喺屯門碼頭附近，朋友介紹去食呢間食店，12點幾已經有好多人，喺呢個舊舊地嘅商場入面，感覺好地度
我叫咗個蕃茄牛腩湯濛，都好新鮮，重蕃茄味，個牛腩係一片片，唔怕＂un"

加$6就有杯越南滴漏咖啡，我當然要試下啦，就咁飲其實都幾苦，個練奶底都幾多，攪一攪加埋就剛剛好，下次可以試下個鷄翼，都幾多人食㗎！

要食泰國菜，好多人都會諗起去九龍城，不過其實喺屯門都有好嘅泰國菜食，除咗一間好出名嘅之外，呢度絕對係一個好選擇。

生蝦刺身：
食泰國菜，我每次都一定要食生蝦刺身，個蝦唔算好爽，不過有鮮味，食第一隻唔覺辣，愈食愈辣好過引，個汁好fresh,一定要點

串燒：

豬牛雞都好食，個沙爹醬同平時嗰啲唔同，無膩

鮮蝦冬蔭公湯：

有個爐"興"住可以慢慢飲都唔怕凍，個湯偏酸，不過其實都好飲

椒鹽軟殼蟹：

有成隻蟹，好重口味

泰式炒貴刁：

無咩料，重茄汁味，配其他餸就啱了

泰啤：
其實啤酒係解唔到辣，下次都係叫第二樣，兩個人食咗咁多嘢好飽。

星期六放假都唔知瞓到咩時候，食早餐又過咗，食午餐又好似又食唔落，結果同老公都係嚟咗toast box....

我叫咗個喇沙，每次都話唔飲個湯，結果次次都飲咗一半，好香嘅椰汁，其實佢無餸都唔緊要，係個湯底令人好想飲哂佢，嘻嘻

老公叫咗個小魚椰醬飯，本身見到午餐肉加蛋又好似無咩特別，不過原來嗰個椰醬真係好惹味

不過個鴛鴦嘅水準就好唔穩定，叫咗兩杯，兩杯都唔同味，下次都係飲返美褖恐龍

今晚唔知食咩，所以就去咗食花園餐廳，因為坐得比較舒服

老公叫咗個德國咸豬手芝士焗元貝意粉

抵食喎，成隻豬手，外皮夠脆，唔太咸，個元貝夠大隻

我叫咗個乳鴿鮮果沙律

估唔到呢間西餐廳嘅羽鴿又幾好食喎，都唔鞋口，個沙律係好傳統加咗練奶嘅沙律醬，平平地都ok 啦

今個星期嘅晚餐都係食中餐，所以就決定同老公去食呢度。

星期日好多人，不過其實出面係有位嘅，大家可能覺得無feel, 所以無人坐，結果我同老公就揀咗坐出面，唔洗等
呢個包都唔洗介紹，真係好好食，不過話時話而麥咖啡都有個全麥圈，但係我都係覺得呢度最好食👍跟扒嘅沙律，好味，不過上面個脆包咸咗少少
而家去好多餐廳食百幾二百蚊嘅扒都係無味嘅，不過老公話呢個係近期佢食過最好食嘅西冷，我地叫咗3成熟，個waitress妹妹都有提我地係有血水嘅，我地當然係無問題啦，一切開，剛剛好，外面脆，裡面嫩，最重要係有牛味。

雞味飯就唔多講，右邊嗰個係焗番薯，好甜好稔，當然好食過街邊，上面嗰個係椰子醬嚟㗎，好match,我老公平時都唔食番薯佢都係咁食好奇怪，平時食burger唔會有人問你個漢堡扒叫幾多成熟，今次有喎，咁就叫咗5成，不過食落有啲怪怪地，裡面有嗰個炸洋蔥，都係怪怪地，下次叫burger 個牛應該可以叫熟啲。

呢個thunder, 好似變種嘅心太軟，最上面嘅唔係雪糕，似係牛油咁，中間先係雪糕，下面係brownie,真係好正，喜歡食心太軟嘅朋友真係要食

我地仲入咗會，有折同coupon👍

同朋友仔喺K11食完晚飯，就去揾甜品食，呢間舖頭賣緊4-50蚊杯，仲有個好脆嘅餅底，我上次都有食過，今次我決定試下啲咖啡!


