怡景群記爽腩店 (西灣河)

呢期喺呢邊蒲開,有DEAR 講 -> 如喺呢邊蒲,點可以唔試下太安樓的群記牛腩麵,
於是我緊係要搵機會一試啦~!

今日有緣去到,店面唔算大~有分舖內同門口走廊位,以我呢個米豬連人黎講,
入去堂食會係一個挑戰~望下望~好似滿坐了~但我又唔想坐喺門口出面~
諗住走的時候,好彩有客人離坐,我就入去了~
剛坐下,疑似老闆的男人就過來招呼,因選擇困難症又發作,
所以緊張之下,一時間就指左個招牌爽腩河…

唔洗兩分鐘,美食好快就上枱,黎到賣相就係….嗯~一碗普通的腩河,
望下望下周邊D相,發覺同D''招牌相''唔同,所以問一下老闆,
佢話我呢碗就係爽腩河啦~….我問佢係咪即係招牌爽腩河,
佢話唔係,只係爽腩河,佢話係我指比佢睇喎….可能我的肥手指,指錯左位啦~
我問佢有冇得轉招牌,佢就話轉唔到~兩樣唔同既野,老闆仲好細心咁講解所有款式的分別…
最後加句: 下次再食啦~! V__V .. 心諗..下次?
原來有咁多分別同學問,係咪可以影多兩張相比大家研究下呢?

OKOK~爽腩河個樣其實都唔差~食落口河粉唔會太淋,湯底雖話加左腩汁,但都比較清~
有陣淡淡的牛肉味~見有辣椒油喺眼前,緊要試下夠唔夠辣先啦~
落左三四匙..都冇乜料到,係唔辣的~!調下味都可以既~!
到食最食人期待的爽腩了~~份量好多啊~有4,5片爽腩,大大塊, 一咬之下….居然咬唔落….我的天呀…
再嘗試..都係分唔開....,放下原有一片再試第二片..都係好UN 皮,真係唔知爽左喺邊 .. 可能我碗唔係招牌LA...
..最後唯有一塊過咁放入口再漫漫咬.. V__V

總括黎講..算係見識過佢的出品~價錢合理又夠份量!! 有機會好肚餓的時候可以再試~

店舖本身冇洗手間設備~要解手的話要去商場的洗手間..要行到鬼咩遠.辛苦了

威爾斯親王醫院飯堂 (沙田)

今日路經此地有緣試了一次餐廳外帶,餐上的款式不少~
最後決定簡單一D,試左個鮮茄牛肉粒少飯,加個羅宋湯
上到OFFICE 坐下一打開~真係個心都離一離呀~好難相信眼前的事實
鮮茄牛肉粒少飯 - 鮮茄牛肉粒,見到一大盒的漿汁,當中搵唔到半件鮮茄,用心細搵就發現唔到廿小塊,每塊有半隻尾指指頭大般的牛肉粒,仲有一D配菜...入口啖而無味,唔知以為係病人用餐...因知自己一向唔好食飯,所以再三叮囑要少飯,居然都有呢個份量.會太過份嗎?!
羅宋湯 - 一打開碗蓋更覺驚訝~淡紅色的水面浮著3,5,7片的洋蔥片,試飲一淡,感覺就好似飲老麥茄汁加水的味况~實在難以再試第二啖,終於...為左自己的胃子~要做出少少浪費
其實我明明喺職員餐廳買,係有比錢買正常餐的啊~..
總括黎講..算係見識過佢的出品~可見的未來相信唔會再見,真心希望佢地他日可以有所進步

峰壽司 (屯門)

