10年都唔入一次大圍，趁放假到訪下呢間心儀cafe❤️雖然假期要排隊，但係入座時間都好快，店內人頭湧湧，分上下兩層，我哋就被安排坐樓上榻榻米🥰興奮呀！樓上仿如置身在日本，好舒服，係屈膝坐比較辛苦D～黎到一定會叫招牌奶蓋咖啡同窩夫，實在太可愛，仲叫左軟穀蟹吐司同原隻龍蝦吐司，黎多杯match latte,一場黎到，梗係試多幾樣。奶蓋咖啡飲品實在太吸引我眼球，影相影到唔捨得毀滅佢，佢有好濃郁嘅酒味同咖啡味，愛酒同咖啡人士必定愛上，友人說好飲，而我杯latte，甜度適中，抹茶芳香撲鼻，比例調較得唔錯💯，軟殼蟹吐司酥脆，成隻軟熟蟹夾住，麵包好香脆，又甜甜地，連醬汁（唔肯定係咪沙律醬）真係一流，原隻龍蝦以為咁細隻，有少少失望，原來吐司入面嘅蛋係連埋啲龍蝦肉！抵讚！啖啖肉仲有膏😩好鮮甜！蛋又嫩滑🍳💯重頭戲就梗係食個窩夫啦，我哋都冇乜期望..諗住快啲啲食完起身，腳好攰😆窩夫出奇地軟熟，奶蓋唔算好漏同膩！－D唔死甜！perfect 呀！有機會都會想再去👍

平時都唔會刻意經過呢條路，今日見到有人拎住個包裝袋，相信係我哋番工地方附近，於是去搵下呢間小店，店舖光猛，望落算整齊乾淨，好多款台式飯團！見到我最鍾意嘅八爪魚同海草！顏色色彩繽紛，令人賞心悅目！唔洗諗，一於試吓呢個飯團先😋飯係紫米，又補血，仲有肉鬆甜甜地，有D炸過既脆脆，八爪魚大大隻🐙口感層次提升左，成件飯團有海草既爽，炸既脆脆，應該係油炸鬼，飯既軟熟，味道方面唔喊，一個夠曬飽肚，唯一要挑剔係唔夠熱，仲有其他款式同飲品，慢慢試下😌

曾經經過呢間店，但冇食過呢一間，今日心血來潮好想好想食佢呢一個鳳尾蝦金邊粉☺️但午飯時間永遠都係咁多人排隊😰加上咁熱嘅天氣，我都係買外賣食算☹️等咗大概10分鐘左右，我嘅外賣就拎得啦，急不及待返公司享用呢一個午餐，打開蓋，四隻飽滿嘅鳳尾蝦，已經流晒口水，金邊粉好上色，橙色的顏色係夏天見到好令人開胃，佢仲有一堆辣嘅粉狀灑左係啲金邊粉度，金邊粉好開胃，因為係酸酸甜甜，但係撈埋果一堆辣粉一齊食就真係好辣，我一路食一路流汗，一個金邊粉裏面蘊藏着好多種層次，有辣有酸有甜又有香味，又有辣嘅刺激感，好惹味，至於鳳尾蝦好爽脆好大隻，成個午餐好豐富，好飽肚，下次我要少啲辣粉😅咁就very good👍🏼

自從朋友帶我食過一次孖寶後，每個星期總會有一次至兩次要去孖寶😜皆因佢個秘製醬汁❤️今次都唔倒外，叫左外賣冬菇，雞翼，菜肉雲吞油麵（秘制汁）冬菇雞翼好入味，冬菇都好香架！又炆得淋，雞翼炆到骨肉分離，鹵水味剛剛好，菜肉雲吞正常，最鐘意佢個秘製汁，混合埋湯底甜甜地咁，又唔會鹹，調較得好好！D油麵索曬D湯汁，油面既質地亦不會煮到淋曬，真係好好味😋而且麵既份量又唔會少，實在令人好滿足😌好期待下一次再食！

日日幾乎留咗喺屋企發毛，有胃口都變冇乜胃口，突然抽起咗條筋，好想食三文魚！就叫左家姐介紹嘅千之味！去openrice一睇食評覺得唔錯咁！就決定試吓，外賣叫左三文魚壽司，熟蝦，蚧子，芥末八爪魚，玉子，炙燒黑椒三文魚，汁燒牛肉烏冬，三文魚見相都流晒口水，油脂分布平均！一口連附上的芥末同豉油！有一下子嗆口，十分強烈！三文魚肉質嫩，色澤均勻，又甜又新鮮，仲好肥美！炙燒黑椒三文魚燒得足夠，黑楜椒粒，好香火燒味！熟蝦好大隻！啖啖肉！肉質幾結實！蚧子好甜呀，不腥！（冇影相）芥末八爪魚好新鮮彈牙！玉子不是甜的，冇乜特別，外表幾好！至於烏冬賣相幾好，有粟米，木耳，溫泉蛋好流心，又好滑，牛肉份量多到驚人，嫩又唔肥，汁幾好味，烏冬彈牙，食完心情好番曬！真心推介千之味！

