8月29二個人去食dinner buffet 預左冇蠔，以為有其他野好食，結果其實全部野都好一般，只得每台限定一隻既小鮑魚好味同埋高級少少，蟹腳係我食過咁多間最瘦既，最慘又過咸，刺生同Parma ham 都係cheap貨色，熱盤方面只得羊架值得吃幾輪，清蒸海班只得頭一輪好味，而且手快有，手慢的冇，之後幾輪都勁鞋唔想食，甜品最好味咪雪糕囉， pancake 都ok ，其他又係勁失望，macaron 出奇地難食，服務方面，冇高層在場時，負責Parma ham 卷哈蜜瓜位員工直情唔願整，切牛扒果位又唔願切，夠膽死切塊薄牛肉比人...可惜忘了影低，一陣話我屈你地，信用卡9折後$1076，唔係貴但可以食其他好d既野，睇見人地講到好多野食又話好好食好抵食，結果係有中無論做計感覺，質素及服務都比幾年前退步左好多，我全晚只食左幾件半羊架，兩次雪糕加pancake, 其他野全部試少少都唔想encore, 點解仲不斷有人讚到天花龍鳳？心照勒！