每次去馬灣都會行O黎悠閒下~

次次都唔記得影下食O左D乜~

不過今日記得~ ^^

因為今日叫O左個沙律~ 好鬼新鮮

吞拿魚沙律我平時食沙律多數都係食粟米多, 好少食
黃紅綠青椒,
點知原來咁鬼甜

$32蚊一D都唔貴呀~ 有個咁舒適O既地方休息下, 真係仲想點 ^^

尋晚3點瞓, 所以好眼瞓問老問娘係咩咖啡奶茶好,,,,,,,,,,老闆娘介紹O左薄荷茶~

聞到真係好香, 飲落順口~ 只係另加$15咋~

下次再去要試下食意大利粉~ 因為見到隔離枱好正呀~

今晚食飽飯落街同家姐,熙哥行下公園散下步~

點知發現一間熱狗店~

立刻諗起老媽~ 事關早排老媽話好想食熱狗,

麵包舖個d又鬼咁多沙律醬,

呢間好似唔錯喎,,,,,26蚊一隻~



熙哥係咁大吵話要飲忌廉, 所以就買套餐~ 咁樣會抵d~

攡到返屋企已經凍晒啦~都好似幾大隻~ 味道當然比ikea 好, 但食落其實都幾淡口, 仲驚d介辣會辣親老媽tim.

老媽食大半, 我食小半~ 我同老媽講下次帶佢去現場食會更加好食~ 佢點頭話好呀~儲夠10個印花會送你一隻熱狗~ 我估都唔難囉~ 老媽咁為食~

約o左成個月,,,,一改再改三改o既生日飯,,,,終於有得食~
小學同學生日小姐例遲,,,,,,,,,,,少則半個鐘,,,,,,,多就成個鐘........今日好比面....遲半個鐘.

兩個請一個........明明想慳d洗.......上海灘唔去,,,,,,逸東軒唔去......本來去粵江春,,,......點知臨時改o左去呢間...........乜鬼"龍皇"

生日小姐係上等人家..........想食羊腩煲......最後叫o左3個餸.................+ 臘味飯.......................好貴

第一次食呢款臘味飯$68一位.......最少叫兩位...................切到一粒粒........幫我地分好晒,,,,碟上


兩位分量o既飯分3小碗,,,,,,,,,,,想添飯.............對唔住,,,,,,,係冇o既~!........


自己加餸加豉油..........


飯焦唔好嘥(其實係唔夠喉)..........加湯煮,,,,,,,,,,好似另加 $48蚊.........咁呢碟臘飯計埋加一已經要200蚊 .............



呢味豉汁帶子蒸豆腐都好好味..........盛惠 $118


蒜容豆苗 , 都係$118


最後呢味............羊腩煲.................$198............... 唔係生日小姐想食......幾舊羊腩,,,,,,,,,真係唔會叫...............搭的士落廟街食都唔洗咁貴.....乜鬼羊o黎o架?
不過料就落足, 配料都有冬菇, 筍, 馬蹄


一餐飯...............冇乜特別....................$713埋單
服務都好好, 味道都唔錯, 可能我冇錢, 3個人食, 2個比錢, 真係咁o既餸要$713, 我覺得好貴~!

米院友打o黎話今晚佢地上山下海之後會去銅鑼灣食飯~
呵呵.........想去........不過當時有客係度同佢研究緊d相,,,,
個客人走啦........ 快快拉閘放狗~ 米院友教我坐112過海巴士
過海後第一個站落車,,,,對面有一間酒店.
1樓有一間叫做富家 o既私房菜
我去到, 佢地11個人已經食緊前菜,,,,所以我影唔到相.
佢地好似叫o左好多樣餸.
招牌頭抽浸雞 (好滑好好味)
蝦子古法柚皮 (老媽都有整, 所以冇乜驚喜)
香煎金蠔 (好似蠔屎, 唔硬好味)
燒汁炆牛尾.....(正到唔夠食,要叫多一碟.)
頭抽浸雞腎(腎好爽口)
清蒸龍躉斑翅 (唔知有冇記錯名,,,,肉好嫩滑)
秘製欖角陳皮骨 (好入味)
碟碟都正,,,,呢碟應該係........鮮蟹肉焗蟹蓋,,,,有蛋白塾底,,,,正到嘔. 超大隻~
肥仔o既拿手小菜.......炒苦瓜,,,我都學到7,8成o架.........
不過呢碟"""""""""""苦盡甘來(涼瓜杬菜炒肉崧)"""""""""""仲正......好想成碟食曬佢
呢碟都正o架........個名超長......蛋白蝦子瑤柱粉絲炒紹菜莖....

