專登冒名由而來。見到門口大排長龍諗住實好食。 見到門口派飛仔位小姐黑口黑面，粗聲粗氣冇禮貌兼不停背後鬧客人已經難頂，心諗試完今次好食都一定乜冇下次囉。 間野冇野揀，得豬手、牛腩、牛丸同炸卷4樣。 豬手係好食嘅，又炆得淋、唔痴牙又夠入味。但可惜其他4樣都唔掂囉。 牛腩痴牙，痴到唔想食； 牛丸細粒到呢，完全冇牛味，以為自己食緊豬肉丸。 至於炸卷，凍到腥😑我唔明點解炸卷會腥。 但有一點可以讚嘅，就冇乜味精。食完唔口渴。 如果專登黎食，勸大家無謂浪費時間過黎喇😑

難得去青衣，當然要去日本人氣店美登利朝聖。Book 左8:30 去到竟然大把吉枱等住我，但奇怪係隔離食店排哂長龍，伏味超濃。 坐低左15分鐘，仍然冇人端杯茶俾我，完全冇服務可言。而且wasabi 要問先比。想點呢吓。 之後叫左以下食品： 超削的兒童餐（$78)囝囝問我做左要切難隻蝦先？而且熟蝦完全冇蝦味，完全唔知自己食緊乜。 炸蝦卷，唔知點解要淋上類似章魚小丸子的source 上去，完全蓋過本身的炸蝦味。 太卷（$98): 簡直失望到極點，以為好似日本咁大大舊舊又多魚生，sorry，完全冇日本的味道！原來只係一件普通到唔普通的太卷但收你完全唔合理的價錢！ 唔知咩set ($235): 蝦完全冇鮮味，右邊黃色嗰舊亦唔知咩黎（餐牌冇呢舊野）。但又係完全冇味。其他壽司不過不失。 三文魚盛：一如既往，繼續冇鮮味，說真的，x 氣、x 長 真係好味得多！ 還有點左其他壽司，但唔想再寫。。。 總括而言，伏味勁濃，唔會再光顧。

真係多謝openrice, 真係無無聊聊亂按底下， 發現禾輋有呢間小店。 lunch set $4x - $5x (冇加一），再+ $3/$4 有紙包飲品/罐裝飲品。以日式小店黎講，真係好抵。 豪d 叫左個最貴的餐，都好似$56。魚生份量好似少左d，但都總算新鮮。 份量對我d 女仕黎講都算足夠，不過聽到隔離枱d 男仕講話完全唔夠飽。 至於壽司，d 魚生仍然新鮮，不過略嫌蟹籽沙律軍艦的紫菜淋哂，好難咬開，而且唔似蟹籽律呢。 但另外兩舊小卷好好味，唔知咩名堂呢。 總括而言，唔算十分出色，但價錢平而且新鮮，所以明天我會繼續幫襯！因為小店好需要我們支持呢！

估唔到呢間餐廳我寫第一篇食評。 門口完全冇裝修的餐廳，一心以為唔好食，所以連相都冇影到。 而且一心想去斜對面的motors cafe，可惜因為新年冇開，所以先黎左的。 首先先上咖啡同橙汁，完全冇驚喜可言。 再來紅酒燴牛尾意大利麵，原來意大利麵係自家製，完全食得出超級彈牙。咀尖的媽咪亦食到牛尾係新鮮絕不是雪藏貨，難得難得。 而我叫左明太子海鮮意大利麵，雖然只有蝦一款海鮮，但亦食得出蝦係新鮮貨唔係雪藏貨，已經值回票價。而且成碟麵唔會好漏，隊哂一碟都唔會有問題。 仲有叫左個all day breakfast，最最最精彩的一碟。因為佢個牛角包，都係自家製，即叫即焗，焗出黎超級鬆軟亦有層次感，連唔食飽的我都食嘩嘩聲！ 總括而言，食野真係唔好睇外表，內在美先係最緊要。 老闆話佢的甜品係全港最好食，可惜我趕時間。希望再有機會光顧！

