今日約左寶貝喺呢頭開飯~心中好想食沙律同湯~所以主攻西餐廳~
喺網上搵到呢間似乎唔錯~所以決定一試~!!
入到去地方唔算好大~~我中意D細細地的餐廳!!揀左個心儀的位置,I LIKE小圓枱有種溫馨的感覺~!
一齊睇睇餐牌~前菜薄餅飯同意粉的款式選擇多~而且睇落價錢唔貴~似乎可以試多几款
可惜寶貝今日抱恙~所以我地最後點了D輕食~!!
芝士西蘭花 - 上枱時份量真係小得真係嚇左我地一跳~ 滿滿的細細碟的... 西蘭花入口係爽口而且好味的~食埋每人都唔夠兩件,低層仲有三份一的薯溶頂住~芝士味就冇乜,可以改名做白汁西蘭花會好D~
三文魚凱撒沙津 - 上枱時我接問了服務員呢碟係乜野~服務員當然可以答到我了,一睇出品確係有點失望~三文魚份量只有數條魚絲, 凱撒沙津就少左D煙肉,沙律汁唔見得多~啱啱几片沙律菜上都有咁多了~
水牛芝士茄子雜菜沙津 - 水牛芝士唔錯~至少唔會太咸~相信來貨品唔會差得去邊~雜菜上加了點點黑醋~感覺味道有點到喉唔肺...
木瓜巴馬火腿 - 見到之前兩碟出品之後,對往後的都唔敢有期望~本身已經唔係點D好特別的菜式,但求安穩似樣~~木瓜有三大件,巴馬火腿就拉長得一片..
黑松露野菌薄餅 - 全餐可話係主菜的薄餅,完全聞唔到黑松露香味~有理由相信佢係冇落到~成個餅只有几粒野菌,配菜如粟米及青椒等就有點搶過主菜~差D唔記得自己點左乜~!薄餅底真係薄餅底~,香脆係有的(條邊),似係餅干上加D材料...芝士欠奉,可能係呢間舖的特色...
餐牌的價錢好似唔貴,但食完就覺得其實好唔化算~份量其少,食完唔覺得自己食左野
而且同心中想像有距離..
總括黎講..算係見識過佢的出品~可能這個價錢的話,先放下自己的要求及幻想.. 可見的未來相信唔會再見,真心希望佢地他日可以有所進步
店舖本身冇洗手間設備~要解手的話就要去商場的洗手間.或要去二樓酒樓的洗手間~兩邊都要行好遠~~~

