艾利奧 等級4 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2015-12-30
今日超級難得約左寶貝喺上水boxing day lunch~!喺上水呢個地方我地唯有諗到的地方, 呢個我地集體回憶餐廳,好想黎回憶一下當年的歲月~ 餐廳分三個區份~酒吧,大堂,同內堂,我如常早少少去到~諗住揀個心儀的位置, 點知服務員話呢到唔開那邊未開..我地只好坐喺大堂最當眼的位置~ 諗住傾下心事都唔得~ OKOK 一坐下~服務員放下餐牌同三杯水就走左去了~ 我一邊睇餐牌~靜靜地等寶貝到~餐牌仍係那份餐牌~款式冇乜點變~ 寶貝到了~我地因真係太耐冇見了~所以VV嘩嘩咁怪叫一輪~大家都好肚餓~所以好快就落單~! 如常我地點左打法式田螺做頭盤,再點左三個SET LUNCH~為令今餐更覺不同,我地更加左每人$30一個酥皮龍蝦湯,聖誕節嘛~~~ ^__^ 法式焗田螺 – 由於太餓的原固,所以好快己被消失~都唔記得留影~但絕對唔會係損失~墊底的薯茸太少,感覺好乾枯,可加多點牛油~顯得更有質感, 田螺好細粒,冇乜味道,至少唔夠蒜味,又唔係咁夠香草味,…有點失望~ 酥皮龍蝦湯 – 上枱時的酥皮比上次好少少'叫做有D挻身~篤落去脆到有D碎屑彈起,令人有少少意外~篤下篤下發現只得一層..塊皮一D都唔酥呢~~龍蝦湯入面勉強可以搵到少少龍蝦仔,但係飲落味道真係咸得驚人~T__T 經商議後大家都決定要退回了~服務員姐姐初頭唔願意換,仲話龍蝦湯本身係比較咸~我地知…但這個真係咸得冇道理~~最後服務員姐姐就網開一面,轉左火鷄粟米忌廉湯比我地…火鷄粟米忌廉湯就如同一般的茶記忌廉餐湯,淡淡的忌廉味.唉~.再冇任何要求了~ 跟湯的包包~一直都知係來貨品,而今次少有地用意大利軟包~上枱的時候已經唔暖,相信係冇乜點叮過,所以更覺冇味~可再改善 煎羊扒配薯菜 – 落單時服務員姐姐冇問到我地要几多成熟,大概就知羊架的品質,最後上枱小小三件羊扒煎得真係好熟,超熟…熟到原本對食品冇乜要求的寶貝都覺得失望~薯菜方面就只有白烚椰菜花同小紅蘿蔔…清啖無色無味… 鉄板美式雜扒配薯菜 – 由於寶貝戒牛肉,所以將當中的牛扒轉為鷄扒,無論係豬扒定鷄扒,都係燒烤場貨色,而且味道醃得太咸,失去左肉本身的味道.那條腸算係最令我地意外的~唔係一般的廚師腸~而係大大碌的脆皮腸~!但係都係好咸~!哈哈…薯菜方面…相信都係同出一盤冇味的水了~~! 德國豬手配薯菜 – 由於係聖誕關係,我地做左呢個新嘗試~點知中伏了~豬手上枱時見佢大大隻~心中的確有點興奮,放在眼前,聞唔到香味…拎把刀仔切下去~~豬皮燒得一D都唔香脆,仲好硬~好難切,肉質超級咸又超硬~失去左德國豬手原應有的質感,薯菜都係LA…唉~好失望呢~最後連我地一班’’惜食’’的寶貝都頂唔順,咬了几口就放棄了~確係有點浪費呢~ 服務員姐姐好快黎幫我地清理枱面~我地就繼續閒談~期間…冇乜主動加水~ 傾下講下都唔知時間過~突然寶貝話想食D甜品~於是我地就問服務員姐姐有乜野甜品供應,最後服務員姐姐在廚房拿了一杯是日精選給我地看~噢…這是..咖啡幕絲杯(要加 $30) 我地見佢咁有氣氛,所以點了一杯三個人分~點知又係中伏~~~ 咖啡幕絲入口感覺就好似放左几日的作品~硬到不可以用幕絲黎形容,比布丁仲要硬..而且唔係咁夠咖啡味,只得甜味~仲要係太甜了~~所以我地要用猜輸食的方法了解左佢~ 最後我地決定轉場,所以點了熱檸水做餐飲,完結呢個飯局~! 咁多年黎,這店舖的洗手間設備我覺得尚可接受~~女有兩格,細細地算係乾淨都可以用~ 我真心希望餐廳可以繼續經營落去~~亦真心希望佢地可以更有進步~
評分: 味道 2 環境 3 服務 3 衛生 3 抵食 2
