銘仔 等級2 | 關注 留言給此食家 |
排序方法:
日期 笑臉 喊臉
編輯推介 餐廳總分
文章形式 | 地圖形式
2011-05-22
今日同女朋友兩個人係午飯時間去到東大街,見到有一間XO魚湯米線,就覺得好新奇,想入去試下。 入到去,發現餐牌選擇唔多,於是就同女朋友分別叫左 喇沙米線 同 酒香魚湯米線 (似乎無第三樣野係米線) 我就食 酒香魚湯米線 ,一來到見到個白色頭底,以為會幾好。點知一試個味,d酒味勁重。變到好似飲酒咁,一d魚湯味都無 都算,米線平平無奇,連譚仔都不如,餸就要少得可憐,魚片係魚肉切片,有骨,還可以。最可取係炸魚皮,算係最好味。 $38?你唔好玩啦!廚師根本係浪費食物,而且當d客係水魚。 咁我女朋友食個喇沙米線呢?女朋友話唔好食,完全無味,只係得個辣字。 都算!最經典係佢果兩粒魚蛋。我試左其中一粒,一陣怪味,口感好似食緊爛肉咁。 點解你收$48...可以選用一d咁差的魚蛋?真係街邊食$5 6粒果d都好食過佢幾倍 食完,錢就用左$86,但係就一d滿足感到無。個米線只係食左一半。我肯定唔會再幫襯呢間野。勸大家都係唔好太大期望。
評分: 味道 1 環境 2 服務 2 衛生 3 抵食 1
2009-07-15
首先要跟各位道歉,因為本篇食評未必能十分客觀、中立。原因是我對這間「新開」的茶餐廳有一種很深的情意結。 從門面的招牌已經可以看到,"新寶食品店"上面有"黃竹坑邨”四隻小字。沒錯,相信曾經在黃竹坑邨生活的朋友,也一定不會對"新寶"這兩隻字感到陌生。新寶是一間有很久歷史的食店。隨著黃竹坑邨拆卸,新寶亦都搬了去田灣。 小弟今次專程遠道去試一試新的新寶,主要是希望尋回兒時的味道和回憶。 店內不算很大,約能容納三十人。店內十分光猛、環境算是簡單、大方。新寶的運作方式由從前的自助快餐式,變成今天有服務員招待的茶餐廳。店內有一兩名員工也有點熟面孔。 我和女朋友兩個人,分別點了"蛋牛治"、"西多士"、"熱奶茶"、"熱華田"。都是一些比較簡單、而又普遍的食物。 奶茶是絲襪奶茶。奶味和茶味也濃,入口香滑。蛋牛治和以前吃的味道差不多,也是好好味。西多士也不錯。 找數每人也不用$20,真的十分抵食。希望下次有機會再去,可以吃飯。 推介美食: 奶茶
評分: 味道 4 環境 3 服務 4 衛生 4 抵食 5
2008-12-27
昨晚,於沒有準備下閒逛到餐廳附近。看見Set Dinner 只是$55。決定和女朋友入去一試。職員都十分懂得做生意,見客人在門口,也會主動招呼入去。 剛入去氣氛嘗可,燈光暗淡,略有情調。只是電視機聲音太大,破壞了整個氣氛。後來人開始多了,職員也醒目地將電視機音量降低,並開始播放店內音樂。 洗手間環境嘗可接受,分男女廁。 好,入正題,食物。我認為「牛屋」是一間十分體貼及全面的扒房。原因是,它提供價廉的選擇,像我這些窮鬼,$55的套餐是十分吸引的選擇。如果你是富有的,它也提供了$1xx-$3xx的高價餐。 女朋友選了$55的雞扒餐,我就選擇了$55的牛扒餐。 餐包先上,貼心地已將牛油放入餐包中。包熱,皮脆,香味十足。 餐湯有羅宋湯和忌廉湯,兩個也不錯。 頭盤是 炒帶子 一粒,味道還好。 正菜要等一段時間。証明真的是即叫即做,有誠意之作。為了好味的食物,我當然不介意等待。 扒用碟上,美中不足是冷得很快。要吃就要快。牛有牛味,雞有雞味。口感一流。以$55來說,真的是超值之選。份量足夠,不多不少。 餐飲要加$3元。 看見鄰卓的情侶,點了的 安格斯牛柳,十分吸引。 總括,想簡簡單單,經濟實惠吃好扒,這一間絕對值得一試。 推介美食: $55 晚餐
評分: 味道 4 環境 3 服務 3 衛生 2 抵食 5
|