呢間呢兩樣野最出名好食~~ 經家組介紹~ 食左一次之後. 久唔久都想食下~
即使加左價~ 依然都好抵食~~
小籠包(~$11/4個)and牛肉生煎包(~$10/4個)

前者肉汁都幾多~ 咁既價錢係抵~
後者係最推介的~~~ 食過咁多生煎包~ 呢度既係最好味既~~~ (for 牛肉) 個包本身唔厚~ 同個d餡一半一半~ 甚至餡多d~ 最緊要係~ d 餡係非常juicy多肉汁~~~ 即使煎左都唔覺得佢乾身~~ 係個底有少少油~ 不過唔影響~~~!!

要食既話~ 下午八點前要到~ 賣晒就收工~

夏天既夜晚特別鍾意食甜品!! 喺紅磡, 芝麻綠豆既甜品幾出名~ 有好多名人都會來食~ 舖頭有好多佢地同老闆一齊影既相~ 呢度最出名係芝麻糊燉奶 (~$17)~ 上面白雪雪既燉奶加下面既芝麻糊~ 視覺效果已經唔錯~ 兩樣都好滑~ 同埋睇得出係創意之作~ 建議熱食~

不過我鐘意食凍野~~ 所以佢既出名之作冬天食最好~ 夏天我會食櫻桃小丸子~ 其實係士多啤梨雪芭再加芝麻湯丸及香蕉片伴邊~ 雪芭好滑~ 滑得來有少少碎冰既口感~ 每一匙都係有士多啤梨味~~~ 入口即溶! 好正~ d 芝麻湯丸凍凍地都幾好食~ 又香滑~ 對比雪芭既淡淡甜味~ 剛剛好~~ 呢個係我既至愛~~~

經朋友一帶終於都來了~ 自己來的話一定搵唔到!!!

叫左個牛肉蛋蕃茄麵(~$20)同埋西多士(~$14)~
個"湯底"係蕃茄蓉來既~ 好濃既新鮮蕃茄味!!! 甜甜地~~ 有好多蕃茄肉~ 牛肉同蛋一般喇~~ d 麵係公仔麵~ 加埋蕃茄"汁"食幾特別~~

西多士係一般茶餐廳水準~ 唔算特別好食~

呢度雖然難搵~ 不過都幾多人食~~ 都坐full晒~~

逄星期一至五. 3pm起半價~

呢間平時都算係貴~ 不過半價左就好抵食~~
最鍾意係火灸蟹棒(必食!!)~
蟹棒上有蛋黃醬~ 再加埋燒到金黃色咁~~ 甜甜地熱熱地~好好味~~~ 板前個d都無得食~~~ 我多數一次會叫兩至三碟~!
仲有次之既火灸三文魚~ 都唔錯既~
軟瞉蟹天婦羅同埋其手卷都好味~ 後者既紫菜依然係脆既~~~ 加埋剛剛炸好既軟瞉蟹~ 鍾意軟瞉蟹既一定要食~~!! 因為呢度我就鍾意左食軟瞉蟹喇~~~~

即使係其他壽司~ 都比起板前個d好食同抵食~
刺身會厚身d同大d~ d quality同正價時間一樣~~
食過呢度都無乜去其他大型壽司店食lu~

見一門升到第十位就去試下~~

叫左個蟹肉厚燒玉子, 鮮帶子煎薄餅, 一門沙律, 牛肉石頭飯. 芒果豆腐凍, 小豆綠茶糕

玉子做得真係唔錯~ 好滑~ 蟹肉既味唔會無左~~ waitress放豉油喺蘿蔔蓉上~ 加埋玉子一齊食~ 更加好~ 不過係散左少少啫~

鮮帶子煎薄餅加埋sauce先好味~ 脆脆地唔錯~~ 切開之後每一件都有帶子~ 不過唔多~ 如果多d就好喇~ 同埋粉既比例多左d... 唔係太突出~

一門沙律~ 酸酸地~ 無奈我唔鍾意食紫色既菜~ 我覺得個d 苦苦地唔係太好食~ 如果無就好喇~

牛肉石頭飯~ 牛肉好有肉汁! 雖然係好似肥牛咁薄. 不過牛味都幾重~ 好好味~~~

甜品~ 芒果豆腐凍~ 淡淡的豆腐加濃郁既芒果汁~ 都唔錯既~

小豆綠茶糕. 上面有紅豆作伴~ 一向綠茶加紅豆都好好味~ 呢個都唔例外~~ d 紅豆係日本貨~ 我估喇~ 大大粒~ 起晒沙咁~ 好甜既~

服務既話就好好~ 成日會加水同埋要搵佢地加單都好快就有人即到~~ 不過咁既價錢係應該要有咁既質素既~~~
overall來講~ 玉子真係一絕~ 東洋卷有機會再食~ 仲有見到d刺身幾正~ esp.蝦!! 下次要試下先~~

