小肥牛火鍋活魚專門店 (尖沙咀)

新年新開始~約左几個好紙美去做邊青!!超正~~
由於一早訂左枱,所以唔洗等即有位, 我地几個人包左個廂房傾下心事
服務員小姐叫我地行上三樓~ @_@ 我地話行動唔係咁方便,有冇電梯,佢就話送貨先有
所以我地唯有行上去..噢~自認為行動不便的朋友請嚴正考慮!!至少一層,最多3層
上到去另一服務員好有禮地安排我地去一間房,放下茶水之後就唔見左人,
6點鐘去到可能尚算早,所以冇乜人招呼,來去只見一兩個服務員企在走廊頭,好似未夠鐘開工咁.
我地一眾人好似好耐冇食野咁,起勢點菜,落單後,再混好醬都遲遲未見食物送上,
唯有一邊咬花生再叫服務員跟進一下,
搵一個服務員難,請佢幫忙跟單更難…至少十分鐘,我們的火鍋先送到黎
服務員的解釋係廚房而家先煲好…噢~我地只係叫個沙爹清湯做喎…
食物來了~喺小肥牛點餸當然唔少得肥牛LA! 手切肥牛同牛柳粒係必食之選,唔肥唔瘦相當合適
而且入口好有牛肉香味,唔會覺得雪左好耐~值得再點~
餃子雲吞感覺新鮮,可能係即叫即包掛, 所以D皮好柔軟,唔似係包好雪左好耐的感覺,
海鮮出品當相唔錯,唔會有血水同鯹味,鱔片同鯇魚片都大大片~啖啖肉~正~
大魚頭我地要求一開二, 唔會切得太細件好快就溶晒~佢地真係照住做~ NICE!
手打魚滑.蝦滑等出品好靚仔~份量合理,每次約有三四粒丸咁上下多~而且好有鮮味,又彈牙~唔錯~!
炸魚皮好大片又薄又脆~一浸湯就有乍乍聲,雖然明知佢唔係即炸,仍然好好味~~
蔬菜菇類選擇多~而且洗得好乾淨冇黃邊~ 仲好新鮮~
食飽之後己到繁忙時間,我地感覺到出面人來人往好有’人氣’,我地叫服務員幫我地影合照,
佢好有耐性咁幫我地清枱面,仲係咁叫我地D粗身大細的慢慢來,唔洗心急~ 表現細心~
感覺良好~~
臨尾埋單走嗰陣真係好想話佢知,,,我地只係一班米之連~唔係有左…V__V 但又唔忍心…
出品非常出色~如果佢有埋電梯唔洗硬行三層樓梯的話…絕對值得再去~!!

宿宿醉 (中環)

今日約左好紙美食午飯,佢好快就推介左呢間餐廳,我緊係好期待啦~
由佢公司行過黎要成15分鐘,上半山電梯又要行樓梯,真係千山萬水,
一入到去己被餐廳的裝潢吸引,紅黑的配搭,水晶燈,西洋皇宮的大椅,精緻的擺設,
都拉扯著我的視線~加上牆上不時轉換的電子掛畫,真係有趣~
店子坐位最多可坐30人左右,人少少的地方,服務可更貼心~

一坐下,午餐有4,5款選擇,有飯有麵,仲有餐飲小食可配,我這不愛飯氣的當然係食個麵啦,
點了佢最出面的鮮牛肉河粉,再加炸鷄翼小食,紙美揀左越式扎肉撈檬同炸春卷

點好餐,服務員就拿上佐料給我們,有好新鮮的辣椒粒,有小小芽菜同埋香葉,好讓客人以自己的喜好調味,裝佐料的盤子都好精緻

鮮牛肉河粉 – 一上枱就感到那種簡單的美味,唔洗太多調味,就係鮮牛骨煮出的湯,泡出的河粉,就有那種羶羶的味,因本人的喵舌,食不到太熱的東西,所以等河粉涼少少才入口,即使放了一會,都不會發大,保持到爽口度!再加上豐富的佐料,香香辣辣的,令人回味!