2015-12-21
今日難得約左寶貝去飲早茶,我自問都中意食點心~但早茶就唔知邊間好~ 於是寶貝就提議黎呢間老字號~我當然唔會SAY NO LA~! 一去到大門口己有服務員姐姐招呼,安排入坐,企電梯上到二樓 就有另一位姐姐帶我地去一個窗邊相當開揚的位置,我個人相當中意陽光的感覺~! 坐下開點心咭,服務員姐姐就幫我地開茶,放下就走左去~ 摸一摸~水唔係好熱,…噢~居然?!作為一間酒樓,水唔熱的話確係好難令人接受呢~! 話咁快就點好心儀的點心~等左5分鐘左右就慢慢上枱了~ 我個人習慣性會等晒d野食黎先開動~呢一等都用左相當耐時間呢~ 蝦餃 – 上枱時出晒煙的~個樣都錯~ 望真之後食落口,發覺皮厚肉唔香~d蝦雖然冇腥味,可惜都冇乜鮮蝦味~有點失望~ 燒賣 – 同蝦餃一齊上枱的~都係出晒煙,個樣睇落唔係太得~入口都唔係好得~豬肉感覺好多味精,太咸了~頂頭的蝦仔好細粒,入口感覺好明顯係冰鮮蝦仁 排骨 – 失敗作品之一 , 芋頭粒多過排骨粒~而且排骨好多脂肪,實在唔知點解呢碟叫’排骨’~哈~!排骨入口感覺好冰鮮,同埋食唔出有乜野味~好迷幻 叉燒腸粉 – 上枱時睇落相當吸引~皮薄又亮晶晶,d饀仲好似好多咁~傳菜姐姐好快手咁倒左好多漿油上去~真係截都截唔住~一切開放入口~點解會冰冰的?!一d熱度都冇~由於唔熱的關係,所以顯得d皮好韌,好難食~本想退左佢,但寶貝話算啦喎… 山竹牛肉 – 以為應該唔會失敗的產品~ 只有dd咁多山竹粹,加左喼汁之後機乎睇唔見,牛肉球好實淨,硬得黎又唔會好重牛肉味~好似食緊舊唔知乜野粉咁~ 紅棗糕 – 上枱唔熱,雖然唔算係喺雪櫃啱啱拎出黎咁凍,但係冇左熱食甜品的精緒~食落尚有少少淡淡的紅棗清香 芝麻叉燒包 – 外層似係牛脷酥的質地,包住几塊叉燒粹,加上芝麻再攞去炸.咬落去好似炸起左好耐,有少少脆,但感覺油膩多d~而且叉燒好少~似係食緊牛脷酥多d~ 炸餃子 – 可能同係油炸產品~所以keep住一貫唔熱同油膩的作風~一啖食落去真係分唔出佢係煎餃定係炸餃~總之一句皮硬饀咸唔熱又油膩… 試左几碟之後,我同寶貝已經冇興趣再點第二round了..傾左一陣計,飲左兩杯茶就帶點失落的心情離開~ 離開前當然要去下洗手間了~ 店舖有洗手間設備,我個人覺得唔係咁令人滿意~雖然唔洗經過廚房重地,厠所門口尚算ok 入到去有差唔多10格,就覺得迫迫細細濕濕窄窄…唔好的完結~! 總括黎講...可見的將來都唔會有機會見面~真心希望佢地他日可以有進步
評分: 味道 2 環境 4 服務 3 衛生 3 抵食 1
2015-12-21
今日難得約左寶貝喺呢頭午飯~星期日的下午沒有甚麼地方可以選擇, 見都有一段日子冇黎呢到開飯,所以決定比多次機會大家~ 去到餐廳門口己有一堆客人在等,似乎好多人呢~點知我去到的時候 服務員就先帶我入去~噢??原來佢地只係''睇下'', 一邊跟住服務員姐姐~佢打算安排我地去埋邊的卡位, 我見那邊己坐得密不可分,有位的話都感覺坐得唔係太舒服, 幸好我見到另一邊的柱埋有張細枱,於是我就提議轉去那一邊~ 一坐落服務員姐姐就走左去~我唯有自己睇餐牌啦~ 寶貝好快就到,我地都好快諗到點乜野食~由於張枱空間有限,所以我地先點第一輪先~ 正宗小龍飽 - 上枱時已經唔熱,感覺好似放左好耐先比人拎出黎~小龍包皮上層又硬又韌底部又易穿,一個唔小心就好易穿隆了~點埋薑醋,入口冇乜驚喜,味道一般 生煎包 - 最遲上枱的菜,仲以為冇落單,上枱時已經冇咩溫度,心中真係唔知道點解咁耐先上枱~底部雖然煎得有點脆,但可能放得太耐,入口感覺肥膩 黃金四季豆 -四季豆炒得太淋,咸蛋黃份量太少,整體唔夠惹味,夾埋味道令人失望~ 醉鷄 - 相信已經係最拿手的小菜,可能浸得太耐,所以鷄肉入口感覺有D老身,一D都唔滑~ 原本諗住可以有第二輪~經過首輪的體驗,唯有放下呢個妙想~早早埋單走人了~ 店舖本身冇洗手間設備~要解手的話就要去商場的洗手間了...忍耐一下吧~ 總括黎講...可見的將來都唔會有機會見面~真心希望佢地他日可以有進步
