神秘餐係呢間餐廳一直既賣點，可以唔使諗食咩，有驚喜之餘，味道仲好好...

但今日下晝同同事一行5人黎食，大家好熱烈話要神秘餐，餐廳員工就話：「唔使再叫神秘餐啦，寫晒係餐牌，自己揀ABC餐。」當下非常失望，以前既期待同驚喜無晒，而且咩自由度都無，set死晒ABC，咁呢間餐廳仲有賣點咩？

好不容易揀左個5人餐，邊飲湯邊等，等左30分鐘先上第一碟送，邊食邊催，因為大家下晝仲要返工，當時見到隔離檯都一樣無野食，心諗起碼我地有個送食住先都好呀。但到1點10，佢只上左4碟，d送明顯細碟左，我唔明一碟油菜點值$85，而家仲要無埋白飯任添，而碗飯係細左既，唔夠我d大胃同事食囉。我地等唔到第5碟送同埋糖水，話取消一個送走，唔食糖水賣單走。

一肚氣事件就發生了，餐廳員工堅持收足5人錢，因為餐牌寫明每人最低消費$85，但我地明明無食到第5碟送，就咁爭持左一陣，我地無時間同佢係度晒，決定每人夾多$20俾佢，同永遠同呢間餐廳講bye bye, black list!

Happy Friday晚，唔想又再尖沙咀同銅鑼灣，決定由港島向太和出發，試試呢間cafe仔

好食既野就多人等食，7半去到，兩個人等左25分鐘先有位，叫定左先，有位就差不多有野食。

先黎兩杯特飲蘋果水蜜桃梳打，岩晒咁熱既天氣Oreo 沙冰，一樣解熱

跟住就主菜，由於太餓，唔使5分鐘KO左碟意粉本人覺得呢個墨汁帶子意粉非常出色
意粉軟硬剛剛好，帶子有6隻，仲唔係細細隻果d,配埋蟹子超好口感鵝肝和牛漢堡，鵝肝煎得適中，但我覺得個和牛有d鬆散，扣左dd分，薯條岩岩出爐，好好味甜品時間，紫薯窩夫，其實兩個人食有點多，如果份量減至2/3就剛剛好

食到飽飽離開

朋友介紹黎到大圍工廠區食私房菜，可能平日關係，成晚得我地一檯客，變左VIP包場所以人齊就上菜，唔使等

1)乳豬(炒飯底)

其實係咪有米豬？唔知係咪烤既方式唔同，乳豬皮無咁脆，不過無咩肥肉，炒飯都唔夠熱，味道一般般

2)鴛鴦蝦 蝦頭個醬ok，但少肉食，蝦身個醬同泰式辣醬差不多，味道一般般

3)芝士龍蝦焗伊麵

龍蝦爽口彈牙，伊麵又吸晒芝士汁，好味呀！好肥呀！

4)薑葱炒蟹

海鮮餐黎講，呢隻蟹算細隻，無咩肉食，又唔易食，食左兩隻蟹腳，就放棄左

5)豉召炒聖子

聖子皇黎架，好大隻好爽口，好好味

6)清篜海斑

海斑黎講算好大條，比起婚宴果d仲大條好多，不過肉質麻麻，一般般

7)蒜蓉粉絲蒸帶子 嘩嘩嘩，隻帶子好大隻，有我掌心咁大呀，平時一啖就無左，呢隻可以咬3/4啖都仲有，好好味呀

8)果皮蒸鮑魚 呢個菜式無咩特別，唯一可取係鮑魚無咩腥味

9)瑶柱扒豆苗

估唔到呢個豆苗有驚喜，瑤柱差不多啖啖都食到，豆苗又煮到岩岩好，唔太熟，好味

甜品都是驚喜之二，鍾意食佢唔太甜得黎又有口感

我對朋友約呢餐好大期望，可能期望太大，變相有d失望

沒有訂位的即興聚餐，揀左呢間小巷中的餐廳，老闆非常有心地係大街去小巷的地上，整左小光燈，引客人去餐廳(不過我唔記得影低）

兩個女仔點左8樣點心

炸雲吞，一上檯就食真係好好味，點埋個醬汁，酸酸甜甜又脆口，但放多10分鐘就出油了：/

呢個不得了，好好味呀木瓜味好特別，趁熱咬落去，d餡會流出黎，必試呀！

相比其他，流沙奶黃包變得有點失色，奶黃唔夠流沙，一般般

雖然呢個牛柏葉好多莞茜，同好多配料，但味道好夾呀，加上牛柏葉又爽口，非常鍾意食

蒜蝦餃，用筷子夾既時候，個皮會黐住對對，煙煙un un,隻蝦都彈牙，不過我食唔出蒜味，定我睇錯Manu呢？

煎堆，食得太快，忘記左試真d裡面個餡

又係另一個必食，本身我都好鍾意食炸饅頭，不過真係唔係間間酒樓有，呢個芥末漢堡真係要試呀，小小的漢堡扒，加生菜，再少少芥末醬，放落炸饅頭度，原來都幾match 如果用鍊奶唔知咩味呢

