icc開業已好一段時間，一直久久都未踏足過呢撻地方。早排同個客仔吹開水，話佢個仔請左佢去食個lunch buffet。話cafe 103 望住個境食好開心，所以就做下孝順囡請爸爸媽媽食。 我大概提早半個月多打去訂window seat,個職員話我屬後補咋。所以如果大家想睇境記得要早啲預訂喇！ cafe103 lunch buffet 12點正先開始，我地已經早早11點半到達。因為見平時食開啲buffet , 無論早午晚都可以提早入坐。坐定定等食。只可惜cafe 103 只提前5至6分鐘安排入坐。。。不過我真係好驚喜竟然可以被安排係window seat ,仲要係梳化位勁舒服！兩老見到個靚靚境都好開心，係甘影相留念。 我之前睇post 好小人寫lunch buffet ，就係個小野食同甜品ok。所以特登簡單講下個lunch buffet大概有啲咩食啦～雖然同啲post講一樣，款式真係唔多。 凍海鮮有長腳蟹，青口同凍蝦，長腳蟹帶小咸不過食落新鮮。凍蝦係食過十幾間之中最正嘅一次！蝦size唔單止大隻，咬落札實得來爽口，隻隻有蝦膏。我地3人都不禁大讚！ 沙律提供自助亦有5款左右嘅特色沙律提供。 自助沙律都係平時嗰啲啦～但係就無我最鐘意食嘅粟米喇。特色沙律試左大蝦，吞拿魚，牛柳絲，海蜇等等...味道不俗。 cafe103提供3款刺身同2款左右冷面。冷面無試，刺身食左一round。不過不失。呢度有幾款ham同芝士提供，試下無防！ 走到熟食嗰邊，最有興趣係個意大利雲吞。有兩款提供，呢個必食！讚！食左個菠菜芝士餅都好正，齒夾留香！其他熟食兩老就試左，雖然熟食唔多好在佢地都算滿意。熟食仲有牛，羊，菜，青口，炒面，蝦餃等等.... 我最開心都係食個甜品，一泥我鍾意食甜野。佢個擺設又靚啲款樣樣都好想試。款式多朱古力味嘅甜品，cake有芝士款又有栗子款同開心果。有馬卡龍仲有好精緻嘅朱古力。可以肚皮又限，只係食到一半咋！ 最後，食埋佢4款雪糕嘅其中2款。真係飽到不了。 cafe 103 款係唔算多，但睇番個場其實都唔大。而且我覺得自己都食左好多款啦～因為我飽到試唔哂我啲甜品，無想像中甘差~ 啲staf 服務好好，又主動幫手影相，又勤力收碟。問野都好親切問答

難得朋友一聚，有個大肚媽媽提議話想食lunch buffet。另一位友人又話想食生蠔，所以係open rice搵下資料就book左呢間餐廳喇。 佢標明話係海鮮午餐，所以我都比左小小期望。 冷盤海鮮有愛爾蘭生蠔，開邊龍蝦仔同鉗，仲有蝦，青口，蜆同螺。都幾附合佢個標題。冷盤泥講，我淨係對生蠔，龍蝦仔有興趣。啲生蠔都算肥美，偏重咸海水味，係我既喜好。開邊龍蝦肉質爽口，吾錯吾錯! 食左幾輪冷盤就夾左啲salad，salad選擇不小，另外佢知龍蝦汁南瓜salad好特別，鐘意龍蝦汁既朋友記得吾好錯過。薯仔salad都係我大愛。 至於熱葷我就無食過，款式吾算好多。不過仲有湯面炒飯嗰啲都正正常常。 甜品款式都吾算有咩大驚喜，但味道還是不錯。而最令好驚喜係佢個朱古力cake竟然係甘濃郁，口感軟腍腍。。。大推介 最愛雪糕係我平時最愛用泥終結我完滿既一餐。食左個瑞士朱古力雪糕真係好正，吾單止味道濃濃的，而雪糕夾雜住朱古力薄片，口感富有層次嫁!另外焦糖味都吾錯，大家可以試試。 埋單用恆生有85折，一人300有找可以話算抵食，但前題係如果你個人鐘意食生蠔，龍蝦仔甘就回哂本喇