一向去開荃灣Outback，服務及水準都ok，今次改去Outback，真係一試難忘，以後都會改去旺角Outback 呢 一坐低，急不及待食哂d 熱辣辣黑糖麵包，食完侍應已自動波refill 麵包，加10分 叫左兩個set dinner，其中一個set 係牛扒，要medium 真係比到medium, 唔會過熟，好有牛味，真係食到lam lam 脷。 再來斧頭扒，因為就小朋友的關係，所以叫左7成。正正因為有比較的關係，所以絕對知佢真係有做到5成定7成的分別！35oz 的斧頭扒真係好有氣勢，侍應亦好好安排「相機食先」時間，然後再問要不要代切！我地懶惰就搵左侍應代切，又係覺得service 一流斧頭扒不及牛扒juicy 及有牛味 (可能因為7成熟的關係吧）。不過35oz 端上枱。真係好震撼。 再來大蝦雞肉闊條麵，少少黑椒味提起d 味。但唔會覺得有辣味！濃濃的芝士味，而且蝦冇雪藏味m真係回味無窮。 其實仲有其他拼盤沙律等，呢d 就唔多介紹了。 因為叫左兩個set，問吓侍應有冇野未出，侍應快而準咁答到齊，絕對覺得佢地用心對待每個客人。 就算我地1枱8人只有2個人叫refill 的飲品亦絕無黑面。今時今日咁ge 服務態度可以喺邊度搵？

咁啱路過黃大仙，見到門口企理，價錢又平，就衝左入試。 叫左個炸雞2件+雞肶定食。即叫即整，出到黎好juicy 而且夠脆。亦不會overcooked。 另外再叫左芝士滑蛋雞扒飯。芝士半溶唔會一舊舊，蛋亦唔會整到港式蛋咁。超好味。不過d 雞同炸雞比，就相對遜色了，但仍然值得一試。 唯一唔好就係芒果乳酸+巨峰提子乳酸超唔掂，完全飲唔出生果味，而且亦冇乳酸味，古古怪怪咁，勿叫。 總括而言，連加一約$60/位，仲要份量唔細，抵

觀塘越開越樓上食店
仲要開埋outdoor的,
更加適合我呢d 日日坐喺寫字樓不見天日的OL呢！

入到去餐廳，哇！裝修一流！
不過當行出去outdoor位置！
即刻同indoor的環境比下去！
而且呢度絕對係"夾硬"做出黎的outdoor！
沒有relax，只有拘謹，抖不過氣的感覺！
建議大家坐返喺indoor比較好！先來麵包，絕對合格，因為麭包非常熱加軟，好味！前菜:唔知乜野麻辣沙律！佢話麻而不辣，辣味絕無蓋過麻味！抵讚！前菜: 煙三文沙律: 看得出係貴價貨，很新鮮，不過毫無驚喜可言！main course: 蕃茄辣肉腸長通粉$138. 完全食哂蕃茄同辣肉腸的味道，大家都不會搶左大家的味道！長通粉亦不會overcooked，抵讚！main course: 最精彩的BBQ 西冷 $198，雖然冇問我地幾成熟，但絕無overcooked！一切落去已經feel到佢係靚牛，淋吱吱一切就切得去！冇根亦超級有牛味！比！雖然個牛好好味，不過翻炒機會都低，畢竟一個lunch 要$130-$200/ppl ，確實難以經常幫襯！
而且由坐低直至走叫佢拎杯水比我都拎唔到！貌似高級食店+高級侍應，可惜只比到平民級service，絕對扣哂分！

 

訂左位食lunch，可惜去到都要等5-10分鐘，話因為要執枱....大家都知打工仔食飯只有1小時，行過去10分鐘，等佢執枱又10分鐘，回程返公司又10分鐘，可以食野的時間真係唔多。。。

+$20 可以任食salad bar！雖然食物好fresh，但款式不多，毫無意慾去食第二轉。之後再有紅/白湯及多士。

白湯今日係磨菇湯，磨菇係blend出黎，很有口感，很難得$7x唔係比罐頭湯呢！推介！

主菜約$75-$13x，今日叫左豬手香腸意粉，豬手切片上，唔講真係唔知係豬手！而且連埋皮，都只有4小件，味道ok，亦很香脆，不過既然豬手係貴價菜唔能夠比太多片，不如唔好比香腸2條啦！而家好似係香腸係主菜，豬手係配菜。同事食的忌廉汁龍脷柳配薯菜，份量剛剛好， 忌廉汁做得很creamy，龍脷柳亦沒有一般餐廳的雪味，抵讚。

總之+$20 的salad bar 真係唔係好值。但如果唔食salad bar 又可能未必夠飽。哈哈！很矛盾呢！

但如果食埋salad bar 要$100埋單的話，咁我寧可比多少少，去apm 裡的table 18幫襯了。

本來不想打呢篇食評，因為一張相都冇影過！
但越想越氣憤，唔打真係對不起自己呢！

唔係第一次光顧「鼎泰豐」，
之前已幫襯過尖沙咀分店，
雖然等位耐，但總算好味亦抵食！
亦不會坐到迫迫夾夾！
所以冇諗過沙田「鼎泰豐」會有咁差劣的質素！

先講食物：
叫左4籠小籠飽 - 4籠都係皮厚肉少，而家皮內的湯係溫暖！我未曾試過係食唔燙口的小籠飽！味道亦普通！
紅燒牛肉麵 - 勁淡味，淡到唔知紅燒來的
蝦肉煎餃 - 反而呢個皮薄，肉亦鮮甜，不過偏油
擔擔麵 - 花生醬over哂，只係食到花生醬味而食唔到麵味！
蝦仁蛋炒飯 - 索過百元，但只係好普通的平民炒飯，只係炒得好乾身，不會偏油，但味道偏淡！

