見食得飯多好悶, 所以今次就去打個冷。

蠔仔粥一流呀!! ($58/碗/二人夠食) 雖然.....係有時有幾塊蠔殼, 不過味道就充滿蠔味, 裡面除左蠔仔, 仲會有D切左件O既大蠔, 所以先咁夠味。不過大家食O既時候都係小心D好~~

九菜豬紅抵食又好食~~!! ($38)

炒硯就麻麻喇~~ 得D 豆豉味....無辣味, 無鮮味, 都唔知食緊咩...

佢個生腸呢....我咁大個人都無見過咁鬼大條...都幾鬼核突...同埋味道認真麻麻...隻墨魚就不過不失啦~~!

服務OK啦~~ 去MK唔好要求咁高喇。反正佢地都OK NICE O既~~

好食!!!

OUTBACK 係要一大班人先有啖好食~~ 之前試過2條友去, 結果都食唔到D咩。今次4個人,就總算食得開心又好味~~

一O黎係佢送O既麵包, 竟然係全晚最好食之選。佢有陣淡淡O既黑糖香味, 又夠新鮮又夠熱~~ 真係好食到不得了。

cheese potato ($68) 好好食, 不過無4個人就唔好叫喇, 因為真係會食唔哂~~

Shrimp Caesar Salad ($108) 係有D唔抵食, 不過見會食咁多肉, 所以就叫個SALAD, 值得一讚係佢隻蝦~~ 新鮮彈牙~~ GOOD!

THE OUTBACKER ($88) BURGER超大份, 其實真係好抵食, 仲好似係送埋個湯添~~

16 PRIME ($246) 勁大份O既STEAK, 好食, 一份開4個人都好夠分~~!

PUSSY FOOT ($42), 其實當晚叫左好多杯飲品, 全部都係$42, 味道一般啦, 而且都幾細杯, 推薦大家都係點番ICE TEA, COKE 之類最抵玩, 因為有得無限REFILL, 都只係$32, 抵飲好多~~

甜品其實款款都差原多, CHOCO COOKIE ($42)就比THUNDER ($52) 少D NUTS 味, 而且雪糕加CREAM 加熱CAKE, 點都係好食D~~

環境開揚, 坐得舒服~~ 不過餐廳有點舊, 剛坐低時會聞到陣怪味

整體而言都非常之滿意, 不過就坐得舒服而言, 我都係PREFER CWB O個間會好D~!

經勁識飲識食O既朋友介紹, 今次O黎到新東記打邊爐。無BOOK位, 7點幾去到都有卡位坐, 非常之舒服~~
湯底款式勁多, 接近20款, 當中仲要有「泡菜豬骨湯」;「味菜胡椒豬肚湯」; 「叻沙湯」都有~~ 價錢由$58-168不等。
今次揀左麻辣同芫茜。($88) 2者都OK, 不太驚喜, 不太辣, 不過湯底入面竟然有豬肚呢吓真係估佢唔到~~! 哈哈~~ 都好好味~~
各樣料都非常新鮮, 鯇魚腩一流~~勁滑~~ ($48) 豬紅都好 ($38); 羊肉就更正, 不過怕"SO"O既就可能會怕怕。
炸魚皮都勁好味~~! ($38) 個牛就要$118一碟例。都幾貴, 不過佢地會好認真咁問你要D牛肥唔肥, 要幾肥。 最後叫左個爆醬蟹籽丸, 以為係D咩新奇O野啦, 原來都係街市賣O個D蟹籽丸, 被呃了~~ ($55)
另外仲叫左竹庶矛根飲, 都不過不失。 食完仲有糖水送, 開心。
唯一缺點係, D 位好近, 咁O岩撞正隔離2檯人都好鬼嘈, 食到個人無乜心機。一檯係一班太太大聲傾計, 大聲笑, 嘈到不得了; 再撞埋隔離檯一堆後生仔飲大左不停講粗口。哇....真係...都唔知點好。
除左呢個問題, 整體而言, 食物同服務都真係好好O既~~ D WAITER都好好服務~~ GOOD! 朋友果然係好介紹~~!! THANK YOU~~!!

