新店開業，朋友推介即試！

地點在文化中心，位置還很易找，外觀很有高級西餐廳的樣子！心想價錢應該不便宜吧！但看見裏面的人都是自助點餐，再隋便自己找位置，便知道也不過太貴的。裏面的人大多都是看書、傾計、消磨時間，廚房是半開放式，可以看見食物的準備過程，衛生更是有保証！

點了幾個餐，幾個人一齊SHARE，自己走去CASHIER買完比錢，佢會比個牌我就可以返位坐等人拎過來，非常方便。食物非常多元化，中西合壁。

1) 磨菇露筍煙肉扁意粉($6X/SET)今餐最好食，亦係最搶手既主菜。加入左黑掓，完全提升整個意粉既味道，白汁可以輕易附於扁意粉上，食落每一啖都係意粉同埋白汁加芝士，口感好豐富，我講既係以呢個價錢來講，非常超值！

2) 多士火腿炒蛋/叉燒意粉呢個環境食呢個餐確實怪怪的，不過味道就跟平日在大家樂大快活吃的早餐差不多，沒有特別，叉燒就比較好吃的，軟硬剛好，意粉比較腍，這個比較平凡一點。

3) 咖喱蝦飯呢個其實唔錯既~ 至少蝦都有約5隻，脆口，手指尾大細的蝦，去過蝦腸，已經是不錯了。薯仔好腍又入味，咖喱亦頗濃郁，伴飯很好。

4)牛肉漢堡伴炸薯條薯條很粗，比較有口感，外脆內軟，熱辣辣，一流！
漢堡的牛肉比較細件，味道不是很JUICY那種，面包比較厚身，搶過牛肉做主角，基本上牛肉好似只係點綴一下咁。跟SET叫左LATTE~ 厚泡，但不幼滑，不是吸引再度光臨既重點。

環境一流，行過攰想食少少野，呢度啱晒！

連城廣場大裝修，引入唔少新店，喺沙田做野，成日都想搵D好味既來慰勞下自己~
見心粥館幾是正~ 大熱天時真係唔係好想食粥~~ 食左佢個蜜汁豬扒菜飯+熱奶茶($30 TEA SET)既外賣同埋鮮硯汁鯪魚球小食($30/6粒)。

拎到返公司食(大約五分鐘步程)，見個外表都唔錯。
鮮硯汁鯪魚球 - 鯪魚球是炸的，沒有脆漿粉那種，所以唔係好油~ 食落口都唔錯~ 不過無乜特別，就係鯪魚球一件。佢另外比個汁係用硯做既，試下點下，一試就不得了，好腥，真係好腥，我一定唔會再食佢　蜜汁豬扒菜飯 - 見個樣又係幾靚仔，先食豬扒，一食又知... 唉... 中計......我唔明點解咁薄既豬扒咁UN，咁難咬開，少少容易咬開既都無，件件都好難先食到，味道其實幾好，唔太差，只係食既過程比較辛苦....... 仲有菜飯，可能今次唔好彩，D飯半生熟，一係就有隔夜飯，有D飯係比較硬，好似未煮熟咁既。兩樣野加埋，除左以上評價，仲有DRY..... 好乾，食食下唔想食......

奶茶，比較正常，只是奶味過重，但係無奶茶既香。

可能佢起家既係粥，下次試下粥先決定會唔

會再食呢間野，飯同小食我就唔會再試！

星期日來食澳牛，基本上例必排隊，不過大家都知坐得唔耐，等位好快就有得坐，除非多人會麻煩少少啫~

十二點前得早餐食，所以佢一來就問你要炒蛋定煎蛋，好快手，無得揀，來得梗係食炒蛋~~~

唔使兩分鐘即刻有野食，速度驚人......

