話說昨日去食呢間野，醉雞窩好足料，材料都好新鮮。唔怕比人趕既都可以黎食。

點解咁講，因為佢係2小時任食，咁我地係最後一個鐘叫多少少野食，但我地真係食野慢少少，佢係最後半個鐘就話差唔多夠鐘問我地有無野加，無就俾住錢啦，咁OKAY, 我地都俾錢先，再無叫野食同飲野，只係拎埋杯雪糕啦(佢係包一杯雪糕。) 我地諗住食埋就走啦，點知D 服務員就因為出面有幾個人等緊就係咁同我地講食快少少啦, 出面有人等緊，要坐我地個位。(明明間餐廳仲好多位，圓台位都無人坐)之後佢就會5分鐘同我地講食快D, 然後過左15分鐘就黎清我張台，問都唔問就連個煲都拎走埋我，仲要係我前面望住我食。

我唔明我食得慢有咩問題，我無再加單你又收左我錢，你無理由要趕我走，出面既人要等位，有咩理由要趕客走﹖ 即係我未食完野就因為2個鐘就要我走﹖ 我食咁多間放題都係收左錢唔再加單，你食完未自己離開張台囉~有D咁既例未食完就要趕人走﹖ 如果係公司規矩唔該你寫係門口到，等D客睇到，而唔係催人走囉。

出面得個十個客(1班中學生) 就係因為要坐我地張大台就趕我地走，仲要係咁講出面好多人等緊，咁旺角瓊華個D餐廳未好唔得閒，成日都要同D客講好多人等快D走﹖ 佢地要等，唔通就唔等得，一出升降機就開始計時2個鐘﹖ 

如果我係D 出名既BLOGGER/明星, 佢地仲會唔會咁趕我地走﹖ 就唔怕我會寫衰佢地? 我唔知OPENRICE 會唔會肯POST 我篇野出黎，但真係食到成肚火。 

真係離晒大掃!

食物質素係好新鮮，刺身係好正。

油甘魚油味夠濃，三文魚亦新鮮厚切，帶子入口溶化，蝦亦都好好食。
串燒同料理都好食， 芝麻雞翼夠香口。

但係服務錯漏百出，食放題都可以食到一肚氣，

1. 打電話來BOOK位，當然係想有好D既位坐啦，點知佢話FULL 晒要坐BAR 位，都算，仲比左張椅我地放袋，OKAY 無問題。點知食到一半，佢要我地坐開D，仲叫我拎走個袋，原因只係因為想開多2個位比客人坐，仲好無禮貌叫我地將個袋放返係背後面坐。放工個袋又大又重，左右兩台客都唔洗拎走個袋，對我地真係好唔公平，仲想話叫我地俾個袋佢地KEEP 住先，一陣有野唔見係唔係你地負責﹖ 嘈左一輪先俾張大排檔膠櫈我放袋。算。

2. 由打電話BOOKING 講左係238 一位無限時任食，黎到佢再講多次238 1位但只係包1杯野飲同1個甜品，好啦，埋單個時就寫住238 1位，但係總數就計我268 1位，好彩我地有CHECK 清楚，之後仲要話因為第2日係假期所以係268 1位，個WAITER跪係地到想叫我俾268 個價，咁你地就唔係講2次都講238一位啦, 第一次電話BOOKING 我可以當你講錯，你無理由入到黎坐底都仲要錯多一次掛﹖

3. 刺身好新鮮，魚味好濃，但係第一轉寫既刺身一係就無黎，一係就俾少左，寫北寄貝無黎到，數量我地都係雙數4/6/8 咁叫(因為我地2個人) 但係黎既都係得5件，都唔知係俾錯左人地個份我地，定係執單個位有問題。

