在香港瑰麗酒店裏，自己最喜歡的餐廳就是這一間印度餐廳 CHAAT, 由佢開業食到近期摘星，每一次用餐都保持食物水準，服務又好，真係好難得！所以訂位要等差不多兩三個星期，我都覺得係值得。 餐廳由印度籍行政總廚Manav Tuli 領軍、必食推介一定係印度大樹菠蘿咖喱角！香脆的外皮配以大樹菠蘿(代替羊肉)！把這種街頭小食，推行另外一個層次。 Raj Kachori ，一款以脆扁豆和香甜酸辣醬炮製而成的鬆脆餡餅，它的外層酥脆，內裡塞滿了各種美味的餡料如豌豆、小扁豆和肉碎等，非常美味。 今晚主角係Lobster Tikka烤龍蝦、餐廳使用加拿大龍蝦、入口啖啖鮮甜的龍蝦肉，慘出印度香料，層次感豐富。 另一個餐牌以外的推介 Lamb Dum Biryani 加上黑松露的香料羊肉飯，食材使用了新鮮黑松露、陳年印度米、藏紅花和不同的印度香料等及羊肉，吃時切開脆卜卜的面層，熱辣辣的煙立即湧出，每粒米飯也有羊肉的香，不羶的羊肉還很嫩滑。 甜品點少得Chocolate Praline Naan, 記得要留肚食！

今晚尖沙咀人來人往、冇預約基本上冇飯食！就算有都要等半小時以上。唯一的選擇就係人流比較少、尖沙咀免稅店內的亞參海南雞飯。當然要食出名的”尋覓99分海南雞飯”. 海南雞飯分量十足且已經去骨，方便享用。配以老抽、薑茸及蒜蓉辣椒醬三小碟醬汁。海南雞入口雞皮爽脆，只可惜雞肉欠缺雞味及香味、尚算嫩滑。雞油飯只有油卻沒有香茅，南疆，雞油味。整體不能達到70分。我上一次在另外一間分店食，整體分數高好多！幸好咖央多士保持水準。

餐廳開咗差不多一個月、今晚終於等到！餐廳設計非常簡約、平民，最突出就係雲石酒吧和甜品！ 餐牌選擇都幾多，頭盤最深印象就係慢煮八爪魚、由於係慢煮，八爪魚保留完整鮮味。 Pizza品種勁多、點了兩款好傳統的意大利Pizza，Margarita Pizza 和 Porchetta Pizza。 Lobster Fettuccine 龍蝦汁煮意大利粉超好食、意粉有咬口，龍蝦味濃郁配以超龍龍蝦汁！你可以想像一下有幾好味。 主食的意大利烤雞及燒豬，真係唔可以唔食！ 無論你幾飽，都唔可以唔食甜品！ 已經約好朋友再去😋

昔日去深水埗，都係因為去鴨寮街或者電腦城買嘢！最多都係去蛇王協買蛇羹，冇想過今時今日去專誠去深水埗嘆下午茶。正當四處尋找合適的餐廳，突然看見一間挺有風格的咖啡室 Urban 不期然被這餐廳吸引了。 餐廳面積不是很大，設有外、内及閣樓。裝修簡單，有格調，好舒服！今日點左一杯香茅咖啡及一件朱古力慕絲蛋糕！雖然咖啡 is not my cup of coffee，但也不錯。件蛋糕真係好好食！蛋糕不是太甜、入口質感鬆軟香滑、朱古力味啱啱好、最喜歡就係蛋糕面鋪滿了朱古力粉、可能因此使蛋糕朱古力味好有層次。 原來餐廳有由兄妹主持、大哥負責沖咖啡，細妹負責做蛋糕、佢話另外一個必食之選係芝士蛋、期待着下次再去！

