黎得美心，味道間間差唔多。。。反而係細位可以留意分別。例如，服務，上菜速度，整潔等等。 中環美心係食物方面無驚喜，因為真係好standard，係間間美心，你都可以食到呢個味。。所以不用多談。 至於服務，中環美心真係好好多，待應很細心，又多笑容。環境唔錯，食晚飯可以食埋海景。上菜速度頗快，食物溫度夠暖。 下次去中環搵食，不妨考慮一下呢間

拜完年，想食個下午茶。去了這家魚米家，人多，多人，坐得有d迫，上菜速度有點慢，不過今日放假，本身唔趕，所以慢慢上菜也ok. 食物水準一般，標準快餐，食物亦不夠暖。 反而下午茶menu 有驚喜，多款式，份量亦足，下次想食個飽tea 可以再黎。

天氣涼涼地，又無雨，最開心就係去bbq. 第一次黎燒野食，下午茶時段，唔太多人，環境舒服，可以享受午後陽光，景觀因為附近有工程，圍晒木板，睇唔到個海。 食物種類算多，包一枝飲品，串好晒黎燒，幾得意，唔駛落味粉都夠味。 服務很周到，員工都很有禮貌。 可惜限時2小時，不夠喉!!!!

晚上怕人多，想找一間寧靜又舒服的餐食個dinner，就想起olea，決定去試下。。。點知一試難忘，點了兩杯cocktail, 幾道tapas 加一個沙律。。。埋單六百幾，送兩個大麵包，超飽，!

同朋友相聚，揀了這家餐廳，看食評幾好，食過之後就覺得一般。 食飯最緊要坐得舒服，坐位可以，但有點迫，肥小小都有點辛苦。 食物水準一般，真的係一般!!!!我地叫左豬仔骨，西班牙炒飯，薯條，係好公式化的味道，即係你在pizza hut 食到嘅嘢 服務方面，待應都很認真工作，盡量滿足客人要求，值得一讚 價值:坦白講，有d貴! 環境方面:bar 的燈光，裝修一般，偏暗

其實去餐廳食飯，我會睇環境同服務多d，食物其實一般餐廳都唔會比d 難食嘅嘢你，最多係同你預期有出入，但係坐得唔舒服，服務差就會形成一個壞的用餐經驗，客人就唔會再光臨。。。 我最近就到了fb 瘋傳的法國小店用餐廳，我係不會再光臨!! 環境:裝修幾好，做㗎啡店ok, o做餐廳就太迫，枱太細，我嘅經驗係待應會同個客講，叫你坐埋d 你阻住條路， 服務:麻麻，除左待應會用英文好唔禮貌咁叫你坐入d 之外，佢地亦唔多主動serve，可能因為fb 之前太勁，太多客慕名試菜，佢地太忙吧! 好未食飯就已經唔開心，又點會再幫襯。 食物水準很高，很美味，我叫了一個拼盤，燒牛肉沙律同意粉，意粉很好味，海鮮很新鮮，沙律都ok 中上水準，拼盤就略。嫌欠牡色。其實這食物水平拍得住酒店，只是當日我受到的待遇太差，不想再了!

叫了三文魚西京燒午市套餐，無限添飲湯。。。 湯有兩款，麵豉湯同羅宋湯。。。但味道太淡，不太吸引 飯餐有蒸蛋，鷄翼一隻同沙律，以及自選便當，份量足夠，蒸蛋好滑，沙律配芝麻醬ok 西京燒三文魚味道不俗。 環境有點迫，但裝修很cozy, 服務因為煩忙時間，不可期望太高 整體而言，如果是平平凡凡食個lunch 是扺食之選!

凍冰冰，梗係食火鍋啦，叫左個芝士鷄煲，感覺似食韓式炸鷄，有點失望，之後加湯打邊爐，佢d 火鍋料幾好，炸魚皮一定要食，淨食已經好正! 個場裝修好靚，令人感覺似食西餐，唔似中式打邊爐，而且都幾靜下，可以同朋友傾計

睇食評幾好就去試下。 食物水準平均，酒吧格調，薯條新鮮好味，pizza 也很好，芝士火鍋就麻麻，連鎖店比它更好，令我有點失望。 飲品方面種類繁多，超讚!! 甜品點了，棉花糖。。。。。。。。一試難忘，喜愛甜食的一定要試。 整體不俗，環境不算嘈雜，可惜坐位欠佳，欠舒適，下次去飲野吹水可以，食晚餐要再考慮

入黎愉景灣行sunday market 順便食埋野，今日很多人，最後揀了coyote', 在冬日帶來一點熱帶feel party mood。 選了brunch ... 蛋架波菜捲，我本來以為好好細份。。。點知。。。比我想像中大，而且仲有超多薯角，仲有兩個muffin (辣味) ，很有特色。再加一杯野飲，飽晒，大滿足，一邊睇風景，一邊食brunch, 一邊享受假日，夫復可求?!