今日係好朋友的大好日子~見仲有少少空檔就喺呢頭填下個肚仔先~之後再玩過夠~
時間唔多所以要搵快食~經過呢間小店感覺好溫暖,所以入去開心下~
直入最尾先有位~坐下阿姐就喺門口問我食乜野~唯有我都大大聲咁叫返出去啦~
點左佢舖頭的招牌菜
牛肉雲吞河粉
牛肉份量唔係太多~成碗河粉只有6,7片,牛肉好滑口~好香牛肉味又唔靭~唔錯~!!
雲吞 - 招牌雲吞話好大粒~確係SIZE有一個匙咁大, 雲吞得一粒蝦,有豬肉,一口咬入去以為會有好結實的感覺~點知覺得好似好大啖氣,感覺好空洞~~幸好味道唔錯~如果唔係有左''大粒''的幻想,叫做不過不失~
全店最令人興奮就係佢的辣椒油~~又香又夠辣,真係刺激到不得了~
店舖有蚊型洗手間供應,迫迫細細濕濕窄窄…所以米之連人可以的話都係忍耐一下,搵另一個更好的解手吧~!
 

今日咁啱做野經過呢頭,到係食飯時間又有几分肚餓,就望下邊到有野食~
咁啱見到阿姐派轉單,所以就上黎一試 
午飯時間過得7788, 1點十入坐~舖頭已經冇咩人,諗住自己搵個好位坐
後來一位好NICE服務員就指示一個指定位置, 相信係方便佢地管理~OKOK...
了解左餐單~原來中午都有放題~款式都算多元化,心諗可能遲D有機會約朋友一試
今日一條友所以快快手點左個定食 (燒三文魚扒拼玉子定食)
點完菜就做下少少文件野~一邊等~諗住定食會好快有得食~ 
等了又等~等左十分鐘都未有野上枱,叫服務員跟跟,
成個場眼見只有三份服務員工作,一個比較後生的過黎話幫我跟,講完行左去
又等左十分鐘,見勢色唔對又問多次,回覆依然係應左你就走左去
等到兩點4,仲未見...真係餓到有少少發火~
再問一下另一位睇落似高級少的服務員就話: 就得就得~
真係唔知呢個係乜野答案,講完隨即放下一碗唔熱的餐湯就走左去!!
我自己習慣湯飯一齊食,所以只好等多陣~
到兩點半~我的定食仲未上枱,又問那個高級少少的服務員,佢居然唔知有心定無意地唔望過黎,應都唔應..唉.真係好灰...
再等多陣~終於有野食了~一睇到個餐~真係灰到盡~~
燒三文魚扒拼玉子定食 ($78) <-話晒都係餐牌上的中價貨
所謂三文魚扒細件到比街市買得仲要細,而且一睇就知唔係燒而係煎啦~仲煎得甩甩漏漏~皮都甩埋~ 魚身乾到一D魚汁都冇~仲差過自己整~
玉子 - 唔係自家製厚切都算了~唔會有任何特別盼望,放題玉子6薄片~仲要燶到冇朋友,食又難過唔食又浪費,心中真係唔明白點解咁的出品都可以比客人食,服務員居然可以看似正常,真係唔明白該店對自己的出品有冇品質要求!!
白米飯超級大碗~ 最可悲的係居然係凍冰冰~我的天呀~~
為免節外生枝又要再無止境地等~最後決定當給自己一個極大的教訓~食左就走!!

 

