西門町台灣麵食 (旺角)

喺旺角行完街，想食台灣野，上網search到呢間好評如潮，就同男友黎食，原來男友好耐之前都有同朋友黎食過。
店舖細，枱與枱之間都好狹窄。我地叫左一碗紅燒牛肉麵，一碗香酥豬扒麵，煎蠔卷。牛肉湯底都算濃郁，牛肉好淋，唔會“痴”牙，好入味。而且牛肉切得好厚身，好有質感。湯底好清，略嫌唔夠味，所以自己加左男友碗牛肉湯底。麵質爽口彈牙，唔會太硬，又唔會太淋。炸豬扒炸得唔夠香口，有啲淋身。蠔卷反而有驚喜，卷入面都算多蠔肉，好香好好味！初初以為係茄汁，原來係辣茄汁。雖然蠔卷係炸，但將蠔卷醮上辣茄汁，一啲都唔覺得油膩。

L'attitude (尖沙咀)

近期tiramisu雪糕很流行，今日經過尖沙咀，我都要潮聖。
店內不少顧客都點了一個烏雲雪糕，但是我們不喜歡棉花糖，所以最後選擇了tiramisu雪糕和朱古力雪糕。tiramisu 雪糕賣相很吸引，而且用雙層玻璃杯盛載，不會有倒汗水問題出現。雪糕軟滑得很，中間夾雜充滿咖啡酒味的餅乾碎，跟雪糕一起吃，非常好味。最初覺得杯子很小，但吃下去，發現不是想像中那麼小，飽得很。朱古力雪糕，很香濃幼滑，加上甜度適中，也是必吃的。另外有一支朱古力醬膠管插在雪糕旁邊，但很難唧，所以作用不大。
另一贊美的是店員服務很好，會主動跟顧客談笑，感覺很親切。

阿元來了 (西環)

原先到西環想食煲仔飯，點知多人到癲，結果即刻轉移陣地，見網上評語不錯既“阿元來了”都好了得，加上都喺附近，所以去試下食。
離遠已經見到有人龍，好彩只係等左大約15分鐘。
為左節省時間，喺排隊期間，店員俾左食物紙我地，揀選食物。我同友人揀左魯肉飯同雞絲飯，小食要鹽酥雞同花枝丸。初初見咁細碗飯，有啲擔心，點知食食下都覺得飽。魯肉飯真係好有台灣既風味，同香港其他台灣食店既好唔同。魯肉汁夠濃味，雖然魯肉有啲肥，但咁樣先正宗。一碗飯只係＄28，相當超值！

半島冰室 (北角)

同事介紹半島冰室的豬膶通可媲美深水埗維記，今日就同友人去試。
行到街口，離遠已經見到一條人龍，大約有8-10人。原來咁受歡迎，真係估唔到。好彩唔係等左好耐就有位喇，舖入面有啲窄，但店員好好禮貌。
當然要一個豬膶通粉啦，仲係常餐黎架，有火腿，炒蛋同多士，仲有一杯忌廉咖啡。只係＄38，超抵食！個湯底好濃厚豬膶味，不但冇豬膶腥味，每塊豬膶又厚又大片，咬落好有質感！好彩薑絲唔算切得太幼，因為我唔食薑，所以都好容易揀晒啲薑絲出黎！通粉都好爽口彈牙，唔會太淋，恰到好處。

Freshness Coffee (半山)

行完一段又一段既樓梯，終於到堅道，見到對面我想去的目的地。。。freshness coffee。
店內只有兩枱客，我和友人找個二人靠牆座位坐下來。店員禮貌地遞上menu，然後解釋因為今早三文魚太受歡迎，未能趕得上解凍，所以我們只好選擇light breakfast 和smoked turkey bagel 。light breakfast 的份量很適合女仕們，特別一讚是炒蛋，蛋炒得很香、很滑，在蛋上面灑上黑椒碎和香草，增添一份味道。bagel 配以煙薰火雞和蜜糖芥末醬，生菜和蕃茄。煙薰火雞略嫌太薄，可能這個關係，令我吃不出煙薰火雞的味道，加上蜜糖芥末醬本身的味道偏重，故完全佔據了整個bagel的味道。幸好bagel 包的煙韌度不錯，加上黑芝麻鋪滿包的表面，額外多一份脆香。友人揀選了cappuccino，我呷了一口，味道甘苦，咖啡豆的甘香在after taste的時候，從我的舌頭走出來。我自己揀選了mocha，一杯好味的mocha，要做到咖啡和朱古力的比例平衡，不會失重於任何一邊。這裡的mocha，第一口嘗到的味道是朱古力，咖啡味從後出來，層次豐富。
這裡除了食物和咖啡的味道很好，店員也十分細心，當我們食完所有食物，看見店員正在忙碌中，我們都不便打擾，但店員竟然留意到我們，禮貌地問我們想喝那款咖啡，這些服務相信只有這種小品咖啡店才可做到。