4. 坐係BAR 位有個麻煩位， 就係對住個燒烤爐好大油煙，一唔小心呼吸大力D，都會咳返出黎。

係OPENRICE 到見到佢咁好，都唔知係唔係都係打手黎既。
食放題都係想食野，都唔明點解要成到肚氣。
野係好食又點，食到要同WAITER 嘈交，你估開心架﹖ 

本身自己喜歡吃素，所以工作上有時路經此地亦會吃下午茶。但今次做完運動一個人搵唔到地方食野，便來了食晚餐，是第一次。

看見晚餐的價錢其實不算平宜，平均都要$40以上，而且本人對扮肉的素不太喜歡，所以想了很久才想到吃什麼。

最後叫了台式飄香飯加例湯，是有驚喜的。紅色的飯煙煙軔軔，好似糯米的感覺，但又唔硬。而伴碟的汁有點辣的感覺，但又吸引，食唔停口。還有伴碟的菜，比出面的多，而且很入味又夠新鮮，如果再多些就更好~

而例湯是西洋菜湯, 飲的時候看到幾粒肉碎，原來是豆製肉, 賣相和真的瘦肉真的沒有什麼大分別, 望到都嚇左一嚇, 但飲得出湯是無味精的，很清很舒服。

雖然價錢貴了少少，但好喜歡這裡以快餐店的形式但又夠靜，冷靜一下心靈，食完又可以坐幾耐都得，一個人食飯都可以好有樂趣。

妹妹放學搵地方同佢TEA 一下，由Isqure 行到harbor city, 最後我們來了這裡，每次想試都沒有去, 還是行了前面的鈴木，今次終於有機會試。

打開餐牌，我們已經出現選擇困難症，因為好多都想試，特別是包類，有咸有甜，最後她叫了雞三文治，而我叫了玉桂蘋果

沒有試她的三文治，但吃了伴碟的薯條，幼細，薯肉都幾多，不太油膩，加上香草算是清新。
而我的玉桂蘋果，下面是厚厚的麵包底很鬆軟，玉桂蘋果很配合，加上雲呢拿雪糕，甜而不膩，清爽。

飲品有些奇怪，
我叫了杯Espresso, 咖啡味不太濃，但奇怪為什麼espresso 會送上小牛奶? 加左奶就不是espresso la~
妹叫了green tea latte, 份量竟然是soup cup 的大碗，飲死了-.-!!!

話雖如此，但閒日下午茶時間有一種小清幽，和朋友愛人家人在這裡聊天是一個很不錯的地方~
加上美味的甜點，愈食愈快樂。
希望下次有機會試下其他。

情人節出街又唔係慶祝但要食飯，都心知不妙。但朋友引路下，去了這裡晚餐。

雖然店舖細小而且多人，但先訂了枱所以不用等位。 客人很多，店面只有一位侍侍應(還是老板?用「他」去表達啦~)，他都很繁忙，落單時都要等等同埋重覆。

但看得出他對客人的熱情態度，很緊張每枱客人，看見他就連端上波子汽水給隔離坐位，都細心地叫他們先用紙巾包住，而我們等了很久都沒有端來筷子匙，他端來時又不停唔好意思，好招呼猶如去了日本一樣，令人窩心。

朋友叫了牛油粟米拉面，還送上一塊叉燒，好像有點怪怪的。如果有2塊就最好啦~
而我叫了海老拉面，拉面是普通的，但湯底很清，不咸，好喜歡。而且海老 (兩隻大蝦) 很爽口，厚肉，新鮮。(還端來一個小豌讓我放蝦殼! 超細心的說!)溏心蛋一般，可以更進步。 我們叫了兩杯烏龍茶，很開心他會問要的茶是凍還是室溫，室溫也不錯，不用老是飲凍飲對身體無益