今日同寶貝下午茶,原先諗住喺地鉄站附近搵食,後來寶貝搵到呢間西餐廳,

之前食過喺荃灣的分站~OK唔錯,所以再試下呢間啦~!
下午茶時段餐廳唔爆~我可以揀個心儀的位,本來想坐架卡位的
但以我呢個米之連人坐了下去,感覺真係太迫了,最後逼不得已坐左另一邊的坐位
由進入餐廳到坐下都冇服務員招呼,後來了一個疑似部長的服務員先生,
放下餐牌講解了加錢任飲等事宜就走開了.~噢~
佢地好在二個人的話去可只一人點任飲吧~~相信佢地對客人的誠信太過信心~~
我地望望餐牌~款式唔少啊~由湯小食意粉到飯都有~仲有我最YUMMY的甜品~!
款式簡單,價錢相宜~目測份量不少~我地要小心地點菜~怕食唔晒做作浪費~!
水牛芝士蕃茄 – 簡單得零要求冇得輪的菜色, 水牛芝士唔會得個咸字,而且仲加左少少橄欖油同香草上去~更覺清新!
鮮蝦沙律 – 所謂鮮蝦唔似係鮮蝦,相信係冰鮮貨色,細細粒咁,幸好出品冇腥味唔霉,沙律菜係生菜切片,新鮮冇黃好爽口~!!
煙肉波菜 – 上枱同餐牌真係有很大的分別, 波菜煮得太淋,上枱有太多菜水~煙肉同波菜感覺好唔熟,似係烚好波菜先加煙肉片撈埋就算~冇誠意之作
焗田螺 – 上枱時成個盤都好熱的~好有啱啱出爐的感覺,入口時食到田螺肉的爽口,味道唔重~食唔出係乜野焗田螺,香草?蒜茸??噢~可能係白烚田螺,烚起後再加點橄欖油…再梮多陣上枱~
芝士蒜茸飽 – 同普通蒜茸飽差一蚊,就加多左少少芝士茸,上枱外脆內軟,睇佢唔出唔錯~
燒羊架 – 入口就知加左好多;師夫;~好重口味的調味來掩飾羊肉本肉的羊羶味~以我這種中意羊羶味的人,當然覺得有點失望,而且燒得太熟,入口有點韌呢~
天使餅 – 聲稱係由意大利直接入口~我地一定相信佢唔係home make la!真係几好食~白色忌廉部份入口唔會太甜,輕輕軟軟,中層薄脆部份,冰得黎仲有點脆口的感覺~意外地好食~!
開心果雪糕拼威化 – 相信都唔會有乜野閃失的款式~無奈威化餅淋得可憐,相信通風左一段時間了~ V__V
我地分開左几次落單.服務員就比左几張單我地~原來佢地係每落一轉單就會打張新單~
令人好清析明白之餘又感有少少浪費,可能呢D係佢地的規矩吧~!!

期間所有野都要好自助~大部份的服務員都係行黎行去~你指示佢來幫忙落單~不論男女都只係回應一下便走開做其他野~~可能佢地覺得執好張枱比起客人落單更緊要~~
到埋單就要自己會著單據去門口比錢,連比錢都要噤鐘仔~先有人黎收錢,真係唔怕人走數?!

總括黎講..出品唔錯, 簡單輕鬆舒服!!我中意呢種感覺~係KILL TIME 好地方~!唔介意佢的服務質素的話~絕對值得再去~!睇睇張單~原來係唔收服務費~難怪冇人會黎做服務LA!
舖本身冇洗手間設備~要解手的話就要去商場的洗手間...好在出門轉彎就係~~相當企理!!安心去~!

今日約左寶貝食飯~~一心諗住食韓燒~唔知係咪星期5 的關係,所以特別多人
突然佢地心中一想~諗到呢間老字號~所以上黎撞下運氣~好好彩有位!!
寶貝先到搵位,我隨後到~
呢到環境睇落好開揚,枱椅大大張~以卡位為主,唔會種好迫的感覺~
高背卡位個頭唔會頂到後面客人的頭,好有空間感,坐得好舒服!
一坐落友善的服務員就向佢地介紹今日最新鮮的鮑魚!!正~寶貝好快就叫几隻~
鮮鮑魚燒又得刺身又得~各有鮮味~我地最後都係刺身為主~
之後主攻我最愛的燒牛肉,仲有牛尾湯,仲點了燒餅~!
牛尾清湯一放下就聞到勁重牛味~~加埋少少葯材,感覺好真材實料,而且好溫暖好補身!!
燒牛柳~大大件的牛柳,見到個樣已經好興奮!!加埋D洋蔥一齊燒,好惹味~燒到咁上下服務員會幫我地切開一粒粒或一條條~各有唔同口感~新鮮的牛肉我比較中意食生少少,可以食到牛肉本身又香又嫩的味道,燶燶地的洋蔥混埋生生地的牛肉~超正~
豬頸肉輕輕醃過~ 唔會太咸又不失肉味,一條條的切法令豬頸肉燒起黎唔洗燒咁耐,可以輕易做到外脆內軟的感覺,
燒起的肉可配上店舖特製的漿料,感覺好奇妙,講不出的合拍~!!
七小碟的前菜好好味~味道鮮明,感覺清新,且各有特色,唔會得個咸字~有辣有唔辣~正~!
你想的話仲可以添多次~真係唔錯~
我地邊食邊飲邊傾~~服務員除了來清理枱面外都唔會過黎打擾~!! ^_^
想要多杯水都難~!哈~
簡單輕鬆舒服!!我好中意呢種老店的感覺~