招牌砂鍋炒飯..........雖然之前食o左鬼咁多餸,,,,,,,,,已經飽到上喉嚨X,,,,,,但係呢個飯實在太好味.....個心幾想食埋隔離米院友碗飯............哈哈哈.......

食到尾.................甜品.............一樣保持水準..........
椰汁紅荳糕..........好味到唔知醜......開聲問添加
蛋白杏仁茶.........前所未有咁好食~ 以為之前係鯉景灣食o既 SKII正,,,呢個杏仁茶正100倍啦.
下次叫麗華佢地去食下先~
今晚好飽好飽~ 好味好好味. 雖然係貴o左d, 尋晚贏o左麻雀,,,就當係雀友請啦. 哈哈哈.

雖然尋日放工同老細炒大鑊, 好彩都冇乜影響我心情.
因為籌備o左2個月o既廿幾年冇見中學同學大聚會就係尋晚舉行,
今次決定唔再坐定定,,,,所以大攪BBQ,,,,,,地點就係天台燒烤場
話就話5樓..............實際要行上7樓..........冇心理準備下行到隻dog咁

旺角豉油街29號天台
有晒帳篷. 光猛. 仲有風扇, 因為尋晚唔係熱, 所以ok喎.

假日前$138蚊一位. 任飲任食. 19:00~ 00:00
飲品有:::::::綠茶, 可樂, 忌廉, 維他水. 仲有有啤酒(ICE).....
食物種類: 一般雞中翼,雞全翼 腸仔,芝士腸, 龍蝦丸,墨魚丸,牛丸,豬扒, 牛扒, 獅子狗魚蛋, 金菇,1吋厚麵包, 牛油, 粟米, 雞腎
仲有海鮮(有限量),,,,蝦, 扇貝(少量), 大蝦, 蜆.
今次我地有30幾人, 比o左2個爐我地, (我地個一邊天台可以放3個爐)其實我地怕唔夠人, 所以唔敢包場. 可憐隔離10幾人比我地嘈到可能唔會再去都未定(對唔住你地呀)
雞翼好好味, 不過有同學話d食物鹹, 後來我食龍蝦丸我都覺得鹹o左d.
因為有d同學係廿幾年都冇見, 所以我地傾到雞咳唔斷, 掛住傾都唔記得食.
聚會氣氛唔錯, 地點方便, 係行上天台辛苦d o者.
食物種類都多, 食完佢又會補食物我地.
服務員cool地, 但都好好人, 我地有個9歲小朋友, 唔知係咪見我地人多, 所以冇收錢.

有洗手間, 都算乾淨.
方便, 環境ok, 大班人聚會幾好. 下次會再去.

同馬大哥 & 馬太睇完屋....飛的去佐敦白加士街o既 八王子拉麵屋.
(馬太話tvb o岩o岩有介紹, 所以去食下)
去到有7,8個人係度等. 不過都唔係等好耐.等o左10分鐘左右.

得一個師傅煮麵,,,,見佢好忙好忙,,,,,但又會出o黎招乎客人. 安排位置等.

我地3個係咁掛住傾計........一等就差不多30分鐘....仲未o黎..........馬大哥就開玩笑.....咁耐o既,,,,唔係漏單呀嘛...... ...........我就和應..........::::咪係.....薯餅都應該到啦....
點知轉個頭....侍應妹妹仔行埋o黎................:::::唔好意呀3位.....你地介唔介意講多一次我聽....你地叫o左咩麵呀?????????
吓....唔係呀嘛.........o靚妹...........你真係漏o左單呀????
嘻嘻.......係呀.......真係唔好意思呀.
噢~ my dog~ ...............................
因為同朋友好耐冇見.........再落單後....又掛住傾....傾...傾
(正常漏o左單.......應該等到發火)