炒蛋跟以往一樣，很滑！
兩件厚面包既多士烘脆了很好吃，不過再乾多一點點會比較好~~ 還是有一點不脆面的地方。

食到七七八八先叫飲品，熱奶茶的奶味很濃，很滿足！

最後起身之前伙計走來寫張單就拎去埋數，成個程序非常不浪費時間。坐到二十分鐘是很長了！

P.S.
望到周圍都唔少人係一個人走來食，所以一個人來食都唔會覺得寂寞 XDDD

一直都好想試下佢既LATTE~ 見拉花好似好靚咁~ 終於拉埋男友一齊來試下~~

LUNCH TIME時間，十二點八附近到，仲有幾張吉枱，坐低無耐過左一點鐘，即刻幾枱客要等位，甚至乎外賣....佢D SET LUNCH幾抵食，加$8就有LATTE~ 一於叫左個B同埋E餐，兩個都轉LATTE~B) 香草蕃茄雞肉長通粉
上枱既時候淨係見到蕃茄同長通粉，有點奇怪，原來佢將D雞肉切到好似長通粉既形狀，食左先知！不過好食就唔見得，普普通通，雞肉無乜味，只有蕃茄既酸酸甜甜，長通粉就軟硬適中。
E) 烘脆黑椒牛肉意大利包配蘋果沙律
我建議佢張件牛肉改左細既牛肉薄片，因為佢塊牛肉我食既時候就咬唔開，好好好UN，如果改做好多細片既牛肉，女士們都會食得輕鬆很多！蘋果沙律好清新，不過沙律醬有點多。重點來了，LATTE!
可能係LUNCH TIME比較忙，沒有做不同既拉花，只係簡單既葉子。
味道方面，佢既奶味唔算好重，但係其實唔算係好突出，好令人有深刻印象，最突出既應該係佢既外觀。

環境其實好好，好鐘意佢有個天窗，亦坐得好舒服！
服務亦很好，坐得耐都唔會比面色你睇！(EVEN我係LUNCH TIME)

勝香園一到假日就好多人排住隊來食，中環露天的大排檔非常有特式，味道一流，價錢公道，不少人都慕名而來。來呢度唔係第一次，不過閒日來確實來得舒服多，至少唔使排一條由舖去到差不多街尾既隊，一去到望兩望就有位坐，周圍坐的都是街坊學生加少許遊客，比較唔迫，坐得舒服D！

叫左杯鹹檸七，蕃茄碎牛炒蛋面同埋蕃茄鮮牛肉面，再叫多個奶醬多。

鹹檸七一上枱已經桔好晒~ 好方便. 又入晒味~ 消暑不錯~ 又開胃~ 鹹鹹甜甜幾有特式。
蕃茄碎牛炒蛋原來係用罐頭鹹牛肉炒蛋，不過我本身喜歡食滑蛋，佢D蛋比較熟，比較"鞋"口，勝在蕃茄味十足，個湯底都好好味~
蕃茄鮮牛肉面D牛肉係切片牛肉，D根切斷晒~ 好易咬開，細細件易入口，個人比較鐘意呢個。
奶醬多既醬最好叫佢比多D先好食~ 熱辣辣上枱，多士又厚，脆邊唔太乾，好味！！！聽到隔離叫好似有幾種包揀，即係麥包之類個D，餐牌上面有寫既~ 不過無試過其他包，只係食最傳統既白面包。

兩個人食都係70蚊左近~ 非常飽同埋便宜~~ 必定ENCORE~~~

P.S. 個度D姐姐姨姨好忙，唔係好得閒等你諗食乜野，最好係決定晒叫佢地落單會好D，不過佢地做野好快手，叫完唔使等好耐，當然大排檔形式唔使講求咩服務，太講求服務衞生既人唔係好建議去呢D地方食野！

Baby Blue Cafe & Bar 既位置都幾難搵，其實唔係特登去食就唔會搵到！

今次係LUNCH TIME去食，坐低睇MENU已有幾個SET LUNCH賣晒，包括是日精選，所以就揀左個白汁菠菜三文魚扁意粉，成個SET跟埋餐湯/沙律、餐包及甜品餐飲。

環境都唔錯，枱與枱之間有一定空間，唔會比隔離枱干擾到，而且都好乾淨，坐得耐都覺得好舒服。

選擇左要沙律，本身諗住個沙律應該好普通，不過佢用既應該係富士蘋果之類，果肉好JUICY同埋好香，好好味，好有驚喜！仲有餐包，一般係用淨牛油塗，佢就用左D有香草既牛油，夾埋個包食一流呀！好香，放一片亦唔覺得太多牛油！

主菜上枱，都唔算細碟，而且DECO都好美觀，味道好好，蘑菇汁同用蒜茸炒香過既意粉一齊食好夾，三文魚切到細細粒好易入口，意粉偏"林"，連汁一齊食好好味呀~~

甜品係唯一我唔太鍾意既，雖然一般來講都係我既至愛，今次係芒果慕絲，TOPPING有芒果JAM連果肉，不過就太過甜，食兩啖已經要放棄！

餐飲叫凍檸茶，客人可以隨意擠幾多檸汁同糖水都可以，可以因應個人口味，所以都好滿意！

OVERALL 整餐都好好！一定會再食過！

上openrice見推到頭十位，出名嘅又係自己鍾意嘅魯肉飯，即刻慕名來試一試！

六點鐘附近到，等一陣就有位，大細魯肉飯價錢差不多，$18／$15，大嘅多半碗，所以叫個大！

舖頭坐滿人，等一個魯肉飯好耐，應該唔使一分鐘就搞掂嘅，我等咗成十分鐘以上。。。上菜算慢！不過服務不錯，加水好快，同埋態度好好。=]

