總共等左差唔多一個鐘，好多人補飛， 攝下攝下，又等耐啲。 整體都好食，係個卷物差啲，炸蝦卷隻蝦細到見唔到；赤蝦，吞拿魚，好食。 品質非常不一，有好有唔好，睇你好唔好彩。

經過好多次都要排隊，今日去到我排第二 有好多唔同味，今次先試下double chocolate 同焦糖香蕉蛋糕。 Double Chocolate，蛋糕鬆軟，朱古力cream略甜，個人比較喜歡濃啲無咁甜既朱古力蛋糕，所以呢個蛋糕OK啦。 焦糖香蕉，蛋糕有淡淡香蕉味，唔會好濃，不過加埋啲cream就太甜，而成個蛋糕都唔多覺邊到有焦糖，有啲失望，早知食第二隻味。 整體黎講，蛋糕好鬆軟，但太甜，抵食，不過短時間唔會再去。

午餐時間黎到，唔駛等位，叫左個辣豆腐湯，包一個飯，三個前菜。前菜有泡菜一條，翠玉瓜幾粒，薯仔絲幾條，我有懷疑過係咪上手食剩! 到個湯黎到，有豆腐，有硯兩粒，牛肉碎，仲有一隻蛋，味道ok，唔算辣。 下次會考慮下仲去唔去食……

鋪頭入面有兩張細枱，大部分人都係叫外賣，最吸引係黑糖珍珠豆腐花，有黑糖、兩種珍珠、三色芋圓同豆腐花。 豆腐花好滑，略嫌無乜豆味。 珍珠幾彈牙，黑糖香，芋圓好好食，可以分得出番薯，紫薯同芋頭。 只係$18一碗，下次值得再食

新開的台式食品店，有小食，小菜， 燉湯，面食，飯食，飲品同甜品類。 叫左炸花枝蝦排，外脆肉爽，食得到蝦同花枝，ok好食。 蔥餡餅，有四小塊，皮薄，唔多油，略淡左少少。 藥燉烏雞湯，味道好香，飲落去唔算濃，不過啲肉好乾，勁柴皮，應該係煮得太耐。 黃金炒飯，係無咸蛋黃，有啲台灣腸，味道ok，唔算多油。 豬軟骨面，個湯似係紅燒牛肉湯，ok好味，不過啲豬軟骨唔太林。 服務大至幾好，除左收銀果位，明明有位都唔比入座，要攞飛，攞完飛又唔收，唔知攞黎仲乜。

去左好多次，今次星期一上到去有好多位，已經九點，入座時提醒十點要離開交枱。 首先試下一人份量的西班牙海鮮飯，份量唔算大，有蝦、青口、尤魚，啲飯有少少濕，岩我口味。 叫左個小食，風乾火腿薯波，因為無source, 火腿又唔算好咸，所以無乜味，普通。 千層麵，一黎到就聞到好香芝士味，非常吸引，點知一切就feel到中間夾住好多茄子，但茄子唔多夠淋，個皮好硬，我接受唔到…… 總括：下次會食delux二人份的海鮮飯，不過，一定唔會再叫千層麵。

見到咁多好評既泰國菜, 咁就黎試下啦, 去到坐最後一張枱, 唔駛等位。

叫左4樣野:
泰式生蝦刺身 - 用細杯裝住一杯一隻, total 8隻, 個汁唔算辣, 蝦肉爽口。小食拼盤 - 蝦餅正常, 豬頸肉o岩o岩熟所以唔油又爽, 串燒肉就好重香茅味, 不過個蝦春卷就麻麻, 無咩味。炒金邊粉 - 好大碟, 不過淡口左少少
飛天炒雜菜 - 有介蘭, 西蘭花等等, 好味但多油

佢仲有好多燒海鮮、甜品等等, 下次會再去試下其他野食, 同encore個生蝦刺身。

早前經過附近有多間餐廳，咁就搵間試下啦，叫左crab cake, carbonara, Australian Augus rib eye. 餐前個包，普普通通，加埋啲醋ok啦。 crab cake好好食，啖啖蟹肉，唔粉，值得食！ carbonara正常，個汁唔creamy, 唔叫好食。 個medium rare既 rib eye，無over cook, 第一啖幾香，再食多兩啖就唔對路，啖啖都係筋，我以為邊位先係筋，點知成舊都係，食到牙都軟…我咬唔斷，吞唔到…超失望。比咁既價錢食啲咁既野，我超灰囉，咁多選擇，我唔會再黎。

上網睇啲人話要打電話訂枱，我walk-in黎到就入得，全場滿。
叫左個泰式燒牛肉沙律，牛肉好多，瓜就比想像中少，好多生洋蔥好鬼辣，而個牛肉加埋個汁就好好食。
叫左個蟹肉粟米餅，只食到粟米味…好似有啲貨不對板…
加多個炒金邊粉同芒果糯米飯…泰國道地菜代表…
金邊粉都算ok, 不過環境唔同，總覺得泰國果啲夠鑊氣，呢到差啲…
結果到最期待既芒果糯米飯就最失望！
聲稱係泰國新鮮運黎既芒果，一黎到見到啲芒果肉唔係好黃，諗住泰國黎既實甜啦，好開心咁影完相，一食…就知奶野啦…酸到無朋友，大佬…酸到食唔到囉！啲糯米飯又香又軟，但個芒果咁酸，椰汁又唔得…唉…

總結，食物份量不多，大食既朋友預多啲…
啲野食一次過黎晒，張枱又無位，啲野食又快凍，好唔得囉…
仲要叫左好耐先有人攞甜品menu過黎…

八點去到, 竟然得一張枱食飯, 唔駛等位, 我地就衝左入去, 估唔到星期6既銅鑼彎呢間鋪頭竟然唔駛等位.

叫左個牛排肉, 雪花紋好平均, 有牛香不過冇入口即溶, 有少少咬感
豬頸肉, 好好多塊, 一路燒一路出油, 油左少少…
什錦海鮮有多春魚, 三文魚腩, 尤魚, 蝦同螺…
多春魚普通, 蝦係中size, 三文魚腩好大件, 好肥美, 但入口又唔算太多油…
海鮮燒餅, 真係有d尤魚o係入面, 不過無乜味, 要靠個汁先夠咸…

一讚個爐火力唔大唔細, 唔容易燒焦食物…
店員又勤力加茶, 可以再去~