近期tiramisu雪糕很流行，今日經過尖沙咀，我都要潮聖。
店內不少顧客都點了一個烏雲雪糕，但是我們不喜歡棉花糖，所以最後選擇了tiramisu雪糕和朱古力雪糕。tiramisu 雪糕賣相很吸引，而且用雙層玻璃杯盛載，不會有倒汗水問題出現。雪糕軟滑得很，中間夾雜充滿咖啡酒味的餅乾碎，跟雪糕一起吃，非常好味。最初覺得杯子很小，但吃下去，發現不是想像中那麼小，飽得很。朱古力雪糕，很香濃幼滑，加上甜度適中，也是必吃的。另外有一支朱古力醬膠管插在雪糕旁邊，但很難唧，所以作用不大。
另一贊美的是店員服務很好，會主動跟顧客談笑，感覺很親切。

原先到西環想食煲仔飯，點知多人到癲，結果即刻轉移陣地，見網上評語不錯既“阿元來了”都好了得，加上都喺附近，所以去試下食。
離遠已經見到有人龍，好彩只係等左大約15分鐘。
為左節省時間，喺排隊期間，店員俾左食物紙我地，揀選食物。我同友人揀左魯肉飯同雞絲飯，小食要鹽酥雞同花枝丸。初初見咁細碗飯，有啲擔心，點知食食下都覺得飽。魯肉飯真係好有台灣既風味，同香港其他台灣食店既好唔同。魯肉汁夠濃味，雖然魯肉有啲肥，但咁樣先正宗。一碗飯只係＄28，相當超值！

同事介紹半島冰室的豬膶通可媲美深水埗維記，今日就同友人去試。
行到街口，離遠已經見到一條人龍，大約有8-10人。原來咁受歡迎，真係估唔到。好彩唔係等左好耐就有位喇，舖入面有啲窄，但店員好好禮貌。
當然要一個豬膶通粉啦，仲係常餐黎架，有火腿，炒蛋同多士，仲有一杯忌廉咖啡。只係＄38，超抵食！個湯底好濃厚豬膶味，不但冇豬膶腥味，每塊豬膶又厚又大片，咬落好有質感！好彩薑絲唔算切得太幼，因為我唔食薑，所以都好容易揀晒啲薑絲出黎！通粉都好爽口彈牙，唔會太淋，恰到好處。

一個人晚餐，拉麵是最好的選擇。
可能是平日的關係，所以不用等位。
見網上評論不太好，決定一試。叫了一碗豬骨湯拉麵，叉燒尚算大片，而且肥瘦適中。湯底都濃郁，整碗拉麵的精華在於湯底，雖然有油膩的感覺，但拉麵湯底就是這樣啊！麵質尚可，我較喜歡偏硬的麵質，這裡的麵質適合我。還叫了一客餃子，賣相不討好，但味道不錯，餃子皮也算薄，饀料足夠。

在屯門區有這樣的水準，算是不錯了！

行完一段又一段既樓梯，終於到堅道，見到對面我想去的目的地。。。freshness coffee。
店內只有兩枱客，我和友人找個二人靠牆座位坐下來。店員禮貌地遞上menu，然後解釋因為今早三文魚太受歡迎，未能趕得上解凍，所以我們只好選擇light breakfast 和smoked turkey bagel 。light breakfast 的份量很適合女仕們，特別一讚是炒蛋，蛋炒得很香、很滑，在蛋上面灑上黑椒碎和香草，增添一份味道。bagel 配以煙薰火雞和蜜糖芥末醬，生菜和蕃茄。煙薰火雞略嫌太薄，可能這個關係，令我吃不出煙薰火雞的味道，加上蜜糖芥末醬本身的味道偏重，故完全佔據了整個bagel的味道。幸好bagel 包的煙韌度不錯，加上黑芝麻鋪滿包的表面，額外多一份脆香。友人揀選了cappuccino，我呷了一口，味道甘苦，咖啡豆的甘香在after taste的時候，從我的舌頭走出來。我自己揀選了mocha，一杯好味的mocha，要做到咖啡和朱古力的比例平衡，不會失重於任何一邊。這裡的mocha，第一口嘗到的味道是朱古力，咖啡味從後出來，層次豐富。
這裡除了食物和咖啡的味道很好，店員也十分細心，當我們食完所有食物，看見店員正在忙碌中，我們都不便打擾，但店員竟然留意到我們，禮貌地問我們想喝那款咖啡，這些服務相信只有這種小品咖啡店才可做到。

