前話︰唔係屋企人話來我都不會來，一來就不喜歡等位，二來啲位又逼坐得好唔舒服，三來這家店新開沒多久時有兩次恐怖經歷，我地食過兩次珍珠生蠔都係臭的(好似啲死咗好耐既蝦蟹味)，去食的兩次仲要係分開既日子嚟；活魚又是香港魚欄買回來的魚，根本就不日本魚，講真香港啲魚唔煮熟嚟食我真係好驚有菌囉。

是日經驗︰三文魚壽司~睇落好似好大舊，原來下面舊飯大人地平時正常嗰啲成三分一，塊三文魚根本就係薄到無人有，更係又平又抵啦，食幾舊飯都飽了，睇落去塊刺身又鬼薄；
赤貝壽司︰飯不用講了吧，一樣大大舊，赤貝是細SIZE！
蟹子沙律︰係就係大大碗，淨係得啲青瓜多，唉……！(真係食青瓜都食到想嘔)；
串燒︰燒乜鬼，根本就係拎去炸熟既，仲要我地嗰碟雞腎係唔熟架添；

所以本人無必要都唔會去！

唔知嗰個女侍應係咪皇親國戚嚟，嗰啲態度真係好(差)到無得頂啊！幫客人寫單既時候都超無禮貌，好似叫你哋好快啲叫唔好阻住佢咁！到啲餸嚟既時候，移都唔幫你移下張枱啲餸嚟放底碟餸，佢就就咁放喺最出面嗰個位，真係火都嚟

不過佢個生蝦真係幾好食，我哋四個人食咗兩碟，個海鮮沙律都好食，不過叫咗條甚麼魔鬼魚的東西，唔知佢條魚係咪雪咪喺雪櫃好鬼耐，搞到一啲魚味都無晒！

價錢其實喺同區係有啲貴啦！不過佢個擺盤又真係幾特別既！

坐外面雖然無冷氣，但係坐裡面啲櫈無靠背的，外面啲櫈坐得舒服好多。

哩間舖頭裡面既鹽酥雞用o既粉，係我食過咁多間最似台灣味道既鹽酥雞了，好味！
我耐唔耐都會去食下…呵呵！
而且佢既珍珠奶茶係元朗區最似樣既一家，啲珍珠又唔會太林又唔會好靭！剛剛好…

我喺秋月食咗大大話話有成 6、7 年野，而且我個人對刺身哩家野新唔新鮮真係好敏感，真係唔新鮮我唔食，唔係好似元朗其他舖頭嗰啲咁，要大大件又限時限刻叫你走，食得又唔開心又趕，仲要嗰啲野周街都有，我駛乜咁辛苦走去排隊排成粒鐘食佢地嗰啲香港魚欄攞貨既魚同間間日本料理都食得到既刺身啊！如果識食既人一食就知道秋月啲刺身係唔同啲，連一個普普通通既北寄貝都甜啲，仲有唔好睇少佢啲熟食，一樣靠得住架；佢仲有好多熟客架，講真如果啲野唔好食又點會有熟客吖，我就係其中一個例子；我睇見其他人啲批評真係有啲 有啲出奇，哩間係一間好用心做料理既舖頭；

日日都有廚師特別推介，佢地有好多特別既刺身都係日本進口既刺身，真係好新鮮同好好食，尤其是啲螺同海膽(唔同地方出產、季節啲鮮甜度都會有唔同)，如果嗰啲刺身大家都未食過既話又唔知自己鍾唔鍾意食的話，你地可以問一下老闆娘既意見，睇下邊一種會啱自己既口味；另外熟食方面，我都係大都會喺廚師推介裡面選，而且我係一個比較會嘗試新口味既人，呵呵…喺秋月裡面點菜有時我會是旦點，重點係是旦點都會食到啲好好味既野囉！

仲有仲有，大家去到最好要試試嗰個網燒牛扒，嗰個牛扒汁真係一試難忘，食嗰時記得要點多啲汁同沙律醬或芥末，WOW…真係會食到啲幸福既感覺；另外，蝦鮮果沙律，佢地係用依家合時既生果同鮮蝦嚟做架，啲蝦好有鮮味；金菇牛肉豆腐煱都不錯，佢個湯好好味……仲有好多好多，大家就自己去試試啦；

