同男朋友拍拖9週年紀念~
諗住黎番個2人bbq~
去到大埔之後打去問幾錢位!
老細答$88 位!
包一枝水同飲品~
勁好禮貌呀!!!
感覺已經好好!
去到之後老細原來話好彩我地有訂位~
原來冇訂位貴d ga!^^
去到環境好ok呀!
比我想像好好多~又唔熱!
搵位坐低之後就有人幫我地起爐~拎野俾我地食~
d野全部細細塊~可能就係因為咁~
d野全部都好入味~
好正~雞翼有3隻味~
3隻都好ok!!!特別係南乳~~~
淨係雞翼同男朋友都食左起碼30隻呀!!!
雞扒都好正呀!辣辣地~
牛扒個樣唔得!
但燒起上黎又幾好食wo!
燒足4個鐘!
2個人2包炭都用唔晒呀!!!
呢4個鐘聽到前面o個台同後面o個台都話d野好味!
最衰我住得遠!
唔係短期內一定再黎~

母親節同媽咪, 婆婆, 男朋友一行4人黎到赤柱~
當然要食下咁出名既西多士啦~
排左一陣隊就到!
西多士等左8個字.....
一路等老細一路話: 就到ga喇~等多陣~
都算做有禮貌!
西多士一黎到......
好似食油咁law!!!!
一放落個口度就成口油......
都唔知佢係咪落左d油去塊包度先再整....
跟本未食過西多係咁多油ga!
你想肥5磅~成口油既就去啦!
唔係我完全唔覺得咁既西多要用$18~
等40分鐘去食law!!

澳門出名豬扒包大家都知啦~
本人覺得澳門最正既豬扒包絕對係勝利!!

肪利既豬扒包唔單止又平~
仲要勁大個!
我食半個已經飽左一半喇!
如果2個人食最好一個豬扒包再加多樣野share~
佢既豬扒仲要係脆卜卜ga!
真係好好味好味!
所以我去親澳門2日都會食2次ga!

另外佢既焗骨飯都好好味~
個飯係炒飯底~
仲有好多汁ga!
焗骨飯d骨都係豬扒~
但近骨d肉係特別淋同好食ga!

總括黎講~呢間勝利絕對食得過!
仲要係極力推畀tim呀!!!
(我見到d相已經好想食番>.<)

好鐘意呢度既下午菜~
同男友叫左個西多士~
一個奶醬多~
加2杯凍飲都係26蚊!
咁既價錢邊度都食唔到啦!
仲要俾我坐得咁舒服wo~
行香港仔行到累最好既地方就係黎呢度食個tea^^

尋日黎左呢度食個lunch~
同男友2個分別叫左紅白湯~
1個咖哩豬柳飯同黑椒雞扒薯菜~
2個湯都好ok!
一d都唔水!
仲幾好味tim~
男友個咖哩豬柳飯都算幾好食!
但我個黑椒雞扒薯菜真係完全唔得!
雞扒又凍又硬!
好似放左勁耐咁law!
d薯條又係勁凍~
仲要出晒水!
我唔知我食呢碟野放左幾耐先拎俾我食!
就係因為呢碟黑椒雞扒薯菜~
令我本身想俾ok而家變喊喊口!
就算佢個咖哩同湯幾好都冇用!
呢間野我絕對唔會再去!!!!!!

呢間野同男友1個月都一定去2次!
我又覺得ok wo~
一定會叫咖哩雞~
加個芙蓉蛋or咕嚕肉!
個咖哩雞d汁真係好好味!
用黎撈飯食好多飯都得ga!
一個餐25蚊有湯有飯有個小菜!
要凍檸樂都係加3蚊!
成枝可樂ga有!
我覺得好抵食~^^

星期6同男友去左呢間車仔麵~
車仔麵黎講佢環境算好ok!
一d都唔逼!

食物我叫左:
米線: ok!都夠淋
牛腩: 最好咪係呢個
春卷: 都ok!
蘿蔔: 好唔得...好硬...>.<

男友叫左:
河粉: ok
芝士腸: 5蚊有4條~幾抵!
豬皮: 我冇食到....

加埋41蚊!價錢合理!
但見d人講玥辣汁好好味!
所以抱好大好大期望!
但食落又唔算好食得好緊要o者

香港仔南記都有2間~
一間係塔小巴去水灣~
一間係近住st. peter~
我最鐘意係近住st. peter o個間~
就算行遠少少~少d位都要黎呢間!

次次黎親都一定要叫佢既豬腩肉小窩米線~
要中辣!
佢d米線真係軟硬適中~
豬腩肉又多~湯又勁好飲!
真係可以成碗湯清晒!
即使自己o係銅鑼灣番工~
都可以食到南記~
但點都食唔番呢一間南記既味~
俾南記縱壞晒喇~
而家去第2間餐廳叫酸辣米線一定覺得唔好味!
因為呢一間南記實在太好味!
$25 可以食到自己最鐘意食既野~
真係好幸福^^

當然佢既招牌春卷都好好味!

自己一向都唔鐘意食燒餅~
但男朋友見到呢度咁多人讚~
所以陪佢去買下啦~
買左個武大郎!
$10 大大個!
佢一咬~即刻話:好多汁呀!
我試左一啖~
真係幾好味wo~
仲要夠晒熱!^^
入面仲好似肉餅飯咁~
雖然我唔鐘意食燒餅但好鐘意食肉餅^^
d肉餅真係好多好多汁~
好好味好好味!
下次一定要再食!
遠一遠都要行過黎食^^

見到有個嬸嬸都食緊武大郎!
老闆同個嬸嬸講:都話好好食ga啦~
對自己個武大郎勁有信心~

唔知點解呢間野有咁多喊喊口~
我同男友差唔多次次出旺角都會食~
星期6 3點開始食tea~
就算佢幾多人都好2個人坐卡位都唔洗塔台~
已經好過好多茶餐廳啦~
最鐘意食佢個星洲炒飯~
tea team 加埋杯凍飲22蚊!
大碟到男友都食唔晒!
真係好抵好好味~