kiwidonut 等級3 |  關注
 留言給此食家
|
|
排序方法：
日期 笑臉
 喊臉 
編輯推介 餐廳總分  文章形式 |  地圖形式
2020-07-25
上兩個星期去深水埗嗰兩間分店都見到大排長龍入唔到門口，今日見到原來佢開咗新分店喺荃灣，咁就同老公去試下食啦  叫咗兩個食一個係impossible meat一個係新豬肉，比較下兩個邊個似肉多啲先 個burger真係好好食，生熟度口感完全係真嘅牛肉一樣，個醬係介乎於芥辣醬同埋蛋黃醬之間嘅味道，加埋番薯條真係絕配，好味! 個日式吉列咖哩豬扒飯都好好食，好脆好鬆化，個飯粒有少少淋，不過都好好食! 兩杯咖啡分别係Cappuccino同玫瑰latte,賣相都好吸引，拉花靚，咖啡底夠濃，唔會俾奶搶咗  有少少美中不足，個場樓底高但好應聲，同埋聽講個冷氣壞咗，食到好熱。仲有係我明白而家生意難做，但係長凳嗰邊，雖然話係四個人一台，不過而家唔識嘅人坐得咁近都唔係幾好 
評分: 味道 5 環境 4 服務 5 衛生 3 抵食 3
2020-03-07
今日同老公一齊去咗南豐紗廠嗰間王牌冰室， 一入到去見到佢嘅招牌寫住是是旦旦... 點知佢真係事事旦旦... 我哋叫咗兩個常餐一個係蕃茄牛肉通粉， 番茄汁非常杰，牛肉完全食到鬆肉粉嘅味道，通粉好似煮咗好耐咁淋到呢… 
蛋同多士都可以嘅， 不過較油
我叫咗薑汁豬潤通粉，薑就夠多， 湯完全冇味，通粉一樣太林淋， 個豬潤太薄完全冇味感覺完全唔新鮮， 杯奶茶太多奶
另外我哋加咗兩個16蚊任食雞翼， 佢寫住係瑞士雞翼但完全冇瑞士雞翼嘅味道， 只係普通豉油汁雞翼嘅感覺， 而且好似浸咗好耐， 如果你當佢係普通雞翼咁食係冇問題嘅
順帶一提佢哋啲服務好奇怪，佢會無端端唔知係邊度遞啲嘢食出嚟，佢哋會貪近唔喺正常走廊嗰邊上啲食物比客人， 但係佢而家有漂白水派都算有心。
評分: 味道 2 環境 4 服務 2 衛生 4 抵食 2
2017-01-01
一月一日，想搵個無去過嘅地方，所以就嚟咗粉嶺嚟搵咖啡飲。 唔係太肚餓，所以只叫咗咖啡同甜品。 先講咖啡，完全無咖啡味，估計係即冲咖啡，仲要大量加水。 窩夫雪糕
草莓拿破侖
如果你係吃正餐，可能可以試下，但係咖啡甜品就真係唔洗試喇。
評分: 味道 1 環境 3 服務 2 衛生 2 抵食 2
2016-11-29
今晚喺荃灣食完飯想食下甜品，見路徳圍嗰邊都已經食到濫晒，咁就去搵下有咩新嘢啦，結果俾我搵到⋯ 一入到去，好有文青feel, 即刻拎張紙出嚟畫下先，好快就有得食… 士多啤梨奶凍
朱古力心太軟
最好就係食完唔覺漏，正！
評分: 味道 4 環境 4 服務 4 衛生 4 抵食 4
|
3次成為首位寫食評會員
食評數目
編輯推介數目
0
會員推介次數
26
人氣指數
619
留言數目
上載相片
上載影片
我推介的食評
我的餐廳
關注
25
粉絲
114