今日同寶貝諗住好日子捐完血就去慶祝下~!!人生嘛~~總要善用時間去做D有意義的事~
咁開心的日子~當然要打個邊爐先!喺MK今日呢個時節~~目測有位唔限時的餐廳真係唔多~寶貝突然諗到呢間~一於去試下~~
黎到門口~居然唔洗等位~可能打邊爐呢個活動一D都唔浪漫掛~即時有得食~真係超開心~
上到去服務員比左個門口位我地~噢~~想調枱但係被拒絕了,
餐廳尚算多人~一家大細居多~所以有點嘈~服務員就神龍見首不見尾~想搵佢地真係要眼明手快聲音大~如果唔係.....
黎到小肥羊當然係要食佢個招牌鴛鴦鍋湯底LA! 打邊爐湯底真係超重要~!
之後再點D心儀美食~
招牌鴛鴦鍋原應一邊辣一邊唔辣~點知入口居然兩邊都唔辣~葯材養生湯中只有三四粒紅棗,加几片隹生,就連少少葯材味都冇~! 原本以為好紅好有色水會好辣了,點知....已完全失去左當年打入香港時的濃烈味道~好令人失望~我地要求服務員同我地加辣,佢話只可加一次,第二次再加的話就要加錢了.噢~聽到感覺好灰...提醒自己~沒有下次~
睇到點菜紙~好多牛牛羊羊都有~我地一班羊精當然唔會放過LA
蒙古羊同手切牛樣樣點~~奇妙的地方係佢送上枱時碟碟都好似一樣樣,~分唔出不同的牛同羊款~幸好每樣都食落好新鮮,唔會覺得放得太耐冇晒味~但係如要食真係好香濃的牛同羊~呢間會感到有點失望,可能係放題的關係,出品唔會好靚~
海鮮類唔係好多~脆鯇都冇,有其他的海鮮類但係要加錢先可以點,我地一枱人同時對佢的海鮮信心不大~感覺加左錢都會失望,亦明白呢到主要係食牛羊的地方,所以決定少點海鮮類~
唯一點左的就係佢的海蝦,黎到感覺就好似放起好耐~細細隻,烚熟之後變得更細,入口有點霉~我的要求好底的~都覺得好灰~
丸類同其他邊爐材料就一般街市貨色,所以冇咩要求,菜類尚算新鮮,至少洗得乾淨冇黑邊先~

簡簡單單咁完左有意思的一個情人節餐~!!

總括黎講..這個價錢的話,先放下自己的要求及幻想.. 真心希望佢地他日可以有所進步

今日1月2好朋友的大喜日子~決定拿拿林喺公司做完野之後食飽飽再去玩過勁~!!
心血來潮就去呢到食個意粉LA~諗住快手又暖胃~

入到去冇咩客人~可以好快點完餐搵到個位坐~!!服務員好快就送上美食~好野~開餐了~
今次點左個龍蝦汁海鮮意大利麵加個忌廉湯
龍蝦汁海鮮意大利麵 - 一入口就知係罐頭湯汁,水未免加得太多了~龍蝦汁啖而無龍蝦味~只有點點咸味~相信係最後加返少少麵粉,所以汁有點結身,海鮮意大利麵入口好硬身,相信係煮起後風乾得太耐,最後加返D唔熱的海鮮材料,整體感覺都好...冷~ V_V
野菌忌廉湯 - 好簡單的湯款理應唔會有乜野特別要求,只係要求有點溫度,可惜出品比乾浠,而且冇煙出, 整體感覺都是好...冷~ V_V
噢~對快餐已經冇咩要求,但求佢保得住應有的質素,真係冇諗過可以差左咁多~
食到灰晒食完就起程~又一城可快食的地方真係越黎越少了~
 