Mr steak 平時就食得多。lunch salad bar ,set dinner...試過都覺得吾差。聽聞左佢間buffet都有一般時間，而食襯既朋友同同事都一致好評。所以就約左個朋友仔初嘗試試。 我地book左5-7時段。因為平100蚊( ´▽` )ﾉ 一上去到搭正5點，侍應非常迅速地安排入坐。 一坐底我地2人吾理甘多，啲手袋同戰利品都飛哂係啲櫈度。即刻飛左去排生蠔~~之後有職員比左個箱我地放係櫈底，非常體貼。 嘩(≧∇≦)即開即食好生鮮牙。。。不過睇到個開生蠔既員工就認真慘-_-# 當然佢既鴨肝，蟹腳就一定必食! 鴨肝食完一舊接一舊，令人欲罷不能。啲蟹腳又勁粗，啖啖肉有口感得泥又鮮甜。正牙(>_<)! 其實都知呢類型buffet係貴精不貴多既。而佢既刺身都算幾新鮮，但有一款就有小小腥。沙律同主打既和牛當然吾放過啦！但最喜愛既紅菜頭就麻麻地喇。。。和牛就吾覺佢真係好似平時食開嗰啲甘正囉~所以都係主打食番生蠔，蟹腳同鴨肝算lu.... 呢間buffet都有提供芝士，ham嫁，不過我就興趣不太。熟食款式吾多。反而甜品供應量就非常之岩我心水。 正所謂，女生食甜品是有另一個胃的(￣∇￣)所以款款甜品我都試小小，最為深刻係佢既咖啡mousse,味道非常濃郁~讚。而雪糕竟然有開心果dreyers ，簡直係令我非常驚喜!仲一口氣食左兩杯添。 最後值得一讚係幫心太軟伴碟畫花既員工，手工非常了得。要求佢畫個公仔，佢主動要我比張圖佢。係今時今日既香港，敬業既人真係小之又小。希望佢地繼努力。

曾幾何時想食韓國菜在香港真的不廣泛。但從星星開始，韓風潮真係愈來愈熱今次嘗試既係辛安東元祖奶奶雞 地位未算旺角既市中心，但只要按住open rice提供既地圖係又易搵到。食之前一星期就book左晚上9點~雖然提早左到，但都好快安排入坐 被職員安排係2樓入坐，場內很有地道韓國感。連洗手間都係鐵門，好得意~坐位舒適度以旺角出名迫爆泥講都算係合格嫁喇 講番食物先啦，一行2人就點左4款菜。 前菜當然係點泡菜啦！價錢公道，吾係一般貨色。辣度控制都好又甜甜地啲~~正! 小食就點左咖喱芝士年糕，芝士落得一啲都吾孤寒~而啲咖喱年糕係煮到入哂咖喱味大愛!!!! 主食當然係招牌菜元祖奶奶雞啦，配菜煮得好淋，好入味，啲雞配佢啲特制汁好好味，再睇真啲原來佢有啲透明粉係底嫁，又係入哂味，食到停吾到口牙 之但係食到呢到我地2個人都飽飽地，好彩我地最尾一樣係冷面，冷面幾清爽辣辣地，都吾錯。由於我地叫太多主食，所以係一定食吾哂嫁。好彩有得免費打包拎番屋企食咋! 係呢度提提大家，如果2個人去又係女仔。如果叫左半份奶奶雞就叫多1，2款小食好喇。因為佢啲透明粉係足夠2人份量。

一到放假又係試新野既時候，今次去開cwb就一試呢間日本菜。由於無book位，所以被安排坐bar枱。坐位吾算好迫，仲望住個師傅係度燒串燒好香流口水喇。。。 睇左一輪餐牌點左4樣野食，友人點左杯威士忌梳打，泥到個賣相同圖一樣都幾靚仔。。。。。。。。。但係友人一飲之下即大爆“勁淡超淡威士忌加水一樣!從來未飲過甘差”由於我質疑友人係咪要求過高，我就淺嘗一口真係非常之淡!以68蚊來說呢個價錢飲杯甘既威士水真係吾值!如果威士忌同梳打係甘貴，我提議老闆寧可將產品加價。都吾好整杯甘既極品出泥! 講番啲野食先啦 叫左個海鮮蘿蔔沙律。啲刺身無魚味，佢啲汁配啲蘿蔔出奇的好。但我個重點會係刺身多啲囉，所以好失望~ 小食叫左明太子玉子同明太子汁炸煆。玉子就不過不失，友人大讚炸蝦味道好。但我就比較鍾意食脆身多啲。 主菜係鹽湯拉面，都係普普通通啦。 最後因為見到佢啲串燒好香，所以叫左串牛舌同豬肉蘆筍卷。火喉吾錯，都可以一試。 而值到最後杯野飲都係飲左2，3啖。