蝦腸，隻蝦好大隻，好彈牙架，我覺得$23好抵

晚餐時段無收加一，都無限時，食物份量算合理，唔會太迷你，兩個人8樣點心係有剩既，好飽

建議唔好一次點晒點心，因為上菜好快，上檯會好快凍，所以幾樣幾樣咁點，熱d食都好味d

對於食唔慣西餐的老爸老媽，出街要諗食咩真係幾苦惱今日唔再食中菜，一家7口去食泰菜

叫左一個4人餐($888)

一人分到一碗冬陰公，酸酸地，好開胃份量好足

小食拼盤，炸蝦餅好好味

呢個味道同賣相都非常麻麻

咖哩蝦，咖哩係幾好味，對於唔食辣的老媽係非常適合，但蝦未剝晒殻，成隻放左入口，中伏了

另外叫左外簿餅食咖哩($30兩小塊)，叫左4塊食，味道正常

主菜之一：海南雞半隻，雞好滑，正

主菜之二：三味鱸魚，魚比想像中細條，味道不過不失

唔係伴碟配菜，同中式炒飯無分別

另外叫左個馬拉盞炒通菜($68)，味道正常

再叫左個我至愛既生菜豬肉包($72)，鍾意食佢辣辣地既豬肉碎

hea爆甜品，都無咩所謂了，反正已經飽左

最重要係老爸老媽都無嫌3嫌4

2016年1月1日第一餐當然食得豐富d啦，近近地係將軍澳食，利申係RT會員

18:15早到左

因為都有一段時間無食RT,好似換左Manu,見有墨魚汁麵記得我之前係台灣食左個墨魚汁麵超好食，突然好掛住個味道，就點黎試下

大蝦帶子墨魚汁麵 $308

可能期望過高，有點失望，以為係墨魚汁，但原來係忌廉汁，同普通意粉差不多，只係變左黑色而已，個麵真係非常普通，帶子(3粒)都好一般，唯一驚喜係隻大蝦(2隻)，好彈牙，好好味

煙肉芝士薯條 $118

賣相真係一般啦，比起magabox間RT差好遠，但味道補返賣相，還可以

有薯條點可以無啤酒

主菜：安格斯和牛 $478

講真我唔知係材料質素唔夠定廚師技術欠奉，我覺得麻麻地，塊扒好多筋，我order 5成熟，但都太熟，同想像中差咁遠既

下次我會選擇返去magabox同CWB RT

擔心聖誕前夕好難book位，所以一早就打電話訂檯，好彩咋，真係full booking,唔使諗walk-in呢間餐廳最好就係佳節期間都無限我地時間食飯，唔使急急忙忙食完交檯俾下個booking

兩個人簡簡單單點左兩個菜

炸魚薯條

炸魚外脆內軟，仲熱辣辣，非常好味薯條厚切有口感，正

德國咸豬手

我見差不多每一檯都有點黎食，一上檯，估唔到切到咁多肉，好抵食呀

加分地方係豬手切到細細件，容易食，味道還可以，同其他餐廳的豬手差不多

另外仲有個加分位，就係杯啤酒，其他餐廳比較少見呢個牌子，好飲

最後到甜品啦，點左個期間限定，抹茶味小火鍋，個鍋底比較浠，唔夠抹茶味，麻麻地，不過有得寫字句

兩個人都食到好飽呀

初到南丫島，在榕樹灣走了一圈，本想食海鮮，但價錢真是海鮮價
所以決定一試土耳其菜

星期五晚上六時，人不多，可以享受島上的悠閒
與朋友在舖前小桌歎著啤酒，吃著土耳其小食

點了炸帶子，味道可以，但菜式普通芝士蘑菇，味道幾好，但小心睇熱，一上就食唔小心燙親南丫島漢堡，牛肉，雞肉，雜菜加薯餅芝士
幾新鮮配搭，又幾好味漢堡加薯條都係$20咋卡巴，將d材料放入半圓形薄餅食，再特製醬料，幾特別

年前曾經和朋友來嘗試過部隊鍋，味道不錯
最近突然想食韓國菜，今天便再來嘗試其他菜式
六時多到達，只有兩枱客人，還記得上次排了一個小時先可入座(不過是8pm)
兩個人便點了3個菜及兩罐啤酒
1）炒年糕，味道有點淡，普普通通
2）豆腐湯飯，好味，豆腐好滑👍
3）牛肉雜菜炒粉絲，非常差
第一，超多油，隻碟多油到反晒光
第二，粉絲炒到一舊舊，好濕唔夠乾身
第三，話雜菜炒，但真係得兩條菜囉
食完太油，我同朋友個肚仔都唔舒服😞
不會再有下次
 

團購買麻辣鍋食，六點多到達，成日當日的第一枱客人，
一直以為係有湯的火鍋，上到餐廳還好奇著為什麼沒有爐，那點打邊爐？小食：鹵水腎片先上味道還可以，但可以濃味一點。

點好10個餸後，不是火鍋的麻鄰辣香鍋上了。炒埋一大鍋的麻辣鍋，意料之外地好味，
點了小辣，在10度下食，都幾暖胃。
薯粉好入味，肥牛豬肚還可以，墨丸好食，
我們特別喜愛海帶，其他配菜味道都幾好。
連白飯食，一流！