三喜米線餐廳 (旺角)

七點左右到小店，只有兩枱客，離開時客人也不多，看來小店仍要加把勁了。

二人套餐有溫泉雞翼、兩款米線、甜品和飲品，之前見食評所說的湯是淡而無味，未知是否已作改良，明顯見到湯有下了心思，有胡椒味。專登唔落辣椒油，亦唔覺啲湯唔好飲，所以話呢間係誠意小店。

美極豬扒米線、溫泉雞翼 - 豬扒偏乾、唔 juicy，溫泉雞翼即鹵水雞翼，OK 但無咩特別。巨型魚球米線 - 兩粒大魚球，味道一般。甜品選擇了炸榴槤雪糕，榴槤以炸雪榚的方法處理，配上雲呢嗱雪榚，很合心意。正價好似$28，較一般甜品店便宜，為了榴槤雪榚，行過都會再幫襯。可能是新開張關係，個個都好好招呼，小妹更是笑容滿面，送上榴槤雪糕後遞上清水，話食完甜品可以飲杯水。讚

總括而言，食物仍需改善，希望下次幫襯會有更大進步。

堤岸酒吧及餐廳 (尖沙咀)

幾個月無見班朋友，看見團購的BBQ 自助餐，遂相約大吃大喝去也。

天氣唔太好，訂了窗旁的桌子，看着外面的景色，喝着各自選擇的飲品，心情驟然放鬆下來。

跟一般的自助餐略有不同，除頭盤和甜品自己到外面取用外，BBQ 用餐點形式，吃起來比較舒服。

食物種類也很多，大蝦、三文魚、青口、帶子、牛柳、羊扒等等數拾款，食材水準高。團購COUPON 於星期六日加收 $40，但送上火熖雪糕，好玩之餘亦幾好食。服務亦跟得貼，酒類、果汁無須通知亦自行添加，感覺得舒服。有機會的話，還是值得幫襯的。

八王子拉麵館 (油麻地)

未夠七時左右到達，大約等了十五分鐘。團購買的 coupon，看見主打牛骨湯，點了 "人氣" 的八王子拉麵、胡椒牛骨湯拉麵和蟹柳拉麵。

牛骨湯底比較油，可能是牛油的原故，好處是夠熱，個人最喜歡胡椒湯底這款。溏心蛋有溏心的效果，唔錯。八王子拉麵有很多生洋葱，蓋過湯的味道。蟹柳好食，但味噌湯比較淡，下次會試豬骨湯。點了兩款小食︰一口牛和雞軟骨，都幾大碟，雞軟骨幾香口又不會吃到滿口油，相對較喜歡這款小食。整體黎講都唔錯，正價麵的價錢還是可以幫襯的，但要等團購的人潮過後才會考慮。

高麗韓國餐廳 (北角)

想食韓燒，友人話北角呢間好食，一班新界友就黎咗呢個陌生的地方。

睇地圖都知從炮台山站落車要行一段路，幸好其中一位友人以前是北角人，在地鐵站集合後一齊行到餐廳，原來餐廳在城市花園附近，行十分鐘左右就到，都好方便。

友人話呢間韓燒裝修咗之後，越黎越多人食，以前唔需要計時的，而家星期四1-4人可以食2小時，5人以上不設時限；星期五六日就1-4人1.5小時，5人以2小時，都幾巴閉喎。

上到去感覺跟其他食韓燒的餐廳差不多，食物總類都有好多，而且感覺亦很乾淨。

前菜不少於廿款，啲客人都好斯文，夾得好乾淨。味道大部份都好好味，連炒年糕都有，雖然係凍食，一樣煙韌可口，又無黏著一舊舊，難得。燒烤的食物種類也是很多，除了一款牛肋骨比較韌，咬唔開之外，樣樣都好好味。最估唔到啲人參雞湯唔會太淡，仲有啲參味添，放題有咁既質素，唔怪之得咁多人幫襯啦。

連加一每人$152，友人果然然介紹錯，不枉咁遠黎食餐飯可惜住得太遠，相信再次幫襯的機會唔大

帕莎 (尖沙咀)

從一本 Wine Passport 開始，幫襯了這個集團不同的餐廳。

話說第一次幫襯這個集團的俄羅斯餐廳，餐廳沒有提供食水，要另點飲品。看見 Citibank 信用卡優惠，$580 可以享用 20杯白/紅酒，反正飲品價錢唔會平，便買了這本 Wine Passport。沿着 Wine Passport 可以選用的餐廳，便逐一前往品嘗，每間都各有特式。

今次黎到尖沙咀試新彊菜，早兩天才訂的枱，照例地 full house，幸好經理說有一枱 9:00 的 booking，如果我們答應 9:00 前交枱便可以。當然無問題，反正睇完戲過黎食飯啱啱好，一於嘗試下呢間成日 book 唔到枱既餐廳。

三人行，點了個兩人餐，追加大盤雞，配上美酒，差不多了。感覺上集團對這個 Wine Passport 的推廣頗為重視，之前幫襯的餐廳都會有專人講解每款酒的特性。但呢處剛好相反，問侍應唔識，亦無尋求其他同事協助，幸好有點既念，點了三款酒試試看。今次智利的紅酒好飲啲，之後續杯的都是智利紅酒。新彊烤包配雞肝 - 雞肝很香，但烤包又鬆又乾，撕起來變成包碎，感覺不太好。煙鴨胸老虎菜沙律牦牛肉伴三色海蜇 - 味道偏淡，有點似上海菜羊肉串露荀牛柳粒新彊酸梅蝦 - 似鎮江醋煮蝦蟹肉菜苗新彊大盆雞素餃雙色糕總括黎講，餸菜都好食。二人餐已包括六款食物，再追加大盆雞，三人行十分滿足，以每人不到二百的價錢，算抵食。可是，跟在國內吃的新彊菜似乎有點出入，部份菜色似上海菜多啲，未知是否要遷就香港人口味呢？

當晚還有肚皮舞表演，雖然說簡單的舞蹈，客人還是看得很投入。