清真牛肉館 (九龍城)

好過舊果間好多喇D環境 又多位又闊唔洗同人迫又唔洗搭檯!!
牛肉餅更加係冇得頂唔洗多講 D肉汁多到一咬真係爆哂出泥..
今次試左水煮羊..羊肉唔SO又勁易咬..好食好食
唔係好辣不過係條脷會麻..好正!!

下次都一定會泥新店大家都唔洗再響舊店等喇

仲有..我去左廁所以為佢係果D好污漕好臭個D.但係又唔係WOR!
所以真係有比我想像中好!!

萬家燒餅皇 (旺角)

我食左燒餅重好多次喇.一泥佢真係好入味.冬天食更加係暖入心.
又特別..

但係呢排真係成日發生左一個情況.
以前餅同肉一定唔會分開既.而家...一打開 佢地就分開喇:
點解會咁..係唔係因為肉既分量少左.所以痴唔實??

我真係唔知道喇.
不過計番佢以前咁多次都冇.係呢排先有(我岩岩睇其他食家都話有呢個情況)
同埋佢仍舊係咁好食.梗係唔會有負評喇!

時新快餐店 (紅磡)

上年泥過時新食佢既包.實在好好食.
見到openrice時新既ranking不停跌.就更加去食多次想知點解會咁.

仍舊係雙層芝士漢堡包
with咖哩汁同黑椒汁.冇問題呀仍舊好好食!!! 肯肯定定比M記既好食得多!!!

今次再叫左雞脾同埋薯條.
講真.雞脾真係唔係特別好食.更好食既其實真係好易可以響其他地方搵到.
下次如果再去一定唔會叫雞脾.
肉質一D都唔滑.仲有少少鞋鞋地.同埋都唔係太有味..
而薯條都係叫唔叫可以喇.佢個茄汁實在係好味既.不過個薯條我老公話真係太堅.食到好痛D牙肉..我明白佢波浪型係好少地方有..不過我肯定佢可以再進步下.

唔知係唔係因為太多人去個度食.最後時新都係令到食物質素下降...
今次專登去食都令到我同老公失望左...

但係下次再俾我路過既我都會去買佢個包食架!!!

康和車仔麵茶餐廳 (大圍)

今日已經唔係第1次泥康和食野.

上一次同老公泥一人叫左一個4個餱既車仔面

魚皮 - 勁讚!!! 真係好好好食.我本身好中意食魚皮架喇.去邊間都會叫泥食.但係呢間...真係好好食呀個魚皮!!!!!!!
豬紅 - 都好食.唔會夾起就散開哂!!!
魚皮餃 - 都幾好食.水準不過不失
雲吞就有少少失色喇...

其實呢間真係幾好.又多choice..今日仲食左個芝士豬頸肉撈面.
我之前未食個芝士撈面.唔知佢正唔正宗.但係就個豬頸肉泥講.佢真係勁好食.
個豬頸肉D肉質又靚.又入味.外貌都一流!!
老板同D人既禮貌都好好
估唔到行行下都可以搵到好野食 一定會再番去食呀!!!

萬麗咖啡室 (灣仔)

個frd生日叫去萬麗食buffet.我本身唔係好大食 都明知會唔抵架喇 不過見呢度有人話d生蠔ok..就去食喇 反正咁耐冇食過喇已經.

去到.環境ok呀.睇過食評一早就知冇咩choice都唔係好大expectation架喇 但係估唔到....

生蠔 - 開頭第一轉我拎左3隻 都ok.幾好食 但打算再拎個陣.我居然拎左幾隻臭既番泥.我老公仲要好唔小心一
野食左 唔得呀真係真係真係!!!!!!!!!!!!!
長腳蟹 - 可以接受sushi - 勁唔新鮮囉睇個樣已經知...我都唔想食喇真係 = ="
三文魚 - ok 都切得幾厚身俾我地
冷盤 - 唯一吸引到我既得冷面......... =____="
熱盤 - 有羊好似好好食咁 不過個陣我已經食完甜品 冇食到 大家可以試試佢呀 =) 其他都..可以接受.
甜品 - 食左2次pancake.真係幾好食.加haggen daz 勁正 -3-* 其他甜品 我都食左少少.不過不失既

$300用卡仲有8折 對於一間酒店泥講係抵 只不過如果俾我用多次$300我真係拎去其他日本buffet食左我仲開心講真
食完出泥我同老公同埋另外個frd都真係喊哂咁既樣.
因為真係太令我地失望喇d生蠔 同埋 choice真係太少喇!!!!!!
$300 可以食到更加多好好味既野...哎!!!
真係真係唔會再去.