清亭自從搬左之後, 食物質素就無再好似以前咁正, 不過比起同區O既越南食店, 佢都仲叫做好好味。不過好多時真係要睇大廚心情, 同一味O野, 可以次次都唔同味, 可以難食到死, 亦可以好食到傻。
烤牛肉粉係近期質素較穩定又好味之選 ($34), 味道非常之香口, 而且牛肉味好濃; 不過有時佢會煮到好肥, 攪到碗粉都肥埋; 問佢可唔可以分開上, 佢話要加$2, 簡直係不知所謂。
另一好味之選係「蒜蓉包」, 次次食都咁好味, 酷愛蒜蓉O既朋友必試。 ($20)
雪啡奶其實即係凍啡 ($25), 不過就係要等佢滴餾完, 攪好先倒入冰杯之內; 咖啡帶苦味, 但仍不失為一個好選擇。 記得唔好自己倒, 點都要叫D WAITER幫手倒, 因為倒到一檯都係時, 你又無得飲, 佢地又要抹, 大家都無癮啦~~ 而且杯O野都真係好熱!
可恨係佢地服務認真麻麻, D WAITER係反應好快呀, 不過收O野同趕客走O既態度亦係一流地快~~!

今次有張LUNCH 免費卷, 所以就同朋友去食個LUNCH。本來$168+10%一位, 依家有半價, 位位都係$85, 好鬼平。
食物REFILL 得好快, 而且一直都無話缺貨, 連生蠔都不停推出O黎, 抵食。
只係主打「和牛」就唔多見影, 要攞牌仔去換, 先得O個2小件。味道還可。
佢O既冬陰公湯好好味~~
H記雪糕任食, 抵番哂。
服務良好, 態度亦GOOD!

食完個LUNCH 開心哂~~~!

有日做完GYM 想食BURGER做TEA, 見成日食BURGER KING好鬼悶, 見開左FRESHNESS, 就即時走過去喇。

食物係即做, 所以好好味。牛肉BURGER勁多汁, 薯條勁脆~~ 而且仲有鮮花相伴, 非常過癮。

或者因為無咩客, 所以D員工都有D懶懶行。無咩服務可言。仲好似無乜點抹檯。

個裝修係云云咁多間FRESHNESS 入面最靚O既。坐得人好鬼開心~ 哈哈~~

只係...佢個門面有D怪...令我開頭以為佢只做TAKE AWAY, 無堂食。到我行左去另一邊先發現原來入面有得坐, 而個門口又好細, 勁怪。

最近去左hipot食lunch, lunch打邊爐實在係非常之過癮, 而且非常抵食。

一個set 有丸有菜有肉有粉, 仲包埋o野飲, 非常足料, 而且仲有3-4種湯底揀, 都只係$48, 又無加一。今次點左麻辣湯底, 都ok夠辣。

只係d 豉油味精好勁, 食完好口渴。

值得再讚係佢o既飲品, 雪梨茶同酸梅湯都做得好出色, 夠味,好正!

唯一死穴係: 服飾認真麻麻....佢地應該請多d人。

另外, 唔想打邊爐o既朋友, 佢地仲有炒粉麵同點心賣。當日所見,都有好多人點呢d set食, 而且仲幾好「鑊氣」添! 同埋都好似廿幾蚊就有交易, 抵食。

一個人o黎食都好ok, 因為d 位隔得好開, 幾好坐。

昨日等朋友之際, O係MK隨便揀左間CAFE坐吓, 結果就去O左呢度。

環境一般啦, 有D亂, 而且幾焗, 不過勝在無煙味。老闊態度非常之好, 見我地熱, 都即開冷氣, 再開埋冷氣風機。

叫左2杯SODA, 都係$32, 係平, 不過真係唔好飲。LIME Soda, 係有青檸肉, 不過咩味都無....