越式扎肉撈檬 – 一上枱就雙眼放光,因為個碗真係太精緻LA~好有清宮的美~撈檬加上餐廳自調的甜酸汁,令人胃口大開!可惜我目測而言這份量真係少了點,可能要配合這區OL的小胃口吧! 

炸鷄翼 - 鷄中翼一開二,適合咀小小的ol們, 鷄翼炸得皮脆肉嫩,放涼左先食,仍保持到脆口的感覺

炸春卷 – 食落相信係自家製出品,入面包住菜絲同D肉條,放涼左食雖然仲脆卜卜,但多了種油膩的感覺,呢個都係襯熱食好

香茅特飲 – 比我想像中的是兩回事~原以為係杯普通的清水加條香茅,最多加兩片香葉,但飲落有種香甜清新,冇想像中的草臭,更唔覺有搶鼻的感覺,幾得意

椰青 - 紙美餐飲點了老闆推介的椰青,香甜清爽~入口透心涼真係好介紹,老闆話唔甜換到甜~大家聽到真係好興奮!

老闆有時間便會走來為客人帶來輕鬆愉快的氣氛!

店舖的洗手間設備當令人滿意,
由很開揚的暗門推入便見到, 男女厠各有一大格,乾淨又唔迫,仲有D擺設!!有足夠的通風系統 ,整體令人滿意~最開心係唔洗經過濕滑的廚房重地!

總括黎講..出品唔錯,絕對係吹水的 好地方~!值得再去~!

Isaak's (佐敦)

好多時經過,都沒有進入試,因為睇見門口餐牌,款式豐富和睇落相當有份量
有朋友一齊,可試多D款,今日終於有機會了!!
和紙美來食生日飯,紙美係個韓迷,所以啱晒佢

餐廳空間好濶,枱櫈都好大張,感覺好舒服
可能我地早到,所以餐廳只得兩三枱客,我地就揀左窗邊位置坐下,
原以為有服務員來點餐,望下望下先知原來係快餐店…仲傻傻的等

去到收銀台,望住個餐牌點菜,誰知原來收銀員係個韓國人…真係眼都大埋,
我地唯有在餐牌上指指點點咁落單,佢都好友善咁配合我(唔問太多)
佢只係用簡單的英語單字加手勢來表達,幸好我可明白佢意思
服務員表示我地的餐有連飲品,我們其實唔係太好冰飲,但為慶祝紙美牛一,我地都破天荒的點了兩杯特飲來掽下杯..另加兩隻吉杯來’’走冰’’…

最後我地點了蛋卷,香辣牛肉湯飯,牛肉紫菜飯卷,炸雞(原味同香辣)
轉頭服務員就送上小小前菜,噢…真係好少~哈~!始終唔算係正宗的韓式餐廳,
一來便有10小碟吧~!之後各款美食排住隊上枱了~

蛋卷 – 一上枱就愛上左佢啦~大大件的,感覺厚厚實實,好有份量,一夾開更係一絕~唔理佢係即整定係反叮,一來開都有濃郁的芝士在拉扯,相信如非等埋一齊先影相,效果會更加驚人!!
一入口,那份蛋香和芝士混埋一齊,加埋上面的涼涼的沙律漿,又涼又熱的,真係又簡單又美妙!!

香辣牛肉湯飯 – 牛肉湯真係好重牛肉味,我想可能加左師夫,紙美就覺得係堅牛肉香,雖則唔知係真假,那種味道就係令人想飲多兩啖!至於辣的感覺就欠缺少少,可能我們都比較好辣,所以應該可以再強一點,但基於唔敢同異國姐姐溝通,所以只好話比自己聽,放棄辣吧..
牛肉入口感覺好淋,好鬆,幸好唔會好韌,最怕咬極都咬唔開嗰種感覺, 只係肉的份量就少左D,每人分到3件麻雀大小的肉~仲有少少高麗菜伴住,多菜少肉…感覺都唔錯~

牛肉紫菜飯卷 – 睇落除左大大件之外,好似冇咩特別.突晒出黎的頭頭尾尾部份,都比佢地擺到好有設計,用盡所有材料,一D都唔會浪費!!建議張開咀巴到最大,才可以一整件放入口,如分開兩次的話,D餡會跌晒出黎! 在口中再慢慢將其分散,感受不同材料的味道,食落紫菜的感覺….唔似得日本壽司咁要求,紫菜入口會爽脆聲,明顯是淋的,但又唔似係雪櫃拎出黎凍冰冰,所以相信係即做的~!好欣賞佢的牛肉,調味相當恰當,唔會掩蓋牛肉本身的香味,配合埋新鮮的青菜,簡單,唔錯!