一直都好想試下茶木，但成日都驚好多人。所以都提吾起勁去~今次係撞岩特發情況先食到。可能下午茶時間，竟然好快就有位喇 2人一共點左3樣食品~飲品友人選擇左抹茶紅豆，她說味道相當不錯!!!而我選擇左熱水果花茶，味道無咩特別又無咩水果味。好普通 先泥份蠔餅好大塊又多蠔!炸得好脆又吾會太油~正! 再泥豬扒肉燥飯，肉燥小得可憐沒什麼味道感，如果以台式餐廳來說真係好吾合格因為係基本野~~!豬扒就不過不失。 最後就係我非常期待既吐司喇真係好靚牙~味道好脆口好正既。。。但對於可能吾好太甜既人來說食幾舊已經放棄了，非常之滯。 附加:坐位有陣陣“宿”味

放假最鍾意嘗試新野，睇過open rice呢間一門食評吾錯就提早左book位。 在跟妹妹shopping 過後發現趕吾到9點個booking。於是7點左右致電希望更改時間，職員非常之好地說沒問題，還笑說佢地無甘早收工。十分風趣。 10點左右到達，店裡環境暗暗的彼有氣氛。坐位很有空間感~坐底商量後點左4樣野。上菜速度都算快。 先泥個海鮮刺身沙律，份量幾大刺身不少。估吾到係吾使100蚊既貨色!超讚~味道酸酸甜甜的好開胃!再泥係海膽玉子燒，個蛋好滑同啲海膽幾夾。 食日本野當然吾小得壽司啦!叫左10件嗰款，價錢雖然比一般貴小小。但用料泥講係幾鮮味~最後叫左個白身魚茶碗蒸做完結，可能我地放左一陣先食。所以呢樣有小小腥 另外叫左佢個啤酒上面有啲碎冰泡，呢樣係最吸引我試呢間餐廳既原因。係香港係比極小地方有得飲配埋串明太子雞串簡直係爽!! 係呢度有小小野補充既係，個廁所可能太寧靜，有小小恐怖。。。。。

機緣巧合之下，係open rice 得知passion 係tst開左分店。甘岩出開去附近就走去試試。 其實大大話話只係灣仔嗰間都去過3次。已經係佢既fans,只可惜我什小過海。所以當知道佢係tst 開左真係非常之開心！ 講番正題，如open rice 所指地圖一樣，p3一出直行就到。非常之易搵~裝修比灣仔嗰個更有格調。下午時間依然很多人，室內坐滿就只好室外進食。雖然佢有風扇，美觀卻不涼快，在燈下轉動時更令到環境閃下閃下搞到我望住啲野食暈暈地。 今次都係叫左我大愛既(small box )salad , 紅菜頭係必食，今次食左菇同貝殼粉都一如既往水準，由於好肚餓食左佢個三文魚旦批，幾滑但係都好滯下。下次吾可以兩樣一齊叫，要多個人share 先得！凍咖啡就不過不失啦。 呢度既cake我都非常之鐘意食，但係就一值無試過佢啲麵包。撞正員工係出面問佢邊隻好名，佢話隻隻都甘好味嫁見佢講到甘就買左個泥試下喇！當然一定要買番幾件cake 我先會走啦！如果佢開係我屋企樓下就好喇，次次放假實落泥食番個lunch

今次係誤打誤撞係open rice 度搵到呢間餐廳，見佢主打西餐又有cocktails 飲，所以就即管試試 地方吾難搵。開頭仲以為係一間酒吧，落到去原來係一間酒吧格局既餐廳。但環境比酒吧仲熱鬧。 係選擇恐懼症下，點左一份吾使點煩既2人餐，前菜同主菜都有4款，各樣可選2款。餐湯當然就吾會小啦！不過可以加錢轉我大愛既酥皮湯正！ 餐湯算正正常常，最緊要係夠熱！ 前菜係沙律，豬肋骨條同雞翼。 個沙律幾fresh,豬肋骨條啲汁甜甜地都吾錯， 雞翼非常香口！ 登登登~~~~主菜當然會選擇卡邦尼意粉同黑松露龍利柳，其實我本人對龍利柳係非常之一般，所以都用好平常既心態去淺嘗一口點知！！！！個黑松露醬同個龍利柳簡值係夾得天衣無縫牙！連佢啲伴菜都好味到不得了！而卡邦尼個汁比一般食開既小，但反而吾會甘滯，而每一啖都食到好濃郁既芝士同煙肉味，完全係大愛！ 食到尾聲先知原來佢個餐仲有個雪糕提供嫁！ 另外我地以跟餐半價價錢叫左2杯cocktail 味道吾錯，一款記得個名好似叫blue live,男朋友仔話酒味吾夠濃，但我試過認為味道吾錯，另一款就吾記得咩名lu

