初次認識呢間小店的時候，店址仍然在錦田，好開心佢哋搬咗嚟元朗，我終於有機會試下。 週五晚用whatsapp book 定枱，好快收到回覆，過程順利。雖然我哋並唔係喜歡瘋狂打卡影相，但都揀咗坐喺靠近門口最有特色嘅枱，但真係好細張枱，食正餐的話，唔方便，好容易整跌嘢。 當日試咗天婦羅set及鰻魚飯，正如其他comment 所講，鰻魚飯新鮮熱辣辣，調味適中；天婦羅好有自家製嘅感覺，用嘅油好新鮮，唔會有怪油味，外層炸粉厚薄適中，蝦亦新鮮爽囗。 最 impressive 嘅係甜品，首先叫咗玫瑰蜜糖蛋糕，唔止蛋糕嘅presentation 靚，連隨隻义及餐巾亦好有心思咁扎得好靚咁送到客人面前；蛋糕嘅餅底微脆，玫瑰+蜜糖味道夾埋好襯，比我想像嘅更出色，所以就再order 埋另外一款百爵茶味burnt cheesecake, 呢個亦都係茶味香濃，真材實料，但我就覺得玫瑰蜜糖更合自己口味。 飲品方面，比較多茶類飲品，冇熱嘅咖啡，但佢嘅雲朵coffee 亦唔錯，打卡好靚之餘，味道亦ok, 可以隨意加埋一併送上嘅小瓶牛奶。 好appreciate 店主把每個用餐時段set 成兩小時，讓客人可以舒舒服服咁享受吓，慢慢食，傾吓計。我當日嘅用餐經驗大致係好嘅，唯一美中不足，係一枱3-4位年輕女士比較大聲傾計，希望下次唔好遇到啲咁like 大聲講嘢嘅客人啦。

甚少到大埔，今次入開黎，周圍行下，亦見到open rice 食評不俗嘅so thai so good, 等了約20 min 才有枱，算ok 啦！
兩人晚飯，叫了軟蟹墨魚汁麵、炒通菜、炸魷魚圈和一個甜點。
最好食係通菜，熱辣辣，有鑊氣又夠味；墨魚汁麵稍微淡了些，唔算出色；炸魷魚圈都幾鬆脆，如果墊底嘅辣汁再多些會更好；甜點係芒果mousse 配菠蘿Panna cotta, 芒果mousse 好食，但Panna cotta 就冇乜味，既無甜味亦無奶味，得個樣好睇，失望！

今日有點病病地，又未食lunch, 最想食碗越南湯粉作為下午茶。
這裡提供的下午茶餐選擇都幾多，由越式三文治、沙律、湯檬、撈檬到小食拼盆都有，價錢最平的$38，最貴的好像$70 多，我今日就揀咗豬頸肉湯檬。配埋凍檸茶，$47 攪掂，話平唔平，但坐得舒服又夠清靜，乾淨企理，相信我以後都會常常來tea!
至於食物方面，豬頸肉共有兩串，應該係新鮮熱辣剛燒好的，醃得唔錯，跟埋一個有些似點串燒沙爹嘅醬，幾好味！湯底就一般啦，唔夠濃，稍微淡了少少，但加番d 新鮮青檸和辣椒，即刻好味番曬！最抵讚嘅係湯底非常夠熱，與及服務員一次過將湯檬、分開上的豬頸肉、兩小碟嘅醬和青檸辣椒一起送過來，感覺良好，免除我又要再三要求才能拿到青檸辣椒作調味，讓我可以享用到熱辣辣嘅湯粉！

平日最愛在忙完家務後出去吃一個下午茶，今次剛好到銅鑼灣買東西，就到常常在食評中出現的喜喜，試試我心𥚃面覺得怪怪的雞批浮台。
喜喜的餐牌有很多不同的選擇和組合，由於我已經有了明確目標，也不作他想，欣賞完個餐牌後還是叫了雞批浮台和香蕉pancake 的特餐。
先講雞批浮台，青荳湯比我預期的稀，如果能夠濃厚一點會更好，但荳味仍然是有的；雞批水準正常吧，由於我在之前的食評得知，這裡的侍應哥哥會為雞批注入茄汁，雖然我覺得有點怪怪，但仍願意試試他們這「傳統」口味，其實還是不錯的，就像我們食sausage roll 時會加上茄汁一樣，味道還是很配的！
叫我喜出望外的是，當日的香蕉 pancake 多了些軟雪糕在旁邊，我在別的食評沒有見過有雪糕的啊！真是不得了，整碟香蕉pancake 即時加分，喜喜的pancake 做得很好，鬆軟有蛋香，香蕉、合桃數量不少，混合了糖漿和少少已溶化了的雲尼拿軟雪糕，真的是十分滿足，超級喜愛！

匆忙地要買一個蛋糕為家人慶祝生日,心目中希望揾到一個小小的、樣子精緻的。
走遍整個奧海城二、三期，能夠買到蛋糕的都已經看過，選擇其實不多，最後就選擇了這裡的朱古力蛋糕（chocolate truffle cake)。其實都有點心大心細，畢竟這𥚃專賣朱古力，不知道其蛋糕的水準如何，但由於這個蛋糕的size 和外型都十分合心意，（$138，約半磅）即本試試吧！
結果是真的比我預期更好，朱古力味道非常濃郁，不會過甜，入口尚算幼滑，相信如果是給小朋友吃的話，可能未必會很喜歡，但對於我們幾位喜愛香濃朱古力味而又怕太甜的人來說，這個約半磅裝的蛋糕，真的很好，所以就算剛吃飽了生日飯，仍然很快就把蛋糕消滅了！