今日約左粉絲喺呢頭見面傾下心事~~一時間唔知有乜野地方可以坐得耐D,
突然佢醒起呢間餐廳,所以過黎望望~一睇都好多人~個個枱面都係得返個吉杯~哈~
相信呢到係好多人中意慢坐的地方, 等左陣終於有位~! YEAH!! 我地都買杯野飲先~!!
除左飲品~我地點左几款PIZZA餐見識下~!
磨姑忌廉湯 - 一般出品~可慶入口唔會太浠,仲有粒粒磨姑~口感唔會太差
頭盤沙律 D菜好新鮮,唔會軟晒有黃葉~~仲有兩款沙律汁~有醋有漿~簡單得黎各有特色!
PIZZA系列個批底唔會太厚~薄得黎又唔會太脆,唔會一拎就爛,

雜錦PIZZA (半份)- 睇落好多料~感覺豐富,主要係用辣肉腸同粹牛肉粹豬肉為主,芝士相對唔係咁多~拉出黎冇一絲絲的質感,入口好啖啖肉~中意食肉的人有福了!!
辣肉腸PIZZA - 睇落去只係冇左肉粹的雜錦~味道同賣相差唔多,相信係同係茄漿底的關係,呢款多左少少蔬菜入口清新能顯出辣肉腸的味道
千島海鮮PIZZA - 批底差唔多~D料就強差人意~只係得D粒粒~一D口感都冇,要用心感受先知自己食緊乜野,明顯少少的蝦仁,有青口粒,仲有粟米粒...漿汁唔算太香濃惹味,有D失望~
芝士海鮮意粉 - 意粉煮得太淋,相信冇用橄欖油撈過,所以沾得一達達,再加上又少又結身左少少的汁,好乾身的感覺
蜜桃紅茶 - 太甜了~可以加几次水都唔覺得淡~可能咁佢地先叫抵飲掛~
粉絲買左杯牛奶咖啡,一入口就知唔係即磨的~~所以冇咩要求了~
我地邊食邊飲邊傾~~只要枱上仲有隻杯,都唔會有人打擾~!! ^_^
總括黎講...算係個坐得舒服唔錯的KILL TIME 好地方~!!
店舖本身冇洗手間設備~要解手的話就要去商場的洗手間...要行好遠啊~~陰公~

難得今日約左粉絲一齊食午飯~佢提意去呢間食,記憶中有不太愉快的經歷,
事隔多年而有人推介,所以都放下過去,再次一試~
去到餐廳仍係咁多學生~感覺好熱鬧,搵左好耐都搵唔到位
於是決定先買野再搵位~我真心好怕咁做~因為拿著食物周圍走,感覺好迷失,冇乜安全感~
好難得搵到兩個位~同D學生哥一齊坐,..感覺自己都老了~
我買了一個豆腐燒鴨叉燒三餸飯加例湯
例湯 - 蓮偶豬骨眉豆湯,色水好夠,以為好入味,點知自己想多了~入口雖然唔咸,味覺好啖,要用心感受先可以飲得出佢的蓮偶味,間中食到少少豬肉絲同爛了的眉豆..粗略估計了他的材料~點都好,總比飲汽水好吧...
豆腐燒鴨叉燒三餸飯 - D飯好硬~真係粒粒皆辛苦(食得)最後要加湯變湯飯先入到口~豆腐唔算好有味,清清地都ＯＫ,燒鴨燒得唔係好脆皮~咁喺飯堂出品~唔敢要求太高~但求佢到水準~叉燒感覺好似食清豬肉咁,唔係好入味,再醃耐少少相信會更好,幸好佢燒得有少少燶,我最中意食呢D燶燶地部份~
好快咁食完就走了,因為真係太嘈,所以都不便傾下計~都唔需要打搞呢到的洗手間~
總括黎講..這個價錢的話,先放下自己的要求及幻想.. 真心希望佢地他日可以有所進步

