本來已經係荃灣台風拉麵既fans
一聽到旺角開左分店 只知道地址就走去試
本來一般餐廳分店都會比本店失色
但對漁場台風絕對唔係
首先餐廳格局比荃灣舒服得多
燈光較柔和 而凳亦無本店咁高 坐得更舒適



由於新開張 客人都唔係好多
亦見到部分荃灣店既師傅黎左幫手

而到主角 - 拉麵 - 亦同本店有分別
日間只賣沾麵 而到夜間就賣湯麵
今次我地食既分別係本店無既 鏗魚豚骨湯 同埋 海蝦湯

海蝦湯既湯底非常濃郁 而台風一般麵既分量比其他拉麵店為1.5倍
平時係未必食到 但因為今次湯底實在太好味 居然響唔太餓既情況下無食剩


而鏗魚湯就一定會受熱愛魚介湯拉麵既人喜歡
如果唔想試新既 可以先試呢個
而本來荃灣店既叉燒經常都會被話太鞋
分店既叉燒做法同荃灣店完全唔同
叉燒改為薄片 （只係比荃灣薄 唔係真係好薄個隻） 入口即溶 非常美味！！
而溏心蛋亦維持一貫水準 好好食

總括而言 旺角店比荃灣店有過之而無不及 
非常期待下一次去試沾麵
如果唯一美中不足就只係旺角店唔可以選擇麵既軟硬度 希望之後去會有得選擇喇 

平時真係好少寫食評
不過唔寫唔得 今次真係好中伏

叫左一個九洲拉麵 一個味噌拉麵
份量少已經唔多講 兩個湯底都非常淡
完全無豬骨湯應有既味道
飲得出個湯唔係煮出泥 而係撈出泥

另外叉燒又係另一失望位 
雖然肥瘦均勻 咬口唔錯 但只係食到好"蘇"既豬肉味 

隻蛋亦無任何味道

最後只可以讚waiter好有禮貌 服務幾好
但野食真係唔好食 唔會再去

估唔到妹記可以訂枱! 為左唔洗等就梗係一早訂左枱
點知去到7:30pm 都係冇咩客

以前泥過幾次 當然鬼馬油炸鬼就少不免喇
仲叫左魚香茄子, 沙嗲牛肉粉絲煲 同埋 黃金蝦
味道泥講,魚香茄子冇咩魚香味,沙嗲牛肉粉絲煲好少沙嗲味
黃金蝦一炸出泥都唔錯.但係真係唔夠惹味 一凍左就更加唔好食
另外鬼馬油炸鬼唔知係唔係因為原材料貴哂,佢既粉比以前厚左好多呀

價錢泥講佢真係好平 但係野食質素好似愈泥愈下降 希望下次去食既時侯會變好喇....
.

之前已經去過中環豚王食 排左好耐隊但係真係等得抵

今次打算去尖沙咀近D食豚王
去到門口 一個人都冇 入面仲有幾多空位
都估到冇咁好食架喇
最後決定叫 1個黑王1個翠王

一上枱 個層油厚到......
食落口 湯底同中環豚王差太遠喇 今次只係感覺都一陣油味

下次都係唔好貪方便 去番中環食好過

其實已經係第2次泥食架喇! 呢間舖既位都算好辟下..上次都係有朋友帶我泥先識泥
本身間舖頭好細.可能只係坐到15人.上次我泥等左位一陣.同埋重點係我地4個人.根本冇一張枱係可以坐到4個人既.大家要留意一下.
好彩今次下午4點泥.冇咩人.唔洗好似上次咁等位!

今次第2次泥叫左 甜酸雞球同埋 迷你飯團 雞球我上一次已經食過架喇! 其實今次番泥再食完全因為佢!
太好食喇.酸酸甜甜既食物我食得多.呢一個真係數一數二最愛!
佢既肉質勁鮮嫩又多肉汁.仲好熱TIM! 呢個我上次都食過架喇.因為我怕就咁食雞球會太咸所以叫左泥送雞球. $15/3粒好平呀!

佢其實仲有其他野食我上次都食過..
公仔面我本人就覺得還可以.唔係佢唔好食.而家我覺得出街食公仔面...唔係太慣
佢有D魚串同埋炒年糕都同真正韓國街頭既一樣.想去韓國又未去到住既朋友可以泥食頂一頂癮

最後佢地全舖得3個人.一個廚師一個洗碗一個waitress.
服務好好.即叫即整.D野食都好快到.
同埋佢地平時同韓文溝通多架
廚師係真正韓國人 難怪食物味道既質素咁高 而且價錢實在太大眾化!

一定會再去!

以前一直都有泥義順食野...
唔知點解呢排好似愈泥愈唔好食咁... 雙皮奶 - 不過不失..冇以前咁有味...

薑汁撞奶 - 冬天食呢個真係最正..好暖身..仍然keep到水準

豬扒包 - 以前我真係好中意食呢度既豬扒包架!包身又脆又好食.. 但係而家真係冇以前咁好食... 我都講唔出係邊度出左問題..定係分店唔同呢..?