自細都好喜歡番茄的味道，因為蕃茄酸酸甜甜很開胃，所以每次食湯粉嘅時候都會偏向選擇番茄味道的米線，今日嚟到米線陣，叫咗碗豬軟骨番茄濃湯米線，先嚐嚐一口湯，頗濃郁，滿滿的蕃茄肉，豬軟骨十分淋，有2-3舊，有骨膠原的軟骨，亦有一塊腐皮，米線不會淋過頭，好味

近來公司食得多生日飯食到個肚都脹住脹住，夜晚想食清淡一點就去咗一泡而紅食碗豆腐肉碎湯飯，一黎價錢親民，而且份量很大，好啱打工仔嚟食！先到出面落單再搵位，等左一陣就有一碗湯飯送到面前，豆腐份量驚人，好似有兩三磚嘅豆腐係呢一碗飯到，清清地，而且一啲都唔肥膩，湯飯好易入口，飯浸泡在湯中，軟淋淋，淡淡的肉碎 味，加埋啲豆腐，令人覺得你一碗飯好健康，又飽肚，但係飯嘅份量實在幾多，女仔可能食唔晒，雖然地點係係一個冇咁靚嘅商場入面，但是勝在貼地，係大眾的食堂

本來今日諗住去hungry korean食個lunch, 點知有10幾個人排緊隊，大熱天時真係唔想排喺出面等，朋友就話不如去對面嗰間韓國嘢啦，本來我都有少少抗拒，因為未食過，佢就話嗰邊已經有位叫我過去，就係咁我就食咗呢一間韓國嘢，都幾多人食，都放心啲，咁熱天時都係唔好食辣嘅湯同嘢食，我最鍾意食炆牛肋骨咁，我就叫咗呢一個加$飲凍檸茶，個牛肋骨份量適中啱晒女士嘅胃口，都有三大嚿牛肋骨好多肉，而且好淋好厚D肉！個湯食得出有胡椒噴霧嘅味道，好濃好甜，而且甜甜地！又有蘿白，確實係我鐘意既味道！果然冇令我失望有下次

今日要到尖沙咀辦一些事情，辦完事情已經到了午餐時間，幸好一個人找位置應該都幾容易，行吓行吓，見到呢一間好似新開嘅台灣菜，很多人排隊，但入座率很快，等左五至10分鐘已經可以入座，佢係一間開陽嘅店，門口位置有弄飲品既吧台，店內光線偏黃，很悠和，裝潢令人舒服，餐單款式不少，我最鐘意魯肉飯同珍珠奶茶，見佢好評都幾多，滷肉飯冇乜肥肉，肉質唔算鞋霎霎，肉嘅份量好多，調味適中唔太鹹，但如果將汁多啲啲就更+好，仲有半隻糖心蛋好入味，蛋香而且濃，唔會煮得太熟透，蛋黃好似布甸滑嘟嘟，一入口就流入喉嚨有䈡花同炸左的蒜，令成碗飯嘅香味同埋層次都提升左，飯亦都好好味唔會軟林林，佢係一個set咁，我叫咗皮蛋豆腐，比相像中細碟，佢嗰豉油甜甜地真係好好味！豆腐嫩滑極了！珍珠奶茶我叫咗少甜，係我喜歡嘅甜度！最怕係嗰啲甜到漏嘅珍珠奶茶，珍珠煙靭，奶同茶嘅比例十分之好，而且大杯到連我都幾乎飲唔曬，滷肉飯就係要飲珍珠奶茶先至perfect

今日約咗朋友去食過輕食，我地去黃竹坑覓食！見呢間好似唔錯咁，又有班戟食二話不說就入左去，嘩！店內好多人，好熱鬧，而且好香咖啡同食物嘅味道，口水都留埋，我哋坐低就叫咗個水果soufflé 好多客人都叫咗呢一個, 有啲仲要係一個人食一份添，侍應不停送出好多個疏乎厘，睇落好似好動L咁，好期待終於等到我哋嘅soufflé! 好似好有空氣咁，本人對soufflé 嘅要求都有要求, 定要夠香，空氣咁十足，牛油味香，蛋味香色香味俱全，呢一個賣相就有，牛油同蛋香都有，水果有香蕉，士多啤梨，都係好新鮮但講到空氣感就爭DD，如果不計空氣感的話，都唔錯