今日1月1大好日子~約左班''腦有記'' 喺舊公司附近食元旦飯~
一邊聚舊一邊回味昔日返工的時光!!
午飯時間全餐廳只得三枱客人~我地被安排左去個餐廳最入的位置~~另外兩枱室外
一入到去餐廳,好似去左另一個世界,明明都有少少涼意,但餐廳入面鬼咁焗~
坐下休息左陣,都係頂唔順,叫服務員幫忙開一下空調,之後先舒服返少少
睇到份餐牌~D相影得好吸引! 有7,8款廚師推介~我見有生蝦刺身,一定要試~
最後我地點左D心儀的食品~
生蝦刺身 - 唔錯~~生蝦好新鮮~咬落非常爽口~唔會有腥味,配合埋鮮切的蒜片同辣椒,香辣爽甜鮮夾雜埋一齊的口感真係冇得彈~!令人忍唔住一食再食~!
魚餅蝦餅 - 上枱時個樣鬼咁靚~魚餅蝦餅本身好有咬口~啖啖肉好有彈性~只係好難解釋上枱時已經涼晒~一D熱氣的感覺都冇~有點可惜~
甜咖喱什菜 - 好難想像泰式的甜咖喱係乜野味道,原來係冇咩味道~就連最基本的咖喱味都冇乜,以為有少少椰香~真係諗多左...~V_V 可能自己本身對咖哩都有返少少要求,所以呢款甜咖喱唔係咁適合我~所謂的什菜走唔甩青椒同洋蔥,仲有少少椰菜,但係樣樣都睇得出係啱啱先放入咖哩入面~一D都''唔熟''~
鹵豬手 - 話晒係餐廳的招牌菜之一 ~真係冇叫錯~豬手鹵得好淋好入味,唔會好咸,加上入口即溶的感覺~真係唔錯~
青木瓜沙律 - 青木瓜絲的新鮮香辣,醋的酸味,加上花生粒的香脆咬口~可以話係最簡單最開胃的前菜~!
醃牛肉沙律 - 食唔出牛肉用過乜野特別漿汁黎醃製過,入口就似係普通西冷牛扒煎到七成熟切條再加入沙律菜上枱,沙律菜有青蔥,洋蔥同椰菜,漿汁係用少少疑似燒汁淋上去,份量少到見FEEL唔到~
蒜茸包 - 諗住點份蒜茸包黎點咖哩汁,蒜茸包的蒜茸味唔係好重~幸好食落有種即叫即焗的香脆感覺~
椰子飯 - 白飯中帶點清香的椰子味~D飯勁多~!!滿滿一個椰青上仲要加多半碗~份量多到令人意外!!再加上花生同椰絲青菜粒粒做配料~感覺清新又好味~!
芒果糯米飯 - 去到食泰國野的地方一定要試的甜品~!!半個芒果切粒~可能唔係當造,所以有點酸~黑白糯米飯煮得好結身,入口就明白喺雪櫃拎出黎釘左野,暖暖的外層中有點點涼意,面頭的椰漿煮得好結身,感覺好沾口~整體感覺尚算OK
一邊食一邊傾~我地多次想叫加水,服務員都唔係咁想理會,我地叫佢放下支水等我地自己加,佢又唔制...之後我地想加甜品,服務員就以為我地要埋單~感覺太唔細心,大家好似唔係咁想做~ 可能呢D係佢地獨有的輕鬆''泰國FEEL'' ~
店舖的洗手間設備當令人滿意~~算係乾淨又唔迫!男女各一格,厠內有空間感,唯洗手位置比較迫,洗完手唔唔好諗住梳靚靚!
總括黎講..出品唔錯,可以慢坐,如果唔介意服務欠奉的話,絕對係KILL TIME 好地方~!

今日同粉絲去花園街濕平~ 行行下大家都有少少累有少少餓~
所以決定去搵D野急救個肚子~咁啱佢醒起呢頭有間小食店,所以推介一齊試~
平時好少食街頭小食的我,緊係支持LA!!
到去門口真係好多人~得返一條小路直入店舖,粉絲二話不說就衝左入去~
我呢D米豬連人唔洗問當然好有壓力LA
每一步都撞到人先行到~ 心中真係覺得唔好意思~ V_V
一坐下~服務員就指示我地坐一張枱,我地隨即落單~呢到好似點車仔麵咁,可以任意點餸,
我點左個佢地話招牌的酸辣粉(中辣),粉絲點左個清湯餃子
唔洗一陣好快上枱~
招牌的酸辣粉(中辣) 加左韮菜餃同魚皮餃 - 酸辣粉本身好多材料,有肉絲同小小冬菇,好似食碗仔翅的材料,...雖然係叫左中辣,但係一D都唔辣,有點失望~食食下服務員話比甩左韮菜餃,所以另外上返~! 咁都得?!
韮菜餃相信係自家製,咬落去好真才實料~而且好鮮的韮菜味~魚皮餃相信係四海出品,有咬口又有魚肉味~整體感覺唔差,唯一係咸左少少~好明顯係加左好多師夫了~~
總括黎講..算係見識過佢的出品~可見的未來相信唔會再見,真心希望佢地他日可以有所進步