不過師傅話即刻煮比我地食.....
我叫o左辣豬肉拉麵.
話時話,,,,,,,,可能係新屎坑........我覺得好味過"橫崗" ,
不過馬大哥話八王子d麵好似硬得滯,,,,,但我又覺得好味喎,,,,呢個湯底都唔差. 成碗食晒~
半隻蛋好好味.....下次可以另外叫蛋食.
(我覺得好似冇乜味精,,,,返到屋企都冇博命飲水)
馬大哥夫婦同心..........都係叫八王子拉麵.
炸薯餅都唔差. 熱辣辣........正~ 我食o左2舊

食飽麵就叫甜品....馬太係北海道牛奶布旬 (試一口,,,好滑)

又證明佢地夫婦同心........馬大哥 ~ 牛奶雪糕 (都係試o左一口, 好香)

我就食榴槤雪糕~ 好有榴槤味............又係好正......
今晚d妹妹仔服務我好滿意呀........成日都加水.....笑容滿面.....好似o岩o岩出o黎社會做事咁........雖則佢漏o左我地張單......等30分鐘..不過比我同馬大哥可以傾耐d..........所以可以原諒佢.
我一定會再去食~

呢碗鯇魚尾米線 + 魚鰾 + 南瓜, 湯底我覺得好正呀~ 即煮, 聽講話唔落味精的. d湯熱死辣辣, 正到暈~ 簡直o岩晒我何車,又鍾意飲湯, 又鍾意食魚.

米線又唔多(合晒我心水), 魚尾最少有3條. (唔記得係咪4條)

魚鰾有2個. 南瓜幾乎煮到冇影.

差D飲清乾~

2008年8月10日 星期日 天晴
今日補祝朋友生日, 去o左喜來登酒店個間雲海食日本料理. 知道呢間o野好耐, 但從未試過, 所以今日特登帶朋友一齊去試下食晚餐.
因為牛同蝦都唔食得, 所以中午特登去睇下晚餐menu.服務員Janice好好人, 好詳細講解個menu內容.

晚上6:30去到,
人唔太多. 環境寧靜,但枱與枱之間都幾近. 隔離枱講乜, 我地都聽到, 不過侍應Janice 都好好服務. 又講解得好清楚.(例如食魚生o既次序)

食o左d乜??
先o黎個 華風沙律
跟住係 刺身併盤, 本來有甜蝦, 因為要戒口, Janice 幫我地換走o左.
toro 都係有少少筋~ 不過整體好正. 好新鮮.

整隻新鮮海膽食下, 因為用水沖過, 所以冇乜海水味, d味道又冇乜特別.
當時心諗: 都係日本築地正D.

跟住係o黎10件壽司併盤..........
可惜掛住食~ 唔記得o左影相呀...>_< 唔記得o左有咩材料.
我同朋友都覺得壽司中上. 我地掛住傾, 食得慢o左, d壽司我覺得有少少乾o既感覺,如果即整即食, 應該會再正d.

再o黎熱食, 揀o左天婦羅, 又係因為唔食得蝦. 所以揀 蕃薯 + 南瓜
差不多食晒至記得影相. ^_^ , 呢個天婦羅都好味, 唔油.
最後o黎個5色冷麵, 朋友話味道淡而無味.
(衰o左, 以為朋友鍾意食冷麵, 所以特登叫Janice整個冷麵比佢嘆)
冷麵上面隻蝦卒之都係比我食o左..........哈..........衰收尾, 早知我就一早叫隻牡丹蝦o黎食下啦.

食完唔多夠喉,知道雲海出名係海膽, 所以打算叫海膽壽司, 不過Janice推介手卷.
呢一舊手卷貴過上次係築地食o既一碗海膽飯, 但味道一樣咁正. 我地最初叫2件手卷, 但掛住傾計, 後來Janice 提我地快d食, 但已經太遲, 放入口, d紫菜"林"晒, 但d海膽一樣咁正. 當時覺得點解d紫菜咁快"林" 又話呢度好出名o既?? 跟住再問Janice, 佢話因為我地食得太遲.......(但其實都唔係好遲o者?)
我地食完晒所有o野,等o左一陣. 我個心都係有d唔服氣, 冇理由真係我地食得太遲, 所以d紫菜就"林"晒(好似放o左一,兩分鐘) 咁我又柯打多兩件手卷, o黎到即刻影o左張相, 就即刻食, 又真係脆喎, 不過食到一半, d紫菜都開始"林林地"lu. 但海膽真係好新鮮呢.貴就貴o左d.........不過d海膽份量又夠多, 由頭食到尾都有好多海膽.

