下午同一班同事去食lunch,有同事提議去兆萬,我心諗唔通佢想食放題.
原來同事係推介呢間日本餐廳.
環境裝修唔錯,座位都算舒適,坐係窗邊望住西洋菜街感覺幾relax.可能係lunch時段,間餐廳都無客滿.Lunch餐牌都有好多唔同既定食選擇,同事話呢間日本餐廳魚生飯都okay,就試一試佢個雜錦魚生飯定食.雜錦魚生飯定食 - 雜錦魚生飯有三文魚,鱆紅魚,蟹子,甜蛋同青瓜(全由廚房決定),面再有芝麻,賣相都幾好.個飯有d紫菜絲,佢地令個飯更香口,仲加左少少麻油.個定食仲包埋麵豉湯,一杯飲品同甜點(雪米磁),大約$70既價錢都算經濟

我的第1篇食評梗係搵其中1間我喜愛的餐廳-大班樓.
3星期前訂好位同家人來個晚飯,侍應安排我地坐樓上,環境都算整潔舒服.
我地前菜有酥炸金針菇同清酒煮蜆
酥炸金針菇 - 炸得幾香口但無好油既感覺
清酒煮蜆 - 蜆好新鮮同入味,襯托既蘿蔔絲亦好有酒味,一流既前菜 主菜梗係有叫雞油花雕蒸大花蟹配陳村粉,呢個簡直係大班樓其中一個亮點,上菜時已經吸引晒我地全家人既目光.蟹肉非常鮮甜,d陳村粉吸收埋雞油花雕更加係我家人既至愛.  除左蟹,當然叫埋蝦先至完滿.大蝦2味(蝦子蝦球同炸蝦頭) - 蝦子蝦球非常爽,炸蝦頭亦好酥脆. 
其他主菜仲有話梅肉桂糖醋排骨,南乳三耳上素腐皮包
飯後甜品有桂花杞子雪糕同杏仁茶
桂花杞子雪糕 - 雪糕好滑同有奶味,加埋桂花杞子,絕配  杏仁茶 - 杏仁茶都好濃
店員服務細心同專業,我同我家人食得好滿意既一餐.