另一杯rose soda雖然係「人氣」作, 不過一樣無味...而且飲o左幾啖之後, 發現舌頭出現麻痺o既感覺...好驚...所以無再飲。呢種麻痺o既感覺一直維持到我走。

抵讚o既係, 老闆超nice。埋單時, 佢見我無飲到杯o野, 就好緊張咁問我杯o野係咪好難飲, 難飲佢即刻換畀我。我話算啦唔要, 佢找錢時就即刻送左張免費set dinner卷畀我。

會唔會再去就唔知喇, 不過老問誠意可嘉! 世間少見。希望佢會用心改善食物質素啦。

上樓CAFE出名貴, 無論去邊一間, 都係貴。所以, 你畀O個$50係咪值, 就在乎D O野好無飲好無食。

說實話, Termini Caffe O既環境並非最理由, 佢O既致命傷係「焗」, 只要廚房一煮O野食, 間CAFE就好焗。而且部冷氣亦不見得好涼好舒服。

但佢好O既地方, 係飲品同食品。

喜歡GREEN TEA O既朋友, 可以試試呢度O既蜂蜜綠茶, 係好簡單, 不過真係好好味, 非一般「道地」選擇。飲過2次, 2 次都保持水準。

LEMONADE就麻麻喇, 都係飲番佢O既咖啡比較好。

見有D 餓, 所以叫左個香蕉PANCAKE, 等左好耐之後, 佢竟然畀左一大盤CREAM我, 不過就好香, 而且仲散發住濃郁O既玉桂味。一刀切開, 就見到入面放滿香蕉, 朱古力味唔算好濃, 而個PANCAKE 唔係PANCAKE, 而係好似朱古力蛋糕咁, 不過就好重燕麥味。所以呢....嚴格O黎講, 佢絕對唔係PANCAKE, 係...一個DESSERT~ 你問我好無食?? 呀......不過不失啦。(<$60)

如果想坐得舒服D, 下午時間最少人, CWB咁多人, 坐吓係舒服好多, 不過佢D位唔太多, 而且只得2個梳化位, 睇你好無彩喇~

勁唔夠WAITER, 我懷疑樓面同廚房係同一個人, 所以每次都要等好耐好耐, 先會搵到人幫手。

都係O個句, 太焗喇。

金水壽司呢個名我日聽夜聽, 前陣子O係電視機晚晚對住「葉問」, 一路聽住「金水壽司」個名。今晚閒來想食壽司, 見隔離O既「板前」要等位, 所以就行過隔離食「打出真功夫」O既「金水壽司」。

三文魚刺身好食, 非常新鮮, $34 /4件, 質素算係非常之好。

但係個三文魚壽司... 一D都唔新鮮..大家都係三文魚O者, 點解會差咁遠? 仲要畀我見到, 佢一整就整左一大盤, 放O係個大膠盒度, 大約有80件, 由我坐底到我走, 佢都係一直放O係度唔理唔雪...有ORDER就拎幾件出O黎。唔怪得之咁O既質素啦...$10..食到肚痛就弊喇!

佢話無魚奶湯, 所以叫左個茶壺海鮮湯$25, 畀2隻清酒杯畀你, 用O黎飲湯用, 又話係人氣作...哇...老作就真...佢唔係湯..而係....好似日式蒸蛋O個D 水咁O既味...蛋水味...!? 我都唔識形容喇...個茶壺又要滴到一檯都係湯.....而且仲好細壺添。

其實壽司不過不失啦, 可取之處係, 落重料, 不過有D 手握壽司舊飯偏細.... 細到..好似平日食到O既一半。

環境麻麻, 檯底有得放袋, 但係我伸手入去時, 成個檯底都係水...隻手濕哂..都唔知係咩水O黎架....好污穢呀...嗚....

WAITER無乜禮貌。佢地畀O野你係就咁隊埋O黎就算, 又或者放底就行; 最可惡係, 佢攞壺滾湯過O黎時, 倒到我成張椅都係, 仲要一句SORRY都無, 連紙巾都無張。 哇...真係爭O個2,3吋位就倒落我大脾!! 真係未見過D咁「恩勤」O既服務呀!

唔......希望佢下次會有準步啦。