今日喺呢邊做完野~要搵個地方醫下肚~心中諗住食得清淡~抬頭一望就見到呢間舖頭
要上二樓的餐廳,有d難搵,上到去推開門,黑暗暗似未開始做生意~
再問一下原來開緊工...~__~"
揀左個位坐下~望望餐牌~價錢比我想想中貴~心諗水準高的話都冇所謂
最後點了少少款黎試試刀
明太子沙律 -明太子來料貨尚算鮮味,冇咩要求~上枱時除左話大廚巧手好刀功,每粒茄子都切得當相仔細之外,真係諗唔到有乜野特別之處,生菜只係普通的生菜~而且單一款式,有點失望
日式炸豆腐 - 薄薄的木魚包住豆腐同炸~可能真係太薄,所以質感唔夠,而且唔知點解上枱已經唔係好熱~好一般的出品
燒三文魚頭 - 好少見斬年的三文魚頭,感覺好似少一d~相信唔係同一個魚頭切開~因為我發現有三隻眼睛!幸好上枱仲有點熱,外層燒得好香脆~可以避去一點魚腥味
牛油果鰻魚蟹子反卷 - 手工之作~牛油果生熟適中,軟軟的放在壽司上,中間鰻魚唔算厚切,但兩片疊埋入口質感豐富~整體黎講好唔錯~!
可能似喺下午茶時段,大家感覺好優閒,一路上服務員都唔會成日過黎打擾~只要一個眼神,佢地都好快來招呼!!唔錯~
店舖的洗手間設備我覺得尚可接受~~女有兩格,細細地算係乾淨都可以用~
 

今日同上大人慶生~上大人話去呢間試下~本身有個不愉快經歷,
既然上大人想去,所以好早就訂左位~
去到唔係太多人~服務員好快就安排左一個近門口的位置比我地~
放下茶水前菜我地就睇餐牌點餐~
餐牌款式唔算多~菜名唔算好特別,一般酒樓的都有,簡簡單單~
最後我地點了几味心儀的菜色
双拼涼伴(拍青瓜拼海折) - 青瓜真心唔覺得佢有拍打過~原條上~而且蒜泥太咸~失去左蒜本身的清新辣味~海折入口好硬~ 一D都唔爽口~相信係雪得太耐,有D失望...
燒味拼盤 - 厚切叉燒好硬~叉燒味好啖~燒肉唔係燒腩仔~而且皮唔脆~好可惜~仲有疑似鹵水鴨肶的東東~淋左汁都覺得肉質好乾身~
白切鷄 - 話晒都係燒味出名的酒樓,當然要識下佢的鷄啦!! 白切鷄肥且大~相當厚肉,但煮得太熟~失去左鷄的嫩滑..
菜胆豆腐 - 菜胆煮得唔會太淋,仍帶點爽口~唔錯~對簡單的菜唔會有過大的要求~上枱感覺不過不失,算係水準之作,但本來諗住清清地一個菜...可能因為必需地打個濃濃的茨汁~變得重口味了!!
生炒骨 - 係我最中意的菜色!好好味~排骨炸得外脆內軟,外層包住酸咪咪的漿汁,茨汁唔會太厚太結身~正~!
咸魚鷄粒炒飯 - 炒飯炒得一D都唔夠火候,感覺好濕,要用心感受先食得出好啖的咸魚香味~
壽包 -壽包大大件~包皮唔算鬆軟,似係饅頭的感覺,入面有整整一個咸蛋黃比連容包住~好實在~形狀古古怪怪~一D都唔靚~上面d紅粉灑得感覺好敷衍了事,冇誠意~用黎蒸壽包的蒸籠仲粘住唔知几時留下的飯粒..好唔衛生...
一路上服務員除左清枱上菜之外,要叫佢加水都有點困難~可能人手唔夠掛...應左你又走左去,唉~~~
總括黎講..算係見識過佢的出品~可見的未來相信唔會再見,真心希望佢地他日可以有所進步
店舖有蚊型洗手間供應,女的有兩格,雖然唔洗經過廚房,但都要小心地滑,洗手間迫迫細細濕濕窄窄…所以米之連人可以的話都係忍耐一下,搵另一個更好的解手吧~!!
 