炸雞(原味同香辣) -炸雞上枱呀~好大碟呢~~ 這一向都不是我的選擇範圍之列,
只因紙美牛一,而佢又覺得要試一下, 所以點了一份, 估唔到有咁多呢~~ 餐廳內炸雞有4味可選,但混合點的話,同一份炸雞只可點兩款口味, 所以我地選了原味同香辣,相比起快餐炸雞之王KXC,呢到明顯唔係那回事,原味的話….除了面頭的炸粉炸得脆卜卜之外, 雞肉本身真的沒太重的調味,就連味精的感覺都唔明顯…幸好我地仍知道自己在食炸雞;

香辣味的話,感覺會到位一D,因為炸雞裡裡外外都被韓式的香辣粉重重包裹,滿以為只有外層如是,一撕開,鷄肉都係紅色的,就知絕不欺場!!奇妙的是,即使係咁,食落的感覺唔似食四川的辣咁強烈,知道自己係食緊咩!!雖則話冇食四川菜咁強烈,但都唔好太睇少,那種遲來的辣味,就在口舌和喉嚨之間來來回回,偶然要飲啖水涼快一下!

可能我們選的日子是平日,所以客人唔算多,即使坐滿了8成,都不會很嘈吵,我很欣賞
這餐廳很自助,客人可以拿杯子去飲水機到加水,任加唔嬲,而且這裡沒有限時,我們飲飽食醉了還可以在放空發呆吹水~

店舖的洗手間設備當令人滿意~~男厠各有一大格,乾淨又唔迫,仲有D擺設!!有足夠的通風系統 ,整體令人滿意~最開心係唔洗經過濕滑的廚房重地!

總括黎講..出品唔錯,絕對係KILL TIME 好地方~!值得再去~!

稻香超級漁港 (沙田)

今日約左粉絲一齊慶祝我地的牛一~
由於我地兩個真係太中意打邊爐了~所以一定要搵個好地方痛快地烚一烚~
原先諗住去沙田X記的~但因為唔記得訂枱所以冇位,臨時臨急~唯有去搵第二間~
粉絲本身作為衛生邦的主管,唔係每個地方的邊爐都頂得住~確係要搵個好地方先OK..
心中記得有呢間酒樓,幸好時間尚早~所以唔洗等位就可以入坐~仲可以揀個心儀的位置!

服務員小姐好熱情咁同我地放好左買黎的蛋糕,再幫我地開茶
先黎左個豬骨煲先~!!之後我地拿拿林點其他野食~!再出去自助調味架到混醬!!
自助調味區的調味料款式好多~生熟蒜花生蔥粒豆辦醬麻辣醬辣椒油…應有盡有,
雖則話打邊爐的材料新鮮的話,可以唔洗咁多輔助味道~不過有左呢D配料,就有種錦上添花的感覺~
我地最中意呢到有自助調味之餘仲有好多糖水飲品
又香又好味的杏仁茶同芝麻糊係我地最愛~我地一定會拎定一大杯放涼待飲~!
豬骨煲湯底本身己有好豐富的材料~三大舊豬骨連肉真係我的至愛~!!
仲有粟米同腐竹~整個湯已經好入味~令我地忍唔住要飲兩啖~!
其他打邊爐材料好快就上枱,唔洗等好耐~一水滾就可以放去烚~!
習慣性我地先叫几款蔬菜!我地要求唔會好高~
好幸運今日D菜好新鮮又唔老~而且冇黃葉~!而且份量都唔細
最重要的手切肥牛~~真係好鮮味~一放入湯就可以即時拿起~不能太熟~~正~!
餃子系列雖唔敢要求佢係即包~感覺唔會包起再雪左好耐的出品~
有肉的鮮味之餘仲有好菜味~~唔錯!
炸腐皮好明顯係買回來的貨色,所以冇咩特別~
海鮮類都好吸引!鱔片我地’’安哥’’左三次~!又肥又厚又新鮮~一D都唔腥~!
總括黎講..簡簡單單價廉物美~坐得又舒服!唔錯的好地方~!
 

