Craft Coffee Roaster (大角咀)

我諗每個人都有佢自己嘅comfort food, 對於我嚟講，我嘅comfort food就一定係咖啡

今日喺大角咀附近，一個人的浪漫就search到呢間咖啡店⋯

點幾鐘入到去，好在有位，唔係好多位，不過空間感幾夠，平時嘅我唔係好鍾意高凳，不過呢張又幾舒服喎👍



由於第一次嚟，唔知點叫，好在哥哥仔話我知三文治加咖啡減$10，咁我就叫咗煙三文魚加咖啡⋯


先上呢本cappuccino ,個感覺好elegant,拉花姐姐拉到個花好靚，呢個杯嘅色加上射燈真係令杯咖啡加分👍

一飲，個奶泡夠厚夠滑，咖啡底夠濃，唔會俾奶蓋過，好飲👍


呢個三文治真係唔普通，哥哥仔recommended 我食呢一隻包真係無介紹錯，包上面鋪滿香脆嘅芝麻，中間塊三文魚係剛好鋪滿咗成個圓形，所以每一啖都有三文魚，再加上搽咗我最喜歡嘅cream cheese仲有啲我估係秘密醬汁，只係少少就已經釣起咗成個包嘅味道，真係好值得讚賞👍

兩位店員一男一女，唔知佢地係咪老闆呢？兩位年輕人，面帶笑容，而且令我覺得佢地真係好鍾意呢個工作，喺而家嘅香港好難揾到呢個用心製作嘅味道，好舒服，繼續陶醉一下先

Captain糖甜品專門店 (旺角)

星期五喺旺角人頭湧湧，要搵個地方食下甜品都有啲難度，結果行下行下就行到去Captain 糖門口，雖然我不是Captain唐嘅粉絲，不過我同老公都決定入去


打開本menu好人手feel,幾精緻。

老公叫咗個芒果雪糕奶凍
個芒果太熟，不過個奶凍尚算夠滑

本來想食心太軟，結果都係俾佢嘅招牌木桶豆腐花吸引住

上到枱個哥哥仲叫我地等多兩分鐘先好食，我覺得佢好專業喎👍嘩，好似食燉蛋咁滑，好香豆味，初頭以為呢啲新派甜品整呢啲舊式嘢會無咁好味，今次真係估你唔到喇，哈哈

李錦基越南飲食 (屯門)

喺屯門碼頭附近，朋友介紹去食呢間食店，12點幾已經有好多人，喺呢個舊舊地嘅商場入面，感覺好地度
我叫咗個蕃茄牛腩湯濛，都好新鮮，重蕃茄味，個牛腩係一片片，唔怕＂un"

加$6就有杯越南滴漏咖啡，我當然要試下啦，就咁飲其實都幾苦，個練奶底都幾多，攪一攪加埋就剛剛好，下次可以試下個鷄翼，都幾多人食㗎！

泰味軒 (屯門)

要食泰國菜，好多人都會諗起去九龍城，不過其實喺屯門都有好嘅泰國菜食，除咗一間好出名嘅之外，呢度絕對係一個好選擇。

生蝦刺身：
食泰國菜，我每次都一定要食生蝦刺身，個蝦唔算好爽，不過有鮮味，食第一隻唔覺辣，愈食愈辣好過引，個汁好fresh,一定要點

串燒：

豬牛雞都好食，個沙爹醬同平時嗰啲唔同，無膩

鮮蝦冬蔭公湯：

有個爐"興"住可以慢慢飲都唔怕凍，個湯偏酸，不過其實都好飲

椒鹽軟殼蟹：

有成隻蟹，好重口味

泰式炒貴刁：

無咩料，重茄汁味，配其他餸就啱了

泰啤：
其實啤酒係解唔到辣，下次都係叫第二樣，兩個人食咗咁多嘢好飽。

土司工坊 (屯門)

星期六放假都唔知瞓到咩時候，食早餐又過咗，食午餐又好似又食唔落，結果同老公都係嚟咗toast box....

我叫咗個喇沙，每次都話唔飲個湯，結果次次都飲咗一半，好香嘅椰汁，其實佢無餸都唔緊要，係個湯底令人好想飲哂佢，嘻嘻

老公叫咗個小魚椰醬飯，本身見到午餐肉加蛋又好似無咩特別，不過原來嗰個椰醬真係好惹味

不過個鴛鴦嘅水準就好唔穩定，叫咗兩杯，兩杯都唔同味，下次都係飲返美褖恐龍