上次第一次來文記，食咗瑞士雞翼及辣汁螺肉，一試難忘😋。 瑞士雞翼: 瑞士汁味道啱啱好，煮得入味，雞翼內的肉汁好juicy👍。 辣汁螺肉: 辣汁好正，但螺肉就同D汁溝唔埋，螺肉味道淡D👎。 於是今日再試其他十大必食推介 - 今日叫咗蠔皇小花菇、鹵水豬大腸。 蠔皇小花菇好味，炆得好入味、好林及好滑👍。 但鹵水豬大腸就麻麻地，唔夠林，唔入味👎，應該欠缺火路，其實未炆好就咪比客人食啦😒，重話係十大必食推介。 下次會望吓D餸ok先叫。

知道此店是新開張，見其他食評寫此店食物不錯，今日特地前來試試。 女侍應推介飯類有椰子雞湯，於是點了海南雞飯。 等了不久，飯就送來了，發覺雞的份量只有數件，少得可憐，放在飯面上，另有2片青瓜。 雞的味道似不是新鮮，似隔夜咸雞(是不新鮮的味)，肉質係“鞋”嗰種。 味飯不熱亦不新鲜，有大量“飯焦”，食吓食吓，心有不甘，食不下去，問了待應為何有“飯焦”，她只知唔以對，她提議轉白飯，個白飯亦不熱，我只食了一半作“充飢” 椰子雞湯係最正常的，但份量太少。 (食物太差，激氣之下，相也沒有影)

時不時都會來幫襯德發，為食心癮一起，就心思思走嚟食。
今日叫碗雙併~ 牛丸牛腩河，2個餸豐富D。
牛丸: 多汁彈牙，充滿牛肉香味，非常滿足!
牛腩: 冇牛丸咁出色，但半肥瘦牛腩炆得夠冧，味道不錯。
湯底: 充滿腩汁及牛丸汁既味道，正!
河粉: 爽滑新鮮。

想食日本拉麵又要平、靚、正，晚上來了横綱。
多年來也會不時來吃拉麵，水準依然。
來到店門前外，人龍依然，等了約半小時。
今晚我選了魚豚骨拉麵，而朋友選了味玉拉麵。
店拉麵坐無虚席關係，拉麵製作時間也較長，待應也不時為我們refill 玄米茶。
等了約20分鐘，待應終於端上我們的2碗拉麵。
魚豚骨拉麵: 豚骨鰹魚湯底非常濃香美味，拉麵口感煙韌，半肥瘦厚义燒冧滑好味，入口即溶，荀爽嫩，溏心蛋非常美味。
味玉拉麵: 豬骨湯底，加上粒粒义燒，配上雙份溏心蛋，蛋黄流心，蛋白美味!

與朋友來到上水，必須到此區特色食肆試試，朋友推介了此店。
到達時已過中午時飯時間，但店內仍擠滿客人。
店內裝修非常懷舊，估計是六十年代裝修，非常特色。
我們選了2個套餐，包括波羅油、蛋治、牛肉通粉、奶茶、好立克。
由落單至第一樣食品送來，也要10分鐘。
先送到的是波羅油，很可惜，波羅包凍了，吃起來有點失望，但脆皮仍然是脆的。
反而蛋治非常不錯，厚厚的滑蛋，方包新鲜軟軟的。
奶茶很滑，香濃茶香，不錯!
牛肉通粉加上羌絲，牛肉吃來是新鮮牛肉，份量亦多，通粉略冧，湯味略淡，後加了香濃辣椒油，更添美味。

此類特色食肆已絕無僅有，值得推介!

星期日的午餐試了Mr Steak的semi lunch buffet
餐湯、沙律、甜品等是自助餐形式
我們點了2份西冷牛扒及1份羊架
心想Mr Steak的主打必然是牛扒，所以點了牛扒，沒想到西冷牛扒不可以選擇生熟程度下，竟來了全熟的牛扒😭 
兩份牛扒到了，presentation不錯，但用刀一切，感覺件牛扒有點硬，心裏有中伏的感覺，再切了件放入口，明顯是過熟了，另一件牛扒也同樣的過熟及冇乜味，我們是要用力將件牛扒切細件及不停混些汁來調味，才能把它吃掉😵。
這裏的服務是不錯的，在這裏要一👍。

到蘭芳園嘆午餐，我總愛選擇我的至愛喇沙湯米粉同奶茶，今天也不例外。
中午食晏時份店內擠滿上班一族，再加上國內遊客慕名而來，等位是在所難免。
等待一輪，我的午餐終於一一送到。
終可真正嘆到我的喇沙湯米及奶茶。

好耐冇去金鳳食扒，今日無意中經過食咗個午餐。入到餐廳，都算幾full。
叫咗個set lunch，包括牛扒配意粉、忌廉湯及牛油餐包、凍檸茶。
總括來說，以此價錢，尖沙咀區算抵食。

星期六去咗探尖東忌廉哥，不過忌廉哥訓緊攪攪豬，探唔成之後去咗食壽司。黄昏時間6点鐘去到呢間迴轉爭鮮，只需排2至3個number就得喇，可能晚飯時間過早。
坐落發覺食品種類唔算多及迴轉帶唔係放滿，不過勝在多三文魚，而三文魚都幾0K。一碟只係$8，都非常抵食，平絕尖沙咀區。

是晚的晚餐因想快點完成，又想吃點中式食品，就選擇了有點心吃的唐記。 此店一向多人排隊購買，是晚也不例外，我選了雞札及咸魚肉餅飯。整體都不錯，跟普通茶樓吃的差不多。 雞札裏的雞肉都好滑,豬皮腍滑，豬肚唔"un",芋頭係粉芋,夾埋落腐皮，好食! 是晚咸魚肉餅飯係剛剛出爐，所以特別新鮮，肉餅裏加了馬蒂，令肉餅吃起來不感到硬實，咸魚0K，飯好新鮮!