呢杯Holly Brown Tango有雪糕底，初頭以為會一蓋過曬啲咖啡味，不過一試，正，好濃嘅咖啡，因為係double shot,夠苦，個雪糕係雲尼拿味，兩個味好夾，好balance

最正係佢上面有粒咖啡豆，我食咗，好苦，好脆，我第一次咁樣"飲"咖啡，哈哈。

呢度仲有啲好貴嘅貓屎咖啡，90+咖啡，都可以一試

好耐無同朋友去過中環食飯，咁啱我又有張coupon 試食，所以就約埋啲friend一齊去試下嘞！

去到中環，都行咗一陣先至搵到，上去嘅感覺都high.7點幾去到都無咩人，我地都坐咗一陣先至order食物


Meal嘅選擇唔多，我地四個人叫咗:


長pizza:幾好味，夠鬆軟，夠芝士


茄汁漢堡扒意粉:好味，個漢堡扒都有牛味喎

咖啡味黑豚肉：又薄又乾，好似食緊煙肉咁，好失敗
芝士茄汁流心帶子蛋包飯：個waiter一砌開個飯，有茄汁流出嚟，不過茄汁唔夠，帶子細到睇唔到，但係個蛋夠滑，都ok


朱古力cake: 朱古力味幾濃，但係唔係好甜


紫薯cheese cake: 幾特別，唔怕膩，不過有個問題，係兩件cake都有啲雪櫃味

同朋友嚟食下嘢傾下偈都ok,我地都坐咗3個幾鐘，都無俾人趕，坐得幾舒服

今日午餐又想去飲杯好啲嘅咖啡，連鎖嘅咖啡店我又唔鍾意，想起上個星期嚟呢度飲咗杯靚咖啡，所以今日又嚟呢度。

忌廉湯


有菜味，唔會滯，淡淡地

叫咗個好肥嘅豬肋骨

好好味，好稔，但係好有肉味，個醬係BBQ ，好濃味，配菜薯仔同紅蘿白都好新鮮，初頭以為會食唔晒，結果係淨返棚骨，哈哈

泡沫咖啡

加$6, 見到個杯已經好鍾意，個奶泡有少少'鞋'口，唔太濃，略為少咗啲咖啡香，最好十分鐘內飲完，不過個size剛剛好，大滿足

另外一樣我想再嚟嘅原因係因為呢度多啲正能量，好舒服，呢度其實lunch好多人，不過如果一個人嚟坐吧枱其實幾好

今晚唔想食咁heavy,就想食下日本嘢，記得以前返工附近都有間和亭，我都有成日去食lunch,於是今晚就同老公嚟屯門呢間試下嘞！

一入到嚟，原來都幾大間，入面好多小朋友，好嘈。見到好多人食窩，都幾平，不過因為唔想打邊爐，所以都係冇叫。

叫咗：
和亭沙律

個賣相就麻麻，不過有芝士配牛油果都ok

三文魚刺身

有三種，三文魚，三文魚腩，火灸三文魚，個樣睇落好似唔係好新鮮，不過又好有三文魚味喎。


帶子刺身，好細件，不過又係唔好睇，但幾有鮮味！

帶子及章紅魚壽司

不過不失，不過感覺上製作好求其。

集錦天婦羅

好食，有一個好似係炸牛膀，幾得意👍

燒魷魚

Well,基本上係烚熟隻魷魚加少少醬上去，好似食橡筋咁😰

仲叫咗支清酒，

原來係和民嘅平價版，可能較平，所以好多小朋友，又無乜staff,如果有時間，當然係去和民物有所值好多。

今日一個人嘅浪漫就係嚟咗呢度，叫咗個午市香草雞沙律意式包餐，見咁多人推介個咖啡，我都專登叫嚟試下

無睇清楚，原來個餐有個湯，今日嘅是日餐湯係忌廉湯

好味喎，有少少細細粒嘅薯仔喺入面，雖然我比較喜歡用麵包送個湯，不過聽到隔離個waiter哥哥話佢地會見你飲完個湯先上主菜，食完先再上餐茶，咁我都係跟返規矩嘞

跟住上個包嘩好大個呀，結果我都係分拆嚟食，個香草包好鬆軟，蕃茄又新鮮，最好係佢其實得少少醬，無咁肥👍個雞有少少辣，提一提味，好食

到主角嘞，

加咗$10要咗杯Lavazza意大利咖啡，聞落唔係好香，飲落夠苦（我唔加奶），咖啡面頭個油脂同咖啡加埋都夠滑，好飲！

其實一路食都有人追order,不過可能大家都知道呢度係社企，所以都特別有耐性啲，同埋怨氣都少啲，冇其他食肆咁趕，好舒服