評分: 味道 2 環境 2 服務 3 衛生 3 抵食 2
2015-11-29
今日去搵寶貝食飯~路經此地突然發覺開左一間''餅店'', 望左兩眼見係芝士撻,心中興奮~但係要按住心中的熱情~ 因為我的認知芝士撻係要暖暖地即食先好~我眼前的情況知道係冇可能即食~ 所以決定合上眼走人~誰知突然比我發現一盒疑似可以凍食的芝士撻~ 行返入去望下~~噢~真的可凍食啊~~所以我就決定排隊購買~ 舖頭都相當細心~ 安排左一邊排隊買芝士撻,一邊就買其他糕點~ 雖然我覺得我只係買凍食嗰D,應該唔洗排隊,但講到尾我都係買''芝士撻'',唯有等下~ 等左陣~好快就有熱騰騰香噴噴的芝士撻出爐~嘩~~真係好香呢~ 有原味有綠菜味~件件都肥肥美美~好吸引~排隊人士一個一個咁行前~~ 速度比SOGO地庫嗰間有效率得多~.好快就輪到我~ 服務員小姐問我要多少個...我話係買凍食嗰D.. 服務員小姐就話呢條隊係買熱食的~凍食唔洗排~~ 噢~~~~見咁...我只好隨著緣份的安排(唔執輸),買返兩個熱食~ 再搵左個M記,同寶貝即時處理左佢~ ^O^ 原味芝士撻 - 切開時己有芝士流出的感覺,入口確係好香好濃的芝士香味, 暖暖的芝士漿佔據於舌頭同牙縫,愛食芝士的人有一定會中意~撻皮就比較普通,可能唔想味道太重而影響左芝士的味道 綠茶味芝士撻 - 比想像中失色,可能要將綠茶混入芝士之中係唔容易的事,反而變左兩者都唔似~感覺怪怪的~ 凍食芝士撻 - 份量就好似兩隻麻雀咁大,兩啖食晒~入口輕輕軟軟地~上半比下半軟身, 芝士味比較重~下半就似一般的海棉蛋糕, 芝士都唔弱~整體似係芝士味的棉花糖~! 好味~! ^O^
評分: 味道 4 環境 4 服務 4 衛生 4 抵食 4
2015-11-29
今日約左寶貝喺呢邊食午飯~喺工業區選擇唔多~好快就決定去呢間新裝修(對我黎講)的美心~ 一入去以黑色同啡色為主調,轉變左過去的光鮮感覺, 格局都多樣化,有二人卡位,四人同六人枱,比以前一枱人最多坐4 個來得好~! 去買野的位置見到居然有甜品蛋糕賣~出品因未有時間品嚐所以未知得唔得, 但係有呢個選擇已經值得加分~! 除左有一直開用的服務員買單, 呢間舖仲有自己售票機,用八逹通比錢~超方便~!! 可能因呢到D人都比較中意搵姐姐~寧願排下隊,部機喺到都冇人用~ HA~奇妙~ 我地分別點左舖頭的主打食品~我的''飛弗''海南鷄飯同埋焗豬扒飯 海南鷄飯 - 海南鷄入口出奇地嫩滑,一啜一咬就骨肉分離,睇個樣清淡淡的,食落好有鷄味~正~!海南鷄的漿料的專業~淡淡的中湯,飲唔出係乜野瓜煲的豬肉湯,東瓜?節瓜?!算吧~鷄油飯的鷄油感覺唔太香,食左兩啖就用來做湯飯,椰菜絲?!點解傳統的油菜會變左椰菜絲,好出奇的創意~但喺呢個環境,係我仍中意食熟左的菜多D 豬扒飯 - 豬扒又厚又大件,雖然係咁,相信豬扒係先出過水,煮到9成熟,吸乾水後再拎去大火炸起~再加埋配菜同D飯一齊入焗爐焗,出爐之後熟晒之餘,面頭又有少少燶,入口啖啖肉唔會覺得好硬同乾身,配料如蕃咖同波蘿份量都唔少,睇落勁級抵食~D飯唔會焗得過份乾身~ 臨走前諗住要去下洗手間洗個手~ 店舖本身冇洗手間設備~要解手的話要去商場的洗手間,幸好行過門口對面就係了~! 總括黎講..簡簡單單價廉物美~傾下計飽肚就走~的確係個好地方~
評分: 味道 4 環境 4 服務 4 衛生 4 抵食 4
|