仲叫左其他食物，但全部只係不過不失，毫無驚喜可言！
再講服務：
我地一行12人， 比張8-10人枱我地 (我諗10人勉強坐得落的)，
但12人就真係...處於人叠人的狀況了。。。
味道普通真係唔在講，
但我地一行12人，用餐時間佢都只係比1hrs 15mins，真係極到那個！！
4個家庭，各自商量叫乜食乜都已經用左15mins，
等5-10mins上菜， 再搞掂埋小朋友用餐，
到自己用餐已經係30mins後。。。
食左15mins發現份量唔夠，想再加單但發現得返30mins left！
大家又再商量加咩野食好， 之後搵得waiter加單，再等佢送黎，都用左20mins︳
剛剛食完，就即刻催你埋單，話已經夠鐘了！
唔知其他3個家庭食唔食得飽！ 我淨係知道我一家3口冇一個食得飽！
3個人再去屋企樓下間m記各自再叫1個餐醫肚！(即total 叫左3個餐)！
其實根本張枱太細，大家第一轉唔敢叫太多野食！
黎到發現份量異常地少少。
但又要清緊第一轉才敢叫第二轉！(因為張枱冇位)
如果1家3, 4口，得1hrs 15mins 叫野食還好！
但好似朋友聚餐，堅係唔好黎！ 永久black list！

呢間串燒店門口位並不顯眼，因為舖位凹左落去的。
但隨住串燒的香味，其實可輕易搵得到。

book位的原來都要坐outdoor，不過老公怕會有人食煙，
request 坐返indoor，
indoor 有人一走！佢即刻安排調枱，
very good service！！

▼叫了openrice大家都叫的芝士薯條@$28➪
沒有驚喜，而且大家見到薯條偏燶，相信都略為估到好食程度會係點吧。▼泰式生蝦剌身$58➪鮮甜+彈牙，
不過喺串燒店食生蝦剌身，感覺有點格格不入，哈哈~▼最底係安格斯牛肉串$48➪唔好食, 好un；
帆立貝串$20➪唔好味！拎出黎仲有陣雪水味！應係解凍解得不夠；
沙嗲串燒$30➪OK! 有沙嗲味(廢話) 串燒雞肉@$58➪燒完都好juicy，唔會"鞋"口；
四川麻辣雞翼@$58➪老公話夠麻辣，超級惹味；
芝士燒雞翼$38➪厚厚的芝士舖滿隻雞翼！當一齊咬的時候，半溶的芝士會一併"咇"出黎！ 芝士迷必食！；
燒豬仔脾@$38➪老公話好好味！不過是晚太多肉！已feel唔到佢好好味了；
雞腎@$32➪都唔記得自己有冇食到；
海鹽燒厚切牛舌@$45➪最最最好味的一款，要知道係牛舌整得唔好味係會"SO"的，我地仲encore叫多一轉tim!▼再來芝士燒蠔$68➪隻蠔非常一般，冇蠔味，就算用芝士燒亦都冇味
黃金蒜蓉10吋虎蝦$58➪更加難食！又係冇味的！而且出水=.=▼雞泡魚干$52➪好味，有有咬口，而且燒得好乾身呢 ^^
芝士燒豬頸肉$75➪一向好抗拒雞肉以外肉類的仔仔，大讚超好味！可能d豬頸肉好淋，又有芝士亦好juicy佢食左好多呢 ^^
燒粟米$24➪唔唔係超甜粟，但未道OK！不過賣$24 又好似"狼"左d >.<仲有叫左其他食物，但實在不能盡錄。
總括而言：
所有海鮮類唔得，可以不叫！
肉類大部份都有驚喜，
唔同部位都會有唔同味道，
唔會只係得醃料的味道。
另外，建議大家食完一轉先叫第二轉，
因為好似老公咁，
一次過叫左超多，
全部食物都攤到凍哂！
所以唔好咁貪心。

不過個人覺得，
侍應都應要有提點我地呢！
因為沙田某日式燒肉店，
真係上完部份食物，等我地食到一半才端上另一部份食物呢 ！

以及，樽裝水收$10/支，
店內並不提供任何清水，
認真又有點那個。。。

埋單$1377，用whats app訂位有9折，
所以最後只係比$1240！