最後還問我們有沒有什麼東西未黎齊，其實這樣細小的店舖很小這種服務實在是驚喜。

店面環境雖然窄小，而且地下舖了報紙，有點混亂，但喜歡他的招呼態度，而且食物用心，希望愈來愈好！

辛苦各位師傳了！ 頑張呢~

睇戲前醫肚，本來打算到HABITU, 但見成日去，便打算新CAFE坐下。

等位一回就有位。但感覺位置太逼狹，聽得到隔離位講野，有些嘈雜，而且路窄得連waiter都不小心踢到朋友的沙發。其實沒有必要排得這樣密集的。

我們很快決定TAKE ORDER, 但WAITER 不足，無人落單，要叫幾次。
而且WAITER 只說朋友點的特濃朱古力要等15分鐘之外，並沒有說明其他要等。我們等了接近十多分鐘，一次過將食物飲品端來。(基於我們太餓，是有點不耐煩的。)
朋友叫的特濃朱古力也真的很「濃郁」，嚇親。如將一舊朱古力溫水熱溶，有點像塑膠彩的感覺，但不甜。(是正宗做法乎﹖) 但喉嚨被「漿」住的感覺不太好受。。。
我叫的百利酒咖啡不過不失，但咖啡不夠濃，飲到一杯baileys 味已經蓋過咖啡，除了baileys的甜就是甜。
((順帶一題的是，端來的咖啡杯讓我發現盛杯的碟鋪了塵，也免未太懶連沖水也不要﹖))
食物方面，朋友叫了煙三文魚三文治，包太熱，將三文魚熱熟。而且夾在包中的菜不新鮮，成個包都無特別味道。
我叫了牛油果意式青瓜三文治，牛油果、青瓜、椒都是好食的，但夾在一起在口中就變得古怪，嗅到有種奇怪味道。

買單，waiter 很像永遠都看不到我們這枱客，叫了幾次都沒反應。到了最後我還未把錢數夠就過來收錢，好想趕我們走嗎﹖ 二人就是這樣食左2舊水，有點不值。

這麼多好評，是我走運了嗎﹖來openrice 看先知有free wifi 而餐廳沒有說明，又白蝕了數據。。。

環境很好，可望見彌敦道，白天也見九龍之美。但食物不配合，太大的浪費。

同朋友搵地方食飯，呢到最唔洗等位，就過黎呢到食啦。

點知一坐低就出事，冷氣機滴水！ 差D 滴左落杯茶到！ 點解可以滴水位都俾人坐﹖

OK, 講返食物，好普通。叫了天津飯，食唔出個茨汁咩味，個底得白飯，係得個面個塊蛋幾滑，但連入面D 料都食唔出咩黎，咁其實我係唔係食緊蛋炒飯﹖ 跟餐的咖哩餃子的咖哩味好古怪，係就係煎到好焦既感覺，但個皮好似未解凍得透咁. 同埋原味餃子好食D, 可能無加到D咖哩有種不倫不類的感覺﹖

試左朋友個炒飯拉面組合入面的炒飯，無味，又無料，食緊一碗扮白飯既炒飯﹖

沙律最基本，同出面其他餐廳一樣，但佢D醋真係酸，酸得濟，用黎沾餃子都仲得。

唯一好處就係所有野食都夠晒份量，多到無人食得晒成個餐，特別係叫拉面配炒飯粗合，真係一大碗拉面同一碗炒飯，食完是旦一樣真係唔洗食另外個樣，仲未計有6隻餃子，變相浪費了食物。

到最後，我睇到滴冷氣機水滴落朋友碗食唔晒既飯到…… 好彩已經食完，滴去一碗唔再食既飯到。 如果唔係真係想投訴佢。唉。
唔該，整下部冷氣啦。

聽就聽得多，食都係第一次~
朋友不停推介，一定要豬柳蛋配沙律汁先好食。咁就試下啦~
朋友買了3個, 3個人分, 我諗個天好鐘意我，我拎左個會包係會流黃架！
真係估佢唔到，無諗過會流黃，好耐無試過食包會流黃既感覺, 真係好幸福！(咁當然唔流都無問題既，咁我鍾意食黃呀嘛~)
依家出街仲邊到有得食到會流黃既蛋先得架~好, 等我認真講返個包先，
其實個包都ok 架, 我之前以為佢係一塊塊既豬柳扒, 但佢呢個應該係肉碎mix 洋蔥。但係豬柳味唔太出，mix 埋d 洋蔥味道好特別，沙律汁應該都係佢地自家野, 唔同出面~正~仲有薯條好正~夠薯~最鍾意食呢款我稱為" z字型薯條"~因為只有呢種著條先夠堅, 有咬口。就算唔夠薯都呃到下人~當然佢就好夠薯啦~