今日寶貝生日,約左佢食生日飯~原先的計劃因為寶貝身子抱恙,所以中途轉機
最後約左喺呢頭見個面,食點簡單D,雖然自己喺呢頭返工~但係從未享用過呢間餐廳
事關每個時段都見到佢門外有條長長的人龍~我自問冇那好耐性企喺到等位
今日為左寶貝,所以都要企一下~!!
午飯時段11點開始,我自己打算早點去的話可能不用等位,
點知11點未夠已經有十多個人在排隊~!真係不可思議...我只好排後面等一等了
準時11點服務員拎住個牌過黎點人數,且帶客人入坐,我被安排一個室內位置,感覺好舒服!!
一坐下~服務員放下餐牌就行左去~我想叫佢拿杯水都趕唔切~
先睇下個餐牌~ 呢到主打係麵包同甜品~真係好期待!!
主食每日限定十款左右,別無他選...價錢方面都唔算平宜~心諗出品一定唔會太差~~
終於遇到個服務員行過,落了一杯水~佢回應左後我等了又等~ 3分鐘都未到,再追
服務員回覆我己落單.請我稍等.....~__~" 要杯水都要落單咁認真...我一定要睇清楚張單~!
寶貝到了~一齊睇睇食乜~點菜後好好傾下計~!
有野食LA!!! ^O^
南瓜湯配自家制麵包及牛油 - 南瓜湯真係超香南瓜味超正,唔會覺得好重忌廉~上枱的溫度啱啱好~放底就飲得~!自家制麵包微暖而且外脆內軟..唔錯~
傳統歐陸全餐 - 比想像中細份而且睇落唔夠豐富~相信係隻碟太大~滑蛋一D都唔滑,凍凍地~磨菇太細粒而且炒過之後縮晒水~蕃茄只有半隻仲要開變,雖然係煎過,但係上枱已經唔係太熱,我地話都係首批入落的客人,有呢種冷出品真係令人意外!!好難講出呢種差少少的感覺~
風乾火腿PIZZA - 等左好耐的菜~可能係即叫即做~!餅底焗起後拎出加上火腿同配菜再焗多陣~好清新的出品,用手撕下放入口熱騰騰!!芝士感覺好微弱,冇那種拉出長長芝士的質感!!可能呢個PIZZA黎講芝士唔係賣點..
鷄扒漢堡 - 好有口感的鷄扒!!原件鷄扒燒得稍為乾身左少少,配上兩片厚菇,唔會覺得太肉感,旁邊仲有燒過的菜同薯條,薯條炸得好堅,用勁火一炸,又熱又脆~絕對美式的食法~~,
歐美式牛肉漢堡 -厚厚的牛肉仲加多片煙肉同芝士~!牛肉燒得好~唔算係好乾,而且仲有少少洋葱粒,又香有惹味,旁邊仲有一堆薯條坐陣~!特純膽固醇餐的表現~
自家制西柚茶 - 原以為有乜野咁特別,原來只係一般紅荼加件西柚..噢~
牛奶咖啡 - 寶貝要求多CREAM,服務員好似唔係咁聽得明,所以問左兩次,最後唔係比CREAM而比多份奶..我的天啊~而且唔知點解會用紅茶杯黎裝咖啡,作為一間CAFE,會唔會覺得唔係咁專業呢?!
自家制甜品 ,滿心期待~
士多啤里奶凍 - 只係睇到個樣咁靚已經開心左一半,入口感覺係水準之作,每一啖都有唔同濃度的士多啤里味~!唔錯!
無花果特濃朱古力蛋糕 - 朱古力蛋糕部份唔係好甜~但講到話係特濃就唔覺囉~有點失望~可能期望越高,失落越大...

