餐湯：南瓜湯，不錯，上枱時溫度夠熱，夠暖胃。 主菜1：Margherita，餅底薄、餅邊脆、茄味濃、芝士能覆蓋全個餅面。regular size都頗大份，足夠2個人share。 主菜2：augus beef burger，麵包既有牛油亦有漢堡扒的肉汁、配料也很惹味，紫洋蔥片、煙肉片、沙律醬(唔係好多，但夠味，否則蓋過牛肉味)。安格斯漢堡扒好厚實，5成熟左右，中間粉紅，肉味香。伴碟一份炸薯條，粗身、乾脆，好食。 餐飲：加錢upgrade cappucino，奶泡綿密，咖啡味夠香，不酸不苦。 地方：2人枱來說，枱面偏細，基本的放2個水杯、2份餐具、2隻碟、2杯餐飲，上第1份主菜之後便放不第2份主菜。 堂食9折。叫2個餐連upgrade可以過$300，做到2小時免費泊車。

1. 7pm左右, 仍然可以walkin有位。食完離開大約8:50pm，仍然不full，入座率8成左右。 2. 入座時會出一個QR code，用手機scan完之後，入到一個落order的網頁，成餐所需的湯底、肉類、丸類、海鮮都是要這樣落單。有相片，有註明份量，出貨量準確。同意是環保的做法。不過叫第3次脆肉鯇時，遲遲未到，找侍應查詢才獲悉無晒。原來無貨不會通知，這點不太好。 3. 牛肩胛，第1碟好好食，但追加的1碟竟然un到食唔到。 4.蔬菜櫃只是一個有玻璃門的櫃，不似雪櫃，感覺不到有冷氣去保存新鮮度。款式10多款，每款必須1碟碟的方式取。不過其中1碟豆腐味道怪怪，不敢吃。 5. 飲品是一般本地罐裝汽水、韓國罐裝飲品、盒裝道地、jolly shandy。啤酒要自費，逐杯計或者全枱人頭計upgrade任飲。 6. 自助熟食區，無特別參觀，不評論。環境初頭以為係廚房或者工作間，入口擺了一車車待清潔的餐具。 7. 軟雪糕，自助由部機到拉出來。沒有品牌名也沒有說明味道，只知有白色及黑色2款。食落根本無味，只係凍。又唔覺得有甜味。 8. 加湯，請自己去湯底櫃取一壺壺的湯自己加。個湯淺色到好似的加凍水一樣(用普通膠水壺裝住，外觀更似)。 9. 最大問題，亦是寫這篇食評的重點。好大油煙！餐廳標榜火鍋、網燒、鐵板燒，令食法有gimmick。但當每枱都燒的時候，加上火鍋水蒸氣的帶動，油煙熏著客人。(我們當時2人選火鍋餐，沒有玩鐵板燒，獲安排坐火鍋枱) 就連隔離的家庭，又火鍋又鐵板燒，都說俾d油煙攻到睇唔到對面，眼也打不開。我們坐在這家人附近也吸了不少油煙。離開餐廳時，頭髮和衣服也散發出油煙味。很失望。一些燒肉店都配置下拉式抽氣管或爐邊抽氣，可惜這店只是開冷氣機。 10. 只食火鍋，2人計，共$392(連加一)，任食2小時。沒有提幾時last order，沒有預早收錢。因為實在頂不順，未夠鐘便起身走。

蒸籠料理原來推出了好幾個月，今日偶然見到便一於來個嘗試。6:00pm去到，剛剛不用等位。在接待處點好湯底選好套餐便可入座。由於匯豐卡有promo，於是叫了澳洲和牛餐，講明要埋蒸籠。 食得牛涮鍋，估計客人應該集中食肉類，所以自選區主要是供應蔬菜、豆腐、烏冬，只有少量其他肉食(餃子、肉丸、魚餅、芝心丸等)。 店員先上鍋底，再加上木蒸籠，利用湯底水蒸氣蒸熟食物。和牛及海鮮每人一份，無refill。和牛味道不差，切得很薄，沒有雪到冰硬的樣子。店員會提供沙漏，水滾出煙放入籠，計時3分鐘食得。店員也有提供黑椒調味。有牛味，亦有油份，墊底的蔬菜拼盤索晒牛肉汁，好食。海鮮方面有扇貝、生蠔、蝦、魷魚仔，今次就要用另一個5分鐘沙漏計時，味道也不錯，有鮮甜味。 雖然食完和牛同海鮮，可以追加蔬菜拼盤蒸其他野，不過每round都要等3分鐘先食得，不如直接淥來食。於是吃完蒸籠部分便叫店員收走個籠，繼續用湯底涮涮。 可能有好幾個月無食過，不知道是否有變過，今日的軟雪糕同以前唔同，雖然仍然係牛奶味及朱古力味，但食完無鞋口的感覺，進步了。 2個人90分鐘晚餐，用匯豐卡優惠價，但要以正價加一，共$604(round up整數)。成$300 per head食個和牛餐，就算已優惠後是否抵食，由各位自行計數，反正今晚當慶祝，食好一些是個人預算之內。