今日喺呢頭做野做到一半~~鬼咁肚餓~要急救左個肚仔再作戰~
心中突然想食鷄,所以周圍搵食~~見到呢間舖頭有鷄喎~鬼咁開心~決定一試~
除左鷄之外,仲有好多小菜~可惜一個人食唔到咁多~所以鷄左先~
六點唔夠呢到冇咩客人,我可以揀個心儀的位置,落單時服務員知我點'小菜',
就帶左我去小菜部的優悅坐位..我先知原來係有分快餐同小菜部的~
落左單我就一邊做文件一邊等,文件做好又傾了兩個電話,
等了又等~等左10分鐘仲未見我的鷄~會太慢嘛?!
終於都到了~噢~一睇就覺得有點失望~碟子係溫暖的~喺呢個地方,很難令人相信有暖碟機,
而睇鷄的形態唔以係即蒸出,(很難令人相信霸王鷄會即蒸呢)
而以鷄皮的收水情況黎睇,我突然間諗..會係...微波爐叮過 V__V??
開動了~~揀一任骨感的鷄翼,唔算係好肥,冇肉~好似得層皮~
再食鷄胸~嗯...煮得真係太熟了~好似食擦子膠咁~一D滑滑的感覺都冇~可以輕易用筷子分開D肉,一絲絲一D肉汁都冇~感覺有D似食FXC的炸鷄咁...好失望~
舖頭冇特別比漿汁,於是問服務員拎,點知服務員話D 鷄已經好有味...
唉~叫得你拎就知咩事LA..仲駁咀~但見佢咁有自信~我唯有點返佢本身有限的鷄汁...
總括黎講..算係見識過佢的出品~可見的未來相信唔會再見,真心希望佢地他日可以有所進步
店舖本身冇洗手間設備~要解手的話就要去商場的洗手間...要行好遠而且都唔係太整洁~~陰公~

今日約左叔伯一聚~大家都中意食辣鍋~喺呢頭附近睇個名吸引就揀左呢間~~!
打電話訂枱時服務員話我地訂的時段客人唔多,所以可以WALK IN,火鍋限時兩個鐘~
我再三問係咪一定兩小時要走,佢就話係...~_~ " 為免節外生枝,我心諗,到時有見步行步~~
早左少少去到,諗住搵一個好位置,點知企喺門口的黑面服務員姐姐話已有安排,
所以三個人就坐左一個4人卡位,誰知突然多左兩個朋友一齊黎,諗住希望轉張大枱,
服務員己有人訂左,冇得轉,噢~~不是嘛~~那我地咁早到有何意義?!
最後只好5個人坐4人的卡位~噢~~太令人唔開心
我一坐下~叔伯未到,黑面服務員姐姐就拿著菜單好叫我早D落單,話己開始計時
之後放下涼菜就行開左,心中真係不悅呢D服務真係太差~
叔伯黎左,好快就落左單,先點舖頭最出名的鴛鴦鍋,聽聞講辣得好正宗,
再點了几點火鍋配料,
鴛鴦鍋我地選了正宗麻辣同皮蛋芫茜 - 一試之下個麻辣湯底仲以為有多正宗有麻辣~點知一D都唔辣~超級令人失望,我地叫服務員姐姐幫我地加一加辣,點知佢就同我地講冇得加,湯底份量己調好,叫我地去調味櫃那邊加辣椒.可自己調味,..唉~~