得登去搵zoe食下佢既cake~ 去到附近都搵左幾耐先搵到個門口~ 入到去即刻揀餅~

叫左個zoe, choco.cake, 1459(nepolean) ($30@)

堂食有minimum charge $50. 叫埋杯野飲($3x)就差唔多~ 自己要左個mocha.

zoe: 雖然係招牌，不過唔係太好食。有淡淡既榛子cream味，底有脆脆，不過就too creamy for me同埋比起其他兩個cake遜色。

choco.cake: 正名無留意，不過好鍾意佢上面個層差唔多7-8mm厚既choco~~ 感覺好thick, 有好濃既朱古力味~ 唔苦唔甜，剛剛好。個cake亦都剛好配到上面既choco., 加埋總之就好味道~~~

1459: 脆既nepolean~ 有焗爐焗出既新鮮味~ 雖然應該雪左一陣，但係依然脆~ 個custard都好味~ 加埋剛剛好~!

總結：我會比較想食返個choco.cake同1459, zoe就no la. 不過聽聞original唔係咁既~ 有機會都想試番~

之前聽講過jenny bakery要點樣排隊買曲奇，好奇之下去左呢間舖度買罐4mix來食。

間舖同想像中好唔同，非常簡陋，估唔到lo.....

anyway, 買罐4mix($60). 落左樓即刻開來試下睇下有咩咁好食~ 一開就係牛油香味！隨手拎一件，都知佢好鬆，因為有d碎(碎到好似粉咁)留喺隻手度，入口可以話係鬆化~ 佢唔係脆個種曲奇! 而係鬆到可以入口溶個種！我個人比較鍾意呢d曲奇，所以就覺得好好味~~ 牛油味雖然重，但係我就接受得到~~

60蚊有兩層曲奇，ok喇~ 係貴d既，不過入口個時仲有d剛剛新鮮出爐個種味道！有呢種味覺得60蚊都幾抵~ 唔使自己整都有新鮮曲奇食~

呢間有下次既~ 當我再想大食一次曲奇既時候~

去到尖咀，見個肚有d餓，諗起澳洲牛奶公司一直都未食，就行去白加士街。

同睇食評既一樣，間舖好多人，大多都係食完就走咁。

兩個人叫左個常餐($28)轉炒蛋同個炒蛋多士($13), 餐飲要凍朱古力(+$2).

叉燒意粉其實無乜意思想食，茶餐廳整意粉大多唔太出色，呢度一樣，而且叉燒太少又無乜味。另一碟有炒蛋, 火腿, 厚多士烘底+牛油x2。試左少少淨炒蛋，好滑，蛋味好重，果然唔錯~ 佢個種蛋味同屋企用開個種唔知係咪唔同呢，重好多~ 多士夠脆又唔乾身，當佢係多士咁加埋火腿炒蛋一齊食仲好味過個份炒蛋多士！雖然兩個都好味，不過一個濃一個淡味。

凍朱古力，無特別。

所以呢下次叫既話唔要叉燒意粉喇！想濃味d就叫個茶餐，想淡d就叫個炒蛋多士~~ 味道都係咁好~

前兩日行過深水土步, 食完個lunch之後都覺得唔係好夠，記得附近有間公和就走去食個凍豆花。
比起之前來好似乾淨左d，不過始終係老舖，乾淨極有限。
叫左個凍豆花同煎釀豆卜~ 兩樣都好快就來左~

先講豆花，唔使落糖都夠甜~ 就咁食已經好夠味！又甜又有豆味，最緊要係滑。不過想食滑d，建議食個熱既會好d。
豆卜比之前食既無咁脆，但係炸得來唔係太油，釀既魚肉味唔重唔腥，兩樣材料夾得唔錯~ 8蚊4件算抵食~~

之前時新都食過好多次，試佢個漢堡飽皆因係見到佢咁大口氣既banner！　叫左雙層漢堡蛋（＄１２），包係from嘉頓，烘過的，又熱又有少少脆邊；漢堡好明顯係好過急凍個d，有肉汁！有口感，d肉唔係散晒！　加埋佢自製既汁，好好味！　仲有我最鍾意既蛋！！　開頭食過隻蛋係漏心既！！超好味！不過宜家全部都係熟晒！　無咁好食lu！　

不過我好欣賞佢用鐵板煎漢堡、蛋、扒，比較有特色！　睇住佢整都幾enjoy！　
行過肚餓入去食個包都飽晒！　好抵！　另外亦推介薯條（＄１０）同埋炸雞脾（＄１０）！　前者係波浪形，薯條粉d既！　比起m記幼既好食得多！

d野全部都係即叫即整！所以都要等下！！　不過咁樣又好食d，又新鮮d！　唔錯！

老闆同老伙計都係好好人！

得閒再食！