放工在尖沙咀找地方吃晚飯，兩個人都行累了，又不想在連鎖店，假期前又想經濟一點，當沒有頭緒之下，準備過馬路過尖東前，在華美達酒店地下見到張全部都係意粉的menu，每份價錢$98左右，於是即管一試。 個門口係一條向地庫行的樓梯，乾淨及光線充足，落到去只見2道玻璃大門，1道似去後勤通道，另1邊就當然就是餐廳。 我和老婆的反應是，吓，呢間係餐廳? 點解無人的? 當時是晚上7點幾，呢個場景令人好出奇。在「包場」的情況下便試試這裡的意粉。 看menu的時候，侍應哥哥便從廚房取出餐包上枱。是一般普通的圓餐包和anchor牛油。點好意粉後，就可以隨便取餐湯。一中一西，自助任飲。在西餐廳飲中湯? 反正任飲，試一試。是日西洋菜湯，竟然ok，足料且飲完後不像平時飲例湯後要飲水沖口。蘑菇湯很有口感，蘊含一粒粒蘑菇碎，香。 不消一會兒，意粉便上枱了。份量豐富。三文魚每塊都幾大塊，不算多。最好的是，廚師灑了很多香草碎，很配合白汁的味道，意粉中亦有車厘茄和蘑菇，不單調。而蒜香野菌意粉，名符其實，有很多菇菌，蒜香味不算嗆，很溫和。意粉質地幾有咬口，因為有汁，所以咬落唔乾唔un。最緊要，我本人唔食芝士，呢2款意粉的汁，起碼我食唔到有，感覺良好。 餐飲有啡或茶，各有熱和凍選擇，自選加奶加檸檬。都是自助任飲。 吃完呢餐埋單離場，全晚呢1個幾鐘，仲要係尖沙咀區，竟然只有我地2個幫襯?! 好似拍戲咁......老婆，我包左間餐廳同你撐枱腳。 都講下環境，一貫西式佈局，牆上掛細細幅藝術畫，枱面細細樽裝飾花。好靜(因為無人)，不過都因為在地庫無車聲或行人來往騷擾。無異味，無油煙味，無清潔劑味。 食味因人而異，未必完全作準。但在尖沙咀區不用等位，價錢100左右，環境又靜的吃個平民西餐，算是咁的。

為外父賀生日，選擇了個好地方給他。沙田出名的除了乳鴿，還有這裡的片皮鴨。記住要事前訂定，walk-in叫一隻要等70分鍾。

我們要了一食的方法。師傅會在我們旁邊起刀，很快便上第一碟，鴨皮。皮與肉是完全分開，就這樣一塊塊點砂糖來食。真的很鬆化，油香十足，切出來的大小也很好。由於仍然有油分，不會像吃脆片般碎開，也不會像燒味店的燒鴨般油光滿滿。十分不同的體驗。

然後再上連皮鴨胸肉，最後係鴨腿肉。配料也很足夠，5個人分享都足夠。

熱喇喇的膜膜，以蒸籠上枱，保持溫度和濕潤，很薄而且沒有很重麵粉味蓋過鴨肉味道。

也要一讚服務好好，食片皮鴨會說明清楚是什麼部位，點什麼配料的食法、亦為每位客人加茶，為茶壺加水、當我們想再看menu選甜品，遞上menu時已經打開甜品頁。

另外，車位算充足亦易泊，7:30pm駛入都有位。是晚消費了$2000，可享4小時免費泊車。

九龍城多食肆，而且火鍋店也不少。今日星期六晚竟然不用等位，可以walk-in，仲有卡位坐，夠空間擺到一枱都係。

雖然只是任食，飲品要另叫，啤酒幾貴，$2X一枝，於是叫左一樽自家竹庶蔗矛根($30幾蚊可以倒到4杯)，唔太甜，涼涼地，幾配合打邊爐。

湯底都係一般的選擇，不過來打邊爐不是飲湯，來個最傳統的鴛鴦(紹菜上湯+沙嗲)底。

食品選擇都OK，海鮮類要加錢(九肚魚、魚片個D除外)。肥牛新鮮，好薄，有牛味，而且不是冰到硬硬的。其他食材都新鮮，也有坊間少見的冰豆腐。份量都好足，每款食物每人有2件，有空間試到其他。而且這間聲稱是中日式火鍋，日式方面竟然是任食三文魚、希靈魚、八爪魚刺身，一送來就是一大碟。還有其他活魚刺身，人多吃時可以考慮，$1XX一條。

最值得寫的其實是服務員的水平︰主動加湯、不時協助調較電爐火力、推介招牌食材之後還會說明如何烹調、主動換骨碟.....幾位姐姐及經理都能維持到如此水平，實在食得舒服。熄爐後，經理每人送一粒雪米糍(唔係維記個D)。