總括o黎講雲海呢間o野都好好. 魚生海膽都好正, Janice話早知我地食咁多刺身壽司, 就應該安排我地坐壽司位喎, OK等下次啦.....我會再去雲海o架. 等我
因為到8月31號用恆生咭有8折, 匯豐咭有9折 , 我地未折前係2,352,折o左1925.

2008年8月15日
尋晚約o左朋友係銅鑼灣食飯.o岩o岩經濟日報有報導"榮川",所以打去預約
報紙報導話榮川以前係"麗嘉酒店" ,麗嘉拆時就暫時結業. 到今個月至係銅鑼灣恆和鑽石大廈7樓再重出江湖.
報紙引述榮川老細講: 因為裝修同租金相對以前平o左, 所以可以做番以前榮川o既水準.........平民化價錢, 酒店級水準.


我地book o左8:00, 遲o左少少. 去到門口已經覺得好嘈好嘈. 企係門口冇人理我地,我地自己行入去話佢地知,我地book o左8:00, 佢地都傻下傻下, 冇帶我地去坐. 講o左兩次至識帶位.(不過之後係入面o既招呼都幾好o既. 個經理都有行埋o黎同我地傾計,講榮川o既歷史)
人頭湧湧, 嘈吵聲原來o黎自一張大枱, 望真d, 有tvb 高層何禮全, (藍色裇衫打領o太),梅小慧, 白韻琴, 仲有佢男朋友及其他人士.

好~ 印象麻麻都要叫o野食. 睇下餐牌先.睇落唔算貴. 刺身壽司就貴d.
(注意刺身壽司: 係段件計, 上面係每件刺身價錢, 下面係每件壽司價錢)

我地叫o左
海藻沙律, 鵝肝大根, 螢光魷魚仔,雞骨腸,雞軟骨,魚湯豆腐野菜,日式海鮮雜炊.雞翼.
鯛薄切2人前. <-------點知呢樣好賣得滯, 賣晒.
等o左10幾分鐘, d餸陸續送o黎. 第一: 賣相麻麻. 第二:原來全部都係超細碟o架.
好彩我朋友唔大食. 8樣o野食, 最好食係碗"日式海鮮雜炊"(左2) 不過真係好似平時d麵豉湯咁大隻碗咋, 另外豆腐湯都正, 可惜唔夠熱. 沙律都係上次雲海好食d. 螢光魷魚仔就有少少腥, 我就接受到.
原來雞骨腸係咁o既款, 好彩我地叫o左一條試下. 麻麻地, 冇特別. 雞軟骨本來係我至愛, 但佢地個d唔夠熱又唔夠鹹.朋友想食雞翼所以柯打o左, 我就冇期望, 點知真係差到唔差. 好似食"原味"咁. 學上次朋友話咋: 味淡唔係問題, 淡而無味至係問題.

全晚最正就係右面個舊鵝肝. 好正, 但唔知點解底下有舊蘿蔔, 本來食完舊鵝肝好想回味o既時候, 一食舊蘿蔔就比佢d味"整鍋晒" (所以如果下次叫呢味:鵝肝大根, 就回味完舊鵝肝至食個舊蘿蔔.)
本來諗住睇下d餸有幾大碟至柯打壽司, 但又覺得食壽司唔應該係呢度食(佢o既海膽壽司都90蚊件啦.上次雲海手卷都係160蚊件, 都係雲海低食d.).牛肉我又唔食得, 環境又夠嘈..........(依家至知, 點解d人話"雲海" 環境正啦. )我朋友好斯文, 我地想傾計都傾唔到. 所以我地坐o左70分鐘左右就埋單. 盛惠 260蚊......仲有2張 @20蚊 o既優惠券比番我地. 但朋友就算係銅鑼灣返工, 佢都話唔會再去囉喎. 所以佢比o左我.....其實呢間o野, 飲酒都幾平, 朝日啤酒都係9蚊杯,而日本清酒盒盒25~75蚊.所以成班人柴娃娃o黎飲飲食食, 大家鬥嘈o既話, 氣氛都唔錯o既. 哈哈哈.