今日難得約左几個粉絲一齊開飯~有人話想食日本野~所以揀左去呢間~
我自己唔係第一次黎~覺得不過不失~如有人想來我都唔介意再來~
去到門口見唔係咁多人~可以揀個心儀位置,而且呢到唔會有限時,可以慢慢談心~
一坐下服務員幫我地加左茶,我地就拎個餐牌黎睇~
幸好我地有返几個人~可以點多D款~YEAH!
我地一邊食一邊點~都几左好多野呢~!!
呢到出名的10寸長的三文魚壽司,緊係要點LA!另仲蟹子沙律,魚生沙律~炸豆腐,兩個湯面一個炒烏東,魚生拼盤,金姑牛肉卷,燒三文魚頭,牛油炒金姑,一口鉄板牛肉粒,鉄板燒墨魚,芝士燒蚝,三文魚軟殼蟹卷.同一D壽司....
嘩~~上抬啦~萬眾期待!
10寸長的三文魚壽司 - 招牌菜之一~三文魚本身好有魚香味~食落好鮮,壽司飯就感覺麻麻~飯本身煮得太淋,醋味唔夠,份量中等唔會太大件~整體都唔錯~
蟹子沙律 - 我最中意的小食之一~沙律以青瓜同生菜絲為主,面頭仲有好多的蟹子~全部撈埋一齊再大大啖放入口,清清涼涼的感覺好正~
海鮮沙律 - 呢個沙律以青瓜絲同多款海鮮粒為主~所謂海鮮由4,5款唔同的魚生粒,蟹柳,魷魚粒撈成,面層再加大堆蟹子~再加上少少麻漿,配搭出奇地好~麻漿的香加上沙律的清涼~好開胃呢~
魚生拼盤 - 有十款唔同的魚生~各有特色,味道鮮明,份量足夠~唔錯~!最好味的係蝦同赤貝,又爽又新鮮~海胆就比較失色,食落有少少腥味..
炸豆腐 - 豆腐冇想像中大件,木魚絲比想像中少,唯好的係炸得外脆內軟~非常好味~!(好可能豆腐本身已經好好味~所以點煮都唔會太差~ )
叉燒拉面 - 拉面本身煮得唔錯,唔會太淋,浸得耐左都覺得有彈牙的感覺, 叉燒就細件左少少,唔會太咸仲有豬肉的香味,服務員話係叉燒係自家製的.而加上係豬骨湯底,第一次食呢到d拉面.唔錯
鷄肉拉面 - 拉面同樣出色, 鷄肉同洋蔥加D漿汁一齊炒過,剩食的話可能會重口味左D,但撈左落D湯面沖淡左少少~感覺又唔同~
豬肉雜菜炒烏東 - 成份出品都令人失望~烏東炒完都覺得好濕,一D都唔乾身~感覺仲好油膩~漿汁落得太多~感覺好咸~差~!
燒三文魚頭 - 我最中意的食品之一~相信對呢個菜色都唔會有咩特別要求,魚頭大大件而且燒得啱啱好~我最中意燒得燶燶地有少少脆卜卜的感覺~!!
金姑牛肉卷 - 原本係好好味的菜色,牛肉卷應燒得燶燶地,上枱唔知點解可以咁多汁~成個口感都唔同晒...失望~
一口鉄板牛肉粒 - 開始發覺大廚的喜好,就係加水再加水..明明係鉄板燒,居然都可以咁多汁..真係唔知講咩好...原先諗住香口熱氣的菜,都變得冇咁HOT了... 牛肉粒同洋蔥一齊炒過~煮到大約有8,9成熟~ 保留保牛肉本身的味道..
牛油炒金姑 - 話明係炒的款式~應該又香又乾身先啱~就係唔知點解可以咁多汁~即時覺得好油膩~完全唔可以接受~唔洗問緊係要退左佢~!退之前都要拍一拍~!!
鉄板燒魷魚,燒大蝦 - 唔會有特別期望的菜色,但求似模似樣~上枱出奇地好~大蝦燒得啱啱好~而且唔係蝦仔~甩左殼都仲有啖啖肉~魷魚炸起之後再放喺鉄板上枱,入口感覺好香好熱氣同好鮮嫩,好有口感~冇''加水''係唔同D~~HA~
芝士燒蚝 - 上枱時真係有點意外..成份出品出奇地''細''規模,蚝殼細,蚝肉細,配料都少~唔似得出面食的好多忌廉汁,撈少少芝士再焗!!呢到可以完全睇到係一粒蚝肉加少少芝士拎去焗,一D都唔花巧,就係咁蕳單,廚師控制火喉控制得好好,唔會焗得太乾太硬...可能有加水..
芝士西蘭花 - 西蘭花煮得啱啱好~唔會太淋~入口仲有種爽口的感覺, 芝士味好濃,夾起時仲可以拉出一條條的芝士~超中意呀~!!
三文魚軟殼蟹卷 - 一入口就覺得軟殼蟹似係炸起左好耐~唔脆又唔熱~感覺有D油膩~成份出品令人失望~可以的話真係想退左佢~
另我地仲點左几款唔同壽司,壽司飯方面可能係同一桶飯,所以都比較淋同埋冇咩醋味,而上面的魚生片相當新鮮,而且大大片,食落好有口感~
軍艦款式方面真令人意外! 睇上去配料出奇地多~突出晒整件軍艦!夾開一睇...就見當中真相~!最可惜既係上枱時紫菜已經淋晒~有D令人失望~
我地一邊食一邊傾計一邊睇電視,服務員亦勤於為我地加水同清枱,雖然外面有客人等位,但都冇要求我地離開~值得欣賞!
店舖洗手間設備唔係咁令人滿意~要經過廚房重地,所以迫迫細細濕濕窄窄…所以可以的話都係忍耐一下,搵另一個更好的解手吧~!
總括黎講...算係個坐得舒服,又有電視睇~絕對係個KILL TIME 吹水的好地方~!!