甜品，最好去到就先問下今日有啲咩甜品，因為真係會好快就賣晒，而且耐唔耐都會有特別口味啊！千萬不要錯過啦！如果食過佢啲芝士蛋糕好食，都可以同老闆娘訂叫佢做架！

希望大家喺哩到會食得好滿足同開心，因為嗰到啲野咁多人都KEEP到佢既水準，而且論質數同用咁既價錢真係划算，咁就要睇大家係食價錢定係食品質囉！

PS︰如果大家都係用試食既心態去試的話，可以喺MENU後面嗰幾頁有啲兩人或四人既SET可以叫架，咁大家如果食過OK的話，下次就可以試下第二啲野食啦嘛。

上個星四我同兩個朋友去咗哩間餐廳到食飯，其實係因為其中一個朋友既同事話哩到啲野好食我地先會嚟，點知一坐底已經覺得好有問題，一張方枱三個人坐但係點解得一份MENU，咁我就再問個服務生再攞多一份，之後大家都選好咗要叫咩野食啦，叫侍應生嚟寫野，咁我就本來想叫一個叫做"芝士薄餅"既東西，咁我就問個侍應，嗰款PIZZA裡面係有幾多種芝士嚟做架？因為我覺得如果一個PIZZA裡面乜野其他餡的話，如果只落一種芝士一定會好單調同唔太好食，所以我先會咁問佢，點知佢個回應係"咪就係用芝士囉，手幾多種係廚房決定" 當時我心裡就諗︰ OH…NO…阿嬸啊！(因為哩個阿姐睇落個年紀真係比較大)咁你唔識去問下廚房會用啲乜材料架咩？算之後我就叫咗一個蕃茄辣牛肉 $72加 $28轉做晚餐，不過無湯無飽無甜品，只係得個餐前沙律同一杯飲品，我另外兩個朋友就叫咗一個蕃茄雞肉飯仲加埋錢轉咗晚餐，佢地個餐就乜都有，不過，好在我無要囉…，如果唔係一定會後悔；
朋友們個湯同飽都上枱了，我睇落係有加咗紅蘿蔔同脆肉瓜既蕃茄湯，朋友們話個湯都還OK，到個沙律都嚟到，哈哈…個沙律真係用錯容器嚟放囉，竟然用個杯，佢又無比支細叉我地去食，我地三個人個個都叉到一枱到係，最後我決定倒佢落個碟到食，咁先食得乾淨好多，沙律還OK只係欠咁啲沙律醋多啲會好食好多囉！
之後，精髓嚟囉！我個飯先嚟，之後我兩個朋友既飯都到了，HAHA…因為我個飯係用個石頭鍋嚟裝，所以我就好自己咁撈一撈佢，之後我就話︰點解我地三個人個飯都咁似同你地頭先飯嗰個餐湯嚟撈落去咁既，三個人一致應同一定係，最慘係…個飯根本就唔夠味，我嗰個我就每食一層就要加一次鹽，我兩個朋友都一樣係唔夠味，一樣要加鹽仲要加埋芝士粉先有味；
之後我地就點甜品同餐飯了，咁又係嗰個答咗等於無答既阿嬸走嚟幫我地寫，佢話話︰今日有荔枝雪芭同玉子豆腐，我地就問咁個玉子豆腐係咪用蛋嚟做架？(我地咁問好正常，因為個名係玉子叫嘛！)點知個阿嬸又回︰吓！蛋啊？無蛋架！咁我地又問，咁係咪凍豆腐嚟架？阿嬸又回︰唔係！(咁夠竟係咩嚟架…個甜品名同佢用既材料一啲關係都無既)我朋友就回︰係咪只係個名係咁叫架咋？侍應阿嬸就好快咁回︰係啊係啊！係個名嚟架啫！我地真係%&^(&^(&(_(_)(_^%$&^%##^$%&佢囉！之後都費是問佢咁多啦！咁咪每樣一個，咁保守啲…一樣唔好食都中有另一樣可以食啩！
朋友個餐飲係檸檬茶，我就叫咗杯熱咖啡，佢地杯檸檬茶一啲茶品都無，我杯咖啡都幾好飲(好在終於食到樣似樣啲既野囉！)朋友既兩款甜品佢也叫我試試，我每樣食咗少少，之後我唔出聲，我只係只佢地食咗個荔枝雪芭先，後食嗰個所謂既玉子豆腐，HAHA…佢地兩試過之後都話 "咩嚟架？" ，嗰時我就話佢個荔枝雪芭根本就唔夠荔枝味又唔夠甜，簡真就淡而無味，個所謂既王子豆腐根本就係一舊奶凍又似豆腐又唔似布甸又唔似既黄黃地色既魚膠粉再君一篤紅豆，一睇就知嗰篤紅豆又係唔會好食得去邊嗰種。
仲有佢地啲侍應同客裝水都好奇怪，都唔會先攞起客人個杯嚟裝，就只係就咁倒落去，仲要係啲水彈晒出嚟囉，一次我唔怪佢，仲要兩、三次都係咁，真係乜野餐廳嚟架！
就係咁我地食咗一餐又唔抵又難食既晚餐，如果好食的話貴一貴都抵；所以哩間野去一次就夠，下次咪搞我！