KaterinaLin 等級4 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2020-04-09
疫情期間飲茶有七折優惠，俾個優惠吸引左黎試試。 
金錢肚嘅食材係靚嘅，仲幾好食，唔太鹹，唔會林治治，雖然份量得幾件，勝在質素搭救，兩個人食一碟都好足夠，下次返嚟會再食！ 
鳳爪、排骨都唔錯 
腸粉皮好似皮筋咁煙韌，咬唔斷嘅，唔係一般一咬即斷嘅腸粉皮，似粉果皮但又韌過粉果皮幾十倍，懷疑師傅係咪溝錯粉🤨 
瑤柱珍珠雞，唔係好見有瑤柱絲，只有少少肉末，1/4的鹹蛋黃香味最濃，成為左呢個珍珠雞嘅主角。 
蝦餃王蝦的量飽滿十足，蝦味似雲吞麵鋪嘅雲吞餡內的蝦，同埋調味太重手，過鹹。 依個價錢絕對比一般酒樓貴，係而家疫情7折先黎試試，而且北角附近冇乜幾多間茶樓仲有營業  樓面服務都算唔錯，唔算係超級好，但又唔係差嗰種啦，一般般，可以接受。喺酒店入面的酒樓，但又未感覺到係高級酒店的感覺。 唔知係咪七折的關係，都幾多人嚟食，枱與枱之間應該啱啱好有1.5米距離，不過仍然覺得距離有點近（特別係：當隔離枱有四個人食到成枱成地都一地用過的紙巾及食物骨頭，見到啲唔注重個人衛生的人，真係好怕怕） 評分: 味道 4 環境 4 服務 4 衛生 4 抵食 3
2020-03-09
疫情之下，星期六要去銅鑼灣做啲嘢，就去飯堂食個lunch。 食過晚市的Omakase，午市$250 lunch set也食過，老公請客就食$390 lunch set，振興經濟  （當然大家都好喜歡Tenzen這裡的魚生好新鮮 ）
有沙律菜、麵豉湯、蒸蛋。 每次都很喜歡吃這裏的蒸蛋，蛋超滑，還有帶子在內。蒸蛋的份量不是細細份那種，份量很慷慨，每次都令味蕾很滿足 
我們點了12件壽司兩份一樣，師傅額外多送一件。
嫩粉色肥美的大吞拿魚腩油份分佈如雪花般超靚，這件我哋都留最後吃，為這個lunch 劃上完美的句號。
中吞拿魚和赤吞拿魚都很好 整體的魚生都好新鮮，一如既往的好。 還有生果及雪糕，老公每次都食抹茶雪糕，而我每次都是紅豆雪糕。雖然每次來都吃差不多的食物，不過每次都讓味蕾滿足一餐，亦是精神充電的時候。
評分: 味道 5 環境 5 服務 5 衛生 5 抵食 5
2019-03-25
Apm 的餐廳超多人，每間都要排隊，茶木都一樣，只是朋友嚷著說要吃，那就一起等一會。 是很港式的台灣菜，沒有台灣的味道，只有港味。 點了一份排骨拉麵，炸排骨的份量挺多，有點驚喜！相比在中環ifc 翡翠拉麵吃到的，是兩倍量的炸排骨！面的份量都係十分足夠。
手多多用了filter 食物的顏色比較好看。 朋友的麵是豬軟骨拉麵，沒有問他借來拍照影相，又是那一句不是openrice 專業食家唔記得每次食飯都要 #相機食先，各位唔好意思！ 要讚的是服務員很勤力過來加水，沒有點飲了有點不好意思。 評分: 味道 4 環境 4 服務 5 衛生 4 抵食 4
2019-03-25
在四季酒店開會晚了，本來想到機場快線站的添好運，原來晚上8時半已經要準備關門了，就來這間ifc的翡翠吃吧！來過這裡好幾次，不論下午或晚餐時間都人流超多！這裏的一大特點是：服務員態度很差！兩個人想要兩個餐牌睇，服務員阿姐都眼啤啤，但，在ifc 這個困獸鬥，沒有選擇下只好屈服，哭
炸醬麵味道就是比較港式，有點想念在北京吃到的那種。唯一的誠意就是麵條夠熱吧！ 還有排骨拉麵忘了拍照，不是openrice 專業食家，唔記得每次食飯前都要 #相機食先 都好正常吧！ 評分: 味道 4 環境 4 服務 3 衛生 4 抵食 3
2019-03-25
星期日過嚟九龍灣行傢俬店，行了mega box 人多小朋友多，過到嚟九展，人少少地方冷清，反正行到腳攰攰，就搵間餐廳食個下午茶，唔想食麥記同埋759車仔麵，見到呢間叫「台灣麵」的人客都挺多，就入去試試。 $40 有碗麵、有小食、仲有一杯台灣或港式特飲，住慣港島物價貴，嚟到呢度食下午茶又覺得幾平喎。
叉燒拉麵，要咗炸醬麵湯底，味道比較港式，不過講真$40平時係啲日式拉麵店都唔只呢個價錢，拉麵店至少要$70-80碗。所以覺得呢個價錢已經好值得食。
我嘅小息係炸墨魚丸球，剛剛炸起，熱辣辣香脆，不過唔知點解要灑上調味粉，其實唔使調味已經夠好。
飲品叫了一杯珍珠奶茶走甜，一杯檸檬咸柑橘。珍珠奶茶嘅珍珠太稔，差點就要糊開了。檸檬鹹柑桔味道幾好。唔記得咗影相，唔係專業食評人，唔記得食飯前每次都要相機食先，唔好意思！ 推介美食: 叉燒拉麵, 炸墨魚丸, 雞絲米線 評分: 味道 4 環境 4 服務 4 衛生 4 抵食 4
|
1次成為首位寫食評會員
食評數目
編輯推介數目
3
會員推介次數
169
人氣指數
798
留言數目
上載相片
上載影片
我推介的食評
我的餐廳
關注
5
粉絲
202