今日突然約左寶貝下午茶,決定去一個平時少去又易去的地區,
一程飛天小巴轉眼就到左目的地!! 寶貝己一心決定食乜野,我當然唔會拒絕LA!
可能係平日的下午茶時間,所以舖頭當相清閒,我地可以揀一個心儀的卡位~!
噢~~一坐落就見到飛天烈車,我真係大鄉里了~暫時我知APM的元氣有壽司火車
好開心黎到呢到都有呢~呢到可愛的地方係上層火車下層有迴轉~適合唔同喜好的客人
倒好茶我地就開始點野食~諗住一手拎個電子牌落黎~點知係不動產~唔郁得~
我地只好牛咁眼咁慢慢篤...玩左一陣就等食~
我發現呢到除左有湯的食品會有服務員拎上黎之外,好多都由火車送到~!
我地點左個午餐,仲有辛火龍卷,三文魚三食
午餐 - 絕對係例牌貨,所以實物同張相都有一段距離,明白的~
   壽司併盤 - 上枱感覺唔係好得~肉質乾乾地,幸好食落都有應有的味道,放下要求!
   蝦天婦羅烏冬 - 大蝦天婦羅,可能大廚上個期冇睇電視,教大家如何可以番炸D蝦唔會變淋...所以D蝦一夾就軟晒~我的天啊~~真係唔掂~烏冬味道OK,基本唔會對佢有任何要求,湯底相信係一般清湯,唔覺有味!
   麻漿野菜沙律 -- 青菜好鮮好爽好脆,加埋吞那魚同蟹棒棒絲,加少少7味粉更清新開胃~~!
辛火龍卷 - 餐牌張相個樣好鬼誇張,寶貝一眼就好想點~又好担心佢辣的程度令佢接受唔到,所以諗佐好耐,點之前仲問過服務員姐姐會唔會好辣,服務員就話唔會太辣,經我再三鼓勵,終於落單~
火車送黎,一睇覺得好激~上枱發現原來係''搞笑之作''...蝦頭蝦尾兩件只係兩舊飯上面擺住DD蝦頭蝦尾,而唔係卷住的~蝦頭部份為左能篤得實D,仲切左一部份~噢...我最愛的炸蝦頭啊~照咬入口~噢~ 一D都唔熱唔脆,係咪炸起左好耐呢?! ~~中間8件有兩年係冇蝦肉的~OKOK~我地明白一隻蝦總有完結時..講到寶貝最期待的辛辣~原來只係側邊放左薯片粹...入口相信係卡樂A月亮薯片...明白了就覺得太搞笑了~
三文魚三食 - 唔知係我的指功唔夠力定係佢D壽司飯壓得唔夠實,每件壽司都一夾就散~壽司飯醋香味唔夠重~三文魚肉質本身真係唔錯~好香好鮮,夠晒魚味~尤其係三文魚腩位真係甘香肉厚!頂頭的漿汁就失色少少,三文魚籽食唔到有魚籽~明太子又食唔出有明太子...食既時候我一度諗過其實兩隻漿係一樣的~
食下講下都唔知時間過~見一枱都係我地食剩的碗碟,一直都冇服務員黎收~我地有諗過唔知係咪要放喺架火車到運返入去~HA...食到埋單都冇人黎收~!
總括黎講..如以這個價錢的話,先放下自己的要求及幻想.. 真心希望佢地他日可以有所進步

Schwaz Cake & Cookies @ Homestyle Cafe (旺角)