埋單每人$200鬆D(如果唔加飲品，人頭費都只係$200多DD)，應該在九龍城區是合理數字吧。

吉列豬扒店有不少，今次放工後試一試這間店。7:15pm左右去到，仍然有很多位。入座後，感覺舒服，可能不太多人，而且沒有背景音樂，頗寧靜。燈光橙橙的，很柔和。此外，即使二人枱，枱面空間感相當不錯，比其他餐廳的枱更闊，不怕放不下2份定食定外的物品。

相信是即叫即炸，因為坐左一陣先有野食。完完整整的一份定食，排列妥當，賣相吸引。
1. 豬扒是鬆軟的，很厚身，亦沒有油林林的感覺。
2. 味噌湯︰沒有味精的口渴感覺，很足料，有蘿蔔、海帶、豬肉粒等。
3. 玉子定食內的玉子是流心的，不錯。
4. 味噌定食的汁不口渴，果然是著重家庭料理感覺的餐廳。
5. 吉列豬扒定食附有沙律汁(用來點椰菜十分好食)、豬扒汁、芥辣醬。
6. 前菜亦ok，且看得出有用心堆積出來。

但是，
1. 椰菜絲較為「鞋」口，而且很白身，不像平時見到的綠色菜絲。
2. 味噌定食的墊底菜偏硬。

題外話，入座時部長呼喚的「歡迎光臨」日文，尚算正句，比其他所謂食日本野的餐廳，顯得更地道。但係離場時的「多謝」，唔係好聽得清楚講咩，通常都講得快到只有幾個音。

地方比大埔的舖大得多，裝修亦較舒服。

set lunch選擇不算少，焗飯、意粉、薄餅類，包一杯熱飲。亦可選擇main menu，但lunch抵D。試左杯咖啡，都幾香幾滑。夠熱，熔了的芝士一條條拉得好長。不過配料只有墨魚仔、蜆仔、蝦仁，沒有魚柳和蟹柳，比想像中的海鮮不甚豐富。批底不太乾，頗為juicy，不會吃到成枱都餅乾碎。

配埋即磨黑椒，仲香口好食，但記得要問侍應取，因為枱上除了放置餐具水杯外，不會供應任何調味品。

帶太太來吃一頓燭光晚餐，不過入到去坐低先知有燭光，heehee。在網上看過 menu後，覺得食材不俗，於是試一試。

環境頗有情調，餐具整齊，服務人員態度不錯，特別是穿黑色套裝的，相信是部長級。一坐下後，便取出枱上的一大枝玻璃樽，原來是一樽用了一套經過特別濾水器的純水。飲落，無咩特別。但最特別的是，原來每人飲水要收錢，$2@，我以為酒樓飲茶先要收茶錢，原來西餐廳都收水錢。

食物方面，叫了一份set dinner，是今期的tasting menu。之後再點其他野食。鮟康魚肝伴芝麻多士 +炸肉丸釀黑水欖配西班牙辣肉腸 + 意大利水牛芝士蕃茄塔
感覺不錯的香煎鴨肝
好好食法國麵包蟹湯
好好飲香煎帶子配墨魚汁意大利飯
d帶子都中式，竟然墊底用韮王，飯偏硬，份量OK法國碟魚柳 + 明火烤牛柳 + 意大利野菌燴飯配大啡菇
野菌燴飯最香意大利乾果雪芭 + 西班牙米布甸 + 法式杏仁餅
三款之中，雪芭比較好，布甸似食飯。杏仁餅? 我地仲以為係泡芙。
其實呢，如果寫唔到咁多字，點解唔用朱古力牌，效果仲靚仔，而家寫成咁，我地覺得O晒咀Menu上有註明部份菜色是明火推介，上枱前會在客人面前煮汁，好香

位置容易找到，在大型商場附近。裝修也不錯，頗有情調。但每張2人枱之間距離不夠闊，往往起身行出離座時，會踫到隔離枱的table stand，再踫跌水杯的話，就不得了。

今餐沒有叫本身的set din, 而叫了main course, upgrade做餐。

餐包 --- 軟熟，有麵包香。份量不多，2個人share食，唔會太飽，剛好。湯︰香蒜忌廉湯 --- 幾滑，唔會太蒜味，亦都飲唔到一粒粒蒜蓉。有D似蒜蓉味粟X燒。主菜︰炭燒鵝肝牛柳配菠菜薯蓉 --- 牛柳夠林，有肉汁。鵝肝略生，頗濕。薯蓉份量足，配鵝肝汁及牛柳汁同食，不錯。最後完成埋餐飲，熱檸茶，是一壺壺上的熱茶(英國早餐茶)。不喜的話，可以加錢轉其他款，>$10。

是晚不是full house，約7成客，服務員人數充足，頻頻自動加水，服務亦很快，值得鼓勵。