一邊一邊傾~服務員唔會刻意過黎打擾清枱~可能人手唔夠吧~有時想搵個人黎睇下都難~
總會見到好多人行來行去,但每次要HOLP住佢地問多句都唔會咁易...

總括黎講..個樣好靚的出品,入口味道可以再做得更專業~而且絕對係KILL TIME 好地方~!值得再去~
店舖的洗手間設備當唔錯~~女有三格,算係乾淨又唔算好寛落!仲有D擺設,感覺好舒服

今日喺呢頭做完野有點餓~就搵個地方急救下個肚子~
心中突然想食小龍包,眼前就出現呢個店,所以決定入去一試~
相信係下午茶時段,少人得我以為有落場唔做生意,一問之下原來可以入坐
餐廳坐位擺得相當密,人少時感覺己冇乜空間感,不難想像人多的時候都相當擠迫!
服務員安排我坐到一個卡位, 一坐下已覺有點熱,同服務員講,佢話剛熄了空調,會幫我開返
坐下落了單~等上菜~一邊等都沒有空調感,再服務員,佢講左同一句話又走左去
上菜了~
四川担担麵 +排骨 - 担担麵雖然己叫佢加辣,可惜一D都唔辣,只係食到好重的咸味~唉~可能佢地誤會左味道的分別,排骨件入口感覺好似翻炸兩三次的出品~~有色有油但唔係好熱,而且一d都唔鬆化,有點可惜
小龍包 - 上枱時熱騰騰~!皮薄饀靚,唔會一夾就散,豬肉饀的肉汁好濃好香,咬落去湯同肉汁混埋一齊,意外的好食~
一邊食一邊出汗~服務員一直都冇幫客人跟進空調的事,真係好唔滿意,本想坐多陣休息下,最後都係忍唔住埋單走了,...
總括黎講..算係見識過佢的出品~可見的未來相信唔會再見,真心希望佢地他日可以有所進步
店舖本身冇洗手間設備~要解手的話就要去商場的洗手間...要行好遠啊~~陰公~

今日約左寶貝喺呢頭見面傾下心事~佢提議去呢到靜靜地~
下午茶時段去到無疑真係一個好靜的地方~冇咩人
自問真係好少食快餐,望望餐牌就點左佢今期的主打鹽酥鷄餐
仲另點左件服務員推介的北京烤卷
餐飲除氣水之外每樣都要加錢,如要鮮橙汁更要加$7!!最後我加了$3 轉熱綠茶,..
等左陣服務員就執齊了我的食品~一望下去鹽酥鷄就覺得唔係咁滿意~
一睇上去就覺得又乾又細仔,所以要求更換,服務員拿了入去行左個圈,又行返出黎
感覺冇乜變動,服務員話件件都係咁上下....吓...???真的嘛??OKOK而家先知個標準如此
坐到埋位就開餐,拿上手已經覺得好唔滿,
鹽酥鷄同辣鷄粒一D都唔熱,感覺好油膩,一定要拿紙巾吸油~
鹽酥鷄入口好乾,一D鷄肉汁都冇,外層的鹽酥鷄皮一D都唔脆,好似放起好耐咁~感覺好差~
北京烤卷 - 外層的餅皮比想像中冇味道~而且冷冰冰,當中的兩條鷄肉條,唔熱而且冇咩鷄味~靠旁邊的燒烤漿調味,京葱兩條,唔係咁香~相信係切起左一段時間,所以香氣都散失了~感覺好差~
薯容唔敢有任何期望,但求佢有點溫度~果然好夠熱, 標準之作~
我個人認為..快餐食品都可以做得好一D,咁先唔會浪費食材...

總括黎講..對快食的餐廳黎講,我應先放下自己的要求及幻想..真心希望佢地他日可以有所進步