入正題~~~~
買廣東冬菇鮮蝦水餃~~
25蚊15隻都ok個幾一隻~
皮都薄係收尾個度會厚左有d韌
料幾多~唔算太多味精
每隻都有一隻蝦仁既份量度la~~
幾彈牙頗新鮮~~冬菇幾入味
同埋有d肥豬肉好香~~

不過cashier個度如果有效率少少會好d= =
唔好蝦細路!

之前好中意食佢個丹麥菠蘿包架
跟住後來停產過一陣搞到我都忘記左佢lu
見佢有番都冇諗過食
不過琴日經過見到就想買xd
丹麥菠蘿包
今朝用焗爐番熱
個皮唔同港式菠蘿皮
唔會變軟依然好脆
同埋應該加左d soda之類既野la
食落似cookies咁甜度ok~
個包身都好吃好有牛油香
但唔油膩食完冇頂住頂住
外面酥皮一咬即碎好似酥皮蛋tart
裡面麵包組織棉密一絲一絲~
同埋有少少咸先好味~~~~
本來想買芝麻酥同竽頭酥架不過已經冇la得番鳳梨酥唔制
見到有d halloween主題既野
可可番薯
睇相我仲以為係包一開始= =
係cookies皮入面有蕃薯蓉
一舊仔五蚊抵唔抵食自己衡量
買左兩個買既時候摸上手熱熱地試左一個先~
外皮脆度好似乾硬左既蛋糕
同cookies有點距離
可可味都有唔太甜
裡面既蕃薯蓉好正~!
食到應該冇乜點落糖甚至冇
質感好幼細
而且好實在
不過今朝食個個
d皮好軟lor

又黎喇@@
綠茶蛋黃
皮有些少艾草香~
dap落都有唔會得個色有少少甜味~
綠豆蓉不過不失都係咁
蛋黃碎好多
每一啖都feel到真係好多@@
幾甘香~~~~~~
燕窩
聖安娜個皮同大班既分別就係
薄d煙韌d同痴牙d同冇咁甜
裡面有d nuts不過放左入去就會軟身左
不過都有果仁味
燕窩唔算多有d嫌少
有冰糖既甜燕窩好碎同有d稀
唔算太大驚喜~

一路都覺得冰皮月餅大路黎講係大班同美心最正
今次友人送左張聖安娜月餅卷而佢又話幾好食就一於試下先
軟心朱古力
平時其他牌子佢話軟心
結果溶左雪好耐個心都係偏硬
但呢個非也
溶完雪都會聞一聞先
個皮好香沖黎飲個種朱古力味
塊皮算幾薄
有少少奶香
外層餡唔太甜但有少少鞋口唔夠滑
中間既朱古力先係重點
切開都好似想流咁
好濃朱古力味冇交行貨
又有少少甘味唔係一味死甜正呀~
hazelnut
都係皮較薄[比起x班]
個皮奶味重些少
hazelnut醬都幾重味同都幾smooth
中間既醬都係唔使講野
同個hazelnut好match~
芝麻
解凍得唔夠係我錯
我切完都有再擺多陣先食
外皮好濃天然既芝麻香並不是人工也
反而餡就麻麻地
太沙唔好食亦都冇乜芝麻味
同埋d nut好[ung]口

遲d再試下其他味再話俾大家知:}

呢排中秋好爽
口痕起上黎有個月餅過下癮
而且今年試左好多唔同牌子實在太好xdd
言歸正傳講下最有名既奶黃月餅
細細隻表面唔似廣式咁油令令
一拎起個皮好鬆軟@@好似蛋糕
聞落有好濃既奶味
食落奶黃好滑有黏性
食到少少椰漿味
而且有d蛋黃粒又加左幾點甘香
個皮呢就真係似蛋糕~~~~~@@
食完唔太膩幾正

中秋la~~~~~最近真係月餅當正餐= =
係city super手痕見到好多月餅counter
今年揀大同試下有得散買
雙黃綠豆蓉
一打開
個餅塌塌地都有d驚
我懷疑佢擺左一段時間
之後一切
我把刀算薄同利
但皮同個餅都分離左= =
好啦都算
試埋味道
感覺好散得個油字
個黃都叫有少少蛋黃香
綠豆蓉麻麻地滑亦冇豆香
好差
仲有正宗紅豆月餅~
姐係冇蛋黃既~~
呢個個shape都唔夠挺身個底好塌
個皮今次冇咁散
紅豆蓉實淨夠棉
都叫有d豆味
完全對大同失望
唔會再try
係咁多

黎灣仔搵人
順便搵下有咩食
買左個叉燒酥
三個半算係咁上下
拎到番家先有機會食不過
用焗爐焗左三分鐘再叮左二十秒等佢逼番少少油
有剛剛出爐既感覺又可以減低少許罪惡感xddd
雖然酥皮係好油但冇理由勁到張紙透底兼搞到我成手油
食落冇牛油香
應該落起酥油同菜油做
脆係幾脆不過唔鬆化
而且酥皮好厚
叉燒ok
d肥豬肉粒唔膩之餘又幾爽幾香
不過瘦肉冇乜
個汁太稀令到內部d皮會糊口
不過唔咸個味同酒樓個d差不多
可惜食完唔方有下次

好耐冇寫呢間啦xdd
今次冇合桃蛋糕{終於}
試左個蛋白蛋糕
佢係蒸蛋糕所以成個都白雪雪
叮左二十秒
叮完好香蛋白味
met黎食既時候都feel到好鬆軟
內部只係有幾個大氣孔
其餘都係好棉棉密密既小孔
食落好有彈性
可以用枕頭形容xd
蛋白味真係好濃
而且一個幾飽因為佢好吸水
唯一要挑剔既只係佢可以再少d糖~~~

就黎食月餅食到出特集
今次食乳酪朱古力
well見到朱古力三個字正路個餡應該是啡色之類啦
一食首先唔知做咩失手皮一邊厚一邊薄
兩者相差一倍
接住綠豆蓉冇咩特別la都係咁
食到差不多中間位就諗個餡呢???
可能燈光問題la
著燈睇笑左
淺黃色來的
請饒恕我既愚昧
如果係白朱古力既話咁當我唔識野
問題係
一d朱古力味都冇
得乳酪味
而且隻味係好似細個食開一隻酸乳糖咁
唔好買呀= =

今日係暑假last day
不過都去下補習過埋呢日
買左碗蕃薯糖水外賣
本應七蚊但外賣加一元
一打開有四舊有兩舊特別大
都唔錯ga la
飲左啖糖水先
甜度ok有蕃薯香氣係度
薑味都有不過唔夠滿記咁濃咁正
唔太辣反而唔夠喉
蕃薯勉強叫粉
但冇入口即溶
而且有舊有根
即係舊蕃薯老過頭
如果冇咩要求原價七蚊算抵既
但情願貴多少少食碗仲好既吧la