上星期約朋友黃埔等 , 早左好多到紅磡又未夠鐘 , 唯有去美國寶童年回憶一下同磨下時間

諗住行去108商場貢茶買杯野先入美國寶 , 見到商場入面有間新小食店賣熱狗同沙律 , 後生仔話星期五先正式開張及依家試業中 , 叫我試下佢地d熱狗 , 話係自家制醬汁 , 橫掂有d肚餓order左一個 , 見個舖入面有部烘腸仔機轉緊腸仔 , 個後生仔亦好有心機整隻熱狗
見隻熱狗外觀靚仔 , 腸仔烘過 / 配料 / 加埋自家制醬汁 , 除好味之外 , 亦感受到後生仔用心制作 ; 其實已經打破左我心目中d熱狗(一般都係白灼腸/青瓜/蕃茄/茄醬)

星期六收工同朋友去紅磡, 帶埋朋友再試新野 ,  間舖都正式開業 , 除左熱狗外 , 重有沙律

order左熱狗同沙律

熱狗包同腸仔都烘過 , 包同腸仔皮都食到脆卜卜 ; 加埋自家制醬汁 , 的確好好味

三文魚沙律亦好食 , 兩樣野份量十足 , 飽飽

小店經營 , 自家制醬汁, 後生仔用心制作 , 值得推介支持

去過藍地/沙田/屯門季季紅 , 始終都係藍地最好食

朋友揸車入屯門 , 一定要去藍地季季紅

藍地推介 : 
蝴蝶腩豬肺頂菜膽湯 - 多料又正

薑蔥魚扣 - 唔係烏魚扣 , 不過爽口又夠鑊氣 , 正

前菜豬耳仔 - 次次未ORDER菜就比我掃晒

另外 , 蝦禾米乳香豬 , 係好好睇 , 成隻豬皮脆肉嫩 , 不過成隻豬包住D飯一齊燒 , D飯吸晒D油真係好漏 ; 

唔知季季紅其他分店是否買名經營 , 唔計小菜食物 , 諗住煲湯間間一樣 , 但個蝴蝶腩豬肺頂菜膽湯始終係藍地最正 . 

如果去開藍地想食炒小菜 , 藍地季季紅值得推介

成日周圍打冷 , 陵發d蠔仔真係大粒又好食

大大粒蠔仔的蠔餅 , 唔多地方有 ; 蠔餅香脆之餘 , 大粒蠔仔重係有肥美肉汁 , 其他店舖用細蠔有時會變成干蠔

當然蠔仔肉碎粥： 依然咁正

今日兩公婆去喝茶,叫左下面點心
蝦餃 - 相對佢個價錢,唔叫做好食
帶子腸粉 - 有腥味,過熟, 又"鞋"
咸水角 - 一般ok
炸魷魚鬚 - 咬唔開
只有前菜(花生炸魚仔)幾好食, 值得推介

未飽已唔想再叫其他野食
埋單147, 相對食依個水準.................

我甚少寫食評, 不過今日真係忍唔住寫.............................