美國肥牛及手切本地牛 - 手切本地牛唔算肥入口一D牛味都冇,脂肪同肉的分佈都令人失望~
美國肥牛出品一般,唔值佢賣的價錢.
鱔片 - 唔算話好厚肉,烚耐了會散~相信係雪得長時間的原故.唔係咁新鮮.入口感覺冇咩魚味,感覺奇奇怪怪~
响鈴 - 好失望~價錢唔平以為係自家製,點知係來貨品~冇要求!!
手打墨魚丸及手打蝦丸 -咬落有彈牙的感覺,而且一D都唔腥~尚算係唔錯的出品~
炸魚皮 - 差差差~又粹又細件又厚身又唔脆~失望之作~
蛹蚝 - 夠大隻,烚耐左都唔易變蚝豉,入口好鮮有蚝味~唔知係咪太大隻的關係,一夾下去好易就分開兩邊~
花雕鷄(半隻) - 本身冇咩味的鷄件浸住唔係咁重味的花雕,兩者加埋相信浸耐一D效果會更好~烚起後鷄件就係一件普通的鷄件,一D酒味都冇,..失望~
鯇魚片 - 睇左好耐,份菜單都冇脆鯇~一個火鍋的地方居然冇脆鯇...令人意外又失望,最後叫點普通的鯇魚骨,出品一般!!好快烚到變魚湯~
大魚頭 - 落單時我地叮囑服務員魚頭免切,但服務員話己切好,冇得改...最後半邊魚頭分4件~烚得耐左連個頭骨都見唔到~幸好我都食到一件~可借就冇左那種魚雲入口的感覺~
西洋菜 - 有黑邊~真係想換左佢,見叔伯們食得咁高興,我唯有扮見唔到~
烏冬面 - 上枱已經切開仲搞散~可能怕客人拎走掛...相信係平價烏冬,所以烚一陣就變得散散地,冇左彈口的質感
一邊打一邊感覺到有點焗,我地搵服務員來跟進一下空調,點知佢回應左一句就一走了之,再冇回頭~
一間咁出名的店舖,洗手間設備居然可以唔係咁令人滿意~雖則唔需要經過廚房重地,但都可以感覺迫迫細細濕濕窄窄…可以的話都係忍耐一下,搵另一個更好的解手吧~!
總括黎講..算係見識過佢的出品~可見的未來相信唔會再見,真心希望佢地他日可以有所進步

今日喺呢頭做完野~路經呢間店~發覺几有特色,所以入去幫襯一下~
一入到去就知中招~地方唔大,客人唔多~D枱椅放得好密,我呢D米之連人行入去真係有點難度,
最後坐了我最唔中意的BAR枱位~V__V 一袋二袋的行李唯有放在旁邊的椅子~
真係有點唔好意思...
望下張點菜紙~好似好多款式,我緊係點左佢最出名的招牌拉麵,仲加左個炸蚝小食
坐喺BAR枱可以隔住玻璃見到師夫煮麵,每個動作都睇得一清二楚,
師夫係後生仔~一定唔係日本人,冇咩師夫風範,烹煮手法好求其唔認真.
睇佢就好似煮車仔麵咁..嗯~一D都唔有型~
等左陣~終於有得食~
招牌叉燒拉麵 - 豬骨湯底好有質感~入口有種沾口的感覺~唔錯~!
叉燒細細4片,一D日式叉燒的感覺都冇,但又唔係港式叉燒~入口就好似係漿汁煮豬肉,拉麵煮得唔錯~唔會太淋,可惜唔彈牙,蛋味唔重,配菜仲多過主菜~
小食炸蠔 - 等左好耐差唔多食完碗麵先上枱~一望落去真係有點失望~細細粒又乾身,好似翻炸過咁,咬入去主要食到炸粉,粒蚝仔真係細粒得緊要...
總括黎講..算係見識過佢的出品~可見的未來相信唔會再見,真心希望佢地他日可以有所進步

今日約左粉絲食早點~順便要做點工事~自己本身好少喺外面食早餐~所以冇咩特別要求~
喺粉岭區都冇咩選擇,最後佢提議來呢間..!
去到差唔多11點,早點時間差唔多要過了,收銀的服務員話做埋我地先~
所以我拿拿林就點了鷄扒滑蛋餐~
唔知係咪真係水尾的關係~鷄扒唔熱兼且好鞋口,用餐廳的刀要切好耐先可以切得開~噢~
滑蛋又厚身又唔滑,相信係放置左一段時間,邊邊都有點硬,
厚多士應該唔會有咩要求,但係佢就唔暖又唔脆,連牛油都溶唔到,會差得太過份嘛??
最後餐飲我照舊點左杯熱檸水成今餐的句號,做完我地的事便走了..
總括黎講..對快食的餐廳黎講,我應先放下自己的要求及幻想..真心希望佢地他日可以有所進步
店舖本身冇洗手間設備~要解手的話就要去商場的洗手間...要行好遠而且都唔係太整洁~~陰公~