聽過朋友及雜誌介紹，終於有機會食次lunch!
真是滿懷希望！可惜, 比預期差少少！
索價$2xx 嘅壽司午餐和海鮮飯，我期望有更多和更優質嘅選擇，尤其是那個海鮮飯，只有三文魚、三文魚籽、海膽、帶子和蝦，新鮮度是ok 的，但談不上特別鮮甜，亦沒有那種鮮魚片鋪滿了整碗飯面嘅豐盛感覺，失望！
至於那壽司午餐，還可以的，睇得出師傅好比心機做，由於我們坐在bar 枱，壽司逐件上，也唔方便影相了！但師傅每件壽司也會介紹是什麼魚，非常之有禮貌，亦好留意客人反應，值得讚賞。
其中特別係左口和𩶘魚好鮮味！

新開張不久，剛好當晚有炒蟹做半價，就試下啦！
平日晚上八點左右，不用等位，也大概因為這位置，位於最高層的一角，不算特別就腳，但是亦有7成滿，餐枱分佈也有合理距離，有些枱還配有梳化座位，蠻舒適！
晚飯order 了咖喱炒蟹，原價$288，現半價，亦可以黑椒炒，waiter 話有斤半重。味道正常啦，但是隻蟹有點削，肉稍欠實淨，睇落應該唔足斤半，但$144 係奧海城食炒蟹，都已經非常超值了！呢個咖喱蟹用個煲serve 出來，賣相幾吸引架!如果加碗白飯，應該都唔錯！
最後用埋d 汁，撈埋另外order 嘅炒粿條食，份外惹味。其實個粿條都炒得幾好味，夠鑊氣，唔會太咸，配料都唔少，大約$80 上下，算係咁啦！
另外亦有多款set dinner 供應，價錢約$100起，有平有貴，總算有多一個開餐的選擇！

想到金滿庭開餐，除非好早好早，或者很晚很晚，否則多數要等位。這裡菜式水準平均，收費又並不太貴，難怪有一班長期的忠實fans! 
今次想講的，是這裡一個我十分喜愛的甜品-
桂花湯丸紅豆湯（名稱大約是這樣吧）
這並非一般的紅豆沙加湯丸，而是一碗充滿桂花香甜味道的紅豆糖水。冇錯，是紅豆糖水，因為是頗稀身的糖水底，並沒有紅豆＂沙＂，紅豆數量實在不多，但就有十粒八料迷你芝麻湯丸，湯丸外皮又不會太厚，吃完也不會太滯，一邊食一邊聞到桂花香味，做得好好味。難得每次侍應給我端上來的時候，熱度仍然很夠，否則湯丸放久了就唔好食，呢個係一個好有誠意嘅甜品！
所以每次就算我吃得多飽，都必定點！

這已是個多月前的飯聚，因為實在喜歡這裡的lunch, 還是盡力記一記寫番一篇，讓在尖東上班的朋友可試下這間餐廳！
四人飯局共點了四個set , 其實以我們的食量，order 3 個sets 也足夠了。
先講頭盤，由於我們全點了不同菜式，就真的可以每樣一啖，試多幾款，超開心。
木瓜沙律，個汁好開胃，係一個好好的開始；
米卷，正常；
炸蝦餅、炸雞，全是即叫即炸，不會太油膩，不錯；
還有冬蔭公，我一向唔多飲，但見個不太食得辣嘅friend 飲完又飲！應該幾好掛。
主菜方面，全是咖哩，只不過有齊雞、魚、牛和豬，但難得的是，所有嘅咖哩汁都各有不同味道，並非單純一款咖哩汁再配不同肉類，我們一向甚少在lunch 食太多飯，但當天就不停地添飯和蒜蓉包，因為要試清楚各款汁，但都是值得嘅，咖哩煮得好味，不會只得辣味，抵讚！
最後還有芒果糯米飯，雖然份量少，但無論presentation 或用料都係有心機嘅，芒果肉又香又夠甜，一小口的椰汁糯米飯，食完都唔會覺得＂漏＂，真正完滿了這個Thai Lunch!

首次試這裡的晚飯，點了套餐，包括例湯、紅米飯各兩碗，通菜、炸雞和黃金蝦，兩個人食，食唔曬打包回家下一餐繼續食。
例湯方面，正常住家湯味，當然啦，跟這裡嘅招牌湯比較，是清少少，冇咁濃郁香甜，但收貨啦，豈碼我飲完唔覺特別口渴，相信冇乜味精嘅。
炸雞和黃金蝦都算是above average , 蝦新鮮爽口，炸出來夠乾身，蛋黃味香濃；炸雞都一樣，夠味，皮脆口，食埋釀係入面嘅飯，係有d 肥膩，所以不能食太多，最終要打包了！
當然啦，價錢話平又唔算，兩人大約$300，但質素、服務比茶餐廳好，又冇酒樓咁貴，都算係咁啦！可以再來！