男朋友知我鍾意食生蠔，就帶我黎呢度食。我地大約1：30到，店入面坐左3枱客，我地叫左個weekend set，包括salad or soup, seafood platter，main course, dessert 。
有湯或者沙律，湯係周打蜆湯，我地想開開胃，所以揀左green salad 。沙律菜好新鮮，配埋意大利黑醋，完全能夠醒胃！

seafood platter，有5款不同國家既生蠔，每款2隻，一共有10隻，另外仲有2粒帶子，4隻蝦。生蠔非常新鮮，殼邊既群邊仲識郁，老闆娘都有話我地知又邊隻淡味開始食起。食到最濃味既智利生蠔，一入口海水味好重，但過後，蠔既甜味就出黎，好味到不得了！帶子雖然細粒，但都好甜。主菜我地揀左西冷扒同pizza，西冷扒我地要5成熟，肉質好淋，似肉眼多過西冷。食落仲有炭燒既味道，都幾好味！pizza 啲芝士好吸引！！仲要鋪滿整個pizza面，食完呢個pizza已經飽到不得了，可能食左勁多芝士，hehe ！！最後到甜品，今日有2款，tiramisu 同banana cake ，我地每樣要一件。呢件tiramisu完全岩晒我，都算係正宗既意大利tiramisu，如果酒味再多啲會更香！banana cake 反而少左驚喜，兩大舊香蕉夾喺中間，冇咩特式。
整體黎講都好好味呀！以＄298呢個價錢，能夠食到咁多野，又有生蠔食，都算抵食！如果有興趣黎食既朋友，午餐會比較抵，因為同樣既set，夜晚要＄398。
不過最估唔到既係，原來冇餐飲，二百幾蚊個餐，連一杯飲品都冇，有點兒失望！

第一次食金華，看見食評大部分評分都是大讚菠蘿油，所以不得不試。
面對這個菠蘿油，實在又愛又恨。菠蘿包真材實料，內裡不是空心啲。外皮很鬆脆，比起很多大型連鎖店的麵包店好味得多。鮮油不算太厚，但亦能滿足我食菠蘿油的慾望。
另外還要了一個蛋撻，酥皮不算很出色，但熱騰騰的蛋，配合鬆化的酥皮，令人難以抗拒。

終於不用到上環便可以吃到了！
蔗汁非常濃郁，喝下一口，有種清涼感覺。
蔗汁糕雖然不及蔗汁那麼濃味，但吃後，喉嚨舒服得很。
在繁忙的都市裡，停下來喝一口蔗汁，吃一口蔗汁糕，令人舒一口氣。香港人。。。給自己放鬆一下吧！

在大坑行了一圈，最後選擇康記粥店。 店舖雖小，但顧客爆滿，還有在店外等候外賣的顧客。和友人點選了炸兩，豬潤腸，艇仔粥和滑牛粥。 粥店由一家三口經營，媽媽負責整腸粉，爸爸負責煲粥，小兒子負責找續金錢和傳菜。一家人各有自己的崗位，用心經營一間粥店實在不容易。 媽媽的記性很好，不用抄寫，便記得客人的食物。艇仔粥用料十足，沒有味精，豬潤腸的豬潤熟度剛剛好，不會過火喉。 現今這些傳統粥店少之有少，加上舖租不斷上升，實在很難經營，大家多多支持！

於網上看見這間cafe位置在樓梯旁，感覺很世外桃園，便和友人一同到訪。 行過兩大段樓梯，終於到common ground ，店內只有3枱客人，所有客人都是外國人。 坐下來店員便友善地向我們遞上餐牌，我們點選了一份all day breakfast 和chicken burger 。

all day breakfast 以木盤呈上，有多士，炒蘑菇，豬肉漢堡，腸仔，煙肉，炒蛋，沙律菜和薄脆。吃下一整份all day breakfast 的確很飽，多士很好吃，即使沒有牛油和果醬。炒蛋非常軟滑，份量都很多。第一次食all day breakfast會有薄脆，感覺很清新。

chicken burger 內有菠蘿，配上醬汁，味道非常好。麵包經過烤焗，脆口得很。沙律菜很新鮮，如果黑醋汁再多一些會更好。

cappucinno 略為偏酸和苦，難以入口，對比latte，latte 的味道正常點。 common ground 位於永利街上，要行經兩大段樓梯才去到，幸好天氣清涼，不太熱，要行上去都不算辛苦，但如果夏天，就未必會來了。