個飯食落唔鹹，肥豬肉同瘦肉比例不太平均，肥豬肉比較多，同埋食開魯肉飯d肉多數係肉粒或者肉碎，呢間d肥豬肉係比較長條形，唔係太好伴飯。個味道同台灣唔係好同，冇台灣個d咁惹味，不過就濃度適中。overall來講都唔錯！

*比錢個時先知要加一服務費。不過好彩佢服務都叫ok. 唔係比人硬搶。

同男朋友一齊來呢間朋友介紹的cafe, 呢度有分室內同室外既坐位, 環境都幾靜。LUNCH時間都要BOOK位，確實係少D，不過都係等左半個鐘到就入得。

坐左入面張高枱，叫左一個6oz既牛扒七成熟，加一個雞肉扁意粉，兩個都係set lunch，包餐湯、餐"包"、餐茶。今日既餐湯得番紅湯，湯上左枱之後仲要加d即磨既黑椒喺面，令到個湯d味出左好多~ 我比較鐘意呢d 杰身少少既湯，番茄味亦幾出，加埋黑椒既少少辣味，好好味~ 佢個餐"包"其實係長餅乾咁~ 點沙律醬來食~ 好有特色~

主菜上枱~

雞肉扁意粉，賣相一流！不過雞肉味度普通，扁意粉亦唔稔，但係個鮮番茄汁就好好味~ $38既set lunch算係咁喇~

反觀，個6oz既牛扒，七成熟剛剛好，賣相亦非常美觀！肉質唔錯，仲依然有肉汁喺入面~ 唔會乾爭爭~ $98 ~ 果真一分錢一分貨~ 呢個相比起係好食好多~

餐茶都有驚喜，每個人都會叫凍朱古力~ 佢加埋cream喺上面，都係個句 - 賣相一流~~~~~ 而且味道亦好濃郁~ 係個好好既完結~

諗住坐多陣走~ 點知原來仲有個甜品，今日係朱古力餅乾伴cream~ 不過呢個不太好食~ 餅乾似係買返來現成品，不太吸引。

唔使加一~ 食野個時又會主動問下使唔使加醬~ 食完個waiter都有走來問我d野食o唔ok，服務唔錯~~~

希望有下次喇~

第一次來大澳. 就事前搵定呢間野~

去到個時都兩點. 雖然個度地方好大. 不過都真係好多人~ 咁本來諗住坐低先點菜，不過個姐姐同我地講明點菜後要一個鐘先有得食~ 咁所以我地同個姐姐落左單先. 一個鐘後先返來攞位~ 佢都話無問題!

一個鐘之後就留埋枱比我地~ 坐低無耐就食得~~
鹽焗雞.紅燒豆腐.酥炸雙併 (荔茸酥卷 + 煎腐皮卷), 素翅. 生炒骨.
最好味既係荔茸酥卷. 真係好有特式. 平時唔鐘意食呢d野，不過呢個炸出來又唔會好油. 唔會太甜. 剛剛好~ 反而鹽焗雞同生炒骨就無咁特別. 無乜驚喜~

呢度叫人好麻煩. 埋單都搞左好耐. 人手不足呱.

總之要來呢度食一定要預多d時間. 至少兩個鐘喇. 未計加單wo~ 加單既話又要等好耐~ 來大澳食下唔錯. 不過要得登入來食就大打折扣~ 應該無下次~

日本人開的小店~ 咖喱吉列豬扒飯($55) 為推介~~

正宗日本咖喱~ 唔使辣死人個d~ 係甜甜少辣個種~ 吉列豬扒剛剛炸好依然好脆~~~ 唔會乾掙掙~ 又唔會"un"~ 唔會有食到成口油既感覺~~ 嫌太脆加埋汁一齊食就剛剛好~ 少少稔少少脆~ 成個飯既份量剛好~ 汁原來看似多~ 但係最後就係剛剛好食晒~~~

平日開飯之選~~