呢到最好係唔限時~我地可以盡情喺到又傾又講又食又飲~都唔知過左几耐~

最後我地仲要食埋個蛋糕!!服務員阿姐好細心咁問我地要唔要帶走~

我地話喺到食~佢就好醒目咁同我地清左枱面上唔要的雜物

再拎過D新的碟子同叉比我地~嘩….好好人呀~!!

我地擺好個陣喺到玩自拍~自己拍唔到又叫服務員姐姐幫手~

雖然佢睇黎姐手姐腳,但睇得出佢真係好比心機同我地影~

最後走的時候,我地仲私下比左兩封紅紙過佢~以示謝意~!!

店舖的洗手間設備當令人滿意~~男女各大格,仲有殘厠,又乾淨又唔迫! GOOD!

法國小廚 (荃灣)

約左兩個寶貝食下飯傾下心事~預計喺荃灣區搵個坐得舒舒服服靜靜地的地方
無意喺網上搵到呢間餐廳,好大胆咁決定訂枱一試
到左開飯日子,喺條街到搵左好耐都唔見呢間餐廳,
終於見到啦~~好簡約的門面,唔難搵的但係唔攘眼,相當底調,心感不妙…
担心餐廳的出品會比較沉實同底調,
入到去睇餐牌.睇佢的裝飾,睇埋佢的擺設都好精緻,令我有眼前一亮的感覺,
服務員拎左個餐牌比我地睇,當日有几個SET LUNCH
睇落款式唔算多,有湯有沙律有鷄有飯有意紛, 仲有咸豬手~
豬手好吸引,問左服務員係脆皮的,所以決定一試
湯 西蘭花磨菇忌廉湯~好香磨菇味~磨菇打到細細粒好有口感, 几種材料份量配合得啱啱好,唔會太結,上面加左個花花印~感覺細心又溫馨,
沙律 – 鴨胸凱撒沙律,鴨胸好似另外叮過,有少少暖,而且有少少專為鴨胸調配的汁有少少酸又唔會太搶, 凱撒沙律汁味道唔錯,唔似係買返黎的貨式.蔬菜相當新鮮冇黃冇爛,唔錯~!
主菜燒鷄胸意粉(唔記得影相) -鷄胸外層有點金黃色,似係塗左經調味的密糖再拎去煎,邊位的鷄肉燶得比較乾身,但中間部份又熱又有肉汁,好味唔錯~
咸豬手 – 相信係餐廳的招牌出品,服務員問我地切唔切~我地要求自己切~豬手份量相當大隻,好入味,相信醃製超過8小時~焗得相當好味,唔會太咸皮脆肉軟,又唔會太乾身,配合埋又靚又新鮮的酸菜,清清肥膩感覺又開胃,真係好味~唔錯~~值得再試!
之後我地再每人點左一件蛋糕~服務員話所有甜品都係店師夫做~聽完之後我地相當高興~!
意太利芝士蛋糕 –芝士部份唔係咁濃味,我中意重酒味浸到好淋的手指餅,兩者配合得相當適宜,輕輕哂上咖啡粉,整體感覺唔錯!
法式焦糖蛋 – 好香蛋味,唔算太甜,上面一片糖又薄又脆,好味
美個紐約芝士蛋糕 – 好重芝士味~睇個樣係以為好鬆軟,原來係實的~但實得黎又有種好柔軟的口感,真係估佢唔到咁出色~!
食完之後加多杯熱檸水清清腸胃,再傾下心事~完成左呢個小聚會~真係意外地好~!
雖唔係乜野5星級作品,但絕對西餐誠意之作~冇比周圍的氣氛影響到餐廳對食物美感的堅持~!!
絕對值得再去~!!

餐廳一D都唔大,最多可以坐20人左右,有自己的洗手間,一人間格,細左少少,出出入入都會比人發現

服務員好細心,一個眼色就明白客人需要,令人感覺好舒服~