雖然成班fd 打橫一字排坐有d 怪, 但真係多謝朋友~帶我黎食~正！希望下次可以試下唔流黃既包~哈哈。

好多人都話，好食既野係會講唔到野。終於，體會到。

之前有朋友已經身先士卒去食左一次，佢話個包好大個，會食到眼"瓊""瓊"。於是我提議不如一個包2個分~
去到餐廳，因為閒日，所以好空，有好多位任坐。叫左2個tea set, 1個芝士薯條, 1個魚柳包。

朋友話佢係即叫即整，所以要等一下。但係等既時候鋪頭空氣無一陣油煙味，值得一讚。其實都唔洗等好耐, 一邊飲住汽水再傾下計，好返就有得食~仲有人拎埋抬，真係好有cafe 既感覺。

見到個魚柳包同薯條，個樣實在好吸引。個包大到根本一個人係唔會食得晒。有一個衝動想祈禱，感謝上帝話我知我地生活有幾幸福。生活仲有好多美好既事。

好。唔講廢話，入正題。

魚柳包餐，同朋友2份分個包，個魚柳炸得好靚，唔多油又無雪味。調味唔多，包面好香口。薯角好有薯肉，胡椒味重左少少，所以要到最後先食。因為會cover 左芝士薯條既味。食食食，一直係咁食都無咩點傾過計, 真係因為太好食。芝士滿佈薯條，成個底都係芝士，用薯條刮埋個底D 芝士出黎食，又唔太膩，薯味都夠，但無薯角咁多，反而芝士真係好食。食晒成個底既芝士先收手。成餐都無講過D咩，朋友話寫食評時唔洗寫野啦, 留白未得囉~ 好似中國山水畫咁呀, 留白等你地去思考到底有幾好食。

食完仲可以坐好耐，真係坐得好舒服。靜靜地同朋友傾下計，坐左我諗都有粒幾鐘先走，都仲未消化得晒成餐。

真係好感恩，呢個下午茶咁大個包又有汽水又好食都幾30幾蚊，呢到2個餐加埋都係$71. 真係好抵食，生活其實都仲好美麗。

(不過睇過個餐牌，D 包散叫都幾貴。基本一個包 無野飲無薯角都80蚊。朋友話散叫可能有8折定85折(唔係好記得但我記得係有折。所以有機會都想試埋其他野~~

人生第一次食肥姐，聽就聽得多，真係去食就第一次。

朋友成日黎食，叫左個墨魚同雞腎，咁我就跟佢叫，叫左個雞腎。雞腎初時食落有D硬，但咬多幾下就開始爽，其實夾係爽同硬中間，個感覺好特別。但又唔係韌，感覺好好。味道又唔係好咸，個芥辣好好食，有芥辣味但唔太辣又唔太搶，同甜醬好夾，咦點解我好似講緊廢話咁既﹖

朋友個墨魚我食左一舊，原來係冰既，不過好爽口，最怕d 野韌到咬唔開會牙軟既我好鍾意食。最估唔到係冰冰地，因為我舊雞腎無冰既感覺。如果再熱d 食應該好消暑。

價錢又抵，5蚊都有1串，又唔會咬到牙較軟，排隊又快，睇過之前有d食評話服務態度唔好，依家街邊小食好難搵到咁平又好食, 唔通你想好似高級酒店咁服侍你﹖有既你都驚啦~