的確義順既service已經好左好多喇..起碼你叫D呀姐佢地都會理你 同埋有禮貌左好多.. 但係野食好似冇咁好食喇.. 我寧願要番個好好味既野食但係service冇咁好都冇咩所謂... ><
同埋D野食貴左好多呀...

希望下次泥好食番D喇...

呢間係爸爸決定泥食既 一早已經幫佢book定位..不過就算係唔係book位都唔係full哂...
但係去到原來冇哂大枱...唯有14人迫迫地坐張細少少既枱喇...齊人就叫佢上菜...坐得真係幾辛苦..
我地一早book定$250個set..真係好多野食

湯 - 我唔知係咩湯 不過好好飲 話咁快就俾一班親戚清哂lu...

豉汁扇貝 - 好正呀..一人一隻即刻食哂 好入味 雖然我一直都中意蒜茸蒸扇貝多D..但唔知原來豉汁扇貝都幾正!

蛋白蒸蟹 - 幾好食..但係佢冇俾蟹鉗我地一開口...食得好辛苦 =_= 搵左個伯伯一陣佢先俾個鉗我地...不過真係好多肉好好食

蒜茸蒸扇貝 - 勁正!!!超愛 同其他親戚都認為係最好食既一道菜

鮑魚 - 大隻..啖啖肉! 不過唔係太入味.都係一人一隻

美極蝦 - 麻麻地..唔係好入味..不過又真係好大隻!!!

龍蝦伊麵 - >< erm...真係龍蝦同埋伊麵囉..比我預期中差既一道菜.... T^ T"

蒸魚 - 哇呢2條魚真係好食到呢!!!我本身唔係好中意食魚架...不過呢條都真係忍唔住要同其他人搶HAHAHA 我唔知佢既份量係點解..可能我地比較多人..所以有2條大魚...真係好正 -3-

瀨尿蝦 - 正呀 唔知點講喇已經

最後佢仲送埋糯米飯, 生果, 油菜
不過仲邊有人食到呀...係我為食食左一碗糯米飯..幾好食
上菜既速度幾快 菜同菜中間根本唔洗等..係咁食食食左2個鐘
對手都冇停過!

不過要提一提..千祈唔好叫飯...因為真係唔好浪費自己個胃既area響碗飯上面!

睇左前果幾期既飲食男女..大讚呢間餐廳既台式牛肉麵係香港數一數二
結果我專登泥左大角咀食...泥到個陣4點幾..冇咩人響度..
老闆娘好親切 service好好 叫左牛肉麵, 棺材板 同埋 滷肉茄子台式牛肉麵 - 哎呀...希望落空喇..唔係好熱...牛肉好有咬口..不過真係冇咩味...湯底都冇咩特別...麵線亦好普通...完全大失所望..
棺材板 - 只得一款..如果有多D choice就更加好喇..同地道台灣既棺材板好大分別.. 比較西式.. 可能為左迎合香港人既口味?? 亦冇我預期中好食...
滷肉茄子 - 加$5 有一小碟..真係冇咩特別..

我唔會話佢好難食..但係我諗我唔會再泥過第2次喇...

之前睇左某一期既飲食男女講台灣野食
去過台灣既我真係忍唔到喇 雖然冇時間去台灣 但響HK都要搵出好咪既台灣美食

唔知幾時西九龍中心food court開左咁多唔同既野食既舖頭仔
間間都好特別咁 唔同一般food court

order個陣先知個老闆原來係台灣人 只係講普通話
咁當然你講廣東話佢都識喇 手抓餅 - 同台灣食既差唔多呀! 佢仲有好多款俾你choose加入個手抓餅入面, order完之後即刻整俾你食 好正呀

大腸包小腸 - 同台灣既唔同...唔係包...係..響痴埋囉 同埋佢加左D沙津響入面...感覺好似hotdog咁...但係個包變左糯米飯 唔錯呢!

野飲係加多幾蚊就有一杯架喇..都係一般既台式飲品冇咩特別亦唔係特別好飲

個手抓餅真係唔錯!!!我下次一定會再去食!

尖沙咀一到食飯時間就度度都要等
見到ricepaper 就即刻快快手入去喇

本身入到去個waiter帶左我地去一張枱
偏細仲要同另一張枱好近-_- 坐左3分鐘 都係轉出去outdoor喇叫左生牛肉河粉同埋沙嗲串燒生牛肉河粉: D牛肉好un呀..咬左好耐...同埋冇味既係...街邊既牛腩河都仲好味話佢..仲要唔係平...
沙嗲串燒: unexpected好食wor 個汁唔錯.. D肉一D都唔老..
不過因為坐出面..好快就凍左喇D串燒..
建議下次食快D

同friend叫左2杯wine傾計
傾傾下仲有幻彩詠香江睇!!!好正呀!幾多年冇睇過

整體泥講
Service好好呀..個個都好有禮貌
食物就其實唔係真係咁好食..
最主要都係食個景 價錢我覺得都OK 飲埋酒都係$180
響TST仲要有海景 唔錯架喇
所以記住book定outdoor table喇

最後一提 坐出面可以食煙 岩哂煙民!