六公館、餐館名字帶點文青味、但其實是比較洋化的新派中餐廳。新餐館、又處於尖沙咀黃金位置、當日餐廳接待處人頭湧湧、好熱鬧、有訂位都要等上20分鐘以上、冇訂位基本上不用等。安排入座後、當然睇下有什麼特別之處、座擁無敵海景、一定冇得輸！加上餐廳設計比較洋風、當然給引了好多洋人用膳。 朋友巳經急不及待、點了一大堆點心。點心賣相反而沒有太離地、其中比較深刻印象的是黑金蝦餃、雪山叉燒飽及松露炒飯。 黑金蝦餃是用竹炭加入了食用金沙而成。自己雖然不太喜歡食太花巧的點心、但對這個點心亦沒有大反感。可能黑色點心已是見怪不怪了！蝦餃皮比較彈牙、偏厚。蝦比較爽身、但欠了點新鮮蝦味、湯汁比較小。 雪山叉燒飽、酥皮面夠酥脆、餡料豐富、汁不太糊口、很平均。又夠熱、有即焗的感覺、值得一食。 最後想分享的是松露炒飯、沒有預期的松露香味及覇氣、用比較碎的米炒飯已經是失敗、炒飯沒有鑊氣又是另一失敗、幸好不太油、否則一定退貨。 其他點心小食，一般一般、有進步空間。當然好不好食，都比較主觀，亦都好睇其他主觀因素、餐廳裝潢環境、服務、收費及客戶羣。像我們隔離枱的洋人食客、就食得冿津有味。 可能這也是給我留白的地方，要我再來一次。新派、潮食點心！

小時候和爺爺去飲茶、其中一樣最鐘意食的香港式點心，就係糯米包。糯米包外皮係黃色嘅燒賣皮，入面包住生炒糯米飯蒸成。 糯米包蒸得好香，而且餡料十足、包皮薄薄、包裹着糯米飯。入口糯米帶點嚥靭有嚼口及帶點飯香！ 今日在海福樓這隻糯米包，給我尋回了昔日的味道及回憶。

秋風起除了食蛇羹之外、其實還有多一個選擇、其中一個就是食蟹了！當然清蒸阿拉斯加長腳蟹的煮法最鮮味。 今晚大伙人在酒店歡樂時光後、就去到了黃埔花園的龍王酒家食晚飯。當然要食時令之選、阿拉斯加長腳蟹、大約重五斤一隻、五個人份量剛剛好！自己最鍾意係清蒸、因為蟹一定要鮮。今晚當然唔會失望、蟹蒸出來的時候已經散發出一陣清甜的蟹香味、食指即時大動。相機先食之後、有專人待奉剪蟹、方便食用。蟹肉有嚼口、又夠鮮甜、真係啖啖肉。真係忍唔住口講咗句點解嘅！ 現在不用200元一斤、真係覺得好抵食、飯後已經再相約食第二餐。

好友相約在紅磡嘉里酒店lobby lounge 吹吹水兼且下午茶。自己對甜食一向不大興趣、所以選擇了一個地道美食、餐蛋麵！其實一個簡單而且着地的本地美食！對於一間大酒店來說應該不會太有難度。更何況收費相比一些茶餐廳高出許多、食材成本應該不會有問題了。當然帶點期待。 大約等了15分鐘、主角終於出塲。其實碗麵的賣相是沒有問題。但當我用筷子夾起麵條、問題就出現了！麵條不但沒有鬆開、並有點像煮即食麵過火了的感覺、過於軟腍，失去嚼勁，口感不佳。我估計是由於麵條是一早煮熟再放回碗內、等待客人落單後，再加上午餐肉及煎蛋。當然真係好難食！真係問一句點解嘅？

一向走中高價路線的八月軒，市場定位非常清晰、所以每次飯局一定happy happy。 富貴雞這一道傳統江南名菜又叫做叫化雞，食之前要先用手握錘仔敲打一下外面焗得金黃色的麵糰，然後就會見到荷葉包裹著主角富貴雞的真身。雖然不是超香濃，但都會聞到有雞及荷葉香味。 今次烘焗的時間要拿捏得幾準確，如果焗得過火就會令雞肉流失水分而變乾、令雞肉過於軟腍，失去嚼勁，口感不佳。味道應該用了八角、花椒及桂皮把雞調味，加上了鮑魚及花膠。朋友都大叫 大滿足！ 很久之前，食過用埕頭泥或塘泥裹住來焗的富貴雞，焗出來的雞特別香，可惜現時由原材料及成本問題、現在已經一雞難尋。

平時公務午餐在32公館、並沒有覺得食物特別出色。可能時間比較急促的關係。今日有機會可以慢慢享受一下、發覺原來他們的點心及小菜都是用心製作。今日其中的海鮮泡飯、使得所有人回味無窮。 以沙窩盛載、熱騰騰！一開蓋就巳經聞到香噴噴的魚湯香味。然後待應生就會把炸脆了的米粒放進魚湯中。料餡包括了鮮蝦、帶子、魚湯、菜粒、芫茜、冬菇絲等。魚湯一點腥味都沒有、入口時混合了脆米海鮮魚湯一起食用、感覺非常豐富。最重要是用料新鮮、服務到位。