有緣近期去過呢間餐廳兩次~ 第二次去唔係因為對佢念念不忘,
而係寶貝提議去呢到試下~而兩次都有講不出的無奈
2月11
新正頭去旺角搵個寶貝吹下水~之後搵地方醫肚
不經意咁見到一個隱閉的門口,發現一間隱閉的餐廳,屈在一個商場入面~好奇行去望下~
噢~一個人都冇?!諗住轉頭走,點知比企喺近門口水吧的老闆發現~
大聲講左句歡迎光臨.隨便坐~...咁我只好搵個位坐下了~
坐底左四周望望,餐廳簡單唔花巧,門口對正一兩二人枱,之後就係甜品櫃同水吧,
老闆就喺那兒煮咖啡,內裡空間好細,感覺好逼,我就揀左喺門口的位置,好似開揚D
有一服務員小姐來擺刀叉.再放下餐牌,我一眼就決定要漢堡薯條,
服務員就問我漢堡扒要几多成熟,我有點驚訝,就答佢要5成熟,我心諗真係可以做到嘛? 好期待!!
本想點個自製麵包,點知得到既回覆係: 廚師好忙,所以今日冇做麵包,OK~咁唯有要蒜草包啦~
之後想話要個沙律,居然話今日冇沙律...~__~ OKOK~唯有要個是日餐湯啦
南瓜茸湯 - 簡單地將南瓜打茸煮的湯,唔係太濃,感覺加多左水,冇其他特別質感,普通LA
漢堡薯條 - 選擇呢個主要原因係想有種勁誇張瘋狂熱氣的感覺~一上枱望一望,如呢個價錢呢個OUT LOOK 的話確係令人有點失望~一D都唔興奮偉大,整個漢堡睇落唔算好大份, 漢堡扒切開果真唔係熟晒~講係5成的話都可以接受,咬落好有牛肉味,而且好多肉汁,唔會太乾身,其他配菜就係好一般,整體不過不失
薯條份量尚算OK~一眼望見粗碌薯條正呀~入口感覺好似炸左好耐~外層叫做有點脆,可惜唔算好熱,有點失望,
之後加$15蚊加份自家制點品,問服務員今日有乜甜品選擇,佢就同我講因為廚師好忙,
所以只有法式燉蛋...噢~我心諗,忙到咁, D法式燉蛋係咪過年前整定 V__V
法式燉蛋 – 唔知係技術問題定係可能真係過年前整定又或者雪得太耐, 燉蛋入口一D都唔滑~幸好唔算係太甜,蛋同奶的比例都唔錯~相信可以整得更滑溜
薑餅咖啡 - 自問唔係一個識嘆咖啡的人,所以要求唔會好高~諗住薑餅咖啡個名咁特別,應該會係有塊可愛薑餅溶喺咖啡入面啦,點知...上枱時都係咖啡一杯,拉左朶花..飲落確係有少少薑餅味道~唔算好重口味
再坐左陣~可能新年流流冇咩人~整餐飯加埋我有兩枱客仔~另一枱相信係老闆的朋友~佢地一邊食一邊傾計~令我感覺開間舖頭傾下計都几寫意~相信呢到唔係朋友都唔識黎呢~~ HA~
3月1日
咁啱寶貝約我食飯~佢話有間餐廳好想試~我當然唔會拒絕啦~誰知咁有緣佢會推介呢間餐廳,
我問過佢點解會知呢間店,佢話佢之前經過只係冇機會試,所以諗住同我黎試下~
我地希望搵個地方冇乜人,坐耐D可靜靜地傾下計,經過之前的經驗,呢到確係做得到
今次12鐘黎到~餐廳依然係冇咩人~我地可以揀個心儀的位置~
睇左一陣餐牌~好快就有左決定~
今次一定要揀餐廳的自製麵包試下~ 點知服務員話今日冇自製麵包,我心中確係灰暗左一下,
心諗新年黎又冇,而家黎又冇,不如唔好打出黎比客人揀LA,
既然話冇都冇辦法,唯有點另一樣蒜草包,而今日只有一款餐湯 -- 香草清湯
香草清湯 - 確係好清淡的湯~ 選用左几款清清地冇乜味的菜蔬,確保有點色水之餘又有嘢咬口,又唔會太重口味,掩蓋左香草的味道,整體簡簡單單湯一碗,唔會覺得想添飲
蒜茸包 - 普普通通, 麥方包片上加蒜茸漿, 蒜茸漿相信唔係自家製,冇乜要求,但求暖暖地可點點湯就足夠~
巴馬火腿班尼迪蛋 - 蛋蛋係我的最愛美食之一~ 今次就見識下呢到的班尼迪蛋~心中己對呢個菜式有一定的形象~心中都几期待!! 點估上枱的時候乜野份量都減左半~!呢個價錢有呢個份量~真係有少少想喊~巴馬火腿好軟好嫩口,感覺唔似風乾得太長日子,班尼迪蛋,可能係用模裝住整~所以蛋白冇乜散開的感覺,除左巴馬火腿班同隻蛋,就冇乜特別配菜了~!5分鐘唔洗就KO 左佢~
肉漿意粉(豬肉) - 好啱水準的款式~意粉唔會煮得太淋,而且鮮茄豬肉漿入口感覺粒粒分明,好有咬口,算係意料之外~
最後點左兩杯餐飲,牛奶朱古力咖啡同愛爾蘭酒咖啡,作為一間時款CAFE 真諗唔到咖啡會冇靚靚拉花~可能係我地思想太浮誇HAHA~!我地都唔係太高要求,但求出品靚靚地就開心~熱飲上枱居然冇那種香濃的咖啡味,入口味道普通啦~
今次見佢有兩款甜品可揀,有過經驗之後,我地決定下次有機會再試
我地一邊食一邊傾計,餐廳越黎越多客人,服務員見我地食完未飲完,仍埋黎問我地會唔會點甜品,可唔可以埋單先,無奈中的無奈,我地只盡量配合,唔好阻住人家做生意...
店舖本身冇洗手間設備~要解手的話都唔知應該去邊到好...唔係地胆都唔識搵~!唯有忍耐一下,搵個好地方解手了
總括黎講..算係見識過佢的出品~可見的未來相信唔會再見,真心希望佢地他日可以有所進步
 

帝苑餅店 (尖沙咀)

今日同粉絲喺呢頭食下午茶,食飽飽唔覺意路經呢個車仔檔,走埋去望下~
一望之下真係不得了~居然比我地發現左佢兩個 --> 帝苑小甜品~!
當然唔洗講咁多~雖然唔知去邊到KO佢地好~不過都唔諗了~GOGOGO~~~買左先算~!
終於拎住兩個小甜點喺商場行左行右,終於比我地諗到個好地方處理~正~!
青萍果芝士蛋糕 – 一睇個外表已經令人好開心~一刀切開約5豪子邊咁厚的白朱古力做的青萍果殼,確實係要用少少陰力~太粗率既話會整到個殼爛晒,個貝殼就包住酸酸甜甜的軟芝士餡,再加多几粒脆脆~白朱古力食落唔會太甜,啖啖的再加埋入面D相信係青萍果打茸再撈埋的啖忌廉芝士,這配合令人有種好清新的感覺
藍苺芝士蛋糕 – 紫色的薄糖漿外衣,配上几粒白色的馬卡龍~輕輕的切開,唔洗好似切青萍果咁大力,就見到佢裡面軟棉棉又有少少堅挺感覺的芝士蛋糕,中間夾住一層7分酸3分甜香濃的藍苺啫喱,一叉一啖食入口,兩種唔同的質感喺個口中互相混合~顯得酸中有甜,硬中帶軟~唔洗三啖就比我地KO左了~!除左馬卡龍甜左少少之外, 整體黎講感覺真係唔錯~!!
果然係傳說的鎮山之寶,有人話食過佢之後,喺出面好難搵到差唔多質素的藍苺芝士蛋糕,我當然唔會放過呢個機會LA!~雖然唔係第一次食,但云云當中,都會選擇佢~!除了美味的內涵,高貴的名表都係吸引人的地方~
食左美味既甜品~當堂有種幸福晒的感覺~!!