kiwidonut 等級3 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2014-06-02
其實如果喺假期見到間唔洗等位嘅食肆,基本上你真係唔好入去⋯ 首先係個飯,黑松露海鮮糙米飯 個樣都唔錯,食落個味都可以,不過有啲覺得係飯還飯汁還汁,糙米太硬,索唔到個汁,成個飯,應該改名叫做一粒帶子雜菇飯,粒帶子尚有少少鮮味,但係唔可以叫做海鮮飯囉⋯ 食完個飯,等咗成半個鐘先出個安格斯牛肉法飽 well, 呢個presentation 都真係......都不與致評,試下個味先,嘩,好臭,佢用咗blue Cheese,咁當然我完全食唔到牛味啦,最好笑係佢個牛係砌開咗一件件,但係個飽無砌開,結果都係分散晒嚟食...無下次。
評分: 味道 2 環境 3 服務 2 衛生 3 抵食 2
2014-06-01
今日行完青山寺,過嚟最近嘅商場休息下,度度都人山人海,好在一個人,實有位 Cappuccino 一向都係我至愛,不過其實同M字頭嘅$12相比,真係唔值呢個價錢,個奶係普遍嚟講都打得好過M字頭,不過你話咖啡香味同味道麻麻,飲到尾都只飲到奶味 仲有係無瓦杯,可能係洗唔切啦,不過其實用瓦杯好好多,無咁快凍吖嘛⋯ 我點咗個雜莓撻,個撻底夠脆,不過個邊太實,用叉係會飛到成枱都係碎碎,不過好食,中間酸酸甜甜咁,經醒胃,唔怕滯 咖啡唔掂,甜品ok,唔通startbucks 想轉型?
評分: 味道 3 環境 3 服務 3 衛生 3 抵食 3
2014-05-24
本身想去第二度打邊爐,點知去到先知執咗,咁就去第二度啦,印象中以前喺荃灣食過譚魚頭覺得好食,咁我地就嚟咗灣仔呢間 嘩,大獲,首先係原來無睇清楚,9:00先有任食,9:00前,淨係個湯底最平都$98。 個魚湯其實係ok嘅 四川餃子我記得以前我會一次過食好多,咁$39我當然只係叫咗一碟。 完全無酒味嘅醉雞 一啲都唔新鮮嘅$89鱔片 仲有呢個,我會形容佢為燈影牛肉嘅$158手切安格斯肥牛⋯ 呢樣又收$10,小食又兩碟,茶錢又$13,其實環顧身邊,都好似只係見到啲外籍人仕,我唯有當自己係遊客。 結果係45分鐘已經食完,當然亦係無飽嘅感覺,我地決定去再食pizza......
評分: 味道 2 環境 3 服務 3 衛生 3 抵食 1
2014-05-22
成日行經呢間coffee shop,今日卒之有機會試下喇,我地一行三人叫咗兩個甜品同三杯咖啡。 Apple crumble: 好新鮮,好脆,有好多蘋果,加埋個雪糕,仲有啲蓮蓉,好味 我呢杯係笛子咖啡,細細杯,又唔多奶,飲得出咖啡嘅香、苦味,係我鍾意嘅味道 香蕉bread,個口感似蛋糕,味道略為香精咗啲 另外兩位朋友嗰兩杯無影到(latte同cappuccino),不過佢地都話好飲,拉花都唔特別花巧,味道取勝👍 裝修都幾特別,平日下午都full 順帶一提,我空口試咗呢個黃糖,淡淡地少少甜,平常唔加糖落咖啡嘅我我下次會試下 推介美食: 笛子咖啡
評分: 味道 4 環境 4 服務 4 衛生 4 抵食 4
|