近來心情就有如周遭環境一樣，陰霾密佈。 呼吸著鐵一般的壓力。 朋友叫著離開一下家門，找個地方吸新空氣。 屯門牛遠離市區，總是找不到休息空間。即使被稱為大西北的鄉野，也是寸金尺土，還是我仍停留在二十年前香港，接受不了現在。 網上看到它，陽光味很重，就走進去感受。老闆重重的打造這裡，每個位置用心經營。 叫了中烘焙的Piccolo，果味酸度突出，值得嘗試。 哭夠了，想找空間呼吸，推薦這裡，不要再躲在抑鬱的家裡好嗎？

係openrice睇到依間野ga[芒果拿破崙]好出名,
而我個fd又好鍾意食拿破崙,咁就帶佢黎試下啦買左兩件,一打開發覺比想像中大份
我重以為得美心咁ga size要賣成$28,原來有double

一食落即刻feel到佢係即制,d酥皮超脆!!
食落材料亦非常配合,不過如果d芒果可以再多少少就好啦~
唔係太feel到入面d芒果,不過已經出色過我食過ga任何一款拿破崙

睇openrice話佢話老闆娘脾氣唔好,都有d驚地
不過可能我係外賣走..佢又冇咩點喎

港島遊GA最後一站----Burgeroom
睇到d食評就覺得一定要黎試下依個Portobello Cheese Burger 大烤菇芝士牛肉漢堡$85
其他食家朋友仔冇講錯..佢個位置真係幾僻下..去ga途中行錯路幾次
不過都無損我地對佢ga興趣一行到門口就見到:[6:00p.m.前8折]
睇一睇鐘--5:58!!即刻衝入去買左個Portobello Cheese Burger $68超抵一見到佢就愛上左佢!未食已經覺得$68係抵到爛!其實我地一行四人未食都已經好飽...但係一食到個burger就覺得飽死都要食左佢!!
個burger每一層都好出色特別係個菇同個肉
估唔到佢個大菇係勁多汁一咬會流入個口度
而個肉就真係正到唔識形容..多汁,熟ga程度剛好
佢係我食過gaburger入面最好食嫁!(m記絕對要彈開)

佢間餐廳個環境都幾好,雖然唔大..但係就有種令人想約班三五知己係度聚舊ga feel
而且d staff都好nice..雖然我衝入去問佢地重有冇下午茶果時比佢地笑

有機會一定會再去同推介比朋友仔!你係值ga!

我一向都唔係榴槤ga fans~不過會食下咁囉~
但係見到甜姨姨ga[超級榴槤雪山]咁吸引,都忍唔住要叫黎食一黎到就覺得佢真人靚過上鏡
第一層:榴槤乾(好好似大樹菠蘿乾咁dislike)
第二層:榴槤雪糕(好似話係自製ga,不過我覺得唔夠榴槤味同太重奶味
第三層:係凍冰冰ga榴槤肉!!!好好食呀!!!好香好甜
雖然唔係佢地整ga,但係起碼佢識簡
第四層:係榴槤cream+榴槤沙冰~
* 將第三層同第四層一齊ga真係正到冇得頂!
因為有d冰係度,所以食極都唔膩
外圍有條威化餅..不過完全不值一提
因為份量好大,所以我地四個人分都食到好多
而且啊姐都冇講說話我地聽第二次再去同個啊姐講走乾同威化
個啊姐話:[冇得扣錢嫁喎!]
我夠知啦!只係唔想浪費我個肚食佢姐..
唔通佢以為我想[少飯減一蚊?]之後再叫又個[芒果大合奏]
好普通..而且d芒果乾黏住哂d牙,好辛苦
今次我地6個人叫左2個又冇比人話..可能係下午茶冇咩人所以咁啦

上openrice一睇..香港牛腩邊度最出名?
唔睇諗啦!-----九記,咁就一於試試佢啦~要左碗[清湯腩伊麵]外賣$30一打開就feel到d香味走緊出黎
試一試個湯,,正呀!!!香濃
試一試d伊麵..正呀!!!幼滑
反而d牛腩好難咬開!
食左兩件就再冇理過佢
而d伊麵就清哂

其實都飲得出d湯有味精..而且重唔少添
不過我覺得食物好食未得囉~好多野係食之前我地都知唔健康嫁啦~
未又係照食,,好似d公仔麵同杯麵咁(深受HK歡迎)

本身諗住去勝香園食個晏,點知東主有喜唯有去蓮香樓坐坐,去到我要左杯龍井,
味道一般,反而香片重正~行去拎野食都唔多款式簡,一於試下個蓮蓉飽食落去唔覺得有野咁特別..係多左個咸蛋黃囉北菇燒賣同樣冇咩驚喜..不過d菇幾入味就真ga

簡到冇野好簡..要左個鴨腳扎都係同上啦~普通
其實我想試佢ga豬潤燒賣嫁..不過無緣
環境係幾好ga..依家香港真係好少佢咁ga茶樓
不過如果d人係為左佢d食物而黎我就覺得唔太值囉

港島遊ga第二站:羊肉卡巴
睇完少年食神就有d心思思想食
一去到佢地先啱啱開門(啊姐重掃緊地)
諗都唔諗就要左一份[羊肉卡巴]$55全程都要同佢講英文,
期間佢問我地要咩汁,我地簡左蒜蓉
講完我先諗起openrice有人話3隻汁mix重好食
不過算啦!蒜蓉都好好食我地兩個女仔食一份都覺得好飽..
而且唔知係咪生洋蔥同蒜蓉ga關係
愈食愈辣,差d頂唔順
不過佢d羊肉好香口,又唔騷,又多
咁ga價錢算唔錯

特登搵左一日同d朋友實行港島美食遊,身為屯門人真係冇咩事都唔會過海
第一站黎左永樂園食[雙腸熱狗]$11d汁都幾多下..多到跌左d係我個fd件衫度
味道都幾好..但係整體黎講佢都係一個普遍ga熱狗
如果再行過又肚餓ga話,我會考慮下
但係要我特登黎食就諗都唔洗諗

係open rice見到佢$168任擇四個海鮮,就一於試下佢啦一去到就坐左係石堤邊..諗住可以睇下日落嘛
點知一坐去..就見到下面d石勁多水曱甴!!!!!!!!!
超級嘔心!!!好彩佢地係返屋企姐..過左一陣就冇哂
幾驚佢爬上黎

之後叫左$168ga套餐:炒聖子:個汁唔夠味,d肉梅梅地,重食到有沙成碟野最好味係d蔥,
d蟹連個殼出面都冇味佢係全場最好食野一碟
好多蒜蓉..雖然d蝦好細..但係味道好!豉汁蒸白鱔:個汁幾好味,不過就好重果皮味
未必人人頂得順~而且食多兩件就好膩重叫多左枝藍妹,都$20咋
我地得兩個女仔,食淨好多野
P.S.不過d送一黎到..就有4,5隻野貓係張枱側邊四圍行
等我地比野佢地食..期間重要係度打交..
我本身係鍾意貓嫁..不過果幾隻貓真係好煩好騷擾我
d伙記趕極佢地都唔走

總結黎講:
屋企樓下d茶餐廳d小菜重好食過佢
雖然食海鮮咁GA價係平..但係我寧願比多幾十蚊去食好d

夜晚食完海鮮諗住走,點知啱啱走左船
要等多9個字唯有食完糖水再走

去到見到人地食緊飯(阻住人地添)
我個fd話想食芒果腸粉係幾好食..不過芒果+椰汁味都好難整得難食
元朗B仔都有..味道又差唔多,唔洗特登走入黎食

食完覺得唔係好夠..諗住叫多碗糖水
竟然我地發現......雲耳烏豆糖水?!真係未聽過喎..膽粗粗問下啊姐重有冇
又真係有得賣喎~好似8,9蚊碗一食..比我想像中好食
d糖水係類似冬瓜水ga味
而d雲耳烏豆都幾淋..完全可接受

我地正係度傾緊佢到底有冇人買ga時候..
有班c拉走左入黎拎訂左ga芒果糯米糍
順便問有冇雲耳烏豆糖水賣!..重話搵左好多間糖水舖都冇
估唔到..原來佢係有市場嫁..