經常收工都鍾意係荃灣食飯，晚上荃灣食市都算很繁榮。打冷小菜，中西食店，甜品舖...係呢個不大既地方都算應有盡有。本身都好鍾意食燒肉而係荃灣就正正沒有，經朋友介紹先知道開左間韓燒，就即刻同男朋友仔走去試試。 一上到去就見到門口有個自動感應公仔會同你打招呼，雖然幾得意，但係個公仔無五官就@_@.........呢間店係用迷彩做主題背景，員工都著哂迷彩服，實在係我地兩個迷彩fans 既大愛！(≧∇≦)呢間店同我去韓國食韓燒既格局差不多。上高有個好長既筒幫你吸哂啲油煙味，食完吾使臭到死-_-#坐位係一個個高筒，裡面可以打開個蓋放私人物品。非常方便！ 我地2人商討一論，因為未食過呢間，所以就決定試啲基本野....豬拼盤，海鮮餅，海鮮豆腐鍋。店員落單後就會即刻為我地放上一籃菜，配菜，醬料，仲有前菜同凍湯添！ 另外店員放上一個鐵壺，然後溫馨提示我地呢壺係玄米茶⊙_⊙個鐵壺幾型嫁，我男朋友仔吾單止鐘意佢地套迷彩制服，仲好想要個鐵壺(￣∇￣)差啲想問啲店員係邊度買，幸好我阻止了，實在太懢介喇～～～ 講番食物先～ 我地一路傾計一路食住啲前菜等，有冬菇同泡菜味道就不會不失啦。如果有啲更加特別既會令人比較加深印象哦！ 首先泥到既係海鮮餅，個餅厚薄適中，但啲海鮮料都算吾小，佢有個汁跟，其實味道吾錯，不過我覺得點吾點汁個區別吾算好大。 之後主菜個豬肉拼盤泥喇(≧∇≦)一睇份量好似吾係好多甘，但係最後飽到嘔。 呢度好似去左韓國甘，吾使自己郁手～而個女店員係非常之有禮貌同細心，佢不但詳細介紹我地點食，到我個海鮮湯上枱，佢仲主動問我地要吾要添碗。正所謂今時今日既香港，有幾多個食店係不索過千價錢而有甘好既服務同細心，真係值得一讚！ 講番正題＝0＝其實因為我叫既係豬拼，所以都吾係好識分邊樣打邊樣，但係啲豬既脂肪比例都算正常，有啲仲燒到個脂肪脆port port, 幾好味。而海鮮豆腐湯一向係我既大愛，呢間料都算幾多，味道中上啦！ 食完埋單問佢拎牙籤，個牙籤盤仲裝左啲香口膠同糖，真係好細心牙。 吾知係咪新開張有折扣，好似埋單係平左^_^另外門口旁邊仲有兩款槍game 玩。 我地埋完單走左過去想玩*^O^*原來免費嫁！吾個同新開張有無關係啦，對於我泥講都幾有真實感嫁，不過就射左2次都吾中個公仔=皿=有個似老闆既韓國人教我玩，本身用緊廣東話講野，講講下佢講左韓文，不過佢地真係好nice ,到最後都係個韓國男人幫我射到個公仔有個紀念品拎走( ´▽` )ﾉ開頭都吾知係佢幫我嫁，後泥有個又係韓仔但操半咸廣東話我知先知。本身想多謝個男人，但係見佢又埋頭玩緊射槍，所以就無打擾喇。 呢間店我非常鐘意，味道都算正宗，食物不錯服務很好。我會再泥，但唯一可惜係(￣∇￣)佢申請緊酒牌，未有酒飲。希望呢間店keep到食物水準同服務態度啦，最緊要係快啲有酒牌，(>_<)好想飲韓啤牙