餐！呢度寫佢十點鐘開門，十點二行到門口仲未開，而且正正喺門口就有一檔生果小販，唔講以為呢度無左 XD 不過都見有D街坊等佢開門，仲有人送貨入去，先知等多陣，十點三度就拉閘開門。入到去即叫都未有得食，估唔到等左成四個字先有，唔係淨係我，其他客都一樣，剛剛開店就好似未準備好咁，所以大家都係坐喺度等佢開爐，不過，等咁耐都抵既，送上來個下都嚇一嚇！叫既都只係小奄列（＄24），不過超大份！我相信佢都用左4﹣5隻蛋做呢一份奄列，只有外層係熟既，裏面都係滑蛋，面再淋上佢地特製既滷水汁，所以係甜甜地又鹹鹹地，味道唔會好鹹，剛剛好，亦唔會好油，D蛋亦好滑！講真，同澳牛比，呢度D蛋比較好食，澳牛既滑蛋真係全部滑既，呢度係外硬內軟，有個對比喺度，口感當然比較豐富，加上有埋少許滷水汁，比較突出到炒蛋既香味。自已一個食晒一份實在有點吃力，有點想近期內也不吃雞蛋XD

奄列無餐既，飲品要另叫！

同埋見到同場既客人叫D野都好大碟好大件，隔離枱既蛋牛治實在係我本人自覺嘴巴太細，應該一啖咬唔晒，最厚個度都有成5cm厚，實在大得誇張！