穿過違和感既工廈區，上來呢間酒店28/F，別有一番安寧，旁邊石門邨，夜景乍看以為眺望港島東堤嘉亨灣旁。 尤愛帶子，不論刺身，還是海鮮窩，都非常新鮮大隻，海鮮窩帶子有整個手掌大，忘了拍照。 整晚另一驚喜係甜品，手工豆腐布甸配紅豆蓉，很滑不甜漏，$68很有誠意水準！ 餐廳都是請日本師傅，臨走時都很有禮貌每位向我地道別；餐廳另一端是近池旁的酒吧位置，下次再試。 這裡的Sake wine list 款式貴精不貴多，穩陣「作、獺祭、伯樂星」都有，特別少少的有「黑耀、羽根屋」，品酒資料介紹寫得很清楚，價錢在酒店而言很恰宜，基本上門外漢也能選到心頭好。

有驚喜的團購體驗！
和家人一起去試，地點比較偏僻，從理工大學行過去要半個鐘，的士10分鐘，自己開車附近有停車場（10分鐘步行）。

一坐低先叫刺身壽司，帶子最低食，新鮮肉厚，火炙更有風味；海膽、鵝肝壽司偏細份，但味道可以；甜蝦、三文魚、吞拿魚等正常水準。

帶子如果不跟壽司落單，刺身方式上碟就很細粒難食。

天附羅，炸得不錯。

串燒有驚喜：
1. 用孜然粉燒，燒牛肉粒和豬頸肉，好香和肉質嫩！
2. 鹽燒蝦，夠大條，平時街市都要$40先得6-8條海蝦，所以抵食！仲有蝦膏！
3. 蒜蓉燒蠔，都好食，但燒完縮小太細件。

4. 燒脆肉瓜、菠蘿，不錯！

汽水和冷熱清酒任飲，韓式定日式汽水一支市價都值$8，飲品款式多！

唯獨要講的是，紙巾服務，香港地，我無試過餐廳要紙巾是要俾$1買tempo，想要多一張最薄墊餐具的「紙仔」，女服務員直接說沒有！太小氣了！（我們當然不敢動旁邊桌上的薄紙巾）

這